Military Forces of the Republic of Armenia

[Vrej1915]

Re: Military Forces of the Republic of Armenia

Սեյրան Օհանյանը՝ պաշտոնյաների՝ բանակում չծառայող որդիների մասին,
28.01.2015



Հիմա շատ դժվար է տարբեր պատճառներով խուսափել զինվորական ծառայությունից, սակայն չի բացառվում, որ կլինեն բացթողումներ, սխալներ: Այս մասին այսօր՝ հունվարի 28-ին, Հայոց բանակի կազմավորման 23-րդ ամյակի օրը, «Եռաբլուր» զինվորական պանթեոնում լրագրողների հետ զրույցում ասաց ՀՀ Պաշտպանության նախարար Սեյրան Օհանյանը՝ պատասխանելով լրագրողի այն հարցին, թե ինչու պաշտոնյաների որդիները չեն ծառայում բանակում: Նախարարն առաջարկեց կոնկրետ դեպքեր իմանալու դեպքում դիմել Պաշտպանության նախարարություն կամ անձամբ իրեն։

«Ես այդ առումով ակնկալում եմ մեր ժողովրդի, հասարակության եւ մշտապես այդ հարցը տվողների աջակցությունը։ Ամեն ինչ արվում է զինված ուժերում համալրման գործում արդարությունը, ազնվությունը բարձր մակարդակի վրա դնելու համար: Զորակոչի անցկացման ընթացքում ավելի բարձր, արդար հիմքերի վրա են դրվում զորակոչի անցկացման բոլոր ուղղությունները, կցագրման, բժշկական խնդիրների ոլորտում եւ հատկապես բաշխումը վիճականությամբ անցկացնելու ոլորտում»,- ասաց նախարարը:

Լուրեր Հայաստանից - NEWS.am

- See more at: http://news.am/arm/news/249876.html#....QGtOVOTI.dpuf

[Vrej1915]

Re: Military Forces of the Republic of Armenia

Դիվերսիոն փորձ Տավուշի մարզում, հակառակորդը կրակել է քաղաքացիական մեքենայի ուղղությամբ
29.01.15




Անցած գիշերվա ընթացքում ադրբեջանական կողմը խախտել է հրադադարի պահմանման ռեժիմը հայ-ադրբեջանական պետական սահմանագոտու տարբեր հատվածներում` կիրառելով հրաձգային, այդ թվում` խոշոր տրամաչափի զինատեսակներ: ՀՀ ԶՈւ առաջապահ ստորաբաժանումները համարժեք գործողությունների են դիմել արձանագրված նպատակային խախտումների դեպքում:

Հունվարի 29-ին, ժամը 00:30-ի սահմաններում, հակառակորդը հերթական դիվերսիոն գործողությունների փորձն է ձեռնարկել ՀՀ Տավուշի մարզում: Ոսկեպար-Կիրանց հատվածում ադրբեջանական դիվերսիոն խումբը կրակահերթեր է արձակել Daewoo մակնիշի քաղաքացիական մեքենայի ուղղությամբ: Մեքենայում գտնվող 3 անձինք հակառակորդի կրակահերթերից չեն տուժել:

Հայկական կողմի ձեռնարկած գործողությունների արդյունքում հետախուզական-դիվերսիոն խմբի անդամները հետ են շպրտվել:

ՀՀ զինված ուժերը վստահորեն վերահսկում են սահմանային իրավիճակը շփման գծի ամբողջ երկայնքով:

[Vrej1915]

Re: Military Forces of the Republic of Armenia

Warlick slams use of drones above Line of Contact
30.01.15







The US co-chair of the OSCE Minsk Group has condemned the use of unmanned drones above the Nagorno-Karabakh Line of Contact, considering it an act of provocation.

In a new post in his Twitter microblog, James Warlick also called for Azerbaijan and Armenia to reduce tension along the frontline.

“The reported use of "drones" above or across the Nagorno-#Karabakh line of contact is a provocation. The sides need to reduce tensions,” he tweeted.

The US diplomat periodically addresses the situation along the Line of Contact and the developments in the Nagorno-Karabakh conflict settlement efforts via messages on social networking site.

A spokesperson for Armenia’s ministry of defense, Artsrun Hovhannisyan, had earlier denied the reports that the drone downed Thursday belonged to the Armenian air forces. “We know Azerbaijan needs victories, even fictitious victories; so unrealistic that they dream of drones. According to reliable information at our disposal, Azerbaijan downed its own drone,” he said in a post on Facebook.

[Vrej1915]

Re: Military Forces of the Republic of Armenia

Ադրբեջանում կես տարի անց հիշել են դիվերսանտ Հասան Հասանովի մասին,
30.01.2015



Ադրբեջանում 6 ամիս անց հիշել են ԼՂՀ Շահումյանի շրջան ներթափանցած հակառակորդի դիվերսիոն-հետախուզական խմբի երրորդ անդամին՝ ձերբակալման ժամանակ զինված դիմադրություն ցուցաբերած, վնասազերծված եւ ոչնչացված Հասան Հասանովին:

Ինչպես հայտնում է haqqin.az-ը, «Ադրբեջանում իրավական բարեփոխումների կենտրոն»-ի հասարակական միավորում նախագահ Անար Բագիրովը հայտարարել է, որ Հասանովի մահվան առթիվ հարուցվել է քրեական գործ Ադրբեջանի քրեական օրենսգքրի 115-րդ (պատերազմի կանոնների խախտում) եւ 116-րդ (զինված հակամարտությունների ժամանակ միջազգային մարդասիրական իրավունքի նորմերի խախտում) հոդվածներով:

Միեւնույն ժամանակ, հայտնի է դարձել, որ ադրբեջանական կողմը մտադիր է դիմել Մարդու իրավունքների եվրոպական դատարան, որպեսզի այնտեղ քննվի նույն դիվերսիոն խմբի անդամների, Արցախում դատապարտված Դիլհամ Ասկերովի եւ Շահբազ Գուլիեւի գործը:

Հարկ է նշել, որ Ադրբեջանի իշխանություններն ավելի քան մեկ ամիս թույլ չեն տալիս ԿԽՄԿ-ին այցելել գերեվարված Արսեն Բաղդասարյանին: ԼՂՀ-ի գերիների, պատանդների եւ անհայտ կորածների հարցերով զբաղվող հանձնաժողովը այս հարցում լռություն է պահպանում:

Հիշեցնենք, որ Ադրբեջանի քաղաքացիներ Շահբազ Գուլիեւը, Դիլհամ Ասկերովը, ինչպես նաեւ սպանված երրորդ մասնակից Հասան Հասանովը, ունենալով զենք եւ զինամթերք, 2014թ. հունիսի 29-ին ապօրինաբար հատել էին ԼՂՀ պետական սահմանը եւ ներխուժել Հանրապետության Շահումյանի շրջանի տարածք՝ հետախուզական գործողությունների նպատակով: Տվյալ անձինք հատուկ առաջադրանքով տեղեկություններ էին հավաքել եւ լրտեսական գործունեություն իրականացրել: Ավելին, նրանք զենքի գործադրմամբ հուլիսի 4-ին առեւանգել էին ԼՂՀ անչափահաս քաղաքացի Սմբատ Ցականյանին, որի մարմինը հրազենային վնասվածքներով հայտնաբերվել էր հուլիսի 15-ին Քարվաճառ եւ Մանաշիդ համայնքների միջեւ ընկած անտառային զանգվածում: Բացի դրանից, Հասանովը հուլիսի 11-ի երեկոյան Վարդենիս-Քարվաճառ ճանապարհի 32-րդ կմ-ին ազգային ատելության հողի վրա հրազենով սպանել էր Երեւանի բնակիչ Սարգիս Աբրահամյանին, իսկ Կոտայքի մարզի Ձորաղբյուր գյուղի բնակիչ Կարինե Դավթյանին հրազենային վնասվածքներ էր հասցրել: Նա զինված դիմադրություն էր ցույց տվել ձերբակալման ժամանակ եւ վնասազերծվել: Հասանովի դին հայկական կողմը հոկտեմբերին հանձնել է Ադրբեջանին:

2014թ.-ի դեկտեմբերի 29-ին ԼՂՀ առաջին ատյանի դատարանը Ասկերովին դատապարտել է ցմահ, իսկ Գուլիեւին 22 տարվա ազատազրկման: Ադրբեջանցի դիվերսանտները բողոքարկել են առաջին ատյանի կայացրած որոշումը:

Լուրեր Հայաստանից - NEWS.am

[Vrej1915]

Re: Military Forces of the Republic of Armenia

ԼՂՀ բանակը պատժիչ գործողություն է իրականացրել. Շարքից հանվել է երկու դիրք
Lragir.am
Ներքին կյանք - 31 Հունվարի 2015,


ԼՂՀ անվտանգությունն ապահովելու նպատակով ՊԲ առաջապահ ստորաբաժանումները հունվարի 31-ին ժամը 13:00-14:00-ի սահմաններում դիմել են պատժիչ գործողությունների, որոնց արդյունքում շփման գծի արևելյան ուղղությամբ շարքից հանվել է հակառակորդի 2 դիրք և մեկ մարդատար ավտոմեքենա:
Նույն ուղղությամբ մեկ այլ հատվածում խփվել է հակառակորդի առնվազն 2 զինվոր:

ԼՂՀ ՊՆ մամուլի ծառայության տեղեկացմամբ՝ ՊԲ ստորաբաժանումները շարունակում են վստահորեն վերահսկել ողջ առաջնագիծը:

- See more at: http://www.lragir.am/index/arm/0/cou....HN7jXUUu.dpuf

[Vrej1915]

Re: Military Forces of the Republic of Armenia

ԼՂ ՊԲ. Ադրբեջանական բանակը խոցել է իրեն պատկանող անօդաչու սարքը


31.01.2015

Լեռնային Ղարաբաղի Պաշտպանության բանակի օպերատիվ տվյալների համաձայն, հունվարի 25-31-ն ընկած ժամանակահատվածում Ղարաբաղի և Ադրբեջանի զորքերի շփման գծում հակառակորդը հրադադարի պահպանման ռեժիմը խախտել է շուրջ 2200 անգամ, որի ընթացքում տարբեր տրամաչափի հրաձգային զինատեսակներից, այդ թվում՝ ականանետերից և տարբեր տիպի նռնականետերից հայ դիրքապահների ուղղությամբ արձակել է ավելի քան 40 հազար կրակոց:

«Նույն ժամանակահատվածում հակառակորդն իրականացրել է դիվերսիոն ներթափանցման փորձեր, որոնք ժամանակին հավաստանշվել են հայ դիրքապահների կողմից և ետ շպրտվել: ՊԲ առաջապահ ստորաբաժանումների պատասխան գործողությունների արդյունքում՝ հակառակորդն ունեցել է առնվազն 3 զոհ և վիրավորներ: ՊԲ-ն կորուստներ չի ունեցել»,- հայտնում է Ղարաբաղի պաշտպանության նախարարության մամուլի ծառայությունը։

Ըստ պաշտոնական հաղորդագրության՝ Ադրբեջանը նաև դիմել է «էժանագին քարոզչական հնարքի՝ հայտարարելով, թե իբր Ակնայի ուղղությամբ խոցել է հայկական անօդաչու թռչող սարք»: «Բայց իրականում ՊԲ համապատասխան կառույցները բացահայտել են, որ ադրբեջանական բանակը խոցել է իրենց պատկանող անօդաչուն»,- ասված է հաղորդագրությունում։

[Vrej1915]

Re: Military Forces of the Republic of Armenia

Ենթականերիս բոլոր երեխաներն էլ ծառայում են՝ առաջին գծից սկսած. Սեյրան Օհանյան
01.02.15

http://www.tert.am/am/news/2015/02/01/seyran-ohanyan4/1576040

Պաշտպանության նախարար Սեյրան Օհանյանը Tert.am-ի հետ զրույցում վստահեցրեց, որ նախարարությունը և ինքն անձամբ ամեն ինչ անում են հասարակության մեջ վերականգնելու վստահությունը, որ պաշտոնյաների երեխաները նույնպես ծառայում են բանակում, ընդհուպ մինչև առաջին գիծ ուղարկվում։

«Հասարակության մոտ եղած անվստահությունը մենք կամաց-կամաց փոխում ենք։ Գիտե՞ք ում երեխաները չեն ծառայել, ներկայացրեք, ես ճշտեմ... իմ տիրույթում, իմ ենթակաների երեխաները բոլորն էլ ծառայում են՝ առաջին գծից սկսած, սկսած իմ երեխաներից, գլխավոր շտաբ, փոխնախարարի երեխաներ, վարչության պետի, գլխավոր շտաբի պետի երեխաներ, ծառայում են և իրենց պարտքը տալիս են հայրենիքին»,-նկատեց նախարարը։

Սեյրան Օհանյանի խոսքով՝ վիճակագրությամբ իրականացվող բաշխումը զորակոչի ընթացքում ըստ զորամասերի բացառում է, որ որոշ մարդկանց երեխաներին ավելի ապահով զորամասեր զորակոչվեն։

«Մենք գիտենք, ըստ մասնագիտությունների, ըստ առողջական վիճակի և նաև կրթության բախշման համակարգի հավասարաչափ բաշխում ենք և յուրաքանչյուրն իր ծառայությունը տանում է իր հնարավորությունների սահմաններում։ Ես իմ աշխատանքի արդյունքում ինչ-որ մի ձև հասել եմ դրան և պահպանելու եմ այն»,- ասաց նա։

Հարցին, թե ժամանակը չէ արդյոք, որ ցուցակներ հրապարակվեն, թե կոնկրետ պաշտոնայների երեխաներից ով որտեղ է ծառայում, նախարարը հակադարձեց։

«Ամեն մեկն իր գործը պետք է անի, ես հիմա բանակի կազմ ներկայացնե՞մ, ձեզ, բանակի ցուցակ ներկայացնե՞մ, ինչո՞վ է բանակը տարբերվում այդ քաղաքացիական կյանքից, երբ որ ես պետք է ամբողջությամբ ներկայացնեմ։ Չէ՞, որ բանակը յուրահատուկ ռեժիմի կառույց է իր գաղտնիության ռեժիմի պահպանման պայմաներով»,– ավելացրեց նախարարը։

[Haykakan]

Re: Military Forces of the Republic of Armenia

SEYRAN OHANYAN FIRES LEADERSHIP OF MILITARY ACADEMY AFTER VAZGEN SARGSYAN

by Ashot Safaryan

Monday, February 2, 12:05

Defense Minister of Armenia Seyran Ohanyan launches personnel purges at
the Military Academy after Vazgen Sargsyan after cadet Haykaz Barsegyan
was found hanged from a chin-up bar on the local sports ground.

According to ArmInfo's data, Head of the Academy, Major General Martin
Karapetyan has already filed in his resignation and Defense Minister
Seyran Ohanyan has accepted it. Furthermore, the minister is firing
the entire leadership of the Academy up to the heads of chairs.

The body of Haykaz Barseghyan was found hanged from a chin-up bar
on the sports ground at his military unit on Jan 29 morning. Chief
Military Investigation Department of the Investigation Committee has
opened a criminal case based on Article 104.7.2. of the Criminal Code
of Armenia (murder committed by a group of persons of organized group)
after relevant examination of the spot and preparation of materials.

Four cadets of the Academy have already faced murder charges: Movses
Azaryan, Norik Sahakyan. Vacheh Sahakyan, Gnel Tevosyan. All the four
have been arrested.

On January 31, the minister called extraordinary meeting over
Barseghyan's murder. Looking into the materials of the case, the
minister said that crime was a result of ill-natured relations and
activity of separate officers and negligence of duties by them.

Ohanyan said the murder of the cadet was a stab in the back of the
men who guard the country's borders day and night.

http://www.arminfo.am/index.cfm?objectid=A0707100-AABA-11E4-82010EB7C0D21663

[Vrej1915]

Re: Military Forces of the Republic of Armenia

«Նույնիսկ ամենամտերիմ ընկերները չգիտեին, որ Զորիկը հետախույզ է» (ֆոտո)
03.02.2015

http://news.am/arm/news/250716.html

Ղարաբաղա-ադրբեջանական շփման գծում օգոստոսի 1-ի լույս 2-ի գիշերը հակառակորդի ձեռնարկած հետախուզադիվերսիոն գործողության ժամանակ զոհված Զորիկ Գեւորգյանը հունվարի 29-ին կդառնար 26 տարեկան:

Իջեւանում ծնված եւ Վանաձորում մեծացած Զորիկը դեռ դպրոցական տարիներին էր «հայտարարում», որ զինվորական է դառնալու: Թեեւ հայրը, քեռին, եղբայրը զինծառայողներ էին, ընտանիքը դեմ էր Զորիկի որոշմանը:

«Դեմ էինք, որովհետեւ դժվար ու պատասխանատու գործ է»,- շեշտում է Զորիկի քույրը՝ Անին, ու շարունակում. «Բայց Զորիկի որոշումը հստակ էր: 10-րդ դասարանն ավարտելուց հետո անմիջապես թղթերը հանձնեց ռազմական ինստիտուտ: Այդ ժամանակ մայրս Երեւանի հիվանդանոցում տատիկիս էր խնամում, քաղցկեղով հիվանդ էր տատիկս, իսկ հայրս ծառայության բերումով Վանաձորում չէր: Զորս հանձնեց թղթերն ու ընդունվեց: Զանգեց ու ասաց ծնողներիս: Արդեն ի՞նչ կարող էին անել, մաղթեցին բարի ծառայություն»:

Զորիկը սկզբում ընտրել էր հետեւակի մասնագիտությունը եւ միայն 4-րդ կուրսում մտափոխվել եւ դարձել հետախույզ: Ծնողներն այս անգամ էլ էին դեմ նրա որոշմանը, բայց ինչպես նախորդ անգամ՝ Զորիկի որոշումը փոխել հնարավոր չէր:

«Զորիկն այդ ժամանակ ծնողներիս ասաց՝ եթե մի գործով զբաղվում ես, պիտի սիրես, ու մեկնեց ծառայության: Սկզբում Բալուջայում էր, իսկ 2013թ.-ի օգոստոսից՝ Մարտակերտում»,- պատմում է զոհված զինծառայողի քույրը:

Զորիկի աշխատանքի մասին ոչ ոք ոչինչ չի իմացել, նույնիսկ ամենամտերիմ ընկերները միայն նրա մահվանից հետո են իմացել, թե նա իրականում ինչով է զբաղվել: Սահմանին տիրող իրավիճակի մասին նա խոսել չէր սիրում, բոլորին համոզում էր, որ լարվածություն չկա: Դիրքերում եւ զորամասում Զորիկը բոլորի համար հոգատար ընկեր էր, մարտական առաջադրանք կատարելու ժամանակ՝ խիստ հրամանատար:

«Երբ Զորիկի հետ էինք, ոչ մի առաջադրանքից չէինք վախենում: Եթե Զորիկի հետ էինք, ուրեմն ապահով էինք»,- պատմում է Զորիկի ծառայակից ընկերներից մեկը:

Զորիկը փայլում էր ոչ միայն մասնագիտական որակներով, այլեւ մարդկային տեսակով: Բարի, համբերատար, ժպտերես, ներող ու ընկերասեր. այսպես են նկարագրում նրան հարազատները:

«Մենք դասընկեր ունեինք, իրենք վատ էին ապրում, ու սեպտեմբերի 1-ին մեր դասընկերը դասի չէր եկել: Եկանք տուն, Զորս ասաց՝ մամ, գիտես՝ Տարոնը դասի չի եկել, որ խնդրեմ կթողնես՝ իմ շալվարը տամ իրեն: Մաման ասաց՝ հա ցավդ տանեմ, ու Զորս հացը կիսատ թողեց ու իր շալվարն ու բոթասները վազելով տարավ Տարոնին: Զորս ուրախացել էր շատ, որ Տարոնն արդեն դասի կգա»,- պատմում է Զորիկի քույրը:

Հերոսն արդեն 6 ամիս իր ընտանիքի կողքին չէ. այսօր էլ ոչ ոք չի հավատում, որ գործին այսքան լավ տիրապետող զինծառայողն այլեւս չկա:

«Հետո հասկանում են, որ Զորը 50 շների դեմ է դուրս եկել ու գիտակցաբար առաջ գնացել... Հպարտորեն, բայց ցավով ասում են՝ իսկ ու՞ր էինք մենք»,- Զորիկի մասին խոսքը եզրափակում է Անին:



















Լուրեր Հայաստանից - NEWS.am

[Vrej1915]

Re: Military Forces of the Republic of Armenia

Գնդակոծվում է Ներքին Կարմիրաղբյուրը. զոհվել է խաղաղ բնակիչ
06.02.2015

http://news.am/arm/news/251313.html

Փետրվարի 5-ին ուշ երեկոյան ադրբեջանական կողմից գնդակոծություն է սկսվել Տավուշի մարզի սահմանամերձ Ներքին Կարմիրաղբյուր գյուղի ուղղությամբ, որի պատճառով խաղաղ բնակիչ է զոհվել:

«Ազատության» հետ զրույցում Բերդ քաղաքի հիվանդանոցից տեղեկացրել են, որ ժամը 23:30-ին հարազատները հոգեվարքի մեջ հիվանդանոց են բերել Ներքին Կարմիրաղբյուրի բնակիչ, 1954թ. ծնված Վանիկ Ղուկասյանին, ով մահացու վիրավորումը ստացել է իր տան բակում:

Ներքին Կարմիրաղբյուրի գյուղապետ Մանվել Կամենդատյանը հայտնել է, որ կրակոցներն այս պահի դրությամբ շարունակվում են:

Լուրեր Հայաստանից - NEWS.am