Nagorno-Karabagh: Military Balance Between Armenia & Azerbaijan

[Vrej1915]

Գլխավոր շտաբում արտահերթ նիստ է հրավիրվել ողբերգական վթարի հարցով. Ժողովուրդ

Lragir.am

10.11.2018



«Ժողովուրդ» օրաթերթը գրում է․ «Նոյեմբերի 7-ին Որոտան-Խնձորեսկ ավտոճանապարհին տեղի ունեցած ավտովթարի հետեւանքով որոշում է կայացվել ՀՀ ՊՆ N զորամասի բոլոր աշխատակիցների գործողությունների մասով ծառայողական քննություն նշանակելու մասին: Ավելին, ըստ մեզ հասած տեղեկությունների` կատարվածից հետո ԳՇ-ում հատուկ արտահերթ ժողով է հրավիրվել:

Հիշեցնենք, որ վթարի արդյունքում 4 զինվոր էր մահացել, իսկ մյուս զինվորները տարբեր աստիճանի վնասվածքներով տեղափոխվել էին հիվանդանոց: Ավելին, իրավապահների շրջանում տարվող քննության նախնական տվյալներով` տեխնիկական խնդիրներից մեկը եղել է այն, որ մեքենայի այն սարքերը, որոնք պետք է ապահովեին մեքենայի հավասարակշռությունը շրջադարձերի համար, ոչ պիտանի են եղել:

Բացի այդ, ՊՆ Դավիթ Տոնոյանը նշել է, թե նախնական արդյունքներով` արդեն իսկ ակնհայտ է, որ ողբերգության պատճառների շարքում տեղ են գտել տեխնիկական եւ ծառայության կազմակերպման հետ կապված մի շարք կոպիտ բացթողումներ:

[Vrej1915]

Հայաստանը «պայթեցրեց» ՀԱՊԿ-ը. Ծերակույտն անակնկալի է եկել

Lragir.am

10.11.2018


ՀԱՊԿ անդամ երկրների ղեկավարների Աստանայի վեհաժողովում Հայաստանը բացահայտեց այդ կառույցի բազային ու քաղաքական ողջ մերկությունը: Հայաստանի «մեղքով» առաջացած սկանդալը միաժամանակ կուլիսներից բաց դաշտ հանեց խնդիրների ու հակասությունների մի ողջ համալիր, ինչն անկասկած մեծ հնարավորություններ է տալիս մեր երկրին սլավոնա-թյուրքական այդ դաշինքում սեփական շահերն ու պահանջներն առաջ քաշելու տեսակետից:

Որոնք են նոր իրավիճակի հատկանշական կողմերը:

Նոր գլխավոր քարտուղարի ընտրության շուրջ զարգացումները փաստորեն Հայաստանի վրայից հանեցին բոլոր «պարտավորությունները», քանի որ բլոկում փաստորեն չեն հարգվում Հայաստանի իրավունքները, մասնավորապես մինչեւ 2020 թ. հայկական քվոտայի պահպանման մասով:

Հայաստանը, իր հերթին, մյուս անդամներին՝ Ռուսաստանին, Ղազախստանին ու Բելառուսին դնում է «պարտքի տակ»: Ներկայում նրանք չեն կարող պահանջներ դնել Հայաստանի առաջ Աստանայում տեղի ունեցածի արդյունքում, փոխարենը Երեւանի «լեզուն երկարում» է գործընկերների հետ հարաբերություններում:

Հայաստանն այս առումով ազատ է իր պահվածքում, միաժամանակ ստանալով մանեւրի լայն հնարավորություն: Մանեւրի դաշտը կարող է ներառել առաջարկների ու պահանջների բազմազան ու լայն դիապազոն, սկսած ՀԱՊԿ-ին Հայաստանի հետագա անդամակցության նպատակահարմարությունից (ԱՄՆ-ն արդեն զենք է առաջարկել Հայաստանին, իսկ ՀԱՊԿ-ի իմաստը Հայաստանի համար հանգում է միայն ՌԴ-ից էժան զենք գնելուն), վերջացրած ամենաանսպասելի՝ նույն Ադրբեջանին, որի լոբբինգով են զբաղված Աստանան եւ Մինսկը, հայկական «հովանու» տակ վերցնելուց՝ համապատասխան պայմաններով:

Հայաստանն անկասկած կօգտվի այս պատեհ իրավիճակից, առավել եւս, որ այս իրավիճակում դարձել է ոչ միայն ՀԱՊԿ-ի նյուս-մեյքեր, այլեւ փաստորեն Երեւանի ձեռքում է այդ մարգինալ բլոկի ճակատագիրը: Առավել եւս, որ Աստանան ու Միսնկը միացել են նաեւ ընդդեմ Ռուսաստանի թեկնածուի:

Ինչ վերաբերվում է գլխավոր քարտուղարի հարցին, դա Հայաստանի համար ոչ թե նպատակ է, այլ միջոց՝ այդ բլոկը սեփական շահերին ու պահանջներին «ենթարկելու» համար: Երեւանում կարծես թե բռնել են այս շանսից:

Վեհաժողովից հետո երկրների ղեկավարների նյարդային պահվածքը հուշում է, որ ծերակույտը չէր սպասում նման ելք, հատկապես Հայաստանի կոշտ անհամաձայնությունը:

[burjuin]

Armenian Military Robot
First Armenia-made military robot tested
11:27, 10.11.2018

YEREVAN. – A video posted on YouTube shows the tests of the first Armenia-made military robot.

SCORPION IS-15 is one meter and twenty centimeters long and weighs 370 kilos. It can move with speed of 40 km per hour.

https://news.am/eng/news/480325.html

[Vrej1915]

2018-ին զոհվել է 34 զինծառայող, որոնց 21%-ը՝ հակառակորդի կողմից, 79%-ը՝ ոչ կանոնադրական հարաբերություններից, տեխնիկական և այլ պատճառներով

10.11.18



2018 թվականի ընթացքում՝ հունվարի 1-ից մինչև նոյեմբերի 10-ը, Հայաստանի Հանրապետության և Արցախի Հանրապետության զինված ուժերում ոչ կանոնադրական հարաբերություններից կամ տեխնիկական պատճառներով ավելի շատ զինծառայող է զոհվել, քան հակառակորդի կողմից ձեռնարկված գործողությունների հետևանքով:

Tert.am-ի հաշվարկով 2018-ին զինված ուժերում զոհվել է 34 զինծառայող, որից 7-ն է (ընդհանուր զոհերի 21%-ը) զոհվել հակառակորդի կողմից արձակված կրակոցից, իսկ 24-ը (79%) զոհվել են ՀՀ և Արցախի տարածքներում տարբեր պատճառներով:

Չնայած նշված գործերով նախաքննությունը շարունակվում է, այնուամենայնիվ, ըստ հարուցված քրեական գործերի՝ մյուս 27-ը զոհվել են տեխնիկական պատճառներով, դժբախտ պատահարներից, ինքնասպանությունից ու ծառայակցի կրակոցից:

Այս տարվա ընթացքում զոհված 34 զինծառայողից 26–ը եղել են ժամկետային զինծառայողներ: Մահվան ելքով միջադեպերի մեծ մասը գրանցվել են Արցախում (22 դեպք), մնացածը՝ (12 դեպք) տեղի են ունեցել ՀՀ–ում։

Ստորև ներկայացնում ենք զոհված զինծառայողների անունները և նրանց մահվան պատճառը և վայրը՝ ըստ համապատասխան գերատեսչությունների տարածած պաշտոնական հաղորդագրությունների։

Մհեր Զիրոյան - Արցախ, մահվան պատճառը՝ շմոլ գազից թունավորում

Պարգև Սարիբեկյան - ՀՀ, մահվան պատճառը՝ ավտովթար

Վաչե Չիլինգարյան - Արցախ, մահվան պատճառը՝ հակառակորդի կրակոց

Հարություն Խաչատրյան - Արցախ, չպարզված հանգամանքներում

Հովսեփ Գրիգորյան - Արցախ,ծառայակցի կողմից զենքի օգտագործման կանոնների խախտման հետևանքով

Հայկ Քալանթարյան - Արցախ, հակառակորդի կրակոցից

Հայկ Հակոբյան - Արցախ, հիվանդության հետևանքով

Ստեփան Ստեփանյան - ՀՀ, հիվանդության հետևանքով

Գրիգոր Եղոյան - Արցախ, հակառակորդի կրակոցից

Էդգար Երեմյան - Արցախ, ավտովթարից

Արմեն Հարությունյան - Արցախ, ծառի տապալման հետևանքով

Նարեկ Հարությունյան - Արցախ, հակառակորդի կրակոցից

Ալեք Կարապետյան - Արցախ,ծառայակցի կողմից արձակված կրակոցից

Ռուսլան Մանուկյան - Արցախ, ականի պայթյունից

Արթուր Գասպարյան - ՀՀ, ինքնասպանության հասցնելը

Լևոն Թորոսյան - ՀՀ, ծառայակցի կրակոցից

Համլետ Գրիգորյան - Արցախ, ինքնասպանության հասցնել

Մարտին Խաչատրյան - ՀՀ, չպարզված հանգամանքներում

Հմայակ Հակոբյան - ՀՀ, ինքնասպանության հասցնելը

Սուրեն Այվազյան - Արցախ, մահվան պատճառը՝ ավտովթար

Վահագն Էլոյան - Արցախ, հակառակորդի կրակոցից

Արմեն Աթանեսյան - Արցախ, հիվանդության հետևանքով

Ժորա Պետրոսյան - ՀՀ, ծառայակցի կողմից զենքի հետ վարվելու կանոնները խախտելու հետևանքով

Արմեն Հովակիմյան - Արցախ, ջրահեղձ լինելու հետևանքով

Վազգեն Խաչատրյան - Արցախ, ավտովթարի հետևանքով

Հայկազ Մաթևոսյան - ՀՀ, հակառակորդի կրակոցից

Արցախ Հովսեփյան - Արցախ, հակառակորդի կրակոցից

Աղասի Մկրտչյան - Արցախ, մարտական ծառայություն կրելու կանոնները խախտելու հետևանքով

Գևորգ Հարոյան - Արցախ, ինքնասպանության հասցնելը

Արիստակես Ազատյան - Արցախ, իրեն պատճառած հրազենային վիրավորումից

Հայրապետ Նաիրյան - ՀՀ, ավտովթարի հետևանքով

Հրանտ Գասպարյան - ՀՀ, ավտովթարի հետևանքով

Էդգար Հունանյան - ՀՀ, ավտովթարի հետևանքով

Դավիթ Մելքոնյան - ՀՀ, ավտովթարի հետևանքով

[burjuin]

CSTO-ODKB-Training-Armenia-2017

[burjuin]

Armenian Army'

[Mehnuni]

Փոխգնդապետ Կարեն Գրիգորյան / Lt. Col. Karen Grigoryan

[burjuin]

Nagorno-Karabakh Defense Army

[burjuin]

Nagorno-Karabakh Defense Army
12,7mm Kord machine gun

[burjuin]

Nagorno-Karabakh Defense Army
Battalion Exercises