Tweet
Nagorno-Karabakh Defense Army
-
-
Nagorno-Karabakh Defense Army
Comment
-
Armenian Army
Comment
-
Nagorno-Karabakh Defense Army
Comment
-
Armenian Army
Comment
-
-
-
Any news?Comment
-
Արցախում անցկացվեցին են Հայաստանի և Արցախի զինված ուժերի միացյալ զորավարժություններ. մշակվեցին հատկապես հարձակվողական գործողություններ
02.12.17
Հայաստանի և Արցախի Հանրապետությունների միջև առկա ռազմական համագործակցության շրջանակներում Արցախում անցկացվեցին համահավաք զորավարժություններ: Զորավարժությունները «Օպերացիայի նախապատրաստումն ու վարումը» թեմայով էր, որի ընթացքում հատկապես մշակվեցին հարձակվողական գործողություններ:
Զորավարժությանը ներկա էին ՀՀ Նախագահ Սերժ Սարգսյանը, ՀՀ պաշտպանության նախարար Վիգեն Հակոբյանը, Գլխավոր շտաբի պետ Մովսես Հակոբյանը և Արցախի Հանրապետության նախագահ Բակո Սահակյանը:
Միացյալ զորախմբի հրամանատար Տիգրան Փարվանյանը լրագրողների հետ զրույցում ասաց, որ զորավարժության ընթացքում ստուգվել է զորամասերի և ստորաբաժանումների մարտական պատրաստվածության մակարդակը:
«Համաձայն Հայաստանի Հանրապետության և Արցախի Հանրապետության միջև առկա ռազմական համագործակցության, ինչպես նաև փոխադարձ օգնության շրջանակներում երկու երկրների զինված ուժերի ստորաբաժանումների գործողությունների ներդաշնակում է լինելու: Մեր հիմնական նպատակը հենց դա էր, որ համահավաք զորախումբը ամբողջովին ներդաշնակեցվի, որպեսզի կարողանան միասին գործել, միասին խնդիրներ կատարել, եթե պետք լինի, կարողանան միասին մարտ վարել»,- հայտնեց հրամանատարը:
Արցախում և Հայաստանում բազմաթիվ զորավարժություններ իրականացվել են, բայց երկու երկրների զինված ուժերի համագործակցությամբ՝ որպես միացյալ զորախումբ, առաջին անգամ են նման մասշտաբի գործողություններ ընթանում:
Զորավարժություններին մասնակցել է մի քանի հարյուր միավոր տեխնիկա՝ թե ցամաքային, թե օդային, և հազարավոր զինծառայողներ: Զորավարժությունն անցկացվեց «Օպերացիայի նախապատրաստումն ու վարումը» թեմայով, որի ընթացքում տեղի ունեցավ պայմանական նպաստավոր բնագծերի զբաղեցում, պաշտպանության անցում և հարձակում:
«Պայմանական իրավիճակը հետևյալն էր՝ հակառակորդը պայմանականորեն ճեղքել է մեր առաջնագիծը: Մեր զորախումբը խնդիր ուներ կանգնեցնել հակառակորդին, ստիպել անցնել հապճեպ պաշտպանության, և ճեղքելով հակառակորդի պաշտպանությունը, մասնատել, մաս առ մաս ջախջախել իր իսկ զբաղեցրած շրջանում»,- նշեց միացյալ զորախմբի հրամանատարը:
Ճիշտ է՝ սցենարով հակառակորդն էր ճեղքում առաջնագիծը, բայց զորավարժության ընթացքում հատկապես մշակվեցին խոշոր զորախմբի հարձակողական գործողություններ. «Մենք միայն չէինք կանգնեցնում հակառակորդին, նաև մեծ մասշտաբով հարձակում էինք իրականացնում: Զորավարժության մեջ հիմնականում վարեցինք հարձակվողական մարտ»,- ասաց նա:
Զորավարժության ընթացքում զորախմբերի զորատեսակների ու ծառայության պետերը, զորամասերի և ստորաբաժանումների հրամանատարները նաև սովորեցին հարձակվողական օպերացիայի նախապատրաստման և վարման գործը, ինչպես նաև կատարելագործեցին իրենց հմտությունները հապճեպ պաշտպանության անցած հակառակորդի ջախջախումը կազմակերպելու ուղղությամբ:
Հակոբ Ասլանյան
Comment
-
ՀՀ և ԱՀ միացյալ զորախումբը նախատեսված է Արցախի կամ Հայաստանի սահմանը հատած հակառակորդին զսպելու համար. Մովսես Հակոբյան
02.12.17
ՀՀ ԶՈՒ գլխավոր շտաբի պետ Մովսես Հակոբյանը ՀՀ և ԱՀ միացյալ զորախմբի Արցախում տեղի ունեցած զորավարժությունները բավարար և գոհացուցիչ է գնահատում:
Լրագրողների հետ զրույցում նա ասաց, որ միացյալ զորախումբը նախատեսված է հակառակորդի գործողությունները կանխելու և պատժիչ գործողություններ իրականացնելու համար:
«Հակառակորդին միայն պաշտպանությունով չես կարող ամբողջությամբ ջախջախել , այն հակառակորդը, որը կփորձի հատել Արցախի Հանրապետության կամ Հայաստանի Հանրապետության սահմանը, ապա այս խմբավորումը մխրճված հակառակորդի վրա կհարձակվի, կմասնատի։ Կոնկրետ այս զորավարժության ժամանակ մտահաղացումն այդպիսին է եղել ՝ ամբողջությամբ ջախջախել»,- ընդգծեց Մ. Հակոբյանը։
Հիշեցնենք, որ այսօր Հայաստանի և Արցախի Հանրապետությունների միջև առկա ռազմական համագործակցության շրջանակներում Արցախում անցկացվել են համահավաք զորավարժություններ: Զորավարժությունները «Օպերացիայի նախապատրաստումն ու վարումը» թեմայով էր, որի ընթացքում հատկապես մշակվել են հարձակվողական գործողություններ:
«Տեսանք, որ տեխնիկան մարտունակ վիճակում է, անձնակազմը պատրաստ է կրակ բացելու համար, հրամանատարները կարողանում են արագ որոշումներ կայացնել ու իրենց որոշումները իրականություն դարձնել»,- նշեց Մովսես Հակոբյանը:
Գնահատականներից ՀՀ ԶՈՒ գլխավոր շտաբի պետը զերծ մնաց, այն կտրվի միայն արդյունքներն ամփոփելուց հետո։
«Արդյունքները կամփոփենք, երբ որ ողջ տեխնիկան կվերադառնա զորամասի մշտական տեղակայման վայր, մենք կհաշվենք կրակային խոցման արդյունքները, ղեկավար կազմի կայացրած որոշումները, այնուհետև կտանք գնահատական, բայց ընդհանուր, ինչ դինամիկայով տեսել ենք, մտահաղացումը շատ լավ էր»,-ասաց Մովսես Հակոբյանը։
ՀՀ ԶՈՒ գլխավոր շտաբի պետի խոսքով՝ Զինված ուժերի ռազմավարական դոկտրինան պաշտպանողական է, բայց պաշտպանողական օպերացիան իր մեջ ներառում է պաշտպանողական, հարձակվողական ու հակահարձակվողական օպերացիա։
ՀՀ Զինված ուժերի գլխավոր շտաբի պետն ասաց, որ Արցախին ու Հայաստանին լավ պատրաստված զինվորներ պետք են, բայց գերագույն խնդիրը ներդաշնակեցված ստորաբաժանում ունենալն է։
«Բոլորս հաղթելու ենք միասին, առանձին-առանձին որևէ մեկը չի կարող հաղթել ու այս զորավարժության հիմնական նպատակը հենց անձնակազմի ներդաշնակությունը ապահովելն է»,-ասաց նա։
Հարցին, թե պարբերաբար Ադրբեջանում և Նախիջևանում էլ են անցկացվում զորավարժություններ, դա ինչ վտանգ կարող է ներկայացնել, Մովսես Հակոբյանը պատասխանեց. «Եթե ունես բանակ, ապա դա պետք է մարզել և շատ կարևոր է, որ մեր հակառակորդը լինի արժանի հակառակորդ, որպեսզի մենք հաղթենք արժանի հակառակորդի: Զորավարժությունը մեր մոտ արտապլանային էր, մենք այս զորավարժությունը անց ենք կացնում նրա համար, որ ոչ թե Ադրբեջանն է զորավարժություն անցկացնում, այլ՝ պլանավորել ու անց ենք կացրել նրա համար, որ ստուգենք՝ վերաձևավորած, վերակազմավորած զորամասերը մարտունա՞կ են, թե՞ոչ»,- նշեց Մ. Հակոբյանը։
Հակոբ Ասլանյան
Comment
Comment