Military Forces of the Republic of Armenia

[Vrej1915]

Re: Military Forces of the Republic of Armenia

Հայաստանի սահմանին հարաբերական հանգիստ է
2 Ապրիլի 2016,

http://www.yerkir.am/news/view/104158.html

Հայաստանի սահմանին հարաբերական հանգիստ է
Արդեն տեղեկացրել ենք, որ ապրիլի 1-ի լույս 2-ի գիշերը ԼՂՀ շփման գծի հարավային, հարավարևելյան և հյուսիսարևելյան ուղղություններով հակառակորդը ձեռնարկել է բացահայտ հարձակողական գործողություններ` այլ զինատեսակների հետ միասին օգտագործելով հրետանի, զրահատեխնիկա և օդուժ, տեղի են ունեցել թեժ բախումներ:

ՀՀ ՊՆ մամուլի խոսնակ Արծրուն Հովհաննիսյանից հետաքրքրվեցինք, թե ինչ իրավիճակ է Հայաստանի սահմաններին: Վերջինս նշեց, որ հարաբերական հանգիստ է:

[Vrej1915]

Re: Military Forces of the Republic of Armenia

ԼՂՀ սահմանի ողջ երկայնքով ընթանում են մարտեր, Ադրբեջանը հարձակում է սկսել
Lragir.am
02 Ապրիլի 2016,

Շփման գծի հարավային, հարավարևելյան և հյուսիսարևելյան ուղղություններով հակառակորդը ապրիլի 1-ի լույս 2-ի գիշերը ձեռնարկել է բացահայտ հարձակողական գործողություններ` այլ զինատեսակների հետ միասին օգտագործելով հրետանի, զրահատեխնիկա և օդուժ: Ինչպես տեղեկացրին ԼՂՀ պաշտպանության նախարարության մամուլի ծառայությունից, բացի առաջնագծում ընթացող մարտերից, հակառակորդը հրետանային հարվածներ է հասցրել խաղաղ բնակավայրերի և մի շարք զորամասերի մշտական տեղակայման վայրերին:

Արցախի պաշտպանական գերատեսչության հաղորդագրության մեջ նշվում է. «Այս պահի դրությամբ ղարաբաղա-ադրբեջանական հակամարտ զորքերի շփման գծի ողջ երկարությամբ տեղի են ունենում թեժ բախումներ:

Պաշտպանության բանակի առաջապահ ստորաբաժանումները, ընդունելով հակառակորդի մարտահրավերը, վարում են հուսալի պաշտպանական մարտեր: Առաջնագծում ստեղծված իրադրության մասին առավել մանրամասն կանդրադառնանք մեր առաջիկա հաղորդագրություններում»:

- See more at: http://www.lragir.am/index/arm/0/cou....EbaDIOae.dpuf

[Vrej1915]

Re: Military Forces of the Republic of Armenia

Հակառակորդը զոհեր է տվել. հայկական կողմը ուղղաթիռ է խոցել
Lragir.am
Ներքին կյանք - 02 Ապրիլի 2016,

Ապրիլի 1-ի լույս 2-ի գիշերը շփման գծի հարավային, հարավարևելյան և հյուսիսարևելյան ուղղություններով հակառակորդը ձեռնարկել է բացահայտ հարձակողական գործողություններ` այլ զինատեսակների հետ միասին օգտագործելով հրետանի, զրահատեխնիկա և օդուժ:

«Առաջին լրատվական»-ի տեղեկություններով՝ հարձակողական գործողությունների ընթացքում հակառակորդը տվել է 5-6 զոհ, որոնց դիակները մինչ այժմ գտնվում են ԼՂ մարտական դիրքերում:
Հայտնի է դարձել նաև, որ հայկական ՀՕՊ ստորաբաժանումներն ադրբեջանական ռազմական ուղղաթիռ են խոցել։ Այս պահի դրությամբ ղարաբաղա-ադրբեջանական հակամարտ զորքերի շփման գծի ողջ երկարությամբ տեղի են ունենում թեժ բախումներ:

Ըստ տեղեկությունների, ադրբեջանական բանակը հրետակոծել է մարտակերտի շրջանի խաղաղ բնակավայրերը, մասնավորապես Թալիշ գյուղը:

- See more at: http://www.lragir.am/index/arm/0/cou....6zhmoQov.dpuf

[Vrej1915]

Re: Military Forces of the Republic of Armenia

ԼՂՀ ՊՆ–ն խոցել է հայկական դիրքերը գրոհող ադրբեջանական ուղղաթիռը
02.04.16

http://www.tert.am/am/news/2016/04/02/helicopter/1981489

Ղարաբաղա-ադրբեջանական հակամարտ զորքերի շփման գոտում ադրբեջանական զինուժը շարունակում է իրականացնել լայնամասշտաբ նախահարձակ գործողություններ, տեղեկացնում է ԼՂՀ ՊՆ մամուլի ծառայությունը:

Այս պահի դրությամբ ՊԲ առաջապահ ստորաբաժանումները պաշտպանական հաջող մարտեր են իրականացնում առաջնային գծի բոլոր ուղղություններով՝ հակառակորդին պատճառելով կենդանի ուժի և զինտեխնիկայի զգալի կորուստներ:

«ՊԲ օպերատիվ տվյալների համաձայն, բացի ադրբեջանական զինուժին հասցրած այլ կորուստներից, ՊԲ հակաօդայինները հակամարտ զորքերի շփման գոտու հյուսիսային հատվածում խոցել են հայկական դիրքերի ուղղությամբ գրոհող թշնամական մեկ ուղղաթիռ»,– ասվում է ԼՂՀ ՊՆ հաղորդագրությունում:

[Vrej1915]

Re: Military Forces of the Republic of Armenia

Տավուշի մարտական դիրքում զինվոր է զոհվել
01.04.2016



Հայաստանի եւ Ադրբեջանի սահմանին այսօր՝ մարտի 1-ին զինվոր է զոհվել։

Հայաստանի քննչական կոմիտեի զինվորական քննչական գլխավոր վարչության 6-րդ կայազորային քննչական բաժնում քննություն է տարվում՝ պարզելու ժամկետային զինծառայող Գեւորգ Ասոյանի մահվան հանգամանքները։

Այսօր՝ ապրիլի 1-ին, ժամը 09:00-ի սահմաններում, ՀՀ ՊՆ N զորամասի մարտական դիրքում գլխի շրջանում ստացած մահացու հրազենային վիրավորումով հայտնաբերվել է պարտադիր ժամկետային զինծառայող, շարքային Գեւորգ Արմենի Ասոյանը:

Դեպքի հանգամանքները պարզելու նպատակով կատարվում են անհետաձգելի քննչական եւ դատավարական գործողություններ:

Քննության արդյունքների մասին տեղեկություն կտրամադրվի լրացուցիչ։

NEWS.am-ի տեղեկություններով, դեպքը տեղի է ունեցել Տավուշի մարզի Իջեւանի տարածաշրջանում։

Նշենք, որ այսօրվա մեջ զինվորի մահվան երկրորդ դեպքն է։ Ավելի վաղ NEWS.am-ը հայտնել էր, որ ապրիլի 1-ին՝ ժամը 12:20-ի սահմաններում, ՊԲ հյուսիսային ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, մահացու հրազենային վիրավորում է ստացել ՊԲ զինծառայող, 20-ամյա Վլադիմիր Աշոտի Մելքոնյանը:

[Vrej1915]

Re: Military Forces of the Republic of Armenia

Երկու կողմն էլ զոհեր ունի. Արծրուն Հովհաննիսյան
2 Ապրիլի 2016, 09:30

http://www.yerkir.am/news/view/104160.html

Պն մամլո խոսնակ Արծրուն Հովհաննիսյանը ֆեյսբուքյան իր էջում գրել է. Այս պահի դրությամբ ակտիվ մարտական գործողությունները շարունակվում են, հայկական բանակը վստահորեն հակահարված է տվել և որոշ տեղերում անցել է հակահարձակման: Երկու կողմերից էլ զոհեր կան, սակայն հակառակորդի ունի մեծաքանակ կենդանի ուժի կորուստ ինչպես նաև տեխնիկայի, այդ թվում նաև ուղղաթիռի:

Մարտական գործողուններում նախաձեռնությունը մեր ձեռքում է:

[Vrej1915]

Re: Military Forces of the Republic of Armenia

Սա Ադրբեջանի համար ծանր հետեւանքների կհանգեցնի. ՀՀ ՊՆ
Lragir.am
02 Ապրիլի 2016,


ՀՀ պաշտպանության նախարարության պաշտոնական հայտարարությունը

ՀՀ պաշտպանության նախարարությունը պաշտոնապես հաստատում է ս.թ. ապրիլի 1-ից 2-ի գիշերը ղարաբաղա-ադրբեջանական ուժերի շփման գծի ողջ երկայնքով հակառակորդի կողմից ձեռնարկված ակտիվ հարձակողական գործողությունների վերաբերյալ տեղեկատվությունը: Գործողությունների ընթացքում հակառակորդը, կիրառելով տանկեր, հրետանի և օդուժ, փորձել է ներխուժել ԼՂՀ ՊԲ պաշտպանության խորքը և գրավել մարտավարական դիրքեր:

Այս պահի դրությամբ ԼՂՀ ՊԲ ստորաբաժանումների ակտիվ գործողությունների արդյունքում շփման գծի ողջ երկայնքով հակառակորդը հետ է շպրտվել՝ տալով բազմաթիվ զոհեր: Մարտական գործողությունները շարունակվում են:

ՀՀ պաշտպանության նախարարությունը խստորեն դատապարտում է ռազմական գործողություններ սկսելու վերաբերյալ ադրբեջանական իշխանությունների աննախադեպ ագրեսիվ և անպատասխանատու որոշումը և պաշտոնապես հայտարարում է, որ դրանց շարունակումը կարող է հանգեցնել ադրբեջանական կողմի համար անկանխատեելի հետևանքների:

Ղարաբաղա-ադրբեջանական ուժերի շփման գծում իրադրության աննախադեպ լարման ողջ պատասխանատվությունը կրում են Ադրբեջանի իշխանությունները:

ՀՀ պաշտպանության նախարարությունը միջազգային հանրության և հատկապես ԵԱՀԿ Մինսկի խմբի համանախագահների ուշադրությունն է հրավիրում ստեղծված իրավիճակի վրա և ակնկալում է անհապաղ հասցեական միջամտություն՝ իրավիճակը վերահսկողության տակ պահելու և լայնածավալ ռազմական գործողություններից խուսափելու համար:

- See more at: http://www.lragir.am/index/arm/0/cou....KAXMijiR.dpuf

[Vrej1915]

Re: Military Forces of the Republic of Armenia

Nagorno-Karabakh Defense Army shoots down Azerbaijani helicopter
02.04.16

http://www.tert.am/en/news/2016/04/02/helicopter/1981489

Azerbaijan continues keeping the tension high along the Nagorno-Karabakh Line of Contact, launching aggressive armed raids against the Armenian defense positions.

Nagorno-Karabakh’s Defense Ministry reports that the frontline subdivisions of its armed forces successfully carry out defense operations in all the directions of the frontline, inflicting human and material losses on the adversary.

Apart from the damages caused, the anti-air defense forces of Nagorno-Karabakh’s Defense Army shot down an Azerbaijani helicopter in the northern part of the Line of Contact.

[Vrej1915]

Re: Military Forces of the Republic of Armenia

Հակառակորդը երկու ելք ունի. Արծրուն Հովհաննիսյան
2 Ապրիլի 2016,

ՊՆ մամլո խոսնակ Արծրուն Հովհաննիսյանն իր ֆեյսբուքյան էջում գրում է. «Ղարաբաղա-ադրբեջանական սահմանին թեժ մարտերը շարունակվում են: Օպերատիվ տեղեկությունների համաձայն՝ մեր ստորաբաժանումները, իրականացնելով հստակ պաշտպանական մարտեր, անցել են հակահարձակման հակառակորդին պատճառելով զգալի կորուստներ: Այն մասին, որ հակառակորդի առաջնահերթ պլանները ձախողվել են, վկայում է այն փաստը, որ ադրբեջանական և ոչ մի կայքում որևէ հաղորդում չկա մարտական այս լայնածավալ գործողությունների մասին:

Հակառակորդը երկու ելք ունի. կա՛մ փոխել իրադրությունը, կա՛մ մտածել սեփական հանրությանը մարդկային ու նյութական կորուստների մասին զեկուցելու եղանակների մասին»:

[Vrej1915]

Re: Military Forces of the Republic of Armenia

Պատերազմի ավարտից ի վեր սահմանին նման լարվածություն չէր եղել. ԼՂՀ նախագահի խոսնակ
Lragir.am
02 Ապրիլի 2016,


Սահմանում իրավիճակը լարված է, և հակառակորդը ոչ թե ինչ-որ հատվածներով է խախտում զինադադարը, այլ սահմանի գրեթե ողջ երկայնքով: Այս մասին Panorama.am-ի հետ զրույցում հայտնեց ԼՂՀ նախագահի մամլո խոսնակ Դավիթ Բաբայանը:

«Հակառակորդը օգտագործել է ծանր զինատեսակներ, և որոշ տեղերում նաև թափանցելու փորձեր է կատարել, սակայն ստանալով համարժեք պատասխան, հետ է շպրտվել և ունի մեծ կորուստներ», – նշեց Դ. Բաբայանը:

Վերջինս ընդգծեց` իրավիճակն այնպես է, որ նման լարվածություն չի եղել 1994թ-ից ի վեր:

Դավիթ Բաբայանի փոխանցմամբ` հակառակորդի կողմից կիրառվել են տարբեր տիպի ծանր զինատեսակներ, սակայն ստացել են համարժեք պատասխան:

- See more at: http://www.lragir.am/index/arm/0/cou....2sY8n1h4.dpuf