Artsakh, Lezgistan, Avaristan, Taloshistan

[Vrej1915]

Re: Artsakh, Lezgistan, Avaristan, Taloshistan

16.04.2016

Ադրբեջանական ԶԼՄ-ները պատերազմից կես ամիս անց են հայտնում սպանվածների էթնիկ պատկանելության մասին

Artyom Tonoyan

Քառօրյա պատերազմից կես ամիս անց միայն ադրբեջանական լրատվամիջոցները տեղեկություններ են հայտնում սպանվածերից որոշների էթնիկ պատկանելության մասին:

Ադրբեջանի պաշտոնական լրատվամիջոցներից մեկը հաստատում է, որ Ղուսարի շրջանի Ջաղարղշլաղ գյուղում ծնված և Ղուսարից զորակոչված զինվորը` Ամիրասլան Խեյիրբեյովը, ազգությամբ լեզգի է: Դեռ խոսք չկա Ղուսարի Ղազմալար գյուղից սպաված զինվորի մասին, որը նույնպես լեզգի է:

Նույն լրատվամիջոցը հաղորդել է նաև մեկ այլ սպանվածի` Խաչմազից զորակոչված Էլվին Միրզաևի` թաթ լինելու մասին: 2009թ.-ի մարդահամարի պաշտոնական տվյալներով` Խաչմազի շրջանում ապրում է 159.245 մարդ, որոնցից ազգությամբ թաթ են ընդամենը 9108-ը (5.7%):
Ըստ սպանվածներից առկա նախնական ցուցակի` Խազմազից զորակոչվածերը երեքն էին: Ադրբեջանական կողմը արդեն պաշտոնապես հաստատել է Խազմազից զորակոչվածներից երկուսի թաթ լինելը (66,6%):

Երբ տեղաբնիկերի սոցցանցային էջերում տեսնում ես բողոք Ադրբեջանի իշխող վարչակարգի տարած քաղաքականության հանդեպ, զարմանալի չէ, բայց զարմանում ես, թե ինչպիսի լպիրշությամբ են սրանց դավաճանության մեջ մեղադրում «ազգայնականները», և նույնիսկ սովորական, տեղաբնիկների շարքերին չպատկանող քաղաքացիները:

Նյութի աղբյուր՝ https://www.facebook.com/artyom.tono...60796934343339

[londontsi]

Re: Artsakh, Lezgistan, Avaristan, Taloshistan

.

[Vrej1915]

Re: Artsakh, Lezgistan, Avaristan, Taloshistan

18/05/2016

Իրանական կայք. Բաքվի ռեժիմը թաքցնում է Ադրբեջանում ապրող կովկասյան պարսիկների թվաքանակը

«Բաքվի ռեժիմը թաքցնում է Ադրբեջանում ապրող կովկասյան պարսիկների թվաքանակը և արգելում նրանց խոսել մայրենի լեզվով՝ պարսկերենով»,-այդ մասին հաղորդում է պարսկալեզու «Ազարիհա.օրգ» կայքը:

Աղբյուրի փոխանցմամբ՝ Իրանի պետական հեռուստառադիոընկերության 4-րդ ալիքն Ադրբեջանում ապրող կովկասյան պարսիկների (թաթեր) վերաբերյալ «Լահիջը՝ տուն տանող երկար ճանապարհը» խորագրով ռեպորտաժ է պատրաստել:

Ռեպորտաժում Լահիջի բնակիչներն իրանցի լրագրողի հետ խոսում են պարսկերեն լեզվով՝ ներկայացնելով իրենց առօրյան, պատմելով իրենց ընտանիքների մասին՝ շեշտելով, որ բոլորն այստեղ ֆարս են: Պարսկախոս զրուցակիցներից մեկն էլ լրագրողին ասել է, թե ինքը Բաքվում է բնակվում, եկել է Լահիջ պապիկին տեսակցության: Մի տատիկ էլ պատմել է, թե 76 տարի է, ինչ ապրում է Լահիջում, մյուս զրուցակից ծեր կինն էլ խոստովանել է, թե իրանցի է՝ նշելով, որ ցանկություն ունի ուխտագնածություն կատարել Իրանում գտնվող Էմամ Ռեզայի դամբարան:

«Ադրբեջանում ապրող մեր պարսկախոս հայրենակիցների սրտերը դեռ կապված են իրենց հայրենիքին: Կովկասյան պարսիկների մի ստվար զանգված ապրում է Բաքվի հյուսիս-արևմուտքում՝ Լահիջում: Պարսկերենն այն լեզուների շարքում է, որոնց վտանգ է սպառնում Ադրբեջանում: Միայն այն գյուղերի բնակիչները, որոնք հեռու են գտնվում իշխանություններից ու մայրաքաղաքից, համարձակություն են ունենում խոսել պարսկերեն լեզվով: Նրանք զրկված են մայրենի լեզվով դպրոց կամ լրատվամիջոց ունենալուց, սակայն Իրանը անչափ շատ են սիրում»,-նշում է իրանական աղբյուրը:

«Ադրբեջանի կառավարությունը թաթերի թվաքանակը 24 հազար է հայտարարում, սակայն ամերիկացի հետազոտող Ռանդա Շեֆերի տվյալներով՝ Ադրբեջանում շուրջ 300 հազար թաթ է բնակվում»,-եզրափակում է ռեպորտաժի հեղինակը:


Աղբյուր` Panorama.am

[Vrej1915]

Re: Artsakh, Lezgistan, Avaristan, Taloshistan

[Vrej1915]

Թալիշները մեզ չեն ների, եթե հիմա չօգնենք նրանց առաջնորդին. «Թարմ ուղեղով»՝ Գառնիկ Ասատրյանի հետ

Թալիշստանի ազգային ազատագրական պայքարը կգլխատվի, եթե Ֆարհադդին Աբոսզոդային Մոսկվան արտահանձնի Բաքվին: Վերջին տարիներին թալիշներների մոտ արթնացել է ազգային ինքնությունը, ու դա բացառապես Աբոսզոդայի շնորհիվ: Նա անփոխարինելի է թալիշների անկախության պայքարում: Հայաստանն ու հատկապես Ռուսաստանի հայկական համայնքը մեծ անելիք ունեն Աբոսզոդայի պաշտպանության հարցում: Մենք դրանով մեր դերը կբարձրացնենք թալիշների գիտակցության մեջ ու թույլ չենք տա, որ այդ պայքարը «հետ գցվի» 10-20 տարով: Ինչպե՞ս փրկել Ֆարհադդին Աբոսզոդային. մեր թարմ ուղեղով զրուցակիցն այսօր Հայ-ռուսական համալսարանի Արևելագիտության ինստիտուտի տնօրեն, պրոֆեսոր Գառնիկ Ասատրյանն է:

[Vrej1915]

ԱՐՏԱՀԵՐԹ ԹՈՂԱՐԿՈւՄ. Մոսկվան արտահանձնում է Բաքվին թալիշական շարժման առաջնորդին. ամենայն հավանականությամբ, նրան կսպանեն.«Մոդուս վիվենդի»

Ռուսաստանում կալանավորվել է Թալիշստանի անկախության համար մղվող պայքարում n2 մարդը՝ Ֆարհադդին Աբոսզոդան, 1 ամսվա ընթացքում նրան հնարավոր է արտահանձնեն Բաքվին: Հայաստանի Հանրապետությունը պարզապես իրավունք չունի լռել ու թողնել, որ թալիշ գործչին արտահանձնեն Բաքու. նրան այնտեղ ամենայն հավանականությամբ կսպանեն: Ինչու՞ Ռուսաստանը շուրջ 20 տարվա մեջ այդպես էլ քաղաքացիություն չտվեց Աբոսզոդային և ինչու՞ է հիմա «թագավորական» նվեր անում Բաքվին: Ունի արդյո՞ք Հայաստանն ասելիք և անելիք այս հարցում: Կուծում ենք՝ այո՛:

[Vrej1915]

lեզգիստան՝ 2-րդ ճակատ Բաքվի մատույցներում. ո՞վ ձախողեց Ադրբեջանի կազմալուծման ծրագրերը.