Tweet
Արծրուն Հովհաննիսյան․ Պատահածը հակառակորդի «ուղիղ ազդեցության հետևանք չէ»
Նոյեմբեր 22, 2017
Երեկ երեկոյան Ղարաբաղի հյուսիսարևելյան ուղղությամբ տեղակայված զորամասերից մեկի պահպանության տեղամասի մարտական դիրքում ինժեներական աշխատանքներ կատարելիս, հակատանկային ականի պայթյունի հետևանքով երեք զինծառայող է զոհվել՝ 22-ամյա Գեղամ Զաքարյանը, 19-ամյա Սարգիս Աբրահամյանը և 20-ամյա Սարգիս Մելիքյանը:
Լեռնային Ղարաբաղի պաշտպանության նախարարության մամուլի ծառայությունը հայտնում է, որ 19-ամյա զինծառայող Նարեկ Հովեյանը ստացել է ականապայթյունային վիրավորում, նրա վիճակը գնահատվում է ծանր:
Պաշտպանության նախարարության մամուլի խոսնակ Արծրուն Հովհաննիսյանի փոխանցմամբ, Քննչական կոմիտեն քրեական գործ է հարուցել «զենքի, ռազմամթերքի հետ վարվելու կանոնները խախտելու հոդվածով, որն անզգուշությամբ առաջացրել է երկու կամ ավելի անձանց մահ»․ - «Ավելի մանրամասն ներկայացնել չեմ կարող: Որոշակի մարտական իրավիճակից ելնելով՝ առանձնահատկություններ ունեն, գաղտնիքներ են պարունակում: Երեք զինծառայող, ցավոք, մահացու վիրավորում է ստացել, մեկը ծանր վիրավորվել է: Այս պահին գտնվում է Ստեփանակերտում․ կատարվել է համապատասխան բուժական միջամտություն, հնարավորության դեպքում կփորձենք տեղափոխել Երևան»:
Հարցին, թե արդյոք պատահածը կանոնների չպահպահման հետևանք է, Հովհաննիսյանն արձագանքեց․ - «Նախ, վարվում է քրեական գործ և, ինչպես միշտ, ծառայողական քննություն: Հետևաբար դրանից առաջ չեմ կարող նման գնահատականներ տալ: Բայց միշտ չէ, և որ պարտադիր պիտի ինչ-որ կանոնների խախտում լինի: Ի վերջո իրավիճակներ կան մարտական, երբ որ, ցավոք, հետևանքներից խուսափել չի լինում»:
Իսկ հարցին, թե արդյոք միջադեպը հակառակորդի հարձակման հետևանք է, Հովհաննիսյանը պատասխանեց․ - «Ուղիղ ազդեցության հետևանք չէ»:
Իրավապաշտպան Արթուր Սաքունցի խոսքով՝ սա վերջին մեկ տարվա ընթացքում արդեն երկրորդ նմանատիպ դեպքն է: Երկու ամիս առաջ, հիշեցնենք, Ղարաբաղում ականի պայթյունից մահացել էր Պաշտպանության բանակի զինծառայող, 19-ամյա Հայկ Խաչատրյանը:
«Ակնհայտ է, որ մենք գործ ունենք մի քանի կարևոր խնդիրների հետ: Առաջինը դա զենքի պահպանման կանոններին հետևելն է: Երկրորդը, եթե ականի պայթյուն է տեղի ունեցել, ապա պետք է ենթադրել, որ զինծառայողները կա՛մ չեն ունեցել համապատասխան պատրաստվածություն ականների հետ գործ ունենալու, կա՛մ ականները գտնվել են այնպիսի պայմաններում, ասենք՝ ականապատված տարածք է, որի մասին զինվորները տեղյակ չեն եղել: Կարող է լինել մյուս հանգամանք․ որ իմացել են ականապատված տարածքի մասին, սակայն զինծառայողները ինչ-ինչ համգամանքներում հայտնվել են այդ ականապատված տարածքում: Տվյալների սղությունը թույլ չի տալիս վերջնական եզրակացություն կազմելու, բայց, հաշվի առնելով, որ զինծառայողները ունեն հրամանատարներ և նրանք գտնվում են զինծառայության մեջ, հետևաբար խնդիրը վերաբերվում է պատշաճ զինվորական հսկողության հրամանատարների ոչ պատշաճ աշխատանքին»:
Արդյո՞ք պաշտպանության նախարար վիգեն սարգսյանի նախաձեռնությամբ ստեղծված զինծառայողների ապահովագրության հիմնադրամը կկանգնի զոհված զինծառայողների ընտանիքների կողքին, կաջակցի ականի պայթյունից վիրավորված զինծառայողին: Հիմնադրամի տնօրեն Վարուժան Ավետիքյանն ասաց, որ նախ իրենց պետք է դիմի պաշտանության նախարարությունը՝ դեպքի քննության ավարտից հետո․ - «Հատուցվում է այն դեպքերը, որոնք տեղի են ունեցել մարտական հերթապահության ժամանակ կամ մարտական առաջադրանք կատարելիս: Մարտական առաջադրանք կատարելը կամ մարտական հերթապահության մեջ լինելը հաստատվում են հրամանով: Բացի այդ, այն դեպքերն են հատուցվում, որոնք դիտավորությամբ կատարված հանցագործության արդյունք չեն: Եթե տվյալ գործը համապատասխանում է օրենսդրության այդ պահանջին, ապա Պաշտպանության նախարարությունը մեզ ուղարկում է այդ գործը, և մենք այդ հայտի հիման վրա կատարում ենք փոխհատուցումները»:
Լեռնային Ղարաբաղի Նախագահ Բակո Սահակյանը այսօր հրամանագիր է ստորագրել, որով զոհված զինծառայողներին՝ հետմահու պարգևատրվել են «Մարտական ծառայություն» մեդալով։
Նոյեմբեր 22, 2017
Երեկ երեկոյան Ղարաբաղի հյուսիսարևելյան ուղղությամբ տեղակայված զորամասերից մեկի պահպանության տեղամասի մարտական դիրքում ինժեներական աշխատանքներ կատարելիս, հակատանկային ականի պայթյունի հետևանքով երեք զինծառայող է զոհվել՝ 22-ամյա Գեղամ Զաքարյանը, 19-ամյա Սարգիս Աբրահամյանը և 20-ամյա Սարգիս Մելիքյանը:
Լեռնային Ղարաբաղի պաշտպանության նախարարության մամուլի ծառայությունը հայտնում է, որ 19-ամյա զինծառայող Նարեկ Հովեյանը ստացել է ականապայթյունային վիրավորում, նրա վիճակը գնահատվում է ծանր:
Պաշտպանության նախարարության մամուլի խոսնակ Արծրուն Հովհաննիսյանի փոխանցմամբ, Քննչական կոմիտեն քրեական գործ է հարուցել «զենքի, ռազմամթերքի հետ վարվելու կանոնները խախտելու հոդվածով, որն անզգուշությամբ առաջացրել է երկու կամ ավելի անձանց մահ»․ - «Ավելի մանրամասն ներկայացնել չեմ կարող: Որոշակի մարտական իրավիճակից ելնելով՝ առանձնահատկություններ ունեն, գաղտնիքներ են պարունակում: Երեք զինծառայող, ցավոք, մահացու վիրավորում է ստացել, մեկը ծանր վիրավորվել է: Այս պահին գտնվում է Ստեփանակերտում․ կատարվել է համապատասխան բուժական միջամտություն, հնարավորության դեպքում կփորձենք տեղափոխել Երևան»:
Հարցին, թե արդյոք պատահածը կանոնների չպահպահման հետևանք է, Հովհաննիսյանն արձագանքեց․ - «Նախ, վարվում է քրեական գործ և, ինչպես միշտ, ծառայողական քննություն: Հետևաբար դրանից առաջ չեմ կարող նման գնահատականներ տալ: Բայց միշտ չէ, և որ պարտադիր պիտի ինչ-որ կանոնների խախտում լինի: Ի վերջո իրավիճակներ կան մարտական, երբ որ, ցավոք, հետևանքներից խուսափել չի լինում»:
Իսկ հարցին, թե արդյոք միջադեպը հակառակորդի հարձակման հետևանք է, Հովհաննիսյանը պատասխանեց․ - «Ուղիղ ազդեցության հետևանք չէ»:
Իրավապաշտպան Արթուր Սաքունցի խոսքով՝ սա վերջին մեկ տարվա ընթացքում արդեն երկրորդ նմանատիպ դեպքն է: Երկու ամիս առաջ, հիշեցնենք, Ղարաբաղում ականի պայթյունից մահացել էր Պաշտպանության բանակի զինծառայող, 19-ամյա Հայկ Խաչատրյանը:
«Ակնհայտ է, որ մենք գործ ունենք մի քանի կարևոր խնդիրների հետ: Առաջինը դա զենքի պահպանման կանոններին հետևելն է: Երկրորդը, եթե ականի պայթյուն է տեղի ունեցել, ապա պետք է ենթադրել, որ զինծառայողները կա՛մ չեն ունեցել համապատասխան պատրաստվածություն ականների հետ գործ ունենալու, կա՛մ ականները գտնվել են այնպիսի պայմաններում, ասենք՝ ականապատված տարածք է, որի մասին զինվորները տեղյակ չեն եղել: Կարող է լինել մյուս հանգամանք․ որ իմացել են ականապատված տարածքի մասին, սակայն զինծառայողները ինչ-ինչ համգամանքներում հայտնվել են այդ ականապատված տարածքում: Տվյալների սղությունը թույլ չի տալիս վերջնական եզրակացություն կազմելու, բայց, հաշվի առնելով, որ զինծառայողները ունեն հրամանատարներ և նրանք գտնվում են զինծառայության մեջ, հետևաբար խնդիրը վերաբերվում է պատշաճ զինվորական հսկողության հրամանատարների ոչ պատշաճ աշխատանքին»:
Արդյո՞ք պաշտպանության նախարար վիգեն սարգսյանի նախաձեռնությամբ ստեղծված զինծառայողների ապահովագրության հիմնադրամը կկանգնի զոհված զինծառայողների ընտանիքների կողքին, կաջակցի ականի պայթյունից վիրավորված զինծառայողին: Հիմնադրամի տնօրեն Վարուժան Ավետիքյանն ասաց, որ նախ իրենց պետք է դիմի պաշտանության նախարարությունը՝ դեպքի քննության ավարտից հետո․ - «Հատուցվում է այն դեպքերը, որոնք տեղի են ունեցել մարտական հերթապահության ժամանակ կամ մարտական առաջադրանք կատարելիս: Մարտական առաջադրանք կատարելը կամ մարտական հերթապահության մեջ լինելը հաստատվում են հրամանով: Բացի այդ, այն դեպքերն են հատուցվում, որոնք դիտավորությամբ կատարված հանցագործության արդյունք չեն: Եթե տվյալ գործը համապատասխանում է օրենսդրության այդ պահանջին, ապա Պաշտպանության նախարարությունը մեզ ուղարկում է այդ գործը, և մենք այդ հայտի հիման վրա կատարում ենք փոխհատուցումները»:
Լեռնային Ղարաբաղի Նախագահ Բակո Սահակյանը այսօր հրամանագիր է ստորագրել, որով զոհված զինծառայողներին՝ հետմահու պարգևատրվել են «Մարտական ծառայություն» մեդալով։
Comment