Military Forces of the Republic of Armenia

[Vrej1915]

Re: Military Forces of the Republic of Armenia

http://lratvakan.am/?p=41468

[Vrej1915]

Re: Military Forces of the Republic of Armenia

[Vrej1915]

Re: Military Forces of the Republic of Armenia

[Vrej1915]

Re: Military Forces of the Republic of Armenia

http://lratvakan.am/?p=41272

[Vrej1915]

Re: Military Forces of the Republic of Armenia

Հայկական զինուժը կանխարգելիչ հարված է հասցրել շփման գծում
Lragir.am
08 Դեկտեմբերի 2014,

Lragir.am-ի տեղեկություններով, դեկտեմբերի 8-ին հայ-ադրբեջանական շփման գծի հատվածներից մեկում հայկական զինված ուժերը կանխարգելիչ հարված են հասցրել ադրբեջանական զինուժին: Lragir.am-ի աղբյուրը հայտնում է, որ հայկական զինված ուժերին հաջողվել է տեղեկություններ ձեռք բերել, որ Ադրբեջանը հայկական դիրքերի վրա դիվերսիոն խմբի գրոհ է նախապատրաստում: Մեր աղբյուրը հաղորդում է, որ ըստ այդմ կայացվել է ադրբեջանական նախաձեռնությանն ընդառաջ կանխարգելիչ հարվածի միջոցով գրոհը չեզոքացնելու որոշում:

Մեր տեղեկություններով, ադրբեջանական կողմը Հայաստանի զինուժի կանխարգելիչ գործողության արդյունքում հակառակորդը ունեցել է մի քանի զոհ:

Ի դեպ, ադրբեջանական կողմը հայտարարել է, որ ադրբեջանցի զինծառայողներ տեղափոխող բեռնատարը պայթել է ականի վրա եւ կա երկու զոհ: Չի բացառվում, որ զոհերի մի մասի վերաբերյալ ադրբեջանական կողմը տեղեկություն տարածի առաջիկա օրերին՝ բերելով մահվան այլ պատճառներ, ինչպես լինում է սովորաբար:

Մեր տեղեկություններով, հայկական կողմից տուժածներ չկան:

- See more at: http://www.lragir.am/index/arm/0/cou....bkL9vxCb.dpuf

[Vrej1915]

Re: Military Forces of the Republic of Armenia

Զինծառայողը մահացու հրազենային վիրավորում է ստացել
Lragir.am
08 Դեկտեմբերի 2014


Դեկտեմբերի 8-ին, ղարաբաղա–ադրբեջանական հակամարտ զորքերի շփման գծի արևելյան ուղղությամբ տեղակայված զորամասերից մեկի պահպանության տեղամասի մարտական հենակետում, հակառակորդի կողմից արձակված կրակոցից մահացու հրազենային վիրավորում է ստացել զինծառայող, 1995թ. ծնված Գարիկ Արտեմի Իսպիրյանը:

Ինչպես հայտնում է ԼՂՀ ՊՆ մամուլի ծառայությունը, դեպքի մանրամասները պարզելու համար տարվում է քննություն:
ԼՂՀ պաշտպանության նախարարությունը կիսում է կորստյան ծանր վիշտը և իր զորակցությունը հայտնում Գ. Իսպիրյանի ընտանիքի անդամներին, հարազատներին և ծառայակիցներին:

- See more at: http://www.lragir.am/index/arm/0/cou....52NfdYbN.dpuf

[Vrej1915]

Re: Military Forces of the Republic of Armenia

[Vrej1915]

Re: Military Forces of the Republic of Armenia

Սեյրան Օհանյան․ Դա ադրբեջանական կողմի սադրանք է

http://www.azatutyun.am/content/article/26735381.html

Հովհաննես Շողիկյան
Հրապարակված է՝ 10.12.2014

Պաշտպանության նախարար Սեյրան Օհանյանն այսօր խուսափեց մանրամասներ հաղորդել երկու օր առաջ ղարաբաղա-ադրբեջանական շփման գծում տեղի ունեցած միջադեպի վերաբերյալ:

Նախարարը, այդուհանդերձ, պնդեց, որ դա ադրբեջանական կողմի սադրանք է, և որ հայկական կողմը ոչ միայն պաշտպանական, այլև կանխարգելիչ գործողություններ է իրականացրել, որոնք «շատ դեպքերում իրականացվում են մեր տարածքից դուրս»․ - «Պատճառը պետք է փնտրել հենց այդ սադրանքների մեջ, և մեղքի մեծ բաժինը պետք է հակառակորդը նաև վերցնի իր վրա»:

Հիշեցնենք, որ դեկտեմբերի 8-ին ղարաբաղա-ադրբեջանական շփման գծում արձանագրված միջադեպի ժամանակ հակառակորդի կրակոցից զոհվել էր ժամկետային զինծառայող Գարիկ Իսպիրյանը, որը Ղարաբաղի նախագահի կողմից հետմահու պարգևատրվեց «Մարտական ծառայություն» մեդալով։

Միջադեպի կապակցությամբ, Ադրբեջանի պաշտպանության նախարարությունը հայտարարել էր, թե հայկական դիվերսիոն խմբերը փորձել են անցնել սահմանագիծը: Հայկական կողմը հերքել էր՝ առանց հավելյալ մանրամասների։

Նախարար Օհանյանը ևս այսօր չբացեց փակագծերը․ - «Ցավոք, դրանք նաև գաղտնիություն են իրենց մեջ պարունակում, դրա համար բավարարվենք այնքանով, որքանով որ ես ասացի»:

Գնահատելով անցնող տարին, որի ընթացքում արձանագրվեցին մի շարք դիվերսիոն-հետախուզական ներթափանցման փորձեր, ինչպես նաև հրադադարի ընթացքում առաջին անգամ խոցվեց հայկական ռազմական ուղղաթիռ՝ Հայաստանի պաշտպանության նախարար Սեյրան Օհանյանն ասաց․ - «Նախկինում եթե Պաշտպանության բանակի հատվածում, ասենք, մինիմում լինում էին 35-50 դրվագներ կրակոցների և օգտագործում էին այդտեղ մինչև հազար փամփուշտ, այսօր այդ կրակոցների թիվը հասնում է 170, 200, և փամփուշտների թիվը 3 հազարից մինչև 6 հազարի է հասնում»:

Նախարարը հստակեցրեց, որ Հայաստանի ու Լեռնային Ղարաբաղի զինված ուժերը պատասխանում են միայն դիպուկահարների ու կանոնավոր կրակոցներին: Պաշտպանության նախարարը նաև տեղեկացրեց, որ մոտ մեկ ամիս առաջ հակառակորդի խոցած ռազմական ուղղաթիռի գործով ծառայողական քննությունն ընթացքի մեջ է, այլ մանրամասներ չհաղորդեց։

Ինչ վերաբերում է ազատամարտիկներին ծեծի ենթարկելու վերաբերյալ լուրերին՝ նախարար Օհանյանն ասաց, որ կոնկրետ դեպքի մասին տեղեկություն չունի, բայց դատապարտում է ոտնձգությունները ազատամարտիկների նկատմամբ։

«Գտնում եմ, որ իրականում առաջին հերթին ազատամարտիկներն իրենք պետք է անձնական օրինակ հանդիսանան մեր հասարակության մեջ: Եվ եթե լինում են նաև ոտնձգություններ ազատամարտիկների նկատմամբ, ես դա վատ եմ գնահատում: Մենք մեր հնարավորությունների սահմաններում կփորձենք պարզել դա», - նշեց Սեյրան Օհանյանը:

Հիշեցնենք, համաձայն շրջանառվող լուրերի, դեկտեմբերի 8-ին մի խումբ անձինք ծեծի էին ենթարկել ազատամարտիկներ Մանվել Եղիազարյանին ու Ռազմիկ Պետրոսյանին: Իսկ այսօր առավոտյան լուրեր տարածվեցին, որ դիմակավորված անձինք ծեծել են ազատամարտիկ Սուրեն Սարգսյանին։ Երեք ազատամարտիկներն էլ վերջին շրջանում աչքի են ընկնում ընդդիմադիր կեցվածքով։

[Vrej1915]

Re: Military Forces of the Republic of Armenia

Ի՞նչ է կատարվում սահմանին, եւ ինչն է գաղտնի պահվում

ՍԻՐԱՆՈՒՅՇ ՊԱՊՅԱՆ, Հարցազրուցավար
Հարցազրույց - 11 Դեկտեմբերի 2014,

Մեր զրուցակիցն է Արցախի հերոս, գեներալ-մայոր Արկադի Տեր-Թադևոսյանը (Կոմանդոս)


Պարոն Տեր-Թադևոսյան, օրերս կրկին միջադեպ գրանցվեց սահմանին, որի մասին հակասական լուրեր են հրապարակվում: Ադրբեջանցիները գրում են, որ հայկական կողմն է հարձակվել: Ինչպե՞ս է եղել այդ դեպքը և արդյոք սա նշանակում է, որ նորից լարվածության փուլ ենք մտնում:

Ոչ ոք չի կարող ասել, թե ինչպես է դեպքը տեղի ունեցել: Ոչ իրենք են հստակ բան գրում, ոչ մերոնք: Հայկական կողմը սադրանքների երբեք չի գնում, նման բաներ անում են ադրբեջանցիները: Այս անգամ էլ սկսել են ադրբեջանցիները, բայց թե ինչ պատասխան են ստացել, դա էլ պարզ չասվեց: Միայն ասվեց, որ մենք այդ միջադեպի արդյունքում հաղթած դուրս եկանք, թեև ունեցանք զոհ:


Վերջին միջադեպերը սահմանին ինչպե՞ս եք գնահատում: Հայկական կողմի պատասխանները համարժե՞ք եք համարում, օրինակ ուղղաթիռը խոցելու արժանի հակահարվածը տվե՞լ ենք, թե դեռ պիտի տանք:

Դե, երբ այդ դեպքը տեղի ունեցավ, հայկական կողմն, իհարկե, պատասխանեց, բայց դա շատ թույլ պատասխան էր, իմ կարծիքով, և արժանի հակահարվածը դեռ չենք տվել: Մենք չենք կարող նախահարձակ լինել, պետք է օգտագործենք հարմար պահը և այդ պահին արժանի հակահարված տանք: Եթե նախահարձակ լինենք, բոլոր կողմերից մեզ կմեղադրեն, հայկական դիվանագիտության դիրքերը կթուլանան: Դրա համար պետք է իմանալ, թե երբ են նրանք ուզում հարձակվել մեզ վրա, ինչը հիմա այնքան էլ դժվար չէ, և կանխարգելիչ հարվածներով տեղը դնել հակառակորդին: Տեսեք, այս վերջին միջադեպի մասին քանի օր է հստակ բան չգիտենք, քանի որ գաղտնի են պահում, բայց բանակի ղեկավարությունը գիտի բոլոր մանրամասները:
Այնպես որ, մենք դժվար թե առանց պատճառի կարողանանք պատասխան տալ: Ինձ թվում է, որ ադրբեջանական կողմն զգում է, որ մենք պատասխանի ենք պատրաստվում, դրա համար գուցե մեզ փորձում են: Բայց պատասխան մենք անպայման կտանք:

Իսկ որքանո՞վ են լուրջ Ադրբեջանի կողմից պատերազմ սկսելու սպառնալիքները: Այդյոք այդ երկիրը պատրաստ է ռազմական գործողությունների:

Հայկական կողմը պետք է լավ իմանա, թե ինչ իրավիճակ է հակառակորդի մոտ, ինչ ունեն, ինչ տրամադրություններ են տիրում, ինչի են ընդունակ: Այս տարի ադրբեջանական կողմը զորավարժություններ անցկացրեց, որը ցույց տվեց, որ ոչ մի բան չեն կարող անել: Ոչ թե այն պատճառով, որ բարդ ու լեռնային պայմաններում էին գործում, այլ այն պատճառով, որ մեր դիրքերը շատ ավելի հարմար են, մենք վերևում ենք, և հակառակորդը հարձակման դեպքում լուրջ խնդիրներ է ունենալու: Բնակլիմայական պայմանները մեր օգտին են, բացի այդ, շփման գծին շատ մոտ անցնում է ադրբեջանական նավթատարը, որը վնասվելու դեպքում այդ երկիրը մեծ կորուստներ կարող է ունենալ:
Ալիևը շատ գեղեցիկ բլեֆ է անում, թե իբր պատրաստվում է պատերազմի, սակայն իրականում նա և իր շրջապատը շատ լավ հասկանում են, որ իրենց հարստության աղբյուրը նավթն է, իսկ պատերազմը կարող է հարվածել այդ աղբյուրին: Բայց Ալիևի նպատակն է լարվածության մեջ պահել և մեզ, և իր ժողովրդին՝ վախեցնելով նրանց հայերով, թե կարող են հայերը հարձակվել:

Ադրբեջանը անընդհատ սպառազինվում է: Սա որքանո՞վ կարող է վտանգավոր լինել հայկական կողմի համար: Ինչպե՞ս ենք մենք հակազդում դրան:

Իհարկե, Ադրբեջանը հիմա շատ զենք ու սպառազինություն ունի, բայց մարդիկ չեն ցանկանում պաշտպանել այդ երկիրը: Նրանք պատրաստ չեն դրան: Հայաստանում էլ կան խնդիրներ, ազատամարտիկները բազմաթիվ հարցեր են բարձրացնում, որոնք հիմնականում սոցիալական բնույթի են, իսկ Ադրբեջանում դրանից բացի նաև այլ խորը խնդիրներ կան՝ ազգային, էթնիկ ու կրոնական: Դրան գումարվում է նաև այն, որ լրագրողներին ու իրավապաշտպաններին խմբերով բանտ են նստեցնում:
Վերջերս մի հոդված կարդացի, որտեղ նշվում է, որ Ալիևի ռեժիմի համար բարդ ժամանակներ են, որ այնտեղ կարող է հեղափոխական իրավիճակ լինել, ինչպես Ուկրաինայում, որ Ալիևին իր պաշտոնում պահում է Ռուսաստանը:
Իրականում, Ադրբեջանի բանակը մարտունակ չէ և դժվար թե ունակ լինի որևէ բան անելու:

Վերջին օրերին երեք ազատամարտիկներ են ծեծի ենթարկվել անհայտ անձանց կողմից, որից հետո ոստիկանապետը հայտարարեց, թե թող դիմեն ոստիկանություն, ոչ թե իրար «լափեն» մամուլում: Սա ինչի՞ հետևանք է և արդյոք ազատամարտիկները կհամախմբվեն այս դեպքերից հետո:

Ես չեմ ուզում խոսել ներքին խնդիրների մասին, քանի որ երկու կողմերում էլ իմ ընկերներն են: Ես էլ ձեզ պես մամուլից եմ տեղեկացել այդ դեպքերի մասին, շատ բան չգիտեմ:

Ազատամարտիկները նորից տարբեր թևերի են բաժանվել: Այս իրավիճակն ինչի՞ կարող է հանգեցնել և ո՞րն է լուծումը:

Ես չեմ կարող ինչ-որ բան ասել ու դրանով նեղացնել կողմերից որևէ մեկին: Մի անգամ ինձ հարցրին, թե արդյոք ճի՞շտ են ազատամարտիկները, որ դուրս են գալիս հրապարակ պայքարի, ես պատասխանեցի, որ ճիշտ չէ հրապարակ դուրս գալը: Բայց հետո նրանք ինձ հանդիպեցին, ասացին, որ լուրջ սոցիալական խնդիրներ ունեն ու այլ ճանապարհ չունեն, քան հրապարակային պայքարը: Նրանք իսկապես ծանր պայմաններում են, ու ես չգիտեմ, թե որն է ճիշտ քայլը:
- See more at: http://www.lragir.am/index/arm/0/int....WFtm7z8B.dpuf

[Vrej1915]

Re: Military Forces of the Republic of Armenia

Արցախում զոհված զինծառայողին հուղարկավորել են զինվորական կարգով,
11.12.2014


Գեղարքունիքի մարզի Գեղհովիտ գյուղում այսօր՝ դեկտեմբերի 11-ին, տեղի է ունեցել ղարաբաղա-ադրբեջանական հակամարտ զորքերի շփման գծի արեւելյան ուղղությամբ տեղակայված զորամասերից մեկի պահպանության տեղամասի մարտական հենակետում դեկտեմբերի 8-ին հակառակորդի կողմից արձակված կրակոցից զոհված 19-ամյա Գարիկ Իսպիրյանի հուղարկավորությունը:

NEWS.am-ի թղթակցի հետ զրույցում Գեղհովիտի գյուղապետ Վարդան Պողոսյանը հայտնեց, որ Գարիկին հուղարկավորել են զինվորական կարգով:

«Շատ-շատ մարդ էր եկել, Գարիկի հրամանատարներն էլ էին եկել: Պատվով ու հարգանքով հողին հանձնեցինք մեր զինվորին»,- ասաց գյուղապետը:

Հիշեցնենք, որ ԼՂՀ ՊԲ-ն հայտարարել էր, որ Ղարաբաղա-ադրբեջանական հակամարտ զորքերի շփման գծի արեւելյան ուղղությամբ տեղակայված զորամասերից մեկի պահպանության տեղամասի մարտական հենակետում, դեկտեմբերի 8-ին, հակառակորդի կողմից արձակված կրակոցից մահացու հրազենային վիրավորում էր ստացել զինծառայող, 19-ամյա Գարիկ Արտեմի Իսպիրյանը: Բակո Սահակյանը հետմահու պարգեւատրել էր զոհված զինծառայողին:

Լուրեր Հայաստանից - NEWS.am