Military Forces of the Republic of Armenia

[Vrej1915]

Re: Military Forces of the Republic of Armenia

Հայկական կողմը եւս կարող է անցնել կարմիր գիծը…

https://www.yerkir.am/news/view/93507.html

28 Սեպտեմբերի 2015,


Այսօր լրագրողների հետ զրույցում քաղաքագետ Սերգեյ Մինասյանը, խոսելով սահմանային լարվածության մասին, ասաց՝ հայկական կողմը ստիպված է գնալ կտրուկ գործողությունների, այդ մասին են խոսում Հայաստանի նախագահը և ՊՆ-ի բավական կոշտ հայտարարությունները:

«Եթե մինչ այս հայկական կողմը հայտարարում էր, որ կոնֆլիկտը կարող է լուծվել բանակցային գործընթացում` ՄԽ շրջանակներում, ապա հիմա հայտարարում է, որ եթե Ադրբեջանը սկսի լայնամասշտաբ ռազմական գործողություններ, ապա հայկական կողմը կսկսի Լեռնային Ղարաբաղի ճանաչման գործընթացը: Ռազմական գործողությունների էսկալացիայի արդյունքում Ադրբեջանը կարող է ստանալ միայն ու միայն պատերազմ, որովհետև միակողմանի զիջումներ մեր կողմից չեն լինելու: Ավելին` հայկական կողմը կարող է գնալ հետագա էսկալացիայի` վտանգի տակ դնելով նրանց նավթամուղները: Իհարկե պատերազմն ունի իր գինը, և դա սարսափելի է, բայց Ադրբեջանը պատրաստ չէ այնպիսի պատերազմի, որը հաջողությամբ չի ավարտվելու, այնպես որ` Ադրբեջանի ագրեսիան տանելու է միմիայն հակառակ արդյունքի: Ես չգիտեմ` ինչով է պայմանավորված, որ Ալիևը ուզում է անցնել կարմիր գիծը, բայց որ հայկական կողմն էլ կարող է անցնել այդ գիծը, համարելով, որ դա չարիքի փոքրագույնն է, ես դրանում համոզված եմ»,- ասաց քաղաքագետը:

Նա կարծիք հայտնեց, որ ԼՂ-ն անպայման պետք է ներգրավվի բանակցային գործընթացում, այլ հարց է, որ Ադրբեջանը պատրաստ չէ դրան, նաև չեն երևում դրա համար քաղաքական նախադրյալներ:

Ինչ վերաբերում է Նյու Յորքում Հայաստանի ու Ադրբեջանի արտգործնախարարների հանդիպման արդյունքներին, Սերգեյ Մինասյանը կարծիք հայտնեց, որ հայկական կողմը կսկսի աշխատել երկու ուղղությամբ: Ըստ նրա` ամենանպաստավորը ՄԽ շրջանակներում աշխատանքն է, որովհետև ՄԽ լծակները վերջնականապես սպառված չեն: Իհարկե, Ռուսաստան-Արևմուտք հարաբերությունների սրումը կարող է անդրադառնալ Մինսկի խմբի ընդհանուր աշխատանքի արդյունավետության վրա, բայց ՄԽ շրջանակը բացառիկ է, երբ շարունակում են համագործակցել Ռուսաստանն ու Արևմուտքը:

Ըստ Մինասյանի` կորուստների առումով Ադրբեջանում լուրջ է իրավիճակը. Տավուշին սահմանակից ադրբեջանական գյուղերում բնակչությունը տարհանվել է, և այդ ամենը, բնականաբար, առաջացնում է ադրբեջանական հասարակության դժգոհությունը: Եվ Ադրբեջանի ռազմական ղեկավարությունը շատ շուտով չի կողմնորոշվելու` ինչ անել, շարունակե՞լ ռազմական հիստերիան, թե՞ գնալ զիջումների:

[Vrej1915]

Re: Military Forces of the Republic of Armenia

Հայաստանին արտոնում են պատժել Ադրբեջանին
28 Սեպտեմբերի 2015,

https://www.yerkir.am/news/view/93538.html

ՄԱԿ-ի Գլխավոր ասամբլեայի 70-րդ նստաշրջանի շրջանակներում ԼՂ հակամարտության խնդիրը կարծես հավակնում է դառնալ համաշխարհային քաղաքականության հիմնական օրակարգային հարցերից մեկը: Պատճառը վերջին օրերին շփման գծի ողջ երկայնքով Ադրբեջանի սանձազերծած և մարդկային լուրջ կորուստների հանգեցրած աննախադեպ ծավալի ռազմական սադրիչ գործողություններն են, որոնք ուղեկցվում են նաև խոշոր տամաչափի հրետանային համազարկային համակարգերի կիրառմամբ:

Նյու Յորքում արտգործնախարարների բանակցություներից և նրանց հետ ԵԱՀԿ ՄԽ համանախագահների հանդիպումներից հետո վերջիններս հանդես եկան մի ուշագրավ հայտարարությամբ, որտեղ նշվում է, թե նրանք Հայաստանի և Ադրբեջանի նախագահներին կոչ են արել ընդունել ԵԱՀԿ-ի` հրադադարի խախտումները հետաքննելու մեխանիզմ ստեղծելու առաջարկը, որին համաձայնել է միայն Հայաստանը:

Ըստ էության` այդ հայտարարությամբ ՄԽ համանախագահները Ադրբեջանին են պատասխանատու համարում իրավիճակի գերլարման և հրադադարի ռեժիմի խախտման համար, քանի որ ակնհայտ է` եթե Բաքուն չի ցանկանում ընդունել այդ առաջարկները, նշանակում է հենց նա է շահագրգռված իրադրության սրմամբ: Բաքուն, ի դեպ, արդեն չի էլ թաքցնում, որ ՄԽ այս նախաձեռնությունը վիժեցնողը հենց ինքն է: Ադրբեջանի արտգործնախարար Էլմար Մամեդյարովն այսօր հայտարարել է, թե միջադեպերի հետաքննության մեխանիզմների ստեղծումը հնարավոր է քննարկել միայն այն դեպքում, եթե դրանք չեն ծառայելու գործող ստատուս քվոյի պահպանմանը և չեն արդարացնելու «օկուպացիան»: Մինչ այդ, ավելի կոնկրետ` դեռ այս տարվա հունիսին նույն Մամեդյարովը հայտարարում էր, թե Բաքուն տվել է իր համաձայնությունն այդ մեխանիզմների ստեղծմանը: Համանախագահող երկրները, սակայն, կարծես չեն բավարարվում միայն այս հայտարարությամբ`թերևս վերջապես հասկանալով, որ այս անգամ գործ ունեն իսկապես պայթյունավտանգ իրադրության հետ:

Նյու Յորքում անակնկալ կերպով ՄԽ համանախագահների հետ է հանդիպել Ռուսաստանի արտգործնախարար Սերգեյ Լավրովը: Թե ի՞նչ են քննարկել, պարզ չէ: Սակայն Լավրովը հայտարարել է, թե ՄԽ-ն կարող է ավելին անել Ղարաբաղյան հակամարտության կարգավորման գործընթացն առաջ շարժելու համար: Չի բացառվում, որ Լավրովն ակնարկել է Մոսկվայից բանակցող կողմերին ուղղված նոր առաջարկների առկայության մասին, որոնք քննարկելու համար էլ նախաձեռնվել է ՄԽ համանախագահների հետ նրա հանդիպումը:

Դրան զուգահեռ ՀՀ արտգործնախարարին է ընդունել ԱՄՆ պետքարտուղարի տեղակալ Վիկտորյա Նուլանդը: Ըստ ՀՀ ԱԳՆ-ի տարածած հաղորդագրության` հանդիպման ընթացքում քննարկվել է նաև շփման գծում ստեղծված իրավիճակը:

Հետաքրքրական է, որ առայժմ տեղեկություն չկա այն մասին` Նուլանդը նման հանդիպում ունեցե՞լ է Ադրբեջանի արտգործնախարարի հետ, թե՞ ոչ: Չնայած Բաքվի և Վաշինգտոնի հարաբերություններում առաջացած սառնությանը, չի կարելի բացառել, որ նման հանդիպում կայանա` հաշվի առնելով մինչև տարեվերջ Հայաստանի և Ադրբեջանի նախագահների հանդիպում կազմակերպելու` Վաշինգտոնի ձգտումները, որոնց խանգարում է Ադրբեջանը:

Այսպիսով` կարելի է ասել` Բաքուն հասավ ԼՂ հարցը միջազգային օրակարգ մտցնելու` իր վաղեմի նպատակին: Դրանով էր նաև պայմանավորված շփման գծում իրավիճակը հենց ՄԱԿ-ի ԳԱ նստաշրջանի անցկացման օրերին նման ծայրաստիճան լարվածության հասցնելու հանգամանքը: Բայց ի՞նչ կարող է դրանից շահել Բաքուն: Նյու Յորքում համանախագահների արած հայտարարությունը, հրադադարի ռեժիմի խախտման միջադեպերի հետաքննության մեխանիզմների ստեղծման նախաձեռնությունը հենց Բաքվի կողմից վիժեցնելու` Մամեդյարովի խոստովանությունն ավելի շատ վկայում է ադրբեջանական դիվանագիտության անելանելի, խուճապային վիճակի մասին:

Սերգեյ Լավրովը և Վիկտորյա Նուլանդը, փաստորեն, գործնական քայլերի անցան միայն այն բանից հետո, երբ ՀՀ նախագահ Սերժ Սարգսյանը հայտարարեց, թե Արցախը Հայաստանի անբաժանելի մաս է, իսկ ՀՀ ՊՆ-ն պաշտոնապես տեղեկացրեց Բաքվին անպատասխանատու վարքագծի համար պատժելու և բանակցային պրոցեսին աջակցելու նպատակով ադրբեջանական ռազմական օբյեկտներին, զինտեխնիկային հրետանային և հրթիռային հարվածներ հասցնելու որոշման մասին: Ընդ որում` թեև պատերազմի մեջ մտնելու նախերգանք հիշեցնող այդ հայտարարությունը միջնորդների համար հղի է իրավիճակը վերահսկողությունից դուրս թողնելու հեռանկարով, համանախագահող երկրները չեն շտապում դրան արձագանքել: Տպավորությունն այնպիսին է, որ դրանով միջնորդ երկրները կանաչ լույս են վառում Երևանի այդ պլանների առջև: Այդպես է, թե` ոչ, իհարկե, ավելի որոշակի կերևա առաջիկայում: Սակայն չի կարելի բացառել, որ դրանով միջազգային հանրությունը ցուցադրում է, որ դեմ չի լինի, եթե Հայաստանը Բաքվին ուժային եղանակով պարտադրի վերադառնալ բանակցություններին և հրաժարվել իր մաքսիմալիստական պահանջներից:

Եթե այդպես է, ապա տարածաշրջանում լրջագույն դիրքային փոփոխություններ են տեղի ունենում` ստատուս քվոյի փոփոխման ուղությամբ, որտեղ հիմնական դերակատարում է վերապահվում հայկական բանակներին: Մի կողմից սա վատ է, որովհետև գերտերությունները հնարավորություն են ստանում հարավկովկասյան տարածաշրջանի «կրակից» շագանակներ հանել հայ զինվորների ձեռքերով ու կյանքի գնով: Բայց, մյուս կողմից, եթե պետք է փոխվի ստատուս քվոն, ապա անհրաժեշտ է, որ այն փոխվի հօգուտ հայկական պետությունների: Իսկ Ադրբեջանի ինքնամեկուսացումը, Հայաստանի սպառնալիքներին համանախագահող երկրների լոյալ վերաբերմունքը ստեղծում են դրա հնարավորությունը: Այլ հարց է` հայկական զինուժն իրականում ունի՞ դրա պոտենցիալը: Եթե ոչ, ապա միակ տարբերակը բանակի և դիվանագիտության համաչափ զուգահեռ և փոխհամաձայնեցված նախաձեռնողական գործողություններն են` հստակ կարճաժամկետ նպատակների հասնելու համար: Հակառակ դեպքում ստիպված ենք լինելու թաղվել արյունաքամ և ռեսուրսատար մի պերմանենտ գործընթացի մեջ, որը, հսկայական կորուստներ արժենալով հանդերձ, ոչինչ չի տալու և ոչինչ չի փոխելու:

Գևորգ Դարբինյան

[Vrej1915]

Re: Military Forces of the Republic of Armenia

Ադրբեջանի ու Ռուսաստանի հարաբերությունները վատ են

2015-09-28


«Չեմ կարծում, որ լայնամասշտաբ ռազմական գործողությունները կարող են վերսկսվել, իսկ այն, որ 1994 թվականից հետո առաջին անգամ ադրբեջանական կողմն օգտագործեց հրետանային կայաններ, ոչ թե սահմանապահ դիրքերի, այլև բնակիչների ուղղությամբ, կարող եմ ասել, որ պայմանավորված է մի շարք գործոններով: Օրինակ՝ չի բացառվում, որ Ադրբեջանի ներսում քաղաքական վիճակի ուժեղացումն է:Շատ հնարավոր է, որ մոտակա ժամանակներում տեղի ունենա ադրբեջանական տարադրամի արդեն կրկնակի դևալվացիա, որովհետև փաստացի այս տարվա ընթացքում Ադրբեջանում ֆինանսատնտեսական վիճակը շատ վատ է: Ադրբեջանը հիմնական եկամուտը ստանում է նավթից, իսկ մենք գիտենք, թե ինչ վիճակում է այսօր նավթային շուկան: Տնտեսական իրավիճակի լարվածության առումով Իլհամ Ալիևը կարող է գնալ ինչ-որ էսկալացիայի՝ փորձելով դրանով շեղել իր հասարակության ուշադրությունը ներքին խնդիրներից:Եվ երրորդ՝ չեմ բացառում, որ Արևմուտքի կողմից ուժեղացող քննադատությունը, Ադրբեջանի և Ռուսաստանի հարաբերությունների վատացումը ստեղծում են հոգեբանական պարանոյա, որը նույնպես կարող է ազդել շփման գծի հետ կապված որոշումներ ընդունելու վրա»:Շատ հնարավոր է, որ մոտակա ժամանակներում տեղի ունենա ադրբեջանական տարադրամի արդեն կրկնակի դևալվացիա, որովհետև փաստացի այս տարվա ընթացքում Ադրբեջանում ֆինանսատնտեսական իրավիճակն ավելի վատ է, քան ասենք Ռուսաստանում: Ադրբեջանը հիմնական եկամուտը ստանում է նավթից, իսկ մենք գիտենք, թե ինչ վիճակում է այսօր նավթային շուկան: Տնտեսական իրավիճակի լարվածության առումով Իլհամ Ալիևը կարող է գնալ ինչ-որ էսկալացիայի՝ փորձելով դրանով շեղել իր հասարակության ուշադրությունը ներքին խնդիրներից:Եվ, հետո, ուժեղանում է Արևմուտքի կողմից քննադատությունը՝ կապված քաղաքական վիճակի և մարդու իրավունքների հետ, վատանում են նաև Ադրբեջանի և Ռուսաստանի հարաբերությունները»,-այսօր՝ լրագրողների հետ հանդիպման ժամանակ խոսելով հայ-ադրբեջանական լարծված հարաբերությունների ամսին՝ ասաց քաղաքագետ Սերգեյ Մինասյանը:Մենք տեսնում ենք, որ հասարակական կարծիքը բավականին կտրուկ փոխվում է, ինչը նույնպես մտահոգիչ է և, առաջին հերթին՝ պետք է մտահոգիչ լինի Ադրբեջանի համար, որովհետև, եթե նախորդ տարիների կամ ամիսների ընթացքում և՛ Հայաստանի հասարակությունը, և՛ ռազմաքաղաքական ղեկավարությունը փորձում էին անել ամեն ինչ, որ խուսափեն հետագա էսկալացիայից, ապա հիմա գալիս է այն կետը, երբ արդեն հայկական կողմը կարող է մտածել՝ արդյո՞ք իմաստ ունի սպասել, արդյո՞ք ռազմաքաղաքական գործողությունների զսպումը ռազմաքաղաքական գործողությունների լավագույն տարբերակն է, թե՞ հայկական կողմը պետք է փորձի օգտագործել ինչ-որ պրևենտիվ քայլեր, լինեն դրանք քաղաքական, թե՛ ուղղակի ռազմական բնույթի:Ադրբեջանը պատրաստ չէ հաղթական պատերազմ սկսելու, բայց մյուս կողմից՝ այն կորուստները, որ մենք այս պահին ունենք, միգուցե արդարացնում է, որ կարող ենք գնալ ավելի կտրուկ քայլերի ու գործողությունների
«Չեմ կարծում, որ լայնամասշտաբ ռազմական գործողությունները կարող են վերսկսվել, իսկ այն, որ 1994 թվականից հետո առաջին անգամ ադրբեջանական կողմն օգտագործեց հրետանային կայաններ, ոչ թե սահմանապահ դիրքերի, այլև բնակիչների ուղղությամբ, կարող եմ ասել, որ պայմանավորված է մի շարք գործոններով.

Ադրբեջանի ներսում քաղաքական վիճակը թեժանում է և, շատ հնարավոր է, որ առաջիկայում տեղի ունենա ադրբեջանական տարադրամի արդեն կրկնակի դևալվացիա՝ պայմանավորված այս տարվա ընթացքում Ադրբեջանում ֆինանսատնտեսական վատ վիճակով:

Ադրբեջանը հիմնական եկամուտը ստանում է նավթից, իսկ մենք գիտենք, թե ինչ վիճակում է այսօր նավթային շուկան»,-այսօր՝ լրագրողների հետ հանդիպման ժամանակ խոսելով հայ-ադրբեջանական լարված հարաբերությունների մասին՝ ասաց քաղաքագետ Սերգեյ Մինասյանը:

Քաղաքագետի խոսքով՝ տնտեսական իրավիճակի լարվածության առումով Իլհամ Ալիևը կարող է գնալ էսկալացիայի՝(Ռազմական գործողությունների ուժեղացում) փորձելով դրանով շեղել իր հասարակության ուշադրությունը ներքին խնդիրներից:

«Շփման գծի հետ կապված որոշումներ ընդունելու վրա չեմ բացառում, որ կարող են ազդել նաև Արևմուտքի կողմից քաղաքական վիճակին և մարդու իրավունքներին ուղղված ուժեղ քննադատությունն ու Ադրբեջանի և Ռուսաստանի հարաբերությունների վատացման արդյունքում ստեղծվող հոգեբանական պարանոյան:

Ինչ վերաբերում է հետագա քայլերին՝ քաղաքագետը նկատում է.

«Մենք տեսնում ենք, որ հասարակական կարծիքը բավականին կտրուկ փոխվում է, ինչը նույնպես մտահոգիչ է և, առաջին հերթին՝ պետք է մտահոգիչ լինի Ադրբեջանի համար, որովհետև, եթե նախորդ տարիների կամ ամիսների ընթացքում և՛ Հայաստանի հասարակությունը, և՛ ռազմաքաղաքական ղեկավարությունը փորձում էին անել ամեն ինչ, որ խուսափեն հետագա էսկալացիայից, ապա հիմա գալիս է այն կետը, երբ արդեն հայկական կողմը կարող է մտածել՝ արդյո՞ք իմաստ ունի սպասել, արդյո՞ք ռազմաքաղաքական գործողությունների զսպումը ռազմաքաղաքական գործողությունների լավագույն տարբերակն է, թե՞ հայկական կողմը պետք է փորձի օգտագործել ինչ-որ պրևենտիվ քայլեր, լինեն դրանք քաղաքական, թե՛ ուղղակի ռազմական բնույթի:

Պետք է նշել, որ Ադրբեջանը պատրաստ չէ հաղթական պատերազմ սկսելու, բայց մյուս կողմից՝ այն կորուստները, որ մենք այս պահին ունենք, միգուցե արդարացնում է, որ կարող ենք գնալ կտրուկ քայլերի ու գործողությունների»:

Անի Կարապետյան

http://asekose.am/hy_AM/news/1/200860-adrbejani-ou-rousastani-haraberoutyounnere-vat-en.html

[Vrej1915]

Re: Military Forces of the Republic of Armenia

https://www.facebook.com/arshak.zakaryan.9/posts/10153138372733837

Arshak Zakaryan :
1 h ·
Արցախում` արևելյան և հարավ արևելյան սահմանին հակառակորդը այսօր կրկին լկտիաբար խախտել է հրադադարի ռեժիմը և ինտենսիվ գնդակոծել և ականակոծել մեր դիրքերը: Հայկական ստորաբաժանումները հուժկու հարված հասցնելով հակառակորդին մարդկային և նյութական մեծ վնասներ պատճառելով (մասնավորապես բավականին խոշոր հենակետային բազան, որտեղից ականանետային կրակ էր վարվում մեր ուղղությամբ ականակոծելով ու մասամբ վերացնելով) լռեցրել և փախուստի են մատնել ողջ անջնակազմին,նախնական տվյալներով երկու վիրավոր և 6 զոհ թողնելով փլատակների տակ...

[Vrej1915]

Re: Military Forces of the Republic of Armenia

Հակառակորդի արձակած կրակոցից վիրավորվել է խաղողի այգիներում գտնվող պառավաքարցի

2015-09-29


«Փաստինֆո»-ի տեղեկություններով՝ նախօրեին Տավուշի մարզի Պառավաքար գյուղի 38-ամյա բնակիչը հակառակորդի արձակած կրակոցների հետևանքով ստացել է մարմնական վնասվածք: Մեր տեղեկություններով՝ տղամարդը գտնվել է Պառավաքար գյուղին պատկանող «Ջարչու ղոբի» կոչվող հանդամասի խաղողի այգիներում, երբ հակառակորդը մարտական դիրքերից կրակոցներ է արձակել, որի հետևանքով նա ձախ ոտքի ազդրի շրջանում ստացել է վնասվածք:
«Փաստինֆո»-ի տեղեկություններով՝ նախօրեին Տավուշի մարզի Պառավաքար գյուղի 38-ամյա բնակիչը հակառակորդի արձակած կրակոցների հետևանքով ստացել է մարմնական վնասվածք:

Մեր տեղեկություններով՝ տղամարդը գտնվել է Պառավաքար գյուղին պատկանող «Ջարչու ղոբի» կոչվող հանդամասի խաղողի այգիներում, երբ հակառակորդը մարտական դիրքերից կրակոցներ է արձակել, որի հետևանքով նա ձախ ոտքի ազդրի շրջանում ստացել է վնասվածք:

[Vrej1915]

Re: Military Forces of the Republic of Armenia

Սեպտեմբեր 30, 2015

https://www.facebook.com/bella.lalayan/posts/1135663779796361

Օրը դիմավորում ենք լավ լուրով

Օրը դիմավորում ենք լավ լուրով !!!!

Թշնամին կրկին պատժվել է

Արցախի սահմանի հարավ-արևելյան և արևելյան հատվածում /Ակնա և Վարանդա/ մեր տղաները լիկվիդացրել են չորս հեկտար տարչածքի վրա տեղակայված թշնամու խոշոր ռազմաբազան` այսպիսով լռեցնելով մեր դիրքապահների ուղղությամբ արձակվող կրակոցները:

Պատժիչ գործողությունների արդյունքում շարքից հանվել է թշնամու ռազմական տեխնիկան, 82 մմ ականանետային մարտկոցը, ավտոտեխնիկան, ռազմաբազայի տարածքում գտնվող զորանոցը և այլ շինություններ :

Թշնամին ունի երկու վիրավոր:

Ի դեպ, ազիկները արդեն սկսել են հմտանալ թաքնվելու հարցում: Չնայած բախտները չի բերել: Թաքստոցը, որտեղ ծվարել էին 10 գոյուն, ևս ոչնչացվել է: Տասից չորսը փլատակիների տակից դուրս են եկել ու փախել, իսկ մնացած վեցի մասին առայժմ տեղեկություն չկա:

Հույս պահենք, որ ոչնչացվել են:

Ամեն մի ոչնչացված թշնամու հետ լռում է նրա զենքը, որ պիտի կրակի մեր դիրքապահների ուղղությամբ:

Ուրեմն, ինչքան շատ ոչնչացված թուրք, այնքան հանգիստ մեր դիրքերում:

Ի դեպ, ևս մեկ թշնամի ոչնացվել է երեկ ցերեկը` Ակնայի ուղղությամբ սահմանում:

Հեղինակ՝ Բելլա Լալայան

[Vrej1915]

Re: Military Forces of the Republic of Armenia

Բելլա Լալայան

https://www.facebook.com/bella.lalayan/posts/1135412139821525?notif_t=close_friend_activity

Շեխիդների ցուցակը թարմացել է

Երեկվա հայտարարած երեք շեխիդի ետևից ալլահի մոտ գնացին ևս վեցը..
սրանք նույն օրվա ոչնչացված գոյուններն են, ուղղակի, ազերստանին է լ կարելիէ հասկանալ՝ ախր, իլհամիկը ոնց խոստովանի, որ միանգամից 16 ոչխար է մատաղ արել իր տխմար ուղեղի համար ...
էէէէյյյ, ո՞վ կա այնտեղ, էն որ ահ ու սարսափով խոսում եք ազերստանի ունեցած զենքի, ռազմական տեխնիկայի, թուրքիա-մուրքիա պատրաստված, ազերական ռոզլիվով ռեմբոների մասին....
միացեք ալիևին և միասին ոռնացեք
իսկ մենք սպասենք մնացած 10 սատկածի ,,սելֆիներին,,

[Vrej1915]

Re: Military Forces of the Republic of Armenia

Նոր միջադեպ սահմանին. ուր է հանրային ուշադրությունը
2015-09-30

http://www.1in.am/1732001.html

Պառավաքար գյուղում, որը Տավուշի մարզի սահմանամերձ գյուղերից մեկն է, երեկ վիրավորվել է 38-ամյա բնակիչ: Նա վիրավորվել է ադրբեջանցիների արձակած կրակոցից՝ խաղողի այգում աշխատելիս: Բարեբախտաբար, նրա կյանքին վտանգ չի սպառնում: Եվ այն, որ չի եղել մարդկային կորուստ, ըստ էության, թուլացնում է հասարակության ուշադրությունը տեղի ունեցածի հանդեպ: Այսինքն՝ մենք, այսինքն՝ այսպես ասած երևանյան հասարակությունը կամ սահմանից հեռու հասարակությունը սահմանամերձ բնակավայրերի հանդեպ ուշադրությունը կամա, թե ակամա պայմանավորում ենք մարդկային կորուստով: Եթե կա մարդկային կորուստ, ապա մեր բոլորի ուշադրությունն ու էմոցիաները այնտեղ են՝ սահմանին: Երբ այդ կորուստը չկա, բարեբախտաբար, մեր ուշադրությունն էլ թույլ է, գրեթե բացակա:

Ինչ խոսք, եթե փոքր-ինչ կոպիտ արտահայտվենք, ապա թող սահմանին կորուստներ չլինեն, և թող մեր ուշադրությունն էլ բացակայի այնտեղից: Սակայն հասկանալի է, որ սա չափազանց պարզունակ ու մակերեսային մոտեցում է: Իսկ խնդիրը միայն մարդկային կորուստները չեն: Խնդիրն այն կենսապայմաններն են, որ ունեն սահմանին ապրող մարդիկ, և նրանք պետք է երևանյան հասարակության ուշադրության կենտրոնում լինեն ոչ թե միայն ողբերգական զարգացումների արդյունքում, այլ իրենց կենսապայմաններով, անգամ եթե ոչ մի կրակոց էլ չկա և ոչ մի վիրավոր էլ չկա: Չէ՞ որ կա վտանգը՝ վտանգը կախված այդ սահմանամերձ գյուղերի գլխին, և կա այդ գյուղերը պահելու խնդիրը, մարդկանց այդ գյուղերում պահելու խնդիրը, և պահելու կենսապայմաններով, ոչ թե հայրենասիրական կենացներով և բարոյահոգեբանական «խաբսերով»:

Եվ այստեղ մենք գալիս ենք կոնկրետ իրավիճակին՝ մարդը կյանքը վտանգելով աշխատել է խաղողի այգում և ողջ է մնացել երջանիկ պատահականությամբ: Իսկ ի՞նչ անի նա, որտե՞ղ աշխատի, ինչպե՞ս իրացնի իրեն որպես մարդ: Մի կողմ թողնենք դեռ ընտանիք պահելու խնդիրները: Ի վերջո, մարդը կենդանի է, երբ կարողանում է իրացնել իրեն, նա կյանքի մոտիվացիա ունի, երբ կարողանում է իրացնել իր ստեղծագործական կարողությունները որևէ ոլորտում՝ լինի արվեստ, գիտություն, բանվորություն, թե սպորտ:

Ինչպե՞ս են իրենց ստեղծագործական պոտենցիալն իրացնում Հայաստանի սահմանամերձ գյուղերի բնակիչները, այսինքն՝ ինչպե՞ս են նրանք իրենց լիարժեք մարդ զգում: Եվ հնարավո՞ր է արդյոք, որ նրանք իրենց լիարժեք մարդ, Հայաստանի հասարակական օրգանիզմի, պետական օրգանիզմի լիարժեք մաս չզգալով, մնան իրենց բնակավայրերում, ունենան կենսական խթաններ և մոտիվացիաներ: Գործնականում՝ ոչ: Նրանց պահում են ընդամենը էմոցիաները, որոնք մի օր կարող են սպառվել, որովհետև դրանք կենսունակ են, երբ զարգանում են մարդկային ֆիզիկական կյանքի լիարժեք ընթացքին զուգահեռ:

Հայաստանի սահմանամերձ բնակավայրերում խախտված է այդ ներդաշնակությունը: Խախտված է այդ գյուղերի բնակիչների կենսագործունեության միջավայրը, փոխարենը պետությունը նրանց համար չի ապահովել կենսագործունեության լիարժեք նոր միջավայր, նրանց չի ներկայացրել այլընտրանքներ: Նույնիսկ ուշադրության առարկա իսկ չէ այս հարցը, քանի որ բոլորն ընդամենը կենտրոնացած են առավելագույնը սոցիալական հոգածության վրա, ընդամենը խնամակալության ռեժիմի վրա՝ այն դեպքում, երբ մենք պետք է մեկընդմիշտ հիշենք, որ սահմանամերձ գյուղերում ապրում են և պետք է ապրեն լիարժեք մարդիկ, որոնք ունեն ոչ միայն խնամքի, այլ լիարժեք ինքնիրացման խնդիր, և հենց դա կարող է լինել նրանց կենսունակության առանցքային հենքը, որը պետք է ապահովել իբրև ազգային անվտանգության կարևոր հրամայական:



Լուսանկարը` galatv.am-ի

[Vrej1915]

Re: Military Forces of the Republic of Armenia

2-3 հրթիռ կարող է ընկնել խողովակաշարերի վրա, ու Ադրբեջանը տանուլ կտա խաղը

ՍԻՐԱՆՈՒՅՇ ՊԱՊՅԱՆ, Հարցազրուցավար
Հարցազրույց - 30 Սեպտեմբերի 2015,


Մեր զրուցակիցն է Արցախի հերոս, գեներալ-մայոր Արկադի Տեր-Թադևոսյանը (Կոմանդոս)

Պարոն Տեր-Թադևոսյան, վերջին օրերին սահմանին լարվածությունն ինչո՞վ եք պայմանավորում։

Այս լարվածությունը պետք է Ադրբեջանին։ Միակ միջոցը հիմա Ադրբեջանի համար սեփական ժողովրդին խաբեության մեջ պահելն է և ստիպել մեզ անհանգստանալ, թե իբր Ադրբեջանը պատրաստվում է լայնամասշտաբ ռազմական գործողությունների։ Իրականում այդպես չէ. միակ բանը, որ նրանք կարող են, սահմանին լարվածություն ստեղծելն է։ Ու այդ լարվածությունը գնալով աճելու է։ Եթե մեկ ամիս առաջ մենք խոսում էինք միայն ականանետերի մասին, ապա այսօր արդեն Ադրբեջանն օգտագործում է թուրքական արտադրության հրթիռային կայանքներ։ Ադրբեջանը կատարում է Թուրքիայի կամքը, նա միայնակ չի կարող իրականացնել այդպիսի գործողություններ՝ առանց համաձայնեցնելու թուրքական զինվորական ղեկավարության հետ։

Սահմանին վերջին սադրանքները լայն արձագանք են գտել միջազգային հանրության մոտ, և Եվրախորհրդարանում, և Նալբանդյան-Նուլանդ հանդիպմանը։ Եվ այդ արձագանքը շեղում է Ադրբեջանի հասարակության ուշադրությունն այն իրավիճակից, որը տիրում է Ադրբեջանի ներսում։ Այդ երկրում իրականում շատ բարդ իրավիճակ է, և երկրի նախագահի աշխատակազմը լուրջ աշխատանքներ է իրականացնում բնակչության գաղափարական մշակման և դա կոնկրետ ուղղությամբ ուղղորդելու համար։ Դրա համար խոշոր միջոցներ են ծախսվում, լրատվամիջոցներ են աշխատում։ Ադրբեջանի հասարակությանը փորձում են ապացուցել, որ իրենք պատրաստվում են վերադարձնել Ղարաբաղը։ Իրականում նրանք Ղարաբաղը վերադարձնել չեն կարող, նման հնարավորություն չունեն, իսկ սեփական ժողովրդին խաբելու, ինչպես նաև մեզ անհանգստացնելու համար նրանք գնում են նման քայլերի։ Ադրբեջանը լարվածությունն ավելացնում է հատկապես միջազգային հանդիպումների նախաշեմին։ Նրանք ուզում են ապացուցել իրենց գերազանցությունը։

Ադրբեջանը գտնվում է ֆինանսապես լավ վիճակում՝ նավթամուղների ու գազամուղների շնորհիվ։ Սակայն այդ խողովակաշարերի միայն 20 տոկոսն է Ադրբեջանինը, մնացածն օտարերկրյա ընկերությունների են պատկանում։ Հիմա Ադրբեջանը նստած է գազի վրա, որն իրեն փող է բերում, բայց մյուս կողմից եթե պատերազմ սկսվի, 2-3 հրթիռ կարող է ընկնել այդ խողովակաշարերի վրա, ու Ադրբեջանը տանուլ կտա խաղը։ Իսկ Հայաստանը գազատար ու նավթատար չունի, և մտահոգվելու ավելի քիչ պատճառ ունի, թե հրթիռները կարող են վնասել որևէ օբյեկտ։ Ճիշտ է, Հայաստանն ունի ատոմակայան, բայց ատոմակայանն այդ առումով անվտանգ է, որովհետև եթե հարվածեն ատոմակայանին, ապա դա հսկայական վնաս կտա նաև Թուրքիային։ Դա է պատճառը, որ Թուրքիան շահագրգռված է, որ հայկական ատոմակայանը օր առաջ փակվի։ Այսինքն՝ փաստացի նրանք չեն կարող պայթեցնել մեր ատոմակայանը։
Ինչի՞ կարող է հանգեցնել այս իրավիճակը։

Ադրբեջանը լարելով իրավիճակը սահմանին, փորձում է սեփական ժողովրդին ապացուցել, թե ուր են գնում իրենց նավթադոլարները, ինչու են զենք գնում։ Նրանք ամեն օր սերմանում են, որ հայերը վատն են, նրանք գրավել են մեր հողերը, մեր հողն է նաև Երևանը, որը մենք նրանց նվիրել ենք։ Այս հիվանդագին գաղափարախոսությունը սկզբում ամբողջ աշխարհը լսում էր, բայց հետո սկսեցին հասկանալ, թե ինչով է զբաղված Ադրբեջանը։ Հիմա Ադրբեջանում երկու ուղղություն է զարգանում. առաջինը՝ Ադրբեջանի շուրջ 10 ազգությունների մոտ ազգային գիտակցության աճ է տեղի ունենում, և նրանց խնդիրների մասին բարձրաձայնող լրագրողներն ու իրավապաշտպանները գտնվում են բանտերում։ Այս պահին Ադրբեջանի բանտերում նրանց թիվը շուրջ 200-ի է հասնում։ Մյուս կողմից, այդ երկրում խախտվում են մարդու իրավունքները, ճնշվում է մամուլի ազատությունը, և եվրոպական կառույցները որոշակի ճնշումներ են գործադրում Ադրբեջանի վրա։ Բոլորս գիտենք, որ մինչև վերջերս միջազգային կառույցներն ադրբեջանամետ էին, քանի որ այդ երկիրը հսկայական միջոցներ էր ծախսում դրա համար, և անգամ հասել էր նրան, որ բազմաթիվ եվրոպացի պատգամավորներ ուզում էին Խոջալուի դեպքերը ճանաչել որպես ցեղասպանություն։ Բայց աստիճանաբար ԵՄ-ում սկսել են հասկանալ, թե ինչ երկիր է Ադրբեջանը, սկսել են քննադատել այդ երկրում տիրող իրավիճակը։ Այսինքն՝ թե միջազգային, թե ներքին ասպարեզում Ադրբեջանի համար անկայուն վիճակ է։ Այդ անկայունությունը փոխհատուցվում է իրենց ունեցած նավթով, ու քանի դեռ Ադրբեջանը նավթ ունի, նա ենթակա է լինելու գերտերություններին, այդ թվում ԱՄՆ-ին, որը մեզ աջակցում է։ Մյուս կողմից, կա Ռուսաստանը և Ադրբեջանը չի կարող հենց այնպես ռազմական գործողություններ սկսել։
Պարոն Տեր-Թադևոսյան, կարծիք կա, որ Միսկի խմբի ձևաչափը սպառել է իրեն, եւ վերջին երկու հայտարարություններն էլ վկայում են այդ մասին։ Համամի՞տ եք։

Պարզ է, որ Մինսկի խումբն ունի իր առջև դրված խնդիր, և այդ խնդիրն այն է, որ Հայաստանի և Ադրբեջանի իշխանությունները առկա հակասություններին լուծում գտնեն։ Հաճախ մենք էլ ենք դժգոհում Մինսկի խմբի հայտարարություններից, քանի որ ենթադրենք՝ Ադրբեջանը 1000 անգամ է կրակում, մենք 500, բայց նրանք ասում են, որ կողմերը հավասարապես կրակել են և հավասարապես մեղավոր են։ Նրանք չեն ուզում որևէ մեկի կողմից լինել։ Ադրբեջանն ուզում է Մինսկի խումբը փոխել, որ նոր միջնորդների մեջ ներկա լինի Թուրքիան, բայց դա անհնար է: Մեր տարածաշրջանում խաղաղությունը կախված է Մինսկի խմբից, և դա բոլորը ընդունում են՝ թե ԱՄՆ-ն, թե ԵՄ-ն։ Բոլորն ընդունում են, որ Մինսկի խումբը կարող է լուծել հարցերը և պահպանել մեր տարածաշրջանում խաղաղություն։

Ադրբեջանը ունի ևս մեկ թշնամի, որի մասին մենք քիչ ենք խոսում, դա Իրանն է, որի նկատմամբ պատժամիջոցները վերանում են, և շատ լավ է, որ նա դուրս է գալիս շրջափակումից, և Հայաստանի համար բարենպաստ պայմաններ են առաջանում։

- See more at: http://www.lragir.am/index/arm/0/int....VNehXMTR.dpuf

[Vrej1915]

Re: Military Forces of the Republic of Armenia

Ոչնչացված է թշնամու 2 հենակետ (ուղղում)
27/09/2015

http://www.national.am/bardzunq-gravvats/

Ուղղում. Հայցելով մեր ընթերցողի ներողամտությունը՝ հայտնում ենք, որ հայկական ԶՈւ պատժիչ գործողություններն իրականացվել են արևելյան ուղղությամբ և կապ չունեն Տավուշի մարզի հետ: Նշված 2 հենակետերը ոչ թե գրավվել են, այլ պարզապես ոչնչացվել, իսկ թշնամու զոհերի թիվը հասնում է 10-ի:

Նախնական տեքստը՝
(Ըստ ճշտված աղբյուրների այս գիշեր ՀՀ հյուսիս-արևելյան սահմանագծի ուղղությամբ մեր զինված ուժերը գրավել են թշնամու 2 բարձրադիր հենակետ: Դրանք այն հենեկետերից են, որոնցից թշնամին պարբերաբար կրակում էր Տավուշի մարզի գյուղերի վրա: Աղբյուրը նշում է թշնամու մինիմում 5 զոհի մասին: Կան նաև վիրավորներ: Նշվում է նաև, որ հակառակորդը թողել է զենք-զինամթերք ու փախել իր տարածքի խորքը:
Ինֆորմացիայի հավաստիությունը կասկածի ենթակա չէ: Կարծում եմ՝ ՊՆ պաշտոնական հաղորդագրությունը չի ուշանա

Արման Հարությունյան