Menk mer tzerov badouhanitz ners yenk hraviroum tshnamin.

[Vrej1915]

Ays gerb e Hayasdane nersitz grdzvel sovedi orok, rusi orok.
Hima ipr angakh Hayasdani dzakhvadz, gasharager mi kani tchinovnik, ouzoum yen mi kani kopek irantz joube ktzelou hamar tourke hravirel Zankezour....
Chad yen ouzoum, togh sgssen Yerevanitz.

----------------

Սյունիքի մարզի արոտավայրերը Իրանին տրամադրելու վերաբերյալ

Հասարակություն - Ուրբաթ, 18 Հունվարի 2013, 11:30

«Թռչկան» քաղաքացիական նախաձեռնությունը բաց նամակ է հղել ՀՀ նախագահին առընթեր ազգային անվտանգության խորհրդի քարտուղար Ա. Բաղդասարյանին, ՀՀ Ազգային անվտանգության ծառայության տնօրեն Գորիկ Հակոբյանին, որում ասվում է.
Վերջերս մամուլում մի շարք հրապարակումներ եղան, ըստ որոնց Հայաստանը (մասնավորապես Սյունիքի մարզը) և Իրանը, (մասնավորապես Արևելյան Ադրբեջան նահանգը), պատրաստվում են ստորագրել ինչ որ համաձայնագիր (հուշագիր), որով Սյունիքի մարզը հինգ տարով վարձակալությամբ արոտավայրեր կտրամադրի Արևելյան Ադրբեջանից մի քանի հազար գլուխ մանր ու խոշոր եղջերավոր անասունների արածեցման համար:
«Օրեր» Եվրոպական անկախ ամսագիրը և Asbarez.com-ը հունվարի 16-ի իրենց համարներում նշում են, որ նույն օրը Թավրիզում Սյունիքի մարզպետ Սուրեն Խաչատրյանի ու Իրանի Արևելյան Ադրբեջան նահանգի նահանգապետ Ալիռեզա Բեիգիի կողմից արդեն ստորագրվել է ինչ որ հուշագիր:
Սոցիալական ցանցերը ողողված են այս նյութով, ծավալվել են լայնածավալ քննարկումներ: Մեր և հանրության լայն շերտի մոտ առաջացել է դժգոհություն և մտավախություն, որ սա կարող է իսկապես իրականություն լինել, քանի որ մենք մեր իրականությունից չենք հեռանում. եթե ՀՀ կառավարությունը պատրաստ է որոշում ընդունել Քաջարան գյուղը տարհանելու վերաբերյալ, ապա այս հարցին միանշանակ առանց հետևանքների մասին մտածելու ու կշռադատելու, կարող է լուծում տալ:
Անհասկանալի է նաև, թե ինչու ձեր ղեկավարած կառույցները մինչ օրս չեն անդրադարձել սույն հարցին և չեն հայտնել իրենց դիրքորոշումը կնքվող հուշագրի վերաբերյալ:
Ողջունում ենք Հայ-Իրանական տնտեսական համագործակցությունը, սակայն միևնույն ժամանակ հասկանում ենք, որ նախևառաջ պետք է հայ գյուղացու համար անհրաժեշտ բարենպաստ պայմաններ ստեղծել իր գործով զբաղվելու համար, հետո նոր մտածել Իրանի կամ այլ պետության հետ համագործակցության մասին:
Հաշվի առնելով վերոնշյալը, խնդրում ենք հայտնել ձեր կարծիքը. արդյոք այս հուշագրի ստորագրումը չի սպառնում Հայաստանի Հանրապետության ազգային անվտանգությանը: Եթե` ոչ, ապա խնդրում ենք հիմնավորել: Եթե կիսում եք մեր մտահոգությունները, ապա առաջարկում ենք անհապաղ հանդես գալ հայտարարությամբ և կտրուկ քայլեր ձեռնարկել այս գործընթացը կասեցնելու համար:
Միևնույն ժամանակ, կոչ ենք անում ՀՀ կառավարությանը ձեռնպահ մնալ Հայաստանի Հանրապետության տարածքի վերաբերյալ նմանատիպ ցանկացած որոշում կայացնելուց, առավել ևս առանց ժողովրդի կարծիքը հաշվի առնելու և առանց նրա գիտության: Առանց հանրության կարծիքը հաշվի առնելու և խնդիրը լրիվ ու բազմակողմանի ուսումնասիրելու, որևէ հուշագիր կամ պայմանագիր չպետք է կնքվի ՀՀ պետական կառավարման և տեղական ինքնակառավարման մարմինների կողմից:
Լրացուցիչ տեղեկացնում ենք, որ «Տեղեկատվության ազատության մասին» ՀՀ օրենքի համաձայն ստույգ և հավաստի տեղեկատվություն ստանալու ակնկալիքով, 2012թ. դեկտեմբեր ամսին դիմել էինք ՀՀ տարածքային կառավարման նախարարին և ՀՀ Սյունիքի մարզպետին, սակայն նրանցից ստացել ենք անորոշ և ոչ հստակ պատասխաններ:
Ակնկալում ենք սեղմ ժամկետում ստանալ Ձեր պաշտոնական և հրապարակային արձագանքը: Հուսով ենք, որ այն կլինի ի շահ հայ ժողովրդի և Հայաստանի Հանրապետության:

[Vrej1915]

Re: Menk mer tzerov badouhanitz ners yenk hraviroum tshnamin.

Սյունիքի մարզի 11 %-ը` քոչվորների արոտավայր
Նարեկ Ալեքսանյան

http://hetq.am/arm/news/22960/syuniqi-marzi-11--y-qochvorneri-arotavayr.html

17:00, 2 փետրվարի, 2013
«Կներեք, բայց սա համաձայնագիր չէ, խեղկատակություն է: 500 քառ.կմ կամ, ավելի ճիշտ, Սյունիքի մարզի 11 %-ը, փաստորեն, 10 տարով տալիս ենք թրքախոս քոչվոր ցեղերի, որոնք այնտեղ արածեցնելու են իրենց 50000 ոչխարներին: Մեր արոտավայրերը հանձնում ենք մեկին, ով իր երկրում արոտավայրերը քայքայել-ոչնչացրել է և հիմա տեղափոխվում է մեր երկիր:

Համայն հայության մայրաքաղաքում Դալմայի այգիներն օրեցօր բետոնով ենք ծածկում, որ հետո շնչելու օդ չմնա, ի՞նչ երաշխիք ունենանք, որ Սիսիանի արոտավայրերում կկարողանանք հսկել ոչխարներին, որ հանկարծ այդ տարածքը անապատի չվերածեն»,- նշում է իրանահայ բնապահպան-ակտիվիստ Սարմեն Շահիջանյանը:

Իրանական մամուլում, ըստ Սարմենի, խոսք է գնում այն մասին, որ նախնական 50000 գլուխը հետագայում դառնալու է 100 հազար:

Սարմենն արոտավայրերը իրանցիներին հանձնելու առիթով տվեց նաև իր գնահատականը որպես անասնաբույժ.

«Կան հիվանդություններ, որոնք էնդեմիկ են, այսինքն միայն տվյալ երկրում երկար ժամանակ գտնված կենդանիները կարող են դիմակայել այդ հիվանդությանը, իսկ եթե նրանց տեղափոխում ես ուրիշ երկիր, նա իր հետ բերում է վարակիչ հիվանդություններ, որոնք վտանգավոր են նաև մարդկանց համար»:

[Vrej1915]

Re: Menk mer tzerov badouhanitz ners yenk hraviroum tshnamin.

Միամտություն է կարծելը, որ արոտավայրերն օգտագործելուց հետո լավ վիճակում կհանձնեն մեզ. բուսաբան
Նարեկ Ալեքսանյան

http://hetq.am/arm/news/22961/miamtutyun-e-kartsely-or-arotavayrern-ogtagortseluc-heto-lav-vitchakum-khandznen-mez-busaban.html

17:16, 2 փետրվարի, 2013
Իրանցիներն արդեն գարնանը, ըստ նախնական պայմանավորվածության, Հայաստանի տարածքում` Սյունիքի մարզում, արածեցնելու են ոչխարներ: Բուսաբան Կարեն Աֆրիկյանը մտահոգված է այս առումով և տալիս է իր մասնագիտական գնահատականը.

«Ոչխարները դասվում են մանր եղջերավոր անասունների դասին, որոնք, ի տարբերություն խոշորների, խոտն ուտում են ամբողջությամբ՝ այդպիսով զրկելով դրան հետագայում վերականգնվելու հնարավորությունից:

Արոտավայրերը, բացի գյուղատնտեսական նշանակությունից, ունեն նաև բնապահպանական նշանակություն: Դրանց խոտածածկը հալոցքի ջրերը ներծծում է հողի մեջ, և ստորոտում արդեն դուրս է գալիս մաքուր, բարձրորակ խմելու ջուր: Արոտավայրերի դեգրադացիան հանգեցնում է նաև հողերի էրոզացմանը:

Միամտություն է կարծելը, որ արոտավայրերն օգտագործելուց հետո դրանք լավ վիճակում են մեզ հանձնելու»:

Արոտավայրերը լինում են 3 հասակային խմբերի ` երիտասարդ, հասուն և ծեր:

Բուսաբանը մտավախություն ունի, որ արտադրողականությունը կորցրած ծեր արոտավայրերը մնալու են հայ գյուղացուն, իսկ համամետաբար լավերը տալու են վարձակալողներին:

Աֆրիկյանը նշեց նաև, որ Հայաստանի տարածքի մի մասը որպես արոտավայր Իրանին հանձնելու փոխարեն տրամադրվելիք գյուղտեխնիկան մեկ այլ ծրագրով արդեն իսկ ձեռք է բերվելու, իսկ այն գումարը, որը որ պետք է հայկական կողմը ստանա (ամեն մի հեկտարի դիմաց` 25 դոլար) վարձակալությամբ Սյունիքի հողերը տալու դիմաց, բուսաբանի կարծիքով, դժվար թե մտնի պետբյուջե

[Vrej1915]

Re: Menk mer tzerov badouhanitz ners yenk hraviroum tshnamin.

Արոտավայրերը իրանցիներին տալիս ոչ ոք ժողովրդի կարծիքը հաշվի չի առել.

http://hetq.am/arm/news/22962/arotav...-aktivist.html

2 փետրվարի, 2013
Ակտիվիստ Վազգեն Գալստյանը դժգոհում է, որ իրանցիների հետ համաձայնագիր կնքելիս տեղացի ժողովրդի կարծիքը ոչ ոք հաշվի չի առել, հանրային լսումներ չեն եղել:

«Ինքս Վայոց ձորից եմ, բայց զինվորական ծառայությունս որպես կապավոր անցկացրած լինելով Սյունիքի մարզի հենց այն հատվածներում, որոնք որպես արոտավայր տրամադրելու են Իրանի հյուսիսային շրջանի` Ատրպատականի թրքական ծագմամբ իրանցիներին, կարող եմ հավաստել, որ դրանով լուրջ մտահոգությունների առիթ է ստեղծվում մեր երկրի համար: Այդ հատվածը բավական մոտ է գտնվում Հայաստան-Նախիջևան սահմանին և ռազմավարական տեսանկյունից կարևոր նշանակություն ունի Հայաստանի համար: Բազային որոշակի գիտելիքներ ունեցող անասնապահը կարող է ինֆորմացիա փոխանցել համապատասխան մարմիններին»:

Վազգենը, ով ներկայացնում է «Ջերմուկի զարգացման կենտրոն» ՀԿ-ն, նշեց, որ «Թռչկան» քաղաքացիական նախաձեռնությունն այս հարցով դիմել է ԱԱԾ տնօրեն Գորիկ Հակոբյանին և ՀՀ ազգային անվտանգության խորհրդի քարտուղար Արթուր Բաղդասարյանին, բայց պատասխան չեն ստացել:

[Vrej1915]

Re: Menk mer tzerov badouhanitz ners yenk hraviroum tshnamin.

Սյունիքի մարզի արոտավայրերը վարձակալության տալու հարցով ՀՅԴ-ն Կառավարությունից պարզաբանումներ է սպասում
05/02

ԱԺ ՀՅԴ խմբակցության պատգամավոր Աղվան Վարդանյանն այսօր խորհրդարանում հանդես է եկել հայտարարությամբ.
"Հարգելի խորհրդարան
Զանգվածային լրատվամիջոցները հրապարակել են երկու փաստաթուղթ: Մեկ հուշագիր և մեկ համաձայնագիր՝ ստորագրված Հայաստանի Հանրապետության Սյունիքի մարզի և մեր բարեկամ Իրանի Իսլամական Հանրապետության Ատրպատական նահանգի ներկայացուցիչների կողմից:

Ըստ դրանց՝ նախատեսվում է Սյունիքի մարզից 52.000 հեկտար վարձակալության տալ իրանական կողմին՝ անասուններ տեղափոխելու և արածացնելու նպատակով: Ժամկետը 5-ից 10 տարի է: Մեկ հեկտարի վարձավճարը սկզբում անհայտ է, հետագայում աճելով՝ մինչև 25 դոլար: Գոնե հայերեն տարբերակում՝ կիսագրագետ, դասական ուղղագրությամբ, բազմաթիվ հարցական-անորոշություններով փաստաթղթեր են:

Մենք վաղն Ազգային ժողովում կփորձենք պարզաբանումներ ստանալ կառավարությունից: Դաշնակցության Սյունիքի մարզային կոմիտեն արդեն իսկ հանդես է եկել հայտարարությամբ՝ իր մտահոգություններն ու տարակուսանքը հայտնելով: Սոցիալական ցանցերում խնդիրն ակտիվորեն քննարկվում է:

Ի՞նչ է սա նշանակում: Ի վերջո, հարցը պետության տարածքի մի մասը վարձակալությամբ տալուն է վերաբերում: Որքանո՞վ է տեղին տարածքային մարմինների նման՝ չակերտավոր ինքնագործունեությունը: Եթե կայանա, այդ գործարքից ի՞նչ է շահելու մեր պետությունը, շահելո՞ւ, թե՞ կորցնելու են այդ տարածքների հարակից գյուղացիական տնտեսությունները, ի՞նչ է լինելու քաղաքական, հոգեբանական, բնապահպանական հետևանքը:

Ես չեմ անդրադառնում վարձակալության համար սահմանված անորոշ գումարին. ինչ գումար էլ սահմանված լինի, նախ պետք է հաշվի առնել խնդրի ռազմավարական նշանակությունը և մեր երկրին սպառնացող ռիսկերը:

Ի վերջո, հարց է առաջանում, եթե այս վարձակալությունը ձեռնտու է իրանական կողմին, և մենք ունենք նման մասշտաբի ազատ արոտավայրեր, ինչո՞ւ ինքներս չենք սուբսիդավորում կամ ցածր տոկոսադրույքով վարկեր տրամադրում մեր գյուղացիներին, ինչո՞ւ պետությունը չի ապահովում մսամթերքի և կաթնամթերքի երաշխավորված իրացում, ինչո՞ւ մեր գյուղացին կամ տնտեսավարողներն իրենց ուժերով չեն կարող զարգացնել անասնապահությունը: Ինչո՞ւ չենք ուզում երկիրը լքել ցանկացող գյուղացու փոխարեն սոցիալապես ավելի ապահով բնակչություն և զարգացած անասնապահություն ունենալ:

Այդուհանդերձ, կա հարցերի հարցը՝ միջազգային հարաբերությունները ինչպե՞ս կարող են նման կիսագրագետ ու սիրողական մոտեցումներով դրսևորվել: Կիսաթաքուն այս գործելաոճը որքանո՞վ է համապատասխանում իրավական, ժողովրդավարական պետության մեր կարգավիճակին:

Սրանք հարցերն են: Գնահատականը՝ կառավարության պարզաբանումներից հետո":

[Vrej1915]

Re: Menk mer tzerov badouhanitz ners yenk hraviroum tshnamin.

ՏԿՆ. «Սյունիքի մարզի և Արևելյան Ատրպատականի միջև իրավական հետևանք առաջացնող որևէ համաձայնագիր կնքված չէ»


5 փետրվարի, 2013

ՀՀ Սյունիքի մարզի և ԻԻՀ Արևելյան Ատրպատական նահանգի միջև իրավական հետևանք առաջացնող որևէ համաձայնագիր կնքված չէ: «Էկոլուր» ՀԿ-ի կողմից հրապարակված փաստաթղթերը, ըստ էության, երկու պատվիրակությունների հանդիպման արդյունքների արձանագրությունն են, որոնք անվանվել են «Համաձայնագիր»:

Փաստաթղթերում ընդամենն արձանագրվել են կողմերի միջև տեղի ունեցած բանակցությունների արդյունքներն ու քննարկված հարցերի վերաբերյալ մոտեցումներն ու առաջարկությունները: «Համաձայնագիր» կոչվող փաստաթղթերն ստորագրել են երկու պատվիրակությունների գյուղատնտեսության հարցերով պատասխանատուները, և դրանցում արտացոլված հարցերը պետք է վերջնական լուծում ստանան ներպետական մակարդակով, իսկ անհրաժեշտության դեպքում՝ անցնեն օրենսդրությամբ սահմանված ընթացակարգեր:

Հայտնում ենք նաև, որ անկախ փաստաթղթերի իրավական կարգավիճակից՝ հողերի վարձակալության հանձնելու կարգը սահմանված է ՀՀ հողային օրենսգրքով: Քանի դեռ ՀՀ հողային օրենսգրքի պահանջների համաձայն պայմանագրեր չեն կնքվել և իրենց գրանցումը չեն ստացել համապատասխան պետական մարմնում, նշված փաստաթղթերի շրջանակում Սյունիքի մարզում արոտավայրերի վարձակալման մասին խոսելը տեղին չէ:

Տեղեկացնենք նաև, որ մինչ այժմ ինչպես տարածքային կառավարման, այնպես էլ տեղական ինքնակառավարման մարմինները մշտապես պատրաստակամորեն քննարկել և համապատասխան ընթացք են տվել ՀՀ քաղաքացիների կողմից (իրավաբանական կամ ֆիզիկական անձինք) ազատ հողերի, այդ թվում՝ արոտավայրերի վարձակալության համար ներկայացված դիմումները:

Հիշեցնենք, որ ՀՀ կառավարության 2010թ. N 1477-Ն և 2011թ. N 389-Ն որոշումներով դյուրացվել է արոտավայրերի վարձակալության գործընթացը: Արոտավայրերի վարձակալության պահանջարկի դեպքում բոլոր օղակներում համապատասխան մարմինները միշտ պատրաստակամ են դրանք ուսումնասիրել և անհրաժեշտ ընթացք տալ:

ՀՀ տարածքային կառավարման նախարարության հասարակայնության հետ կապերի բաժին

[Vrej1915]

Re: Menk mer tzerov badouhanitz ners yenk hraviroum tshnamin.

Ինչ է կատարվում Սյունիքի մարզի հողերի հետ

http://www.lragir.am/index.php/arm/0/comments/view/78233

Հրանուշ Խառատյան, ազգագրագետ
Մեկնաբանություն - Հինգշաբթի, 07 Փետրվարի 2013, 09:56

Հայաստանում հողի շուկայի ձևավորումից ի վեր հողի օտարման /վաճառք, վարձակալություն, նվիրատվություն/ ամենաքիչ գործարքները, թե որպես գործարք առհասարակ, թե օտարված հողի ծավալներով, կատարվել են Սյունիքի և Տավուշի մարզերում: Հայտնի է, որ հասկանալի պատճառներով հողի առ ու վաճառքը համեմատաբար մեծ է եղել Արմավիրի, Արարատի և Կոտայքի մարզերում, բայց Սյունիքում և Տավուշում գյուղատնտեսական նշանակության հող գնողները շատ քիչ էին: Օրինակ, 1998թ. Սյունիքում եղել է գյուղատնտեսական հողի օտարման ընդամենը 2 գործարք, 1999-ին` ոչ մի, 2000-ին` դարձյալ 2 գործարք, 2001-ին՝ 14, 2002-ին`15, իսկ ահա 2003-ին այդ թիվը ցատկել է` հասնելով 66-ի: Բայց նույնիսկ 2003-ին Սյունիքի մարզի գյուղատնտեսական հողերի օտարման գործարքների թիվը ավել է միայն Տավուշի, մի փոքր ավել` Վայոց Ձորի գործարքների թվից և 14 անգամ զիջում է Արարատի ու 9 անգամ` Արմավիրի մարզերի գյուղատնտեսական նշանակության հողերի գործարքներին:
2004 թ., երբ հանրապետությունում իրականում սկսեց աշխուժանալ հողի շուկան, ինչպես նաև տարբերակվել պետական, համայնքային և մասնավոր սեփականության հողերի առուվաճառքը, Սյունիքի մարզը կրկին վերջին տեղերում էր: Սյունիքի մարզում հատկապես ակնհայտ է պետական և համայնքային նշանակության հողերի առուվաճառքի բացակայությունը: Օրինակ 2004թ. պետական ու համայնքային սեփականության հողերի առուվաճառքի արդյունքում Արմավիրի մարզում տեղի է ունեցել 429 գործարք` 5483.63 հեկտար վաճառված հողով: Նույն տարին նույն մարզում տեղի է ունեցել մասնավոր հողերի առուվաճառքի 1109 գործարք, որի հետևաքով վաճառվել է 5132.95 հեկտար հող: Այդ հարաբերակցությունն այս կամ այն չափով պահպանվել է նաև այլ մարզերում: Արագածոտնում պետական և համայնքային նշանակության հողերի 32 գործարքի հետևաքով վաճառվել է 272.69 հեկտար, և մասնավոր հողերի առուվաճառքի 475 գործարք` 361.74 հեկտար հողով: Ողջ հանրապետության տարածքում ընդհանուր առմամբ պետական և համայնքային նշանակությւան հողերի 1116 գործարքի հետևանքով վաճառվել է 7504.09 հեկտար, ինչը 4,5 անգամ գերազանցում է մասնավոր սեփականության հողերի վաճառքը:
Սյունիքի մարզում, սակայն, ճիշտ հակառակ պատկերն էր: Այստեղ 2004թ. տեղի է ունեցել պետական ու համայնքային նշանակության հողերի ընդամենը մեկ գործարք, չնչին 0.10 հա մակերեսով, իսկ ահա մասնավոր սեփականության հողերից կատարվել է վաճառքի 134 գործարք` հողերի ընդամենը 163.95 հա մակերեսով: Ճիշտ է, երկու դեպքում էլ Սյունիքի մարզում հողի առուվաճառքի գործարքները հանրապետությունում ընթացող աշխույժ առուվաճառքի պայմաններում խղջուկ էին, բայց եթե հանրապետությունում այդ տարի պետական և համայնքային հողերի առուվաճառքը 4,5 անգամ գերազանցել է մասնավոր հողերի առուվաճառքը, ապա Սյունիքի մարզում, ընդհակառակն, մասնավոր հողերի առուվաճառքի դեպքերը 134 անգամ գերազանցել են պետական և համայնքային սեփականության գյուղատնտեսական հողերի առուվաճառքի գործարքները, իսկ վաճառված հողերի ծավալով մասնավորը 1639.5 անգամ առջևում էր:
Այս պատկերը հետագայում շարունակվում է: Հողի առուվաճառքի շուկայում Սյունիքը միշտ վերջին տեղերում է: 2006 թ.Սյունիքում կատարվել է պետական և համայնքային սեփականության գյուղատնտեսական հողերի վաճառքի ընդամենը մեկ գործարք` երկու հեկտար մակերեսով, մինչդեռ մասնավոր հողատերերը ունեցել են վաճառքի 189 գործարք: 2006թ.Սյունքը պետական և համայնքային հողերի վաճառքի գործարքների թվով ողջ հանրապետությունում նույնիսկ ամենավերջին տեղն է զբաղեցրել, զիջելով նաև Տավուշի և Վայոց ձորի մարզերին, որտեղ համապատասխանաբար կատարվել է 51 և 59 գործարք:
2008 թ. Սյունիքում կատարված գյուղատնտեսական հողերի առուվաճառքի գործարքների թիվը 186 է, սակայն ՀՀ վիճակագրական ծառայության կողմից հրատարակվող “ՀՀ սոցիալ-տնտեսական վիճակը 2008թ.” տարեգիրքը տվյալներ չի տալիս ոչ վաճառված հողի մակերեսի, ոչ այդ հողերի պետական, համայնքային ու մասնավոր սեփականության ձևերից առուվաճառքի մասնաբաժինների վերաբերյալ: Բոլոր դեպքերում այն բոլոր մարզերի համեմատության ամենաքիչն է. Տավուշում, որտեղ սովորաբար շատ քիչ են հողի առուվաճառքի գործարքները, օրինակ, այդ թիվը 334 է: Պատկերը շարունակվում է 2009թ.: Այդ տարի Սյունիքում կատարվել է գյուղատնտեսական նշանակության հողերի վաճառքի 207 գործարք, ինչը կրկին հանրապետության մյուս մարզերի համեմատությամբ ամենաքիչն է: Ցավոք, “ՀՀ սոցիալ-տնտեսական վիճակը 2009թ.” տարեգիրքը կրկին տվյալներ չի տալիս ոչ վաճառված հողերի մակերեսի, ոչ այդ հողերի պետական, հանայնքային ու մասնավոր սեփականության ձևերից առուվաճառքի մասնաբաժինների վերաբերյալ:
2010թ. Սյունիքի մարզը գյուղատնտեսական նշանակության հողերի վաճառքի գործարքների թվով առաջ է անցնում Տավուշի և Վայոց ձորի մարզերից: Այդ տարի այստեղ կատարվել է 326 գործարք, բայց կրկին նյութ չկա մասնավորի, պետականի և համայնքայինի վաճառքի գործարքների և վաճառված հողերի մակերեսների թվերը համեմատելու համար:
2011թ. Սյունիքն այդեն ետևում է թողել ոչ միայն Տավուշի և Վայոց ձորի, այլև Շիրակի մարզերը, ունենալով գյուղատնտեսական նշանակության հողերի վաճառքի 358 գործարք:
2012 թ. այդ թիվը նվազել է` կազմելով 250 գործարք, և Սյունիքը կրկին վերջից երրորդն է` առաջ անցնելով միայն Տավուշի և Վայոց ձորի մարզերից:
Բայց ահա այս, 2012 թ. դեկտեմբերին կատարվել է մի ուշագրավ երևույթ: Սյունիքի մարզում դեկտեմբեր ամսին կատարվել է պետական և համայնքային սեփականության գյուղատնտեսական նշանակության 95.09 հեկտար հողերի վաճառք, գերեզանցելով հանրապետության բոլոր մարզերի այդ ամսվա գործարքները: Այդ տարի մյուս բոլոր մարզերը բոլորը միասին դեկտեմբեր ամսին ունեցել են պետական ու համայնքային սեփականության գյուղատնտեսական հողերի ընդամենը 123.47 հեկտար վաճառք: Ավելին, դեկտեմբեր ամսին Սյունիքում կատարվել է նաև 52.08 հեկտար գյուղատնտեսական հողի վաճառք` մասնավոր սեփականատերերի կողմից, առուվաճառքի 44 գործարքի արդյունքում: Ուշագրավ է, որ առաջին անգամ մասնավոր հողատերերի վաճառած հողի քանակով Սյունիքի մարզը անցյալ տարվա դեկտեմբեր ամսին երրորդն էր հանրապետությունում` Արմավիրի և Արարատի մարզերից հետո: Ուշագրավ է նաև, որ այդ նույն դեկտեմբեր ամսին Սյունիքի մարզում վերջապես համայնքային և պետական սեփականության գյուղատնտեսական նշանակության հողերը վաճառվել են երկու անգամ ավելի մակերեսով, քան մասնավոր սեփականության հողերը: Ավելին, նույն հաջողակ դեկտեմբեր ամսին Սյունիքի մարզում վաճառվել է նաև պետական և համայնքային սեփականության 4.33 հեկտար արդյունաբերական նշանակության հող, մի բան, որ խիստ բացառիկ դեպք է: Ուշադրություն դարձնենք այն բանին, որ Սյունիքի մարզի այս գործարքը վեց անգամից ավելի գերազանցում է դեկտեմբեր ամսի հանրապետության մյուս բոլոր այս կարգի գործարքները` ներառյալ Երևանը /դրանք աննշան են, Արարատի մարզում` 0.13 հեկտար և Շիրակի մարզում` 0.57 հեկտար/:
Հետաքրքիր է նաև, որ Սյունիքում վաճառված մասնավոր և պետական/համայնքային հողերի գները խիստ տարբեր են եղել: Այսպես, 2013թ. Սյունիքում վաճառված գյուղատնտեսական հողերից մասնավոր հողատերերը վաճառել են մեկ հեկտարը նվազագույնը 92.6 00 դրամով, առավելագույնը` 1 023.200 դրամով, միջինը` 715.300 դրամ Գորիսում և համապատասխանաբար 120. 000 դրամ ու 841.600 դրամ, միջինը` 350.000 դրամ Կապանում: Նույն Սյունիքի մարզում, սակայն, պետական/համայնքային սեփականության գյուղատնտեսական նշանակության հողերը վաճառվել են շատ ավելի էժան, 137.500 դրամ Գորիսում, և նվազագույնը 38.500 դրամ, առավելագույնը` 123.800 դրամ, միջինը` 52.700 դրամ Կապանում, այսինքն պետական ու համայնքային հողերի միջին գինը 6.6 անգամ պակաս է եղել մասնավոր հողի գնից Կապանում, և 5.2 անգամ պակաս` Գորիսում: Համեմատության համար ասենք, որ պետական/համայնքային հողերի գների այսպիսի մեծ տարբերություն կարելի է տեսնել միայն Արագածոտնի և Արմավիրի մարզերում: Արագածոտնում, սակայն, ըստ ՀՀ վիճծառայության նյութերի, անցյալ տարի պետական/համայնքային հողերից վաճառվել է ընդամենը մեկ հողակտոր` 0,93 հեկտարի չափով /Աշտարակում/, իսկ Արմավիրում տաս գործարքի հետևանքով վաճառվել է բոլորը միասին մոտ ընդամենը 15 հեկտար հող: Մինչդեռ Սյունիքում, մասնավորապես Կապանում ընդամենը 6 գործարքի արդյունքում վաճառվել 92.09 հեկտար հող, միջինը մեկ գործարքի դեպքում 15.3 հեկտար հող: Այլ կերպ ասած, անցյալ տարի, 2013թ. Հայաստանի Հանրապետությունում պետական/համայնքային սեփականության գյուղատնտեսական նշանակության հողերից ամենաշատը վաճառվել է Սյունիքի մարզում /գլխավորապես Կապանում, մի փոքր մասը` Գորիսում, իսկ Սիսիանում և Մեղրիում առհասարակ պետական/համայնքային սեփականության հող չի վաճառվել/, և վաճառվել է հանրապետությունում ամենացածր գնով` միջինը, ինչպես ասվեց, մեկ հեկտարը 52.700 դրամով /Վիճակագրական վարչության տեղեկատուն հնարավորություն չի տալիս պարզելու, բայց կարելի է ենթադրել, որ վաճառված հողերի մեծ մասն առհասարակ վաճառվել է ընդամենը 38.500 դրամով, որը Կապանում եղել է վաճառված հողերի նվազագույն գինը/: Այդպիսի ցածր գին ողջ հանրապետության տարածքում չի գրանցվել:
Միջանկյալ ասենք, որ Սյունիքի մարզում, մասնավորապես Կապանում պետական/համայնքային գյուղատնտեսական նշանակության հողերի վաճառքի չտեսնված ցածր գին է եղել նաև 2011թ. դեկտեմբեր ամսին /մեկ հեկտարը նվազագույնը` 28.300 դրամ, առավելագույնը` 277.500 դրամ, միջինը` 152.000 դրամ: Այդ ամիս վաճառվել է պետական/համայնքային սեփականության 13.19 հեկտար գյուղատնտեսական նշանակության հող, և հետաքրքիր կլիներ իմանալ, թե դրա որ մասն է վաճառվել նվազագույն` 28.300 դրամով, և որ մասը առավելագույն` 277.500 դրամով, ինչպես նաև ովքեր են նվազագույն ու առավելագույն գնով վաճառվածի գնորդները/: Միաժամանակ ուշագրավ է, թե ինչպես են գնահատում այս գործարքը, որ հանգիստ խղճով կարելի է նվիրատվություն համարել, այն համայնքների գյուղացիները, ում հողերը վաճառվել են այդ գնով և կամ տեղյակ են արդյոք նրանք իրենց համայնքի, այսինքն հենց իրենց սեփականությունը հանդիսացող այս հողերի վաճառքի մասին: Իրենք` գյուղացիները չէին ուզենա արդյոք այդ գնով իրենք գնել իրենց համայնքային սեփականությունը հանդիսացող հողերը: Մեկ հեկտարը 38.500 կամ 28.300 դրամով կարծեք թե մատչելի է նույնիսկ ոչ հարուստ գյուղացիներին:
Հողերի վաճառքների գործարքների մեջ 2012թ. դեկտեմբեր ամսին կատարված այս խիստ ուշագրավ գործընթացները վկայում են Սյունիքի մարզում ծրագրավորված ինչ որ երևույթի մասին: Այն կարելի է տեղում իմանալ` ովքեր են գնորդները, Կապանի որ մասերում են գտնվում վաճառված հողերը, ինչքան են դրանք միմյանցից հեռու, որ գյուղական համայնքների սեփականությունն էին: Ուշագրավ կլինի իմանալ նաև, թե կան արդյոք զարգացումներ այս տարի` 2013թ. հունվար ամսվա ընթացքում: Կապ ունի՞ այս ամենը Իրանի Իսլամական Հանրապետության նահանգներից մեկին արածեցնելու նպատակով վարձակալությամբ հողեր տրամադրելու համաձայնագրերի հետ: Բոլոր դեպքերում ակնհայտ է, որ Սյունիքի մարզի համար այս երևույթը բացարձակապես աննախադեպ է:

[Vrej1915]

Re: Menk mer tzerov badouhanitz ners yenk hraviroum tshnamin.

http://www.lragir.am/index.php/arm/0/comments/view/78235

[Vrej1915]

Re: Menk mer tzerov badouhanitz ners yenk hraviroum tshnamin.

Grazing Row: Officials in Yerevan say speaking about leasing pastures to Iranians inappropriate yet

By SIRANUYSH GEVORGYAN
ArmeniaNow reporter

Environmentalists and some politicians are concerned over the possible lease of pastures in Armenia’s southern Syunik province to the neighboring country, Iran, and point out two major objections – potential overgrazing and national security issues.

However, while many claim that the lease of Syunik’s grazing lands to Iran is a done deal, the Ministry of Territorial Administration of Armenia released a statement Wednesday according to which no “agreement implying any legal consequences” has been signed between Iran’s Eastern Atropatene and Armenia’s Syunik provinces.

The Ecololur environmental NGO posted two documents on its site on February 1 (these documents cannot be found on the government website), one of which is titled “Memorandum of understanding between Iran’s Eastern Atropatene province and RA Syunik province”. The NGO especially highlights Point 3 in this document signed by the governors of Syunik and Eastern Atropatene on July, 2012: “The Iranian side has expressed its willingness to use the pastures and agricultural farming lands.” The second document was signed on January 15, 2013, during the Armenian delegation’s visit to the Eastern Atropatene and is called an Agreement. In particular, it becomes clear that Iranians want to rent 50,000 hectares of grazing land for the minimum of 10 years and pay $25 per hectare of land per month. The NGO draws a conclusion that “the process has started, and the plan is to make it happen on a local level to avoid undesirable publicity”.

Dashnak MP Aghvan Vardanyan voicing his concerns (related to these documents) from the parliament rostrum on Tuesday, asked: “What’s in this deal for our country? How does it benefit? Will the neighboring farms win or lose? What will be the political, psychological, and environmental consequences?”

The territorial administration ministry, however, stated today that the two documents posted by Ecolur are merely records of the results achieved in the meeting between the two delegations – offers, negotiation points, the approaches to the issues discussed, etc.

“The issues registered in those documents need final solutions on interstate level, and if necessary go through legally prescribed procedures,” reads the statement, further saying that until respective rent/lease agreements are signed as required by the legislation regulating the field, it is improper to speak about the lease of pastures in Syunik.

Remarkably, Iranian presidential candidate Ayatollah Mohammad Baqir Kharrazi, the secretary-general of Hezbollah, made a curious statement Monday concerning the Armenian lands. REGNUM news agency cites him introducing the cornerstone of his election platform: he has vowed he would return Armenia, Azerbaijan and Tajikistan to Iran without shedding a single drop of blood.

[londontsi]

Re: Menk mer tzerov badouhanitz ners yenk hraviroum tshnamin.

Grazing Row: Officials in Yerevan say speaking about leasing pastures to Iranians inappropriate yet



Remarkably, Iranian presidential candidate Ayatollah Mohammad Baqir Kharrazi, the secretary-general of Hezbollah, made a curious statement Monday concerning the Armenian lands. REGNUM news agency cites him introducing the cornerstone of his election platform: he has vowed he would return Armenia, Azerbaijan and Tajikistan to Iran without shedding a single drop of blood.

This name does not appear as candidate during the mid June elections in Iran

http://www.google.co.uk/url?sa=t&rct=j&q=&esrc=s&source=web&cd=4&ved=0CEQQFjAD&url=http%3A%2F%2Fwww.wilsoncenter.org%2Fsites%2Fdefault%2Ffiles%2Firan_pivotal_presidential_election_0.pdf&ei=oWoTUdbKMaW10QWkmoCABA&usg=AFQjCNEcqwAm8Yuk6dXcn8pZ9WhUyJe0iQ