Military Forces of the Republic of Armenia

[Vrej1915]

Re: Military Forces of the Republic of Armenia

Սահմանային այս լարվածությունը Թուրքիային էլ է ձեռնտու. Արկադի Տեր–Թադևոսյան
30.09.15

Tert.am


Արցախյան ազատամարտի հերոս, գեներալ-մայոր Արկադի Տեր-Թադևոսյանը (Կոմանդոս), այսօր հրավիրված մամուլի ասուլիսին անդրադառնալով սահմանային լարվածությանը, կարծիք հայտնեց, թե Ադրբեջանից բացի, այն ձեռնտու է նաև Թուրքիային։

«Թուրքիան անում է մի բան, սակայն մտածում այլ բան»,-ասաց նա:

Արկադի Տեր–Թադևոսյանը նշեց, որ թեև Ադրբեջանը շատ զենք և զինամթերք ունի, միլիարդավոր գումարներ է ծախսում, սակայն «մենք ևս զինվում ենք և եթե կրակենք Ադրբեջանի գազամուղների, նավթամուղների վրա, Ադրբեջանից ոչինչ չի մնա»:

Խոսելով զինված ուժերում բարոյահոգեբանական մթնոլորտի մասին՝ նա նշեց, որ հրամանատարները, սպաները պետք լինեն զինվորի հայրը, ապա ավելացրեց, որ այցելություններում, ուսումնասիրություններում դրական փոփոխություններ է նկատում:

«Երբ զինվոր ենք կորցնում, դա մեր բոլորի համար դժբախտություն է»,- ասաց նա և նշեց, որ դրանով ևս Հայաստանը տարբերվում է Ադրբեջանից, որտեղ թշնամանք են սերմանում հայերի նկատմամբ:

Արկադի Տեր–Թադևոսյանը նաև նշեց, որ անհրաժեշտության դեպքում ազատամարտիկներն այսօր էլ պատրաստ են իրենց ծառայությունները մատուցել:

Վերջում նա զինվորներին մաղթեց ամուր լինել, ինչպես հիմա են։

[Vrej1915]

Re: Military Forces of the Republic of Armenia

30 Սեպտեմբեր, 2015
Հայի անուն-ազգանունով ադրբեջանցի օգտատերերը փորձում են խուճապ առաջացնել համացանցում

http://orer.am/?p=135661&l=am

Պարզվում է, որ ադրբեջանական դիվերսիոն գործողությունները չեն սահմանափակվում ռազմական ոլորտում: Տեսնելով, որ հայկական բանակը ամուր կանգնած է իր դիրքերում եւ որ իրենց ջանքերն ապարդյուն են անցնում, ադրբեջանական կողմն անցել է մեկ այլ` տեղեկատվական պատերազմի: Ապատեղեկատվության տարածում եւ սադրանք. ահա սա է դարձել մեդիադաշտում նրանց հիմնական զենքը:

Թե ինչ հակահարվածներ պետք է հասցվեն հայկական մեդիադաշտի կողմից հաղթանակ գրանցելու համար, Orer.am-ը ճշտեց տեղեկատվական անվտանգության փորձագետ Տիգրան Քոչարյանից:

«Բնական է, որ ադրբեջանական կողմն անում է այն, ինչ պետք է անի: Նրանք պետք է փորձեն ապատեղեկացնել հայկական լրատվական դաշտը՝ ստեղծելով ինչ-որ խուճապային տրամադրություններ, միեւնույն ժամանակ, կասկածի տակ դնելով հայկական բանակի ուժն ու հզորությունը: Հայկական լրատվական դաշտը պետք է պարզապես չտարածի ադրբեջանական քարոզչությունը մեդիադաշտում, պետք է չարտատպել նրան կողմից հրապարակված տեղեկատվությունը: Միեւնույն ժամանակ, հարկավոր է ուշադիր հետեւել բոլոր այն օգտատերերին, որոնք այս կամ այն ձեւով փորձում են ադրբեջանական քարոզչությունը մտցնել հայկական մեդիադաշտ»,- ասաց նա:

Ինչպես նշեց տեղեկատվական անվտանգության փորձագետը, այսօր հայտնվել են ֆեյսբուքյան բազմաթիվ օգտատերեր, որոնք հայկական անուն - ազգանունով են գործում: «Իրականում ադրբեջանցիների կողմից ստեղծված էջեր են: Նրանք նպատակաուղղված քարոզչություն են իրականացնում սոցիալական ցանցում»,- տեղեկացրեց վերջինս:

Ըստ Տիգրան Քոչարյանի՝ ադրբեջանական սադրանքներից զերծ մնալու համար հայկական տեղեկատվական դաշտը պետք է փորձի ավելի շատ շփվել ՀՀ պաշտպանության նախարարության, պաշտպանության բանակի լրատվական վարչությունների հետ: «Ամեն անգամ տեղեկատվություն տեղադրելուց հարկավոր է նրանցից ճշտում կատարել՝ արժի՞ հրապարակել նյութը, թե՞ ոչ: Հայկական կողմը շատ անգամ պետք է նաեւ նախահարձակ լինի, եթե թվարկվածս կետերը իրականում ճիշտ իրականացվեն, ապա տեղեկատվական դաշտում որեւէ խնդիր չի լինի»,- նշեց նա:

Խոսելով նաեւ ֆեյսբուքյան հայ օգտատերերի գործողությունների մասին՝ փորձագետը նկատեց, որ ցավոք, որոշ հայ օգտատերեր, չհասկանալով, թե ինչ են անում, ռազմական տեխնիկայի լուսանկարներ են տեղադրում եւ հայտնում, թե որտեղ են տեսել ռազմական տեխնիկան: «Նման քայլերը թշնամու համար պարզապես նվեր է, քանի որ նրանք կարող են մոնիթորինգի օգնությամբ վերլուծել գործողությունների հերթականությունը եւ հասկանալ, թե որտեղ է կենտրոնացվում հայկական ռազմական տեխնիկան: Այդ մարդկանց պետք է բացատրել, որ եթե անգամ հայկական ռազմական տեխնիկայի տեղափոխություն եք նկատում եւ հպարտություն եք զգում, պարտադիր չէ դա լուսանկարել եւ տեղադրել համացանցում: Ադրբեջանն իր երկրի սահմանում վերահսկում է Facebook սոցիալական ցանցը եւ այն օգտատերը, ով ցանկանում է որեւէ տեղեկատվություն հրապարակել զոհերի հետ կապված, նրան անմիջապես արգելափակում են: Դրանից հետո նրանց անգամ կարող են բանտ նստեցնել կամ խիստ նկատողություն տալ: Զոհերի մասին կամ ռազմական հստակ գործողությունների մասին տեղեկություն գտնելը շատ դժվար է: Միայն այն դեպքում, երբ զոհերի թիվը շատ է լինում նրանք երկու-երեք հոգու անուն են հնչեցնում, այն էլ պաշտոնապես»,- ասաց նա:

Ինչպես նշեց տեղեկատվական անվտանգության հարցերով փորձագետը, Հայաստանում եւս սոցիալական ցանցերում հնարավոր է վերահսկողություն իրականացնել հնարավոր սադրանքներից եւ խուճապային տրամադրությունների տարածումից հասարակությանը զերծ պահելու համար:

Սոսե Չանդոյան

[Vrej1915]

Re: Military Forces of the Republic of Armenia

One of our best living artists, for me.
This man volonteered to the front at 15, went all along the hot spots of the war in the Dashnak batallion.
Together with Makitch, living legends!
Respect.

--------

https://www.yerkir.am/news/view/93749.html

Թշնամու հարցում լավ էլ բախտներս բերել է` ախր, շատ ոչխար են, է՜. Դավիթ Ամալյան
Հարցազրույց
1 Հոկտեմբերի 2015,

Yerkir.am-ի զրուցակիցն է երգիչ, երգահան Դավիթ Ամալյանը:



Ադրբեջանն ուզում է մեզ «շակալի» նման կսմթել

Հիմա, որ այսպես եմ խոսում` ստացվում է` ձայնս տաք տեղից է գալիս, որովհետև ես խաղաղության մեջ հարցազրույցներ, համերգներ եմ տալիս, բայց 18-19 տարեկան երեխաներ ենք կորցնում: Եթե պատերազմ համարում ենք այն, որ երկկողմանի զոհեր պիտի լինեն, հիմա պատերազմի մեջ ենք, բայց եթե մասշտաբային պատերազմի մասին խոսենք, չեմ կարծում, որ այն կարող է հիմա սկսվել: Իրենց հիմա պետք է մեզ շակալի նման կսմթել, քանի որ նրանք իրականում պատերազմից շատ են վախենում: Հայ-ադրբեջանական սահմանային լարվածության վերջին դեպքերի հետ կապված մի հետաքրքիր տեսանյութ տեսա. կրակոցների ժամանակ Ադրբեջանի Ղազախի շրջանի բնակիչները փախչում են, հետո բախվում իրենց բանակի հետ, քանի որ չեն թողնում, որ մարդիկ փախչեն: Միևնույն ժամանակ, նույն կրակահերթի տակ Վազաշենում մի կին նստած իր պոպոքի մուրաբան է խառնում: Մուրաբան սարքում է, որ թոռն ուտի: Նա, մինչև թոռանը չապահովի, այդտեղից չի փախչի:



Ուժեղ ենք, քանի որ սիրել գիտենք

Հասկանո՞ւմ ես` մենք սիրո մեջ վճռական ենք, այդքանը մեզ արդեն հերիք է: Մեզ միայն համախմբվել է պետք, իսկ մենք համախմբվում ենք նեղության ժամանակ: Ուժեղ ենք, քանի որ սիրել գիտենք: Համախմբվելն էլ ժամանակի հարց է երևի, որոշ ժամանակ անց առանց նեղության մեջ գտնվելու էլ համախմբված կլինենք: Դարասկզբի ու այսօրվա հայի միջև տարբերություն կա` մի քիչ կոտորվողի դաշտից դարձել ենք սիրո համար պայքարող: Ռազմահայրենասիրական ճառեր չեմ ուզում ասել, բայց իրականում, փառք Աստծո, ուժեղ ենք: Մյուս կողմից` երբեք չի կարելի թերագնահատել թշնամուն, նա գործող թշնամի է, լավ էլ` զինված:



Մտափոխվել եմ թշնամու հարցում` լավ էլ բախտներս բերել է

Ես միշտ ասում էի` բախտներս չի բերել, հայի բախտ ունենք անգամ թշնամու հարցում, կարող էր, չէ՞, իսպանացի, իտալացի, մի քիչ կիրթ թշնամի ունենայինք: Հիմա մտափոխվել եմ: Որ շատ անկեղծ լինեմ և մեր մեջ ասած` ինչ-որ տեղ բախտներս բերել է`ախր, շատ ոչխար են, է: Թող լավը լինեին, լավը ասեինք: Կուզեի լավ գծեր գտնել նրանց մեջ, որ դա բռնած գնայինք: Ընկերներս երբեմն ասում են, որ դրսում` որևէ մի այլ երկրում, ադրբեջանցիներն, ասենք, այսինչ հարցում լավ գործ են անում, ես ուրախանում եմ: Ի վերջո, ոչ մենք ենք այստեղից գնալու, ոչ էլ նրանց նման կարող ենք եղեռն անել, որ նրանք վերանան: Պետք է ինչ-որ հանգուցալուծում լինի: Մեր երեխաներն արդեն տեսնում են պատերազմ, գոնե մեր թոռները չտեսնեն:



Զոհված երեխաների ծնողների աչքերում հպարտություն եմ նկատել

Սովորական ժողովուրդն, իմ կարծիքով, համաձայն է գալ խաղաղության` կորցնելով այն, ինչ կորցրել է: Բայց նրանց մեջ ուժեր կան, որ անընդհատ բզբզում են, թե` ո՞նց կլինի, դուք երկիր եք կորցրել, այդքան հեշտ մի' հանձնվեք: Դրանք այն ուժերն են, որ դրսից են ու հակահայկական, դա ավելի շատ կլանային պայքար է: Տես` նրանք էլ են կորուստներ ունենում, ավելի շուտ են խուճապի մատնվում, մենք մի քիչ հպարտ ենք, ճիշտ է, հպարտություն բառը չեմ սիրում, բայց վերջին շրջանում զոհված երեխաների ծնողների բոլորի աչքերում հպարտություն եմ նկատել: Այսինքն` նրանք գիտեն` իրենց երեխան ինչի համար է զոհվել` հարց է լուծել, հերոսացել է: Իսկ ադրբեջանցիներն այդքան բան չեն էլ գիտակցում, ուղղակի լացուկոծ են դնում: Նրանք չգիտեն` ազգն ինչ է, հայրենիքն ինչ է, որովհետև չեն էլ ունեցել:



Պետք է հանգիստ լինենք, բայց ոչ` արխային

Արխային լինել չի կարելի կամ էլ մտածել, թե` մեկ է, ոչ մի բան չի լինելու: Բայց լարվել ու ամեն պահի խուճապի մեջ ընկնել էլ չի կարելի, որովհետև առյուծ բանակ ունենք, որոնք ոչխարների դեմ են կանգնած: Պիտի հանգիստ լինենք, բայց ոչ` արխային: Ես պատերազմ տեսել եմ և ամեն ինչ կտայի, որ պատերազմ չլինի, բայց եթե լինի էլ, մեկ է, մենք հաղթելու ենք:



Ադրբեջանական բանակի` թուրքական զինատեսակներ կիրառելու մասին

Միգուցե ոչ կոռեկտ կհնչի, բայց կուզեմ մի օրինակ բերել. անտառում հանդիպում են որսորդը, որը զինված չէ, և ատրճանակով ոչխարը, ո՞վ ում կհաղթի: Շատ զենք ունենալը դեռ հաղթելու միջոց չէ: Աշխարհում ամենաուժեղ զենքը մարդն է, կրակողը մարդն է, չէ՞: Էն թվերին էլ մենք քիչ զենք ունեինք, հետո՞. նրանք 80-90 հատ էին կրակում, մենք` 5, բայց մենք գիտեինք` ուր էինք կրակում: Այս պահին նրանց լավագույն զենքը խուճապն է, որ փորձում են մեզ վրա կիրառել, բայց դա նրանց մոտ չի ստացվում: Ցեղասպանության 100-րդ տարելիցն է այս տարի, բայց սթրեսի գենը դեռ չի անցել մեզ մոտ, դրա համար մենք պետք է խուճապի չմատնվենք, զգոն լինենք: Մյուս կողմից` մեռնելն էլ վատ բան չէ, որ վախը հաղթահարում ես, դա էլ է լավ բան:



Կարինե Հարությունյան

[Vrej1915]

Re: Military Forces of the Republic of Armenia

Մեր անվտանգության երաշխավորը մեր հավաքական ուժն է, ոչ թե ՀԱՊԿ-ը. Արթուր Աղաբեկյան

https://www.yerkir.am/news/view/93765.html

1 Հոկտեմբերի 2015,


ԼՂՀ փոխվարչապետ Արթուր Աղաբեկյանը Tert.am–ի հետ զրույցում ասում է, որ Հայաստանի անվտանգության թիվ մեկ երաշխավորը ոչ թե ՀԱՊԿ-ն է, այլ մեր հավաքական ուժը: Ինչպես և ՀՀ ԶՈւ Գլխավոր շտաբի պետ Յուրի Խաչատուրովը, Արթուր Աղաբեկյանը ևս դժգոհ է, որ մեր սահմանին կատարվող իրադարձությունների կապակցությամբ ՀԱՊԿ-ն որևէ հայտարարություն չի անում:


- Պարո՛ն Աղաբեկյան, ՀՀ ԶՈՒ շտաբի պետ Յուրի Խաչատուրովը դժգոհել էր, որ անշուշտ, ցանկալի կլիներ, որ ՀԱՊԿ անդամ երկրները Ադրբեջանի հարձակումների առնչությամբ ավելի ակտիվ լինեին, մինչդեռ, մեջբերում ենք, «առայժմ, ցավոք, լուրջ արձագանք չկա»: Կիսու՞մ եք այդ կարծիքը:

- Գլխավոր շտաբի պետը շատ ճիշտ ձևակերպում է տվել: Մի բան է, երբ հասարակական կարծիք է ձևավորվում, որ Հայաստանի դեմ ագրեսիայի հաջորդ օրն իսկ ՀԱՊԿ-ի ուժերը պետք է իրենց վրա վերցնեն Հայաստանի ռազմական անվտանգության խնդիրը, բայց մյուս կողմից, անգամ որպես ռազմաքաղաքական դաշինք, ՀԱՊԿ-ը պարտավոր է իր գնահատականը տալ այն ամենին, ինչն այսօր տեղի է ունենում Հայաստանի Հանրապետության սահմաններում: Եվ այս առումով, իսկապես իրավացի է ՀՀ ԶՈԻ գլխավոր շտաբի պետը:

-Այս ամենից կարելի՞ է եզրակացնել, որ ՀԱՊԿ-ը, որպես անվտանգության համակարգ, կորցրել է իր ֆունկցիոնալ նշանակությունը:

-Ես այդպիսի ձևակերպում չէի անի, թե՛ ՀԱՊԿ-ը, թե՛ ՆԱՏՕ-ն ռազմաքաղաքական կառույցներ են: Իսկ ռազմաքաղաքական կառույցներում ձեռք բերված համաձայնությունները գործում են միայն փոխադարձ շահի առկայության պայմաններում և այդ առումով` չի կարելի ՀԱՊԿ-ը դիտարկել մեր երկրի անվտանգության թիվ մեկ երաշխավորը: Այ, երբ մեր հասարակությունը, քաղաքական գործիչները, մեր իշխանությունը, միայն ու միայն բարձրաձայնենք, որ թիվ մեկ երաշխավորը մենք ենք, մեր հավաքական ուժն է, ապա թե՛ ՀԱՊԿ-ն իր հստակ տեղը կունենա մեր հասարակության մեջ, թե՛ ՆԱՏՕ-ն, թե՛ երկկողմ միջպետական համաձայնագրերը, որոնք մեր կյանքում ֆիքսել ենք անկախության տարիներից ի վեր:

[Vrej1915]

Re: Military Forces of the Republic of Armenia

1 Հոկտեմբեր, 2015
Ադրբեջանի ժողովուրդը կորցրել է երկրի պաշտպանության նախարարության նկատմամբ հավատը. ադրբեջանցի լրագրող

http://orer.am/?p=136072&l=am

Ադրբեջանում ճանաչված լրագրող Չինգիզ Սուլթանսոյը, մեկնաբանելով այդ երկրի ԶԼՄ-ներին պաշտպանության նախարարության արած վերջին ծանուցումն այն մասին, թե ՊՆ-ի մամուլը ծառայությունը որեւէ մեկնաբանություն չի տալու հայկական մամուլի հրապարակումները «տիրաժավորող» ԶԼՄ-ներին, հայտարարել է, որ ադրբեջանական ՊՆ-ի նման դիրքորոշումը թուլության դրսեւորում է:

Moderator.az կայքին տված հարցազրույցում Չինգիզ Սուլթանսոյն ասել է, որ ներկայիս տեղեկատվական պատերազմը ճիշտ տանելու համար անհրաժեշտ է բովանդակալից եւ լուրջ տեղեկություններ հրապարակել:

Լրագրողն ափսոսանք է հայտնել, որ Ադրբեջանի ՊՆ մամուլի ծառայությունը չի կարողանում արժանավորապես կատարել «հենց այդ գործը»:

«Դժբախտությունն այն է, որ մարդիկ չեն հավատում մեր պաշտպանության նախարարության տեղեկություններին: Դա կապված է այն բանի հետ, որ շատ դեպքերում նեգատիվ վիճակները թաքցվում կամ դրա հետ կապված սուտ տեղեկություն է հաղորդվում: Արդյունքում պաշտպանության նախարարության նկատմամբ հավատը, վստահությունը կորել է»,- ասել է Չինգիզ Սուլթանսոյը` հավելելով, որ շատ դեպքերում ՊՆ-ը մեղքը բարդում է լրագրողների վրա, ինչը ամբողջությամբ սխալ մոտեցում է:

«Անձամբ ես չեմ հավատում, որ մեղավորները ոչ թե բանակում նեգատիվ դեպքեր թույլ տվող, ոչ մարտական պայմաններում զինվորների մահվան համար պատասխանատու սպաներն ու պաշտոնատար անձինք են, այլ այդ դեպքերը լուսաբանող լրագրողներն են: Ի՞նչ է, այդ սպաները լրագրողներից ավելի հայրենասե՞ր են»,- ասել է նա:

Լրագրողն Ադրբեջանի պաշտպանության նախարար Զաքիր Հասանովին խորհուրդ է տվել կառույցի կորցրած հեղինակությունը վերականգնելու համար «լուրջ կադրային բարեփոխումներ կատարել, չթաքցնել, այլ հակառակը` հետաքննել ոչ մարտական պայմաններում յուրաքանչյուր զինվորի մահը, վերջ դնել բանակում կոռուպցիայի դեպքերին»: Ադրբեջանի ՊՆ-ը երեկ հայտարարել է, որ մեկնաբանություն չի տալու հայկական կողմի տեղեկատվությունը «տիրաժավորող որոշ տեղական ԶԼՄ-ներին»:

Կայքին տված հարցազրույցում քաղաքական մեկնաբան Էլխան Մեհդիեւն էլ հայտարարել է, որ «տեղեկատվական պատերազմում Ադրբեջանը հետ է մնում Հայաստանից:
Ըստ նրա` «աշխարհն ավելի շատ հայերի ձայնն է լսում», եւ «համաշխարհային հանրությունն ավելի շատ տեղեկանում է հայկական մամուլի լուրերից»:

Ադրբեջանը շարունակում է սեփական զինուժում գրանցված մահվան դեպքերի ու արտակարգ պատահարների մասին տեղեկությունները թաքցնելու քաղաքականությունը: Չնայած դրան ՀՀ ՊՆ եւ ԼՂՀ ՊԲ կողմից սեփական միջոցներով ձեռք բերված տեղեկությունների, ինչպես նաեւ ոչ պաշտոնական աղբյուրների եւ սոցցանցերի հաղորդագրությունների համաձայն` տարվա սկզբից մինչ այժմ ադրբեջանական բանակի կրած 114 զինվորի կորստին վերջին երկու շաբաթներին հայկական կողմերի պատժիչ գործողությունների արդյունքում ավելացել է մոտ 20 զինվորի կորուստ եւ 60-80 վիրավոր, կազմելով առնվազն 134 զինծառայող եւ 138-ից ավելի վիրավոր:

[Vrej1915]

Re: Military Forces of the Republic of Armenia

Մամուլի ասուլիս ՀՀ ՊՆ-ում. ցուցադրվել է հայկական անօդաչուների օգնությամբ հակառակորդին հասցված վնասների մասին պատմող տեսանյութ
01.10.15

Tert.am

Հոկտեմբերի 1-ին ՊՆ վարչական համալիրում տեղի է ունեցել ՀՀ պաշտպանական համակարգի համապատասխան ստորաբաժանումների ղեկավարների հանդիպումը ԶԼՄ ներկայացուցիչների հետ. տեղեկացնում է ՀՀ պաշտպանության նախարարության տեղեկատվության և հասարակայնության հետ կապերի վարչությունը:

Արձանագրվել է, որ անցած շաբաթվա ընթացքում հակառակորդը հրադադարի ռեժիմը խախտել է 445 անգամ՝ այդ ընթացքում կիրառելով տարբեր տրամափաչի հրաձգային և հրետանային սպառազինություն:

Հանդիպման ընթացքում մասնավորապես անդրադարձ է կատարվել սեպտեմբերի 25-ից 30-ը հայ-ադրբեջանական պետական սահմանին և արցախա-ադրբեջանական ուժերի շփման գծում Ադրբեջանի կողմից իրադրության հետևողական սրմանը նպատակաուղղված սադրիչ և անհեռատես քայլերին, ինչպես նաև հայկական կողմի համարժեք գործողություններին:

Մամուլի ասուլիսը ուղեկցվել է հայկական անօդաչու սարքերի օգնությամբ հակառակորդի կենդանի ուժին և ենթակառույցներին հասցված վնասների մասին պատմող փաստագրական տեսանյութի ներկայացմամբ: Հանդիպման ավարտին ՀՀ պաշտպանական համակարգի ներկայացուցիչները պատասխանել են նաև ԶԼՄ ներկայացուցիչներին հետաքրքրող հարցերին:

Նշենք, որ հանդիպմանը ներկա է եղել նաև Tert.am-ի լրագրողը:

[Vrej1915]

Re: Military Forces of the Republic of Armenia

Ներխուժման փորձ Նախիջեւանի սահմանին
Lragir.am
02 Հոկտեմբերի 2015,


ՀՀ ՊՆ հայտարարությունը

Հոկտեմբերի 1-ին, ժամը 22:30-ի սահմաններում, հայ-ադրբեջանական պետական սահմանի հարավ-արևմտյան հատվածում` Երասխի ուղղությամբ, հայկական կողմի համար անհայտ պատճառներով Նախիջևանում տեղակայված ադրբեջանական զինված ուժերի ստորաբաժանումնրից մեկի կողմից ձեռնարկվել է պետական սահմանի խախտման փորձ, որն արդեն իսկ նկատվել է միջդիրքային տարածությունում և կանխվել է ՀՀ ԶՈՒ ստորաբաժանումների կողմից: Տեղի ունեցած փոխհրաձգության արդյունքում հակառակորդը հետ է նահանջել:
ՀՀ պաշտպանության նախարարությունը նախազգուշացնում է, որ հայ-ադրբեջանական պետական սահմանի նախիջևանյան ուղղությամբ լարվածության բացակայության պայմաններում հակառակորդի կողմից իրադրությունը սրելու փորձերը խստագույնս պատժվելու են:

- See more at: http://www.lragir.am/index/arm/0/cou....70yfMiYp.dpuf

[Vrej1915]

Re: Military Forces of the Republic of Armenia

[Vrej1915]

Re: Military Forces of the Republic of Armenia

[Vrej1915]

Re: Military Forces of the Republic of Armenia