Military Forces of the Republic of Armenia

[Vrej1915]

Re: Military Forces of the Republic of Armenia

Հակառակորդին պետք է սարսափեցնող պատասխան տալ. սահմանամերձ Դովեղում խիստ մարտական են տրամադրված
2015-09-26

Սեպտեմբերի 22-ից կրակոցները հաճախակի են դարձել: Այս մասին «Առաջին լրատվական»-ի հետ զրույցում նշեց Դովեղ համայնքի ղեկավար Սամվել Գորգինյանը;

Վերջինիս խոսքով՝ այժմ գյուղում զգուշավորություն է. եթե կրակոցներ լինեն, արդեն արագ անվտանգության հնարավոր միջոցներ կձեռնարկեն:

Ըստ համայնքապետի՝ մեր կողմից պետք է ոչ թե համապատասխան միջոցառումներ ձեռնարկվեն, այլ պետք է լինի սարսափեցնող պատասխան, որպեսզի հակառակորդի սանձարձակ գործողությունները կանխվեն:

[Vrej1915]

Re: Military Forces of the Republic of Armenia

Սեպտեմբեր 26 2015

http://168.am/2015/09/26/542324.html

«Ամեն կրակող պետք է իմանա, որ նույն օրը մահանալու է, ու այդ գնդակը վերադառնալու է իրեն». Մանվել Սարգսյան

Մեր զրուցակիցն է Ռազմավարական և ազգային հետազոտությունների հայկական կենտրոնի ղեկավար Մանվել Սարգսյանը:

– Պարոն Սարգսյան, հայ-ադրբեջանական սահմանին լարվածությունը շարունակվում է, հայկական կողմում կրկին զոհեր և վիրավորներ կան, իսկ հակառակորդն անցել է խոշոր տրամաչափի զինատեսակների կիրառմանը: Ինչպե՞ս եք գնահատում այս իրավիճակը:

– Շատ բարդ իրավիճակ է ստեղծվել, երբ արդեն խոշոր զենքեր են օգտագործում: Ընդհանրապես պետք է գնահատել այս քաղաքականության արդյունավետությունը, որովհետև առաջին գծում տեղակայված մեր զինծառայողներն անզոր են մնում: Այստեղ նոր ռազմական քաղաքականություն է պետք, որպեսզի ավելորդ զոհերից խուսափենք: ՀՀ ՊՆ նոր հայտարարությունում, կարծես, այդ միտքն է արտացոլվում, որ անցած 20 տարիների մեթոդոլոգիան, որով պահպանվում է շփման գիծը, արդեն չի կարող գործել: Թե ինչ նոր մարտավարություն կընդունվի, պետք է որոշել և պետք է հաշվարկել, թե ինչքանով է արդյունավետ ու նպատակահարմար՝ մեր հենակետերով շփման գիծը պահել: Ադրբեջանը փոխել է իր քաղաքականությունը դեռ անցած տարի օգոստոսից հետո, փորձում է նոր ձևեր գտնել, հեռացրել է իր դիքերը: Արդեն իսկ սկսել են հրետանին օգտագործել, հիմա էլ, կարծես, ավելի արդյունավետ են ուզում սարքել այդ մոտեցումը, որովհետև նրանք էլ կարծես հասկացել են, որ հին ձևով հնարավոր չէ պահել այդ գիծը: Նոր վիճակ է, պետք է նոր քաղաքականություն մշակել, որովհետև այսպես շարունակելու դեպքում՝ կորուստները շատ կլինեն:

– Հատկապես խաղաղ բնակչությանն են կարծես թիրախ դարձրել:

– Խաղաղ բնակչությանը հարվածելը նորություն չի, դա պրովոկատիվ տարր է: Այն, ինչ տեղի ունեցավ երեկ Ղարաբաղում, այնտեղ էլ պրովոկացիոն տարրեր կային, Թալիշ գյուղի վրա էին կրակել, որից հետո անցել էին հրետանուն: Դա փոխկապակցված է, լրիվ նոր որակի հարաբերություններ են ստեղծվում, պետք է ռազմական մասնագետները սա հասկանան և համապատասխան ռազմավարություն մշակեն:

– Ամեն անգամ, երբ միջազգային որևէ հարթակում հայ-ադրբեջանական հանդիպում է լինում, օրինակ, ինչպես այսօր Նյու Յորքում՝ ՀՀ և Ադրբեջանի արտգործնախարարների հանդիպումը, ադրբեջանցիներն ավելի ագրեսիվ են դառնում:

– Այո, տարիներ շարունակ Ադրբեջանը բացահայտ ասում է, որ շփման գծում դեպքերն իրենց ռազմական դիվանագիության մասն են, սա էլ հստակ քաղաքականություն է, որը ստեղծում է համապատասխան մթնոլորտ, երբ այս կամ այն հանդիպումը պետք է լինի, կամ փորձում են խուսափել հանդիպումից: Ավելի էական նշանակություն ունի հենց շփման գծում այդ մարտավարությունը, որովհետև նոր դեմքեր են դուրս եկել, նոր մոտեցումներ են, և Ադրբեջանը սկսել է իսկապես շատ հմուտ դա օգտագործել քաղաքականություն վարելու համար: Հիմա կարծես ՊՆ-ն նույնպես կոնցեպտ է ձևակերպել, որ օգտագործել են խոշոր զենքեր՝ բանակցային պրոցեսի վրա ազդելու համար: Իրար հետ կապված տարրեր են, ժամանակակից պատերազմներն այդպիսին են: Մեծ խնդիրներ եղել են, իհարկե, քաղաքականության մեջ, որովհետև ինչպե՞ս հնարավոր եղավ մեծ զենքեր օգտագործել, նախկինում դա հնարավոր չէր, ինչպե՞ս եղավ, որ միակողմանի մեր ռազմավարական դաշնակիցը սկսեց ազատ զենք վաճառել մեր հակառակորդին, այս ամեն ինչը կուլ գնաց, քաղաքականություն չվարվեց՝ կասեցնելու դա, ինչը թույլ տվեց Ադրբեջանին անցնել խոշոր զենք կիրառելուն: Սա է խնդիրների խնդիրը: Հիմա, իհարկե, պետք է նոր զսպող գործոն ստեղծենք, որ արդեն թույլ չտանք զարգանա:

– ԼՂՀ ՊԲ և ՀՀ ՊՆ տարածած հաղորդագրություններում ակնարկվում և խոսվում է համարժեք պատասխան գործողությունների մասին: Դրա շարունակությունն արդյո՞ք լայնածավալ պատերազմը չի լինի:

– Ես չեմ հասկանում՝ «համարժեք պատասխանն» ինչ է, դրա նպատակն ինչ է, ես հասկանում եմ, որ, եթե մի երկիր ռազմական քաղաքականություն է վարում, նա ունի նպատակ, և, եթե դուք ուզում եք զսպեք, դա հասկանալի է, եթե ուզում եք պատժել, որը նույնպես զսպող գործողություն է, ևս հասկանալի է, եթե ուզում եք դիրքեր բարելավեք՝ հասկանալի է, բայց հանընդհանուր այդ համարժեքն ի՞նչ է, պարզ չէ: Եթե իրենք խփել են 5 հոգու, եկեք մենք խփենք 25 հոգո՞ւ: Դա փողոցային քաղքենիական լեզու է և ոչ մի կապ չունի քաղաքականության հետ: Ամեն մի կրակոց պետք է ունենա պարզ, հստակ նպատակ, թե դուք դրանով ինչ խնդիր եք լուծում:

Եթե ճիշտ լուծեք, հակառակորդը շատ երկար ժամանակ կմտածի: Երբ անցած տարի օգոստոսին Ադրբեջանը դիվերսիոն պատերազմ էր զարգացրել, իսկապես շատ բարդ վիճակ էր ստեղծվել առաջին գծի համար, և այն ժամանակ, իմ կարծիքով, շատ ճիշտ պատժիչ գործողություն եղավ, երբ պատժեցին մեր կողմից առաջին գիծը, և այնպիսի ծավալով ու ուժով, որ Ադրբեջանն արդեն սկսեց մտածել, թե ինչքանով էր արդյունավետ իր դիվերսիոն գործողությունը: Շատ արդյունավետ էր՝ շատ մեծ կորուստներ ու խուճապային տրամադրություններ առաջացան ադրբեջանական բանակում: Ա՛յ դա գործողություն էր, և դրա համար քաղաքականություն է պետք: Պետք է իմանալ, երբ մի կրակոց ես անում, ինչի ես ուզում հասնել: Կրակում են մի կետից, պետք է այդ կետը վերացնել, և ամեն կրակողը պետք է իմանա, որ նույն օրը մահանալու է, ու այդ գնդակը վերադառնալու է իրեն:

Աղբյուրը <a href="http://168.am/2015/09/26/542324.html">© 168.am</a></br>

[Vrej1915]

Re: Military Forces of the Republic of Armenia

Իմ բալիկը թոքերի հիվանդ էր, բայց ասեց պիտի ծառայեմ. Արցախում զոհված 20-ամյա Ռոբերտը միայնակ մոր միակ զավակն էր
2015-09-26
Հեղինակ՝ Անի Գևորգյան

http://www.1in.am/1729404.html

Երեկ՝ սեպտեմբերի 25-ին, հակառակորդի հրթիռակոծման հետևանքով զոհված ՊԲ զինծառայող 20-ամյա Ռոբերտ Մկրտչյանը միայնակ մոր միակ զավակն էր: Վերջինս բանակ էր զորակոչվել մեկ տարի առաջ՝ Երևանից:

«5 օր առաջ եմ խոսել երեխուս հետ, ասեց մամ ջան, լավ ա ամեն ինչ, ծառայում եմ, իսկ այսօր լսում եմ շատ վատ լուր: Ռոբերտս թոքերի հիվանդ էր, բայց ասեց պիտի ծառայեմ:»,- «Առաջին լրատվական»-ի հետ զրույցում հեկեկալով պատմում էր Ռոբերտի մայրը՝ Արմենուհի Մկրտչյանը:

Հիշեցնենք, որ սեպտեմբերի 25-ին ժամը 17:30-ի սահմանում, ադրբեջանական զինուժի կողմից թուրքական արտադրության TR-107 կայանքներից հրթիռահրետանային արկակոծման էր ենթարկվել ՊԲ-ի հյուսիս-արևելյան ուղղությամբ տեղակայված զորամասերից մեկի պահպանության տեղամասը, ինչի հետևանքով զոհվել էին ՊԲ զինծառայողներ Նորայր Միքայելի Խաչատրյանը (ծնված 1995թ.), Ռոբերտ Սուրենի Մկրտչյանը (ծնված 1995թ.), Հարութ Մաքսիմի Հակոբյանը (ծնված 1997թ.) և Կարեն Գևորգի Շահինյանը (ծնված 1997թ.): Կա 16 վիրավոր:

[Vrej1915]

Re: Military Forces of the Republic of Armenia

NB: Taparakoyunlu is a big torkish village, facing Talish, on the northern shores of Inja river.
Talish is the place where our garnison baracks, 5 km behind enemy lines, where caught by surprise, probably spotted by uav and live directed artillery fire... . We had 4 martyrs and 16 wounded, among them 5 heavy wounds.

------
26 Սեպտեմբեր, 2015
Ադրբեջանական գյուղի բնակիչների մի զգալի հատվածը լքել է գյուղը. հայերը սկսել են համարժեք պատասխանել համազարկային կրակահերթերով

Ադրբեջանագետ Սարգիս Ասատրյանն իր ֆեյսբուքյան էջում գրում է.

Շատ բան պարզ է դառնում ֆեյսբուքի ադրբեջանցի օգտատերերի գրառումներից:

Թերթերից մեկը գրել էր հայկական զոհերի մասին, իսկ իրենց կողմի զոհերի թիվը բնականաբար ավելի քիչ էր նշել: Եվ ահա մի կին մեկնաբանություն էր թողել, որ Գորանբոյի շրջանի իր հայրենի Թափգարագոյունլու գյուղի բնակիչների մի զգալի հատվածը լքել է գյուղը, քանի որ հայերը սկսել են համարժեք պատասխանել համազարկային կրակահերթերով:

Ըստ այդ կնոջ խոսքերի` տեղի իշխանությունները փորձում են հանգստացնել գյուղացիներին և համոզում են վերադառնալ, սակայն ապարդյուն:
Մերոնք ոնց որ թե տեղը տեղին գործի են անցել!

http://orer.am/?p=134855&l=am

[Vrej1915]

Re: Military Forces of the Republic of Armenia

Ինչպես էր վարվում Վազգեն Սարգսյանն՝ առաջին գծի մասին սուտ լուրեր հրապարակողների հետ

http://asekose.am/hy_AM/news/11/200806-incpes-er-varvoum-vazgen-sargsyann-arajin-gci-masin-sout-lourer-hraparakoxneri-het.html

2015-09-27

Սահմանային լարված իրավիճակին զուգահեռ ՝ առաջնային գծից իբր հրատապ ու սենսացիոն լուրեր տարածելու մասին որոշ կայքերի հանդեպ համացանցում սկիզբ առած բողոքի դրսևորումներ ֆոնին՝ Asekose.am-ի զրուցակիցը, ով ցանկացավ չհրապարակել անունն, քսան տարվա վաղեմության ուշագրավ դեպք հիշեց:

Ղարաբաղյան պատերազմի ամենաթեժ օրերին հայաստանյան թերթերից մեկը/թերթի ու խմբագրի անունը նույպես չենք նշում/ հաճախ էր ստահոդ լուրեր տպագրում Արցախից ու հարակից տարածքներում տեղի ունեցող ռազմական իրադարձություններից:

1994-ի ձմռանը, երբ Օմարի լեռնանցքն ազատագրվել էր, նույն թերթը սկսել էր նյութեր հրատարակել, թե , ըստ իրենց ունեցած «հավաստի» տեղեկությունների, Օմարի լեռնանցքն ու Քելբաջարի շրջանի հյուսիսային մասը կրկին հանձնվել է ադրբեջանցիներին:

Վազգեն Սարգսյանն, ով այդ տարիներին Հայաստանի պաշտպանության նախարարն էր, երկար ժամանակ համբերելով ՝ թերթի հերթական նման հրապարակումից հետո,սակայն, մարդիկ է ուղղարկում խմբագրություն, ովքեր խմբագրին դուրս են հրավիրում, ապա ՝ «ուղեկցում» Էրեբունի օդանավակայան, այնտեղից էլ ուղղաթիռով ՝ ուղիղ Օմարի լեռնանցք, որպեսզի խմբագիրը սեփական աչքերով համոզվի, որ իր թերթում հրապարակվածը սուտ է:

Հիշեցնենք, որ վերջին օրերին համացանցում նաև տեսանյութեր են տարածվում, թե իբր հայ զինվորը հեռախոսով նկարել է, թե ինչպես է հայկական կողմը հիթիռակոծմամբ պատասխանում ադրբեջանցիների վերջին ագրեսիային:

------
NB: here they are very kind. In fact, Vazken did have a very "dghayagan zruyts" before in his office...

[Vrej1915]

Re: Military Forces of the Republic of Armenia

ՊՆ–ից ո՛չ հերքում, ո՛չ հաստատում են հակառակորդի 2 հենակետ գրավելու մասին լուրը
28.09.15

http://www.tert.am/am/news/2015/09/28/mod/1801173

ՀՀ պաշտպանության նախարարությունից ո՛չ հերքում, ո՛չ հաստատում են սոցցանցերում տարածված տեղեկությունները, որ երեկ ՀՀ հյուսիս-արևելյան սահմանագծի ուղղությամբ մեր զինված ուժերը գրավել են հակառակորդի 2 բարձրադիր հենակետ, որոնցից ադրբեջանական զինուժը պարբերաբար կրակում էր Տավուշի մարզի գյուղերի վրա:

Tert.am–ի հետ զրույցում ՊՆ–ից հասկացնել տվեցին, որ այդ մասին կլինի մամուլի հաղորդագրություն:

[Vrej1915]

Re: Military Forces of the Republic of Armenia

Հայկական կողմի նպատակներում պատերազմ վերսկսելու ցանկություն չկա, իսկ Ադրբեջանը նման պոտենցիալ չունի. քաղաքագետ
28.09.15

http://www.tert.am/am/news/2015/09/28/Hrant-meliq-shahnazaryan/1801305

Թեև հրադադարի խախտման ժամանակ կիրառվող զինատեսակների տրամաչափը մեծացել է, սակայն այս պահին լայնամասշտաբ պատերազմի վերսկսում չեմ կանխատեսվում, քանի որ ադրբեջանցիները գիտակցում են իրենց հնարավորությունների չափը, այսօր հրավիրված մամուլի ասուլիսի ժամանակ հայտարարեց քաղաքագետ Հրանտ Մելիք-Շահնազարյանը:

«Հայկական կողմի նպատակներում պատերազմ վերսկսելու ցանկություն չկա, իսկ Ադրբեջանը նման պոտենցիալ չունի: Պետք է զսպել Ադրբեջանի ակտիվությունը ու ցանկություններն ուժի միջոցով, ինչին էլ հետամուտ է պաշտպանության նախարարությունը»,-ասաց քաղաքագետը:

Հրանտ Մելիք-Շահնազարյանն այն կարծիքին է, որ հայկական կողմին չեն բավարարում ԵԱՀԿ Մինսկի խմբի միջնորդների ջանքերը, չեն բավարարում նրանց միակողմանի կամ կողմերի միջև հավասարություն դնող հայտարարությունները, ինչպես նաև Ադրբեջանին զսպելու համար միջնորդ երկրների ազդեցության մակարդակը:

«Պաշտոնական Բաքուն հիանալի հասկանում է, որ լայնամասշտաբ պատերազմի վերսկսման դեպքում վտանգները բավական մեծ են իրենց համար, մեծ են ոչ միայն պետության անվտանգության, այլ նաև Ալիևի ռեժիմի համար: Այդ իսկ պատճառով չեմ կարծում, որ նրանք կգնան լայնամասշտաբ գործողությունների: Նրանք գիտակցում են իրենց հնարավորությունները և կգործեն մաքսիմումի սահմաններում»,-նշեց քաղաքագետը:

Անդրադառնալով Նյու-Յորքում՝ Հայաստանի և Ադրբեջանի արտգործնախարարների հանդիպմանը՝ Հրանտ Մելք-Շահնազարյանն ասաց, թե Նալբանդյան-Մամեդյարով հանդիպման գլխավոր թեման և նպատակը պետք է լիներ երկու երկրների նախագահների նոր հանդիպման նախապատրաստական աշխատանքները:

Սակայն, ըստ նրա, Ադրբեջանը տեսնելով, որ չի կարող քաղաքական պայմաններում բանակցությունների միջոցով լուծել իր առջև դրված խնդիրները, փորձեց փոխել այդ հանդիպման օրակարգը և խնդիր դարձնել ոչ թե նախագահների նոր հանդիպումը, այլ սահմանային լարվածության աստիճան ձեռք բերելը:

«Ըստ էության, նրանց հաջողվեց այդ խնդիրը լուծել, որովհետև մենք տեսանք, որ եղավ արտգործնախարարների հանդիպում, բայց չհայտարարվեց, որ լինելու է նախագահների նոր հանդիպում: Ստացվեց, որ արտգործնախարարների առջև դրված խնդիրը տապալվեց: Սա Ալիևի խուսափողական քաղաքականության դրսևորումներից մեկն է՝ լարվածությունը մեծացնելով խանգարել բանակցային նոր փուլի վերսկսմանը»,-եզրափակեց քաղաքագետը:

[Vrej1915]

Re: Military Forces of the Republic of Armenia

Ադրբեջանը 3 զոհ ունի
Lragir.am
Քաղաքականություն - 28 Սեպտեմբերի 2015,

Ադրբեջանի Պաշտպանության նախարարությունը հայտարարություն է տարածել, որում նշված է, որ ճակատի տարբեր հատվածներում ադրբեջանցի 3 զինծառայող է զոհվել: Նրանց անուններն են Ռաուֆ Վելիև, Նեման Ահմեդզադե, Զոհրաբ Մուստաֆզադե:


- See more at: http://www.lragir.am/index/arm/0/pol....PVw0Iq7H.dpuf

[Vrej1915]

Re: Military Forces of the Republic of Armenia

28 Սեպտեմբեր, 2015
Հայկական ստորաբաժանումները ոչնչացրել են հակառակորդի 2 ռազմաբազա. թշնամին ունի 12 զոհ. Արշակ Զաքարյան

http://orer.am/?p=135049&l=am

Հակառակորդի լկտի ու անպատասխանատու դրսևորումների, Հայաստանի Հանրապետության խաղաղ բնակչության հանդեպ ոտնձգությունների, խաղաղ բնակիչների սպանության, հեռահար հռթիռով առաջնագծից 9 կմ հեռավորության վրա գտնվող ուսումնական պարապունք անցկացնող զինվորների սպանության և վերջին շրջանում հայերի նկատմամբ բազմաթիվ հանցագործություններ գործելու համար, Հայկական զինվորական ստորաբաժանումները այսօր պատժիչ կանխարգեղիջ միջոցառումներ են անցկացրել արևելյան սահմանին ինչի արդյունքում ոչնչացվել է մասամբ կամ ամբողջովին հակառակորդի երկու հենակետային ռազմական բազա որի ընթացքում հակառակորդը տվել է 12 զոհ և անհայտ թվով վիրավորներ: Աչքիս տեսածն եմ ասում ոչ թե ականջիս լսածը )))) Բարի խաղալ գիշեր հայեր ջան !!! Էս էլ էդ ջան-ֆիդայիները ով իրենց հայրենակիցների վրեժը մասամբ լուծեցին )))

[Vrej1915]

Re: Military Forces of the Republic of Armenia

Հակառակորդը Ակնայի ուղղությամբ տվել է մեկ տասնյակից ավելի զոհեր և վիրավորներ. ՊԲ

https://www.yerkir.am/news/view/93510.html

28 Սեպտեմբերի 2015,


Հակառակորդը Ակնայի ուղղությամբ տվել է մեկ տասնյակից ավելի զոհեր և վիրավորներ. ՊԲ
Ադրբեջանի պաշտպանության նախարարության` այսօր տարածած հաղորդագրությունն այն մասին, թե իբր իրենց զինուժի թիրախային կրակային հարվածների հետևանքով յոթ հայ զինծառայող է սպանվել, իրականությանը չի համապատասխանում:

ԼՂՀ պաշտպանության նախարարությունը հայտարարում է, որ, ի պատասխան ադրբեջանական զինուժի նախահարձակ գործողությունների, ՊԲ առաջապահ զորամասերը դիմել են պատժիչ քայլերի, ինչի արդյունքում հակառակորդը Ակնայի ուղղությամբ տվել է մեկ տասնյակից ավելի զոհեր և վիրավորներ:

Պաշտպանության բանակը կորուստներ չի տվել: