Russians will manage, what they do best: turn their friends into enemies....

[Vrej1915]

Re: Russians will manage, what they do best: turn their friends into enemies....

«Եվ հետո մենք զարմանում ենք, թե ինչու մեզ շուրջ բոլորն ատում են». Բորիս Նեմցով
Փաստինֆո, Լրատվական գործակալություն

http://pastinfo.am/hy/node/60238

Քաղաքականություն - 17 Հունվարի 2015,


Ռուս ընդդիմադիր քաղաքական գործիչ Բորիս Նեմցովը ֆեյսբուքյան իր էջում իր քննադատական ձայնն է բարձրացրել Գյումրիում եղեռնական սպանության հետ կապված որոշ բացասական զարգացումների դեմ:

«Երբ Հակամայդան կրեմլյան շարժումը Գյումրիում հայկական ընտանիքի սպանության մեջ մեղադրվող Պերմյակովին հայտարարում է խղճի կալանավոր, ինչի՞ վրա են հույսները դնում: Հայ ժողովրդի սիրո վրա՞, թե՞ նրա վրա, որ ռուսներին անիծեն նույնիսկ ցայժմ բարեկամ Հայաստանի քաղաքացիները:

Նման է նրան, որ կրեմլյան սադրիչները հենց երկրորդի վրա էլ հույս են դնում: Իսկ Կրեմլը լռելյայն նրանց պաշտպանում է:
Մինչդեռ Ռուսաստանի ու Հայաստանի միջև գործում է Հայաստանում ռուսաստանյան ռազմաբազայի գտնվելու հետ կապված իրավասության և իրավական փոխօգնության հարցերով համաձայնագիր՝ ստորագրված դեռևս 1997թ.:

Համաձայնագրի 4-րդ հոդվածն ուղղակի հաստատում է, որ Պերմյակովը պետք է հանձնվի հայկական արդարադատությանը, այնպես որ Երևանում ու Գյումրիում ցուցարարները բացարձակապես օրինական են պահանջում Ռուսաստանից միջազգային պարտավորությունների անշեղորեն կատարում:
Սակայն Պերմյակովին չեն հանձնում, և անգամ նրան անվանում են խղճի կալանավոր...

Եվ հետո մենք զարմանում ենք, թե ինչու մեզ շուրջ բոլորը ատում են»,- գրառում է թողել Բ.Նեմցովը:

[Vrej1915]

Re: Russians will manage, what they do best: turn their friends into enemies....

Ոստիկանապետ. Երկու ժամ առաջ մենք տեղեկություն ունեինք, որ Պերմյակովը սահմանին է,
17.01.2015

http://news.am/arm/news/248240.html

Հայաստանի ոստւիկանապետ Վլադիմիր Գասպարյանի համար նշանակություն չունի, թե ով է բռնել Գյումրիում հունվարի 12-ին ընտանիքի վեց անդամների դաժան սպանության մեջ մեղադրվող` ռուսական 102-րդ ռազմաբազայի ժամկետային զինծառայող Վալերի Պերմյակովին:

«Մեր խնդիրն է ստեղծել այնպիսի իրավիճակ, որ ոչ մի հանցագործ չհեռանա մեր տարածքից: Հենց այդ էլ մենք ապահովում ենք: Անկեղծ ասած` ձերբակալումից երկու ժամ առաջ մենք տեղեկատվություն ունեինք, որ Պերմյակովը հայ-թուրքական սահմանին է: Մեր 35 հոգանոց խումբը մեկնել էր այնտեղ, նայել տարածքի մի մասը եւ զգուշացրել սահմանապահներին: Ինձ համար կարեւոր չէ, թե ով է բռնել հանցագործին, մնացածն իմ տիրույթում չէ»,- այսօր` հունվարի 17-ին, լրագրողների հետ զրույցում ասաց ոստիկանապետը:

Նրա խոսքով` քննությունը կպարզի ոճրագործության հանգամանքները: Ոստիկանապետի կարծիքով` բազում հարցեր կան, որոնք պետք է պատասխան ստանան, մասնավորապես ինչու է նման քայլի դիմել, կոշիկը թողել տանը, այսքան տարածք ինչու է եկել, հասել:

«Մենք մեր ֆունկցիաները կատարում ենք, մնացածը նախաքննության ընթացքում հայտնի կդառնա»,- նշեց Վլադիմիր Գասպարյանը:

Ավելի վաղ NEWS.am-ը հայտնել էր, որ հունվարի 12-ին Գյումրիի Մյասնիկյան փողոցի տներից մեկում հրազենային վնասվածքներից սպանված են գտել Ավետիսյանների ընտանիքի 6 անդամներին, այդ թվում՝ մեկուկես տարեկան դուստրը: Վեց ամսական Սերյոժա Ավետիսյանը վնասվածքներ էր ստացել եւ տեղափոխվել է հիվանդանոց:

Կասկածյալը՝ ռուս զինվորական Վալերի Պավելի Պերմյակովը ձերբակալվեց նույն օրը կեսգիշերին մոտ, ըստ պաշտոնական տվյալների՝ հայ-թուրքական սահմանի մոտ: Ներկայումս նա գտնվում ռուսական ռազմակայանում: Նրան կալանավորել են եւ մեղադրանք են առաջադրել Ռուսաստանի Դաշնության Քրեական օրենսգրքի 105-րդ հոդվածի 2-րդ (երկուսից ավելի մարդկանց սպանություն) եւ 338-րդ հոդվածի 2-րդ մասի (դասալքություն՝ ծառայողական զենքով):

ՀՀ գլխավոր դատախազության մեկնաբանմամբ, նա գտնվումէ ՌԴ իրավազորության ներքո եւ դատվելու է ռուսական օրենսդրությամբ: Այս որոշումը հանրային բողոքի լայն ալիք է բարձրացրել, վերջին օրերին բողոքի ակցիաներ եւ մոմավառություններ են եղել Երեւանում, Գյումրիում, այլ քաղաքներում:

Լուրեր Հայաստանից - NEWS.am

[Vrej1915]

Re: Russians will manage, what they do best: turn their friends into enemies....

Ի՞նչ է այդպես խնամքով թաքցնում ռուսական կողմը
Lragir.am
Մեկնաբանություն - 17 Հունվարի 2015,


Հայկական լրատվամիջոցները Գյումրիում հունվարի 12-ին տեղի ունեցած ողբերգության նորանոր վարկածներ են առաջ քաշում: Մասնավորապես, պնդվում է, որ հայ ընտանիքի 6 անդամներին գնդակահարած ռուս զինծառայող Վալերի Պերմյակովը մենակ չի եղել:

«Հայկական ժամանակ» թերթն այսօր գրել է, որ իր տեղեկություններով Հայաստանի գլխավոր դատախազ Գեւորգ Կոստանյանը նամակով դիմել է իր ռուս գործընկերոջը, սակայն ոչ թե Պերմյակովին հայկական արդարադատությանը փոխանցելու պահանջով, այլ գոնե հայ քննիչներին գործին մոտ թողնելու խնդրանքով:

Ստացվում է, որ հայ քննիչներին նույնիսկ մոտ չեն թողնում Պերմյակովին, եւ բոլոր «արտահոսքերը», որ նա ջուր է խնդրել, խոստովանել է սպանությունը եւ այլն, ռուսական կողմն է անում:

Ռուսական կողմը դեռ պաշտոնական հայտարարություն չի արել, որ համաձայն է համատեղ հետաքննությանը: Դա նշանակում է, որ խոսք չի կարող գնալ ոչ միայն Պերմյակովին հանձնելու, այլ նույնիսկ հայ քննիչներին նրան մոտ թողնելու մասին:

Ի՞նչ է թաքցնում ռուսական կողմը: Եթե խոսքն այն մասին է, որ Պերմյակովը մենակ է գործել եւ իրոք հոգեկան խնդիրներ ունի, ապա ռուսական կողմը պետք է շահագրգռված լինի, որ այդ վարկածը հայ քննիչներն էլ հաստատեն:

Եթե նրանք մոտ չեն թողնում հայ քննիչներին, նշանակում է, որ Պերմյակովն այլ վարկած գիտի: Ամենահավանական վարկածն էլ այն է, որ նա մենակ չի եղել, կամ էլ Պերմյակովը չի եղել, այլ մի խումբ այլ մարդիկ: «Հայկական ժամանակը» այդ վարկածը եւս հիմնավոր առաջ է քաշում՝ հղում անելով, որ գրեթե միաժամանակ 6 հոգի սպանվել է տարբեր սենյակներում, եւ մեկ հոգին չէր կարող դա անել:

Ո՞վ է գնդակահարել խեղճ ընտանիքին: Պերմյակովին հանձնելու ռուսական կողմի ցանկության բացակայությունը հանգեցնում է այն մտքին, որ մի քանի պերմյակով է եղել, եւ ռուսները քաղաքականապես ավելի անվտանգ են համարում մեղքը մեկ հոգու վրա բարդելը, քան խոստովանելը, որ Գյումրիում 1 ամբողջ խումբ է գործել:

Այդ ի՞նչ խումբ է: Վարկածները կարող են շատ լինել: Այդ թվում, կապված շովինիզմի ալիքի հետ, որը համակել է ռուս հանրությանը եւ դրա ամենացածր շերտերին, որոնց Ռուսաստանում «օտմորոզոկ» են անվանում:

Գյումրիի բնակիչները պատմում են տեղացիների նկատմամբ ռուսական բազայի ծառայողների անհարգալից վերաբերմունքի մասին: Ռուսները, որոնք հիմա փորձում են չերեւալ Գյումրիի փողոցներում, հայերին վերաբերվում էին որպես կեղտոտ «աբորիգենների», որոնց նույնիսկ կարելի է չվճարել խանութում, սրճարաններում:

Այդ ֆոնին կարելի՞ է արդյոք ենթադրել, որ այդպիսի «օտմորոզոկների» մի խումբ, ոգեշնչված շովինիստական քարոզչությամբ, որոշել է «հերոսություն» անել, որպեսզի ծառայությունից հետո հպարտանալու բան լինի: Կամ էլ, նրանց ուղղորդել են: Իսկ հետո ամեն ինչ բարդվել է «չմո» Պերմյակովի վրա:

Հնարավոր է, Պերմյակովը կարող է շատ բան պատմել հայ քննիչներին, այդ թվում, այն մասին, որ մի ամբողջ խումբ է գործել, իսկ ռուսական կողմի համար դա ավելի վատ է, քանի եթե գործը վերաբերվի միայն Պերմյակովին:

- See more at: http://www.lragir.am/index/arm/0/com....3ILtlwDw.dpuf

[Vrej1915]

Re: Russians will manage, what they do best: turn their friends into enemies....

Բարոյալքություն Գյումրիի ռազմակայանում

ՀԱՅԿԱԶՆ ՂԱՀՐԻՅԱՆ, Գլխավոր խմբագիր
Մեկնաբանություն - 18 Հունվարի 2015,


Այսօր տեղեկություն տարածվեց, որ Գյումրիում ռուսական ռազմակայանի զինծառայողների մասնակցությամբ հերթական միջադեպն է գրանցվել. նախ նրանք իրար մեջ են վիճաբանել, այնուհետեւ վիճաբանել են իրենց բաժանողների հետ: Միջադեպը արագ հարթվել է, զինծառայողները վերադարձվել են ռազմաբազա:

ՀՀ ոստիկանությունը հերքել է այս միջադեպի մասին տեղեկությունները:

Մամուլում տեղեկություն եղավ, որ Գյումրիի ոճրագործությունից հետո ռուս զինվորականներին արգելվել է լքել ռազմակայանի տարածքը: Միայն նրանց, ովքեր ընտանիքներ ունեն, թույլ է տրվում ծառայությաւնից հետո տուն գնալ: Ըստ տեղեկությունների, ներքին կարգով վերահսկվում են այն տեղերը, որտեղ բնակվում են զինծառայողների ընտանիքները:

Տեղեկություններ կան, որ ոճրագործությունից եւ մանավանդ սպանության քննության հակասական ու մութ պատմություններից հետո Գյումրիում սկսված հուզումների պատճառով բազմաթիվ զինծառայողներ դիմումներ են գրում Գյումրիի ռազմակայանից հեռանալու վերաբերյալ:

Գյումրիի բազայի հետ վերջին տարիներին բազմաթիվ աղմկոտ պատմություններ են կապված, որոնց հետեւանքով կան տասնյակի չափ զոհեր, այդ թվում՝ երեխաներ: Հունվարի 12-ի ոճիրը եւ դրան հաջորդող իրադարձությունները անդառնալի հետեւանքներ ունեցան գյումրեցիների տրամադրություններում:

Այս քաղաքը թերեւս Հայաստանի ամենառուսամետ քաղաքն է եւ միշտ մեծագույն հոգածությամբ է վերաբերվել ռուսական ռազմակայանին եւ զինծառայողներին, ըմբռնումով մոտենալով կենցաղային բնույթի զանազան միջադեպերին:

Սակայն հունվարի 12-ի ոճիրը վերջին կաթիլն էր: Գյումրեցիները դուրս եկան փողոց՝ իրենց արդարացի բողոքն ու պահանջները ներկայացնելով հայ իրավապահներին: Նրանք, ի հեճուկս որոշակի շրջանակների, չեն «քաղաքականացրել» հարցը, այլ հանդես են գալիս օրինականության, արժանապատվության դիրքերից:

Սակայն, որքան էլ հարցը չքաղաքականացվի, այնուամենայնիվ տեղի են ունեցել անդառնալի երեույթներ, որոնք իրենց հետքն են թողնելու թե մարդկանց տրամադրությունների, թե քաղաքական զարգացումների վրա:

Գյումրեցիները չվախեցան իրենց հասցված ծանր հարվածից, ավելին, հաղթահարեցին իրենց նախկին վախերն ու «ըմբռնումը»: Ընդ որում, որքան շարունակվի Գյումրիի ոճրագործության հարցով իրավական անորոշությունն ու ռուսական կողմի ներկայիս պահվածքը, այդքան այդ տրամադրությունները խորանալու են:

Իր հերթին, ռուսական ռազմակայանի զինծառայողների համար ստեղծվել է բավական բարդ իրավիճակ: Մի բան է, երբ ծառայությունն անցնում է բարյացակամ միջավայրում, լիովին այլ բան՝ թշնամական: Գյումրիում, իհարկե, թշնամական միջվայրը դեռ հեռու է, սակայն հենց այդպես է ընկալվելու ռազմակայանի կողմից: Հատկապես մի ռազմակայանի, որը երբեք աչքի չի ընկել կարգապահությամբ եւ տեղական բնակչության հանդեպ տարրական հարգանքով:

Բացի այդ, կա ծանր ոճրագործության խարանը, որն այսպես թե այնպես, ուզեն թե չուզեն, տարածվելու է ողջ ռազմաբազայի վրա: Այնտեղ անշուշտ կան բազմաթիվ զինծառայողներ, որոնց համար դա մղձավանջային պատասխանատվություն է, եւ նրանք չէին ցանկանա կիսել այն:

Այս ամենը չի կարող չբարոյալքել ռազմակայանը, ինչին նպաստում է ռուսական կողմի համառությունը՝ հանցագործության քննությունը հայկական կողմին չփոխանցելու հարցում: Արդեն ներկայում այս հարցում դժգոհություններ կան նաեւ Ռուսաստանում: Շատերը հարցնում են՝ արդյոք Մոսկվայի համար հանցագործն ավելին է, քան Հայաստանի հետ բարեկամությունը:

Ըստ ամենայնի, հենց այդպես է, մանավանդ որ արդեն տեղեկություններ կան մեղադրվողի հետագա ճակատագրի հարցում՝ նա տեղափոխվելու է Ռուսաստան, եւ առավելագույն պատիժն այն է լինելու, որ հայտնվելու է հոգեբուժարանում: Իսկ սա ավելի է խորացնելու ստեղծված իրավիճակը:

Թերեւս, սա է պատճառը, որ զինվորականները ցանկանում են լքել ռազմակայանը: Գյումրիի հերթական միջադեպը զինծառայողների մասնակցությամբ նշանակում է, որ ռազմակայանում բարոյալքման գործընթացը շարունակվում է, եւ ռուսական կողմն այս «օբյեկտի» առջեւ դրել է լիովին այլ խնդիրներ, քան նրանք, որոնք սահմանված են հայ-ռուսական պայմանագրերով:

- See more at: http://www.lragir.am/index/arm/0/com....03QoqzPB.dpuf

[Vrej1915]

Re: Russians will manage, what they do best: turn their friends into enemies....

Գալիս է սառը մոտեցումների ժամանակը. հուզական բոլոր քայլերը կարող են վտանագավոր լինել. քաղաքագետները՝ Գյումրու բախումների մասին
17.01.15







Քաղաքագետներ Ալեքսանդր Մանասյանը և քաղտեխնոլոգ Վիգեն Հակոբյանը, Tert.am-ի հետ զրույցում անդրադառնալով Գյումրիում տեղի ունեցած դեպքերին, որտեղ ակցիայի մասնակիցների և ոստիկանների միջև բախումներ տեղի ունեցան, նշեցին, որ այդ պահի իրողությանը համարժեք էին հուզական պոռթկումները, բայց դրանք կարող են խանգարել ճշմարտության բացահայտմանը և սառը դատողությանը:

«Մենք պետք է դեպքի մասին ճշմարտությունն իմանանք, նոր միայն քայլեր ձեռնարկենք: Իսկ մինչ ճշմարտության բացահայտումը հուզական բոլոր քայլերը կարող են վտանագավոր լինել և չհամապատասխանել խնդրի էությանը»,-ասաց Ալեքսանդր Մարգարյանը՝ շարունակելով. «Այնպես որ` ես կարծում եմ, որ պետք է իրոք սպասենք, բայց ո'չ թե պասիվ ձևով,այլ` ակտիվորեն հետևենք, թե ինչպես է քննվում ու բացահայտվում այդ գործը»:


Քաղաքագետն այն համոզմանն է, թե չի բացառվում, որ դա երրորդ կողմի սադրանքն է, և բոլոր նրանք, ովքեր չէին ուզում հանդարտվել, կարող են նրանց ձեռքին գործիք դառնալ:
Հետևաբար, ըստ քաղաքագետի, թեև դժվար է, բայց պետք է մի քիչ համբերությամբ և հետևողականորեն սպասել, որպեսզի ճշմարտությունը բացահայտվի:
Ալեքսանդր Մանասյանի խոսքով՝ բացի եվրոպական որոշ ժողովուրդներից` մյուսներին խանգարում է հուզականությունը, պոռթկումը:
«Չեմ ասում, թե այդ պոռթկումը վատ բան է, բայց, այնուամենայնիվ, այն պետք է լինի տեղին: Դրա համար պետք է սպասենք և նպաստենք ճշմարտության բացահայտմանը»,-ասաց Մանասյանը:


Քաղտեխնոլոգ Վիգեն Հակոբյանի գնահատմամբ՝ ավելի քան բնական է, որ այդ դեպքը բավական սուր հնչեղություն ունի, նաև` բավական լուրջ հուզական կողմ:
«Չէր կարող հուզական կողմ չլիներ: Իհա՛րկե, շատ դեպքերում դա կարող էր խանգարել, բայց մյուս կողմից էլ` դա պայմանավորված էր նրանով, որ երկար ժամանակ իշխանությունների կողմից չկար ադեկվատ մոտեցում: Երբ նման վիճակում գտնվող հասարակության հետ ղեկավարությունը չի շփվում, չի բացատրում, լինում են բավական լուրջ սպեկուլյացիաներ, այդ թվում նաև` քաղաքական շահարկումներ»,-ասաց քաղտեխնոլոգը:


Միևնույն ժամանակ` նա նշում է, որ եթե աստիճանաբար գերակշռի սառը մոտեցումը, և Հայաստանի իշխանությունները կոնկրետ դիրքորոշում ունենան, գործը տեղից կարող է շարժվել:
«Կարծում եմ, որ հիմա խնդիրը տեղափոխվում է քաղաքական դաշտ: Քիչ հեռանկարային է, որ հարցը լուծվի իրավաբանական տեսակետից: Կարծում եմ, որ Հայաստանի և Ռուսաստանի ամենաբարձրաստիճան ղեկավարությունը պետք է այս հարցի քաղաքական լուծումը գտնի»,-նշեց Վիգեն Հակոբյանը:


Այդուհանդերձ, քաղտեխնոլոգի խոսքով՝ այդ պահի համար ժողովրդի պահվածքը համարժեք էր. «Ես այլ բան չէի էլ սպասում: Հասարակության այդ մոտեցումն անհամեմատ ավելի համարժեք էր, քան իշխանությունների վերաբերմունքը: Հիմա այդ հուզական պահն աստիճանաբար ետ է գնում, ավելի սառը մոտեցումներ են առաջ գալու: Չեմ բացառում, որ այդ հուզական պահը կարող էին շահարկել. մենք շատ բան ենք տեսել և հասկանում ենք, որ ցանկացած առիթ կարող էին օգտագործել, բայց այդպիսի առիթներ պետք չէ ստեղծել, որ օգտագործեն: Հիմա գալիս է սառը մոտեցումների ժամանակը, և բավական լուրջ գործ ունեն անելու Հայաստանի և Ռուսաստանի իշխանությունները, որպեսզի իրավիճակն էլ ավելի չբարդացնեն»:

[Vrej1915]

Re: Russians will manage, what they do best: turn their friends into enemies....

Ոստիկանությունը հերքում է ռուս զինծառայողների մասնակցությամբ ծեծկռտուքի լուրերը

http://www.azatutyun.am/archive/news/20150117/2031/2031.html?id=26799498

17.01.2015
Ոստիկանության հասարակայնության հետ կապի ու լրատվության վարչության պետ Աշոտ Ահարոնյանը քիչ առաջ «Ազատության» հետ զրույցում հերքեց տեղեկություններն այն մասին, թե Գյումրիում ռուս զինծառայողների մասնակցությամբ ծեծկռտուք է տեղի ունեցել։

Նշենք, որ ավելի վաղ լրատվամիջոցները հայտնել էին, որ Գյումրիում ռուսաստանցի 2 զինծառայողների մասնակցությամբ միջադեպ է տեղի է ունեցել, որից հետո քաղաքացիներ են բերման ենթարկվել ոստիկանության «Կումայրիի» բաժին:

[Vrej1915]

Re: Russians will manage, what they do best: turn their friends into enemies....

Ռուսական կողմը փորձել է թաքցնե՞լ Պերմյակովի դասալքությունը ,
18.01.2015



Ռուսական կողմը, մասնավորապես, ՀՀ-ում տեղակայված ռուսական 102-րդ ռազմակայանի ղեկավարությունը, փորձել է լռել շարքային զինծառայող Վալերի Պերմյակովի դասալքության փաստի մասին: Նման տեսակետ է հայտնել ռազմական շրջանակների ներկայացուցիչը, որը չի ցանկացել նշել իր անունը:

Նրա խոսքով՝ նման փորձի մասին է վկայում այն հանգամանքը, որ դատելով այդ թվում պաշտոնական տեղեկատվությունից, հայկական կողմը ահազանգն տացել է հունվարի 12-ին կեսօրից հետո: Սակայն այդ պահին ռուսական կողմին պետք է հայտնի լիներ զինվորի դասալքության մասին արդեն մի քանի ժամ առաջ, հատկապես, որ զինվորը լքել էր պոստը:

«Տվյալ դեպքում գործ ունենք հանցագործությունը կոծկելու հետ: Ռուսական կողմը կարղ էր եւ պարտավոր էր մտածել զինված զինվորի կողմից քաղաքի փողոցներով անթույլատրելի «զբոսանքի» հնարավոր հետեւանքների մասին եւ համապատասխան տեղեկատվությունը փոխանցել հայ գործընկերներին: Դատելով տեղեկատվության պաշտոնական աղբյուրներից, դա չի արվել»,-ասել է զրուցակիցը՝ հիշեցնելով, որ Ոստիկանության հաղորդագրության համաձայն, ժամը 12.30-ի սահմաններում հիվանդանոցից ոստիկանության բաժին ահազանգ ստացվել, որ Մյասնիկյան-188 հասցեի տանը հրազենային վնասվածքով մարդկանց մարմիններ կան: Այսինքն տեղեկատվությունն ստացվել է ոչ ռուսական կողմից:

Հարցին՝ ի՞նչ նպատակ է հետապնդել տեղի ունեցածի թաքցնելու փորձը, զրուցակիցը պատասխանել է, որ հնարավոր է, ռուսական կողմը փորձել է ինքնուրույն կարգավորել հարցը՝ առանց աղմուկ բարձրացնելու:

Ավելի վաղ NEWS.am-ը հայտնել էր, որ հունվարի 12-ին Գյումրիի Մյասնիկյան փողոցի տներից մեկում հրազենային վնասվածքներից սպանված են գտել Ավետիսյանների ընտանիքի 6 անդամներին, այդ թվում՝ մեկուկես տարեկան դուստրը: Վեց ամսական Սերյոժա Ավետիսյանը վնասվածքներ էր ստացել եւ տեղափոխվել է հիվանդանոց:

Կասկածյալը՝ ռուս զինվորական Վալերի Պավելի Պերմյակովը ձերբակալվեց նույն օրը կեսգիշերին մոտ, ըստ պաշտոնական տվյալների՝ հայ-թուրքական սահմանի մոտ: Նրան կալանավորել են եւ մեղադրանք են առաջադրել ՌԴ Քրեական օրենսգրքի 105-րդ հոդվածի 2-րդ մասի (երկուսից ավելի մարդկանց սպանություն) եւ 338-րդ հոդվածի 2-րդ մասի (դասալքություն՝ ծառայողական զենքով):

ՀՀ գլխավոր դատախազության մեկնաբանմամբ, նա գտնվում է ՌԴ իրավազորության ներքո եւ դատվելու է ռուսական օրենսդրությամբ: Այս որոշումը հանրային բողոքի լայն ալիք է բարձրացրել, վերջին օրերին բողոքի ակցիաներ եւ մոմավառություններ են եղել Երեւանում, Գյումրիում, այլ քաղաքներում:

Նշենք, որ հունվարի 15-ի երեկոյան, Ազատության հրապարակից եւ հարակից տարածքից ոստիկանական բաժիններ է տարվել 38 հոգի, որոնք մի քանի ժամ անց ազատ էին արձակվել։

Լուրեր Հայաստանից - NEWS.am

[Vrej1915]

Re: Russians will manage, what they do best: turn their friends into enemies....

Simple question to our Prosecutor, not putting in danger the case:
- Since the 6 bodies of the slaughtered family have been buried, that means the foresenic exams have all been done.
That implies, that ALL the bullets, from ALL the bodies must have been extracted.
The examination of those bullets is not very complicated, nor very costly thing.
The Prosecutor MUST have those results, ALREADY.

- Are ALL SIX victims dead by bullets FIRST? Are ALL THE BULLETS of same caliber, and fired from the SAME AKfound on the crime scene by the killers?

[Vrej1915]

Re: Russians will manage, what they do best: turn their friends into enemies....

Անհրաժեշտ է, որպեսզի հետաքննությունը և դատավարությունն արժանանան վստահության. Բորիս Նավասարդյան
17.01.15







Վերջին ամիսներին սուր իրավիճակներում ռուսական մամուլի վարքագծի դրսևորման հիմնական միտումն այնպիսին է, որ մինչև վերևից հրահանգ չեն ստանում` ինչպես լուսաբանել, այդ ամենին չեն անդրադառնում: Այս մասին Tert.am-ի հետ զրույցում ասաց Երևանի մամուլի ակումբի նախագահ Բորիս Նավասարդյանը` անրադառնալով Գյումրու դեպքերի վերաբերյալ ռուսական մամուլի անդրադարձին:

«Հիմա հիմնական կրեդոն, թե ինչպես պետք է անդրադառնալ, իջեցված է: Հրապարակումների մեծ մասում հիմնական բանաձևն այն է, որ այս ողբերգությունը չպետք է այսպիսի հանրային բողոքի ալիք բարձրացներ, և ըստ նրանց` դժգոհողներն ուղղորդվում են դրսի ուժերի կողմից և փորձում են վնաս հասցնել ռուս-հայկական հարաբերություններին»,-ասաց նա:

Ըստ նրա` որպեսզի այս ողբերգությունը չանդրադառնա Հայաստանի և Ռուսաստանի հարաբերությունների վրա, անհրաժեշտ է, որպեսզի հետաքննությունը և դատավարությունն արժանանան վստահության, և դա կլինի այն դեպքում, երբ դրանք իրականացվեն ՀՀ իրավասության շրջանակներում: «Եթե դա տեղի չունենա, ապա մենք, ցավոք, բազմաթիվ հիմքեր ունենք կասկածելու, թե արդյո՞ք արդար գործընթաց կլինի, եթե այն բավարար չափով չվերահսկվի հասարակության կողմից»,-ասաց նա:

[Vrej1915]

Re: Russians will manage, what they do best: turn their friends into enemies....

Րոպեներ առաջ Երևանի Ազատության հրապարակից բերման են ենթարկել Հիմնադիր Խորհրդարանի Քարտուղարության տեղակալ Ալեք Ենիգոմշյանին: Այս պահին Գյումրի մեկնած Հիմնադիր խորհրդարանի անդամներին և աջակիցներին հատուկ ջոկատայինները փորձում են բերման ենթարկել՝ դուրս հանելով մեքենաներից: Հիմնադիր Խորհրդարանի Քարտուղարություն

Ամբողջական հոդվածը կարող եք կարդալ այս հասցեով՝ http://www.aravot.am/2015/01/15/532699/

© 1998 - 2015 Առավոտ – Լուրեր Հայաստանից

--------

NB: Alek Yenikomshyan is a Diaspora born freedom fighter, a veteran of the ASALA, one of the comrades of Monte Melkoian, blinded by an explosion .....