Who owns what in Armenia

[Vrej1915]

160 հազար դրամ ստացող, աղմկահարույց պատմություններով անցած ՔԿՀ պետն ու նրա ունեցվածքը
«Ժողովուրդ»

21.09.2017

«Ժողովուրդ» թերթը գրում է. «160 հազար դրամ ստացող «Նուբարաշեն» ՔԿՀ պետ Սերոբ Հարությունյանը կարողացել է բավականին գումար կուտակել, իսկ թե ինչպես, դժվար է կանխատեսել:

Ուսումնասիրելով նրա պաշտոնական հայտարարագիրը՝ արձանագրում ենք, որ նա ունի մեկ բնակարան, երկու ավտոտնակ եւ մեկ «Մերսեդես Բենց» ավտոմեքենա: Ավելին՝ ըստ պաշտոնական հայտարարագրի՝ նա ունի 16 մլն դրամ եւ 53 500 դոլար:

Ի դեպ, որպես եկամուտ աղմկահարույց պատմություններով անցած ՔԿՀ պետը հայտարարագրել է իր աշխատավարձը, որն ամսական կազմում է 160 հազար դրամ:

Հետաքրքիր է, թե ինչպես է հաջողացրել ամսական 160 հազար դրամ աշխատավարձ ստացող ՔԿՀ պետը այսքան գումար, միգուցե ոստիկանության համակարգում լինելու տարիների՞ն է կարողացել այն կուտակել:

Հիշեցնենք, որ 2016 թվականի մարտի 2-ին ՀՀ ոստիկանության պետ Վլադիմիր Գասպարյանը Սերոբ Հարությունյանին հեռացրեց ՀՀ ոստիկանության Կոտայքի մարզային վարչության պետի պաշտոնից: Ըստ լուրերի՝ պատճառն այն է, որ Հարությունյանը «կրիմինալի» հետ խնջույքների է մասնակցել»:

Առավել մանրամասն՝ թերթի այսօրվա համարում

[Vrej1915]

Հանքերի տիրակալները. ո՞վքեր են Հայաստանի հանքատեր պաշտոնյաները

[Hakob]

So, this parasite that officially makes under $15000 a year from government pay, has amassed $1.5 million fortune. He wouldn't make that honestly in 100 years.
Whats funny, he is the prosecutor of special circumstance cases, like big corruption.
And now they don't even care to hide it.

Դատախազության ՀԿԳ վարչության «համեստ» պետը. նա հայտարարագրել է շուրջ 1,5 մլն դոլար
00:15, 01.10.2017
Տարածաշրջան:Հայաստան
Թեմա:Քաղաքականություն


Գլխավոր դատախազության հատկապես կարեւոր գործերով քննության վարչության պետ Վահագն Մուրադյանը թաքնված միլիոնատար է:

Բարձրաստիճան պաշտոնատար անձանց էթիկայի հանձնաժողով ներկայացրած հայտարարագրով 2013թ.-ից ՀԿԳ վարչության պետ նշանակված Վահագն Մուրադյանն ունի 7 բնակարան, բազմաբնակելի շենքի տարածքում 2 ոչ բնակելի տարածք, 1 առանձնատուն, արտադրական նշանակության շինություն եւ 2 ավտոտնակ: Ամենաուշագրավը թերեւս 45-ամյա դատախազի հայտարարագրած գումարն է. պաշտոնը ստանձնելու օրվա դրությամբ նա ունի 68 մլն դրամ, 660 հազար ԱՄՆ դոլար, 180 հազար եվրո: Նա հանձնել է այս ընթացքում նաեւ փոխառություններ՝ ընդհանուր առմամբ, 200 հազար ԱՄՆ դոլարի չափով: Ի դեպ, այս տարվա այս 7 ամիսներին նա ստացել է ընդամենը 4 մլն դրամի չափով աշխատավարձ:

Նշենք, որ Վահագն Մուրադյանը երկարամյա փորձ ունեցող դատախազ է: Մինչեւ ՀԿԳ վարչության պետ նշանակվելը նա եղել է Արմավիրի մարզի դատախազը:

[Vrej1915]

Լարվածության նոր ալիք է սպասվում Ջավախքում. այս անգամ՝ Տաբածղուր գյուղում

Քրիստինե Աղալարյան


3 հոկտեմբերի, 2017

Վրաստանի տեղական ինքնակառավարման մարմինների ընտրություններին ընդառաջ մրցակից ուժերը փորձում են լարվածության տարբեր ալիքներ առաջացնել Սամցխե-Ջավախքի տարածաշրջանում: Այդ նպատակով օգտագործում են տեղի հայ բնակիչներին և նրանց հուզող հիմնախնդիրները՝ հրահրելով նորանոր միջադեպեր:

Օրերս Ախալքալաքի շրջանի Գումբուրդո գյուղում տեղի ունեցած խաչքարի տեղադրումը բախման առիթ դարձավ և տարաբնույթ մեկնաբանությունների տեղիք տվեց՝ ռուս-ադրբեջանական սադրանքից մինչև վիճահարույց եկեղեցիների հարցին լուծում չտված հայ-վրացական եղբայրական հարաբերությունների անորոշ կարգավիճակ:

«Հետք»-ը քիչ առաջ ահազանգ ստացավ նաև Սամցխե-Ջավախքի Բորժոմի շրջանի Տաբածղուր գյուղիբնակիչներից: Այստեղ էլ կրկին թեժացել է Տաբածղուր լճում ձկնորսության հարցը: Հիշեցնենք՝ Տաբածղուր լիճը վարձակալության պայմանագրով հանձնվել էր ՀՀ ԱԺ նախկին պատգամավոր Վարդան Այվազյանի հիմնադրած «Լճեր» ՍՊԸ-ին, որը գյուղացիներին արգելել էր այլևս լճից օգտվել:

Վարդան Այվազյանի մտերիմներն այս ամառ հայտարարել են, որ իրենք իբրև թե այլևս գործ չունեն լճի հետ, և լճի նկատմամբ իրենց իրավունքը վաճառել են Տաբածղուր գյուղում գտնվող հյուրանոցի սեփականատիրոջը՝ Զազա Սարալիձեին: Սակայն գյուղացիները չեն հավատում Այվազյանի այս քայլին և վստահ են, որ նա պարզապես ցանկացել է թիկունքում մնալ՝ իր անվան հետագա շահարկումից խուսափելու համար: Փոխարենը վրացի գործընկերոջն է լիազորություններ տվել հարցը վերջնականապես լուծելու և լիճը գյուղացիներից խլելու նպատակով:

Ինչ է տեղի ունեցել իրականում: Համաձայն Վրաստանի ընկերությունների գրանցման պետական ռեգիստրի փաստաթղթերի, «Լճեր» ՍՊԸ-ի բաժնեմասն այս տարվա հունիսի 11-ին Վարդան Այվազյանի զարմիկը՝ Արմեն Այվազյանը, ով ընկերության 100 տոկոս բաժնեմասի իրավատերն էր, վաճառել է բաժնեմասի 50% -ը Զազա Սարալիձեին: Մնացյալ 50 % -ը դեռևս Այվազյանի զարմիկի անվամբ է:

Այն, որ Արմեն Այվազյանն անմիջականորեն կապ ունի Վարդան Այվազյանի հետ, ցույց է տալիս նաև ՀՀ ընկերությունների պետական ռեգիստրում Այվազյանների ընտանիքին պատկանող ընկերություններում Արմենի ներկայությունը: Օրինակ՝ «Այգես» ՍՊԸ-ում, որը պատկանում է Վարդան Այվազյանի որդուն՝ Սուրեն Ավյազյանին, Արմեն Այվազյանը տնօրեն է:

«Լճեր» ՍՊԸ-ի բաժնեմասի առք ու վաճառքի պայմանագրում գործարքի գինը կազմել է 125 հազար դոլարին համարժեք լարի, որը գնորդը պարտավորվել է վճարել 3 տարվա ընթացքում:

Զազա Սարալիձեին այս գործարքում ներկայացնում է Խաշուր քաղաքում գրանցված հայազգի Գիորգի Կարաղյանը:

«Հետք»-ի հետ զրույցում Տաբածղուր գյուղի բնակիչ Հովհաննեսը պատմեց, որ հոկտեմբերի 5-ին լճի նոր համասեփականտերն այցելելու է գյուղ, սպառնացել են, որ հատուկ ջոկատայիններ են բերելու, որպեսզի լճի հարցը վերջնականապես կարգավորեն: Սակայն Տաբածղուր գյուղի բնակիչները մարտական են տրամադրված:

Բացի դրանից, գյուղացու ասելով, նոր համասեփականատերը Վրաստանի ընդդիմության թևի ներկայացուցիչ է, և այս հարցը ևս քաղաքական նպատակներով է ցանկանում օգտագործել: Հետևաբար, հոկտեմբերի 5-ին ողջ գյուղը ոտքի է կանգնելու, որպեսզի թույլ չտա ո´չ քաղաքականացնել հարցը, ո´չ էլ լճին տիրանալ:

[Vrej1915]

Բնապահպանի նշած փլուզման վտանգի առջև կանգնած առանձնատունը Լիսկայինն է. «ՀԺ»

2017-10-14

«Հայկական ժամանակ» թերթը գրում է. «Աղետների ռիսկերի կառավարման բնագավառում ազգային կարողությունների զարգացումը» թեմայով խորհրդարանական լսումների ժամանակ «Հանուն կայուն մարդկային զարգացման» ասոցիացիայի ազգային կոմիտեի նախագահ Կարինե Դանիելյանն անդրադառնալով անկախության տարիներին մայրաքաղաքում կատարված քաղաքաշինությանը, այն որակեց հակաէկոլոգիական, իսկ լրագրողների հետ զրույցում անդրադառնալով «մոնումենտում» կառուցվող շքեղ առանձնատներին, խիստ ուշագրավ դիտարկում արեց: Վերջինիս խոսքով` այդ առանձնատները կառուցվում են սողանքավտանգ գոտում եւ չի բացառվում, որ սողանքի պատճառով օրերից մի օր դրանք կփլուզվեն:

«Մոնումենտից դեպի Սարի թաղ տանող առանձնատները վտանգված են, այդտեղ սողանքային գոտիներ կան: Անձրեւների պատճառով մի օր սողանքը կատիվանա եւ այդ տները կփլուզվեն: Ես չգիտեմ՝ ինչու են տերերը ձգտում այդտեղ կառուցել իրենց տները, երեւի ուզում են մեզ վերեւից նայել»,- ասաց բնապահպան Կարինե Դանիելյանը:

Բոլորին է հայտնի, որ Մոնումենտում աչքի ընկնող շքեղությմաբ առանձնատներ ունեն վարչապետ Կարեն Կարապետյանը, ՊԵԿ նախագահ Վարդան Հարությունյանը, նախկին վարչապետ Հովիկ Աբրահամյանը, իսկ Մոնումենտից դեպի Սարի թաղ տանող ճանապարհին գտնվում է Սյունիքի նախկին մարզպետ Սուրիկ Խաչատրյանի`Լիսկայի տունը:

Ասել է թե, եթե «Մունումենտից» Սարի թաղ տանող հատվածը սողանքային է, ապա այդտեղ կառուցված միակ առանձնատունը՝ Սուրիկ Խաչատրյանի, տունը սողանքային գոտում է, այսինքն՝ ուղղակիորեն փլուզման վտանգի տակ»:

Առավել մանրամասն՝ թերթի այսօրվա համարում

[Vrej1915]

Սուրիկ Խաչատրյանի Երևանի առանձնատունը՝ երկնքից

[Vrej1915]

Հովիկ Աբրահամյանի՞նն է նոր առանձնատունը

[Hakob]

Հովիկ Աբրահամյանի՞նն է նոր առանձնատունը

Ashkharums inch kuzei
Yerevan@ ims liner
Manumenti pati mijin
Anmahakan Dunes liner.

I didn’t know that Zakh Harout’s song was not an innocent wish satire, but mentality of some oligarkhs.
Just the words “Yerevan@ imes liner” feels very scary now.
Because it looks like is the reality of unsatisfiable greed that may even go “Hayastan@ ims liner” for some.

[Hakob]

Սուրիկ Խաչատրյանի Երևանի առանձնատունը՝ երկնքից

Looks like a fortress.

[Vrej1915]

Սամվել Ալեքսանյանի եղբորորդի թաղապետի ահռելի ունեցվածքը. news.am

• Lragir.am
• Ներքին կյանք - 29 Հոկտեմբերի 2017,

ԱԺ ՀՀԿ խմբակցության պատգամավոր, գործարար Սամվել Ալեքսանյանի եղբարորդին՝ Մալաթիա-Սեբաստիա վարչական շրջանի ղեկավար Արտակ Ալեքսանյանը շատ երիտասարդ տարիքում հասցրել է ահռելի կարողություն կուտակել:



2013թ.-ից Մալաթիա-Սեբաստիա վարչական շրջանի ղեկավար նշանակված, 29-ամյա Արտակ Ալեքսանյանն առաջին անգամ է հայտարագիր ներկայացնում: Ըստ այդմ, նա ունի 4 թանկարժեք ավտոմեքենա՝ TOYOTA COROLLA 1.6, BENTLEY MULSANNE, ROLLS-ROYCE GHOST եւ BMW X6, ինչպես նաեւ 1 բեռնատար ավտոմեքենա:



Սամվել Ալեքսանյանի եղբորորդի թաղապետը, պարզվում է, միլիոնատեր է. նա ունի 368 մլն դրամի բաժնետոմսեր, 180 մլն դրամ, 1 մլն 250 հազար ԱՄՆ դոլար, 620 հազար եվրո: Հատկանշական է, որ Արտակ Ալեքսանյանը որեւէ անշարժ գույք չի հայտարարագրել: Ու այս տարի միլիոնատեր թաղապետի աշխատավարձը կազմել է ընդհանուր 1 մլն 430 հազար դրամ:



Նշենք, որ Արտակ Ալեքսանյանը 2011թ.-ից աշխատում է Մալաթիա-Սեբաստիա վարչական շրջանում` որպես վարչական շրջանի ղեկավարի տեղակալ: 2013 թ. նշանակվել է Մալաթիա-Սեբաստիա վարչական շրջանի ղեկավար: