Military Forces of the Republic of Armenia

[Vrej1915]

Re: Military Forces of the Republic of Armenia

ՊՆ մամուլի խոսնակ. Հայ-ադրբեջանական սահմանին փոխհրաձգությունը շարունակվում է
, 11.01.2015


Հայ-ադրբեջանական պետական սահմանի՝ Տավուշի մարզի Բաղանիս գյուղի հատվածում այսօր` հունվարի 11-ին, ադրբեջանական զինված ուժերի կողմից իրականացված դիվերսիոն փորձից հետո, ժամը 23:00-ի դրությամբ, փոխհրաձգությունը շարունակվում է: Այս մասին NEWS.am-ի թղթակցի հետ զրույցում ասաց պաշտպանության նախարարի մամուլի խոսնակ Արծրուն Հովհաննիսյանը:

Նրա խոսքով` ադրբեջանական դիվերսիոն խումբը հայկական գյուղից մոտավորապես 1.5 կմ հեռու է եղել: Ինչ վերաբերում է հակառակորդի զոհերին եւ վիրավորներին, ապա այդ մասին հստակ տեղեկություն չկա. հակառակորդի մեկ զոհը, ըստ տեղեկությունների, դեռեւս գտնվում է միջդիրքային տարածքում:

Նշենք, որ ավելի վաղ պաշտպանության նախարարի մամուլի խոսնակ Արծրուն Հովհաննիսյանը կատարվածի վերաբերյալ իր ֆեյսբուքյան էջում գրել էր. «Հակառակորդի ստորաբաժանումների առաջխաղացումը ժամանակին հայտնաբերվել է: Հայոց բանակի արագ արձագանքման համապատասխան ստորաբաժանումը դարանակալել եւ չեզոքացրել է Հայաստանի պետական սահմանը խախտած դիվերսիոն խմբի գործողությունները: Հակառակորդի դիվերսիոն խմբի մի անդամի դիակը գտնվում է միջդիրքային տարածքում: Ցավոք, փոխհրաձգության ընթացքում զոհվել է նաեւ տարածքում գտնվող հովիվ Սերյոժա Նիկոլայի Սարգսյանը (ծնված 1935 թ.):

Լուրեր Հայաստանից - NEWS.am

[Vrej1915]

Re: Military Forces of the Republic of Armenia

ԼՂՀ ՊԲ. Հակառակորդը շփման գծում օգտագործել է անօդաչու թռչող սարքեր,
12.01.2015


Հունվարի 10-ին եւ լույս 11-ի գիշերը ղարաբաղա-ադրբեջանական հակամարտ զորքերի շփման գծում տակավին նկատվել է հրադադարի պահպանման ռեժիմի խախտումների աճ: ՊԲ օպերատիվ տվյալների համաձայն, նշված ժամանակահատվածում հակառակորդը հրադադարի պահպանման ռեժիմը խախտել է շուրջ 200 անգամ, որի ընթացքում, տարբեր տրամաչափի հրաձգային զինատեսակներից, արձակել է ավելի քան 2000 կրակոց:

Բացի վերոնշյալ խախտումներից, հակառակորդը շփման գծի որոշ հատվածներում օգտագործել է նաեւ անօդաչու թռչող սարքեր:

ԼՂՀ ՊՆ մամուլի ծառայությունից հայտնում են, թե ՊԲ առաջապահ զորամասերը առաջնագծի ողջ երկայնքով շարունակում են վստահորեն տիրապետել օպերատիվ մարտավարական իրադրությանը եւ անհրաժեշտության դեպքում դիմում համապատասխան գործողությունների:

Լուրեր Հայաստանից - NEWS.am

[Vrej1915]

Re: Military Forces of the Republic of Armenia

Armenian troops allow Azerbaijan retrieve commando’s body
12.01.15



Spokesman for Armenia’s Ministry of Defense Artsrun Hovhannisyan has commented on an attempted cross-border incursion by Azerbaijani troops.

In his Facebook message, he wrote that, in conformity with international humanitarian law, the Armenian armed forces allowed the Azerbaijani side to retrieve the body one of the commandoes from the area between the Armenian and Azerbaijani positions.

“The incident in Tavush was followed by tension. The Armenian troops adequately retaliated. In conformity with international humanitarian law, they allowed the Azerbaijani side to retrieve the body one of the commandoes from the area between the Armenian and Azerbaijani positions.”

[Vrej1915]

Re: Military Forces of the Republic of Armenia

Գյուղապետները սահմանային միջադեպի մանրամասներ են փոխանցում
80-ամյա հովիվը սպանվել է, երբ դիվերսանտները, հասկանալով, որ շրջապատված են, որոշել են հետ դառնալ, պատմում է Բաղանիսի գյուղապետը:

azadutyun


Հովհաննես Մովսիսյան
Հրապարակված է՝ 12.01.2015

Ոսկևան համայնքի բնակիչ Հրանտ Սարգսյանը երեկ Բաղանիս գյուղի արոտավայրում իր ոչխարի հոտն էր արածեցնում, երբ պատահաբար հանդիպել է ադրբեջանցի դիվերսանտներին, «ու կրակոցով սպանել են», «Ազատությանը» փոխանցեց Տավուշի մարզի Բաղանիսի գյուղապետ Նարեկ Սահակյանը:

Նա հաղորդեց, որ դեպքը տեղի է ունեցել Երևան - Թբիլիսի միջպետական ճանապարհի աջ հատվածում՝ հայկական տարածքում:

«Էդ դիվերսանտներին մեր զինվորականները ժամանակին նկատել են ու փորձել են իրենց հետևել՝ ուր են գալիս, ինչի համար են գալիս: Հետո որոշել են, որ իրանց վերցնեն շուրջկալի մեջ, դիվերսանտները էդ ամեն ինչը հասկացել են», - նշեց գյուղապետը՝ հավելելով, որ 80-ամյա հովիվը սպանվել է այն ժամանակ, երբ դիվերսանտները, հասկանալով, որ շրջապատված են, որոշել են հետ դառնալ:

«Կրակոցները գյուղում լսվել են: Ինձ զանգահարեցին ասացին, որ ДШК-ից են խփել, մեկի տանն է կպել՝ խոհանոցին, հիմա գնում եմ էնտեղ տեսնեմ՝ ինչ է եղել: Էս 20 տարի ոնց եղել է, ապրում ենք», - ասաց Սահակյանը:

Ոսկևանի գյուղապետ Սերյոժա Ալեքսանյանը հավելեց, որ Հրանտ Սարգսյանը թոշակառու էր, ուներ երկու դպրոցական որդի:

«6-հոգանոց ընտանիք են: Մի 5-6 ընտանիքներով իրենց սեփական ոչխարները հերթականությամբ տանում են արոտի: Երեկ իրա հերթն էր», - ասաց Ալեքսանյանը:

Նշենք, որ երեկ երեկոյան ադրբեջանական Haqqin.az-ի հետ զրույցում Ադրբեջանի պաշտպանության նախարարության խոսնակ Վագիֆ Դարյախլին հերքել է դիվերսիայի մասին տեղեկատվությունը:

Ավելի վաղ Հայաստանի պաշտպանության նախարարի խոսնակ Արծրուն Հովհաննիսյանը հայտնել էր կիրակի օրը ժամը 17:30-ի սահմաններում Բաղանիսի հատվածում ադրբեջանական կողմի ձեռնարկած դիվերսիոն ներթափանցման փորձի մասին, որը չեզոքացվել է հայկական բանակի կողմից: Ըստ Հովհաննիսյանի, փոխհրաձգության ժամանակ ադրբեջանական կողմը կորուստներ է կրել, զոհվել է նաև տարածքում գտնվող 80-ամյա հայ հովիվը:

[Vrej1915]

Re: Military Forces of the Republic of Armenia

Դիվերսիայի կասեցված փորձեր նաև ղարաբաղա - ադրբեջանական շփման գծում

12.01.2015

Երեկ ժամը 23-ի սահմաններում Լեռնային Ղարաբաղի և Ադրբեջանի զորքերի շփման գծի հյուսիսարևելյան (Ջրաբերդ) և արևելյան (Ակնա) ուղղություններով արձանագրվել են հակառակորդի դիվերսիոն հետախուզական խմբերի ներթափանցման փորձեր, քիչ առաջ փոխանցեց Ղարաբաղի պաշտպանության նախարարության մամուլի ծառայությունը:

«Երկու ուղղությամբ էլ, Պաշտպանության բանակի առաջապահ ստորաբաժանումները, ժամանակին հավաստանշելով ադրբեջանական հատուկ ջոկատայինների առաջխաղացումը, դիմել են կանխարգելիչ գործողությունների և նրանց հետ շպրտել ելման դիրքեր: Հակառակորդի կրած կորուստները ճշտվում են», - ասված է հաղորդագրությունում:

Ըստ նույն աղբյուրի՝ Լեռնային Ղարաբաղի Պաշտպանության բանակի առաջապահ ստորաբաժանումները ձեռնարկված կանխարգելիչ գործողությունների ժամանակ կորուստներ չեն ունեցել:

[Vrej1915]

Re: Military Forces of the Republic of Armenia

[Vrej1915]

Re: Military Forces of the Republic of Armenia

Azerbaijan uses drones along Line of Contact
12.01.15



On the night of January 11, more ceasefire violations took place on the Line of Contact.

According to the current data by the Defense Army of the Nagorno-Karabakh Republic (NKR), the Azerbaijan side committed about 200 ceasefire violations by firing more than 2,000 shots.

Besides, Azerbaijan launched drones along the Line of Contact.

The NKR Defense Army is in full control of the situation.

[Vrej1915]

Re: Military Forces of the Republic of Armenia

Հրամանատարներին նախահարձակ լինելու ազատություն կտրվի. Ս. Օհանյանը 7 կետից բաղկացած հրաման է մշակել
12.01.15







Հունվարի առաջին օրերին հակառակորդի կողմից իրականացրած դիվերսիոն գործողություններից հետո արձանագրված թերությունների և հաջողությունների հիման վրա կազմվել է հրաման, որտեղ նշված են կարևոր 7 կետ՝ սահմանների պաշտպանությունն ուժեղացնելու համար. այսօր Կ.Դեմիրճյանի անվան համալիրում հրավիրած խորհրդակցությանն այս մասին հայտարարեց ՀՀ Պաշտպանության նախարար Սեյրան Օհանյանը։

«Պետք է ապահովել մարտական հերթապահության բարելավում, դիտարկման համակարգի կատարելագործում, պետք է դիվերսիոն հետախուզական գործողությունների դեմ պայքար իրականացնենք, պարապմունքներ անցկացնենք բոլոր ստորաբաժանումների մարտունակությունը բարձրացնելու համար, դիվերսիոն գործողությունների ժամանակ հակառակորդի պատժում իրականացնենք և որոշ դեպքերում նախահարձակ լինենք՝ չսպասելով, որ գործողություններ կատարի հակառակորդը: Մենք պետք է ունենանք կանոնավոր գործելու ընդունակություններ. պատրաստի հակահարվածները ու պատժիչ միջոցները մշտապես պետք է մեր ձեռքում լինեն»,-ասաց նա:

Նախարարն ընդգծեց, որ գումարտակի ու վաշտի հրամանատարները, ուսումնասիրելով հակառակորդի թույլ և ուժեղ կողմերը, նրա հնարավոր հարձակման ուղղությունները, ինքնուրույն կմշակեն գործելու ու հակառակորդի գործողությունները կանխարգելելու պլաններ:

«Բոլորին կոչ եմ անում տալ հրամանատարներին այդ ազատությունը»,-ասաց նախարարը:

Նախարարն ընդգծեց, որ 2014թ. ուսումնական տարին լարված էր, սակայն միևնույն ժամանակ ընդգծեց, որ բանակում գրեթե 50%-ով կրճատվել են հանցագործությունները, իսկ սկսած պայքարը շարունակվելու է եկող և հաջորդող տարիներին:

«Սա զինված ուժերի հրամանատարների պատասխանատու աշխատանքի արդյունք է, ու շնորհակալ եմ, որ հետամուտ են եղել աշխատանքին: Սահմանին ենք մենք ունեցել լարվածություն, և այս ամենը չէր կարող չանդրադառնալ զինվորների մարտական ոգու, ստորաբաժանումների ընդհանուր բարոյահոգեբանական մակարդակի, զինվոր–հրամանատար հարաբերությունների վրա: Բոլորս էլ գիտենք որ 2014թ. հունվարին, այնուհետև ապրիլին դեպքեր եղան սահմանին, այնուհետև մայիսի 27-ի լույս 28-ի գիշերը, լարված էին հուլիս-օգոստոս ամիսները, իսկ այնուհետև զորավարժությունների ընթացքում մեր ուղղաթիռի խոցումը: Հակառակորդին բազմապատիկով պատժեցինք և դրանով բարձր պահեցինք բանակի ու ժողովրդի արժանապատվությունը։ Նաև ներքին համախմբման նախադրյալներ ստեղծեցինք»,-ասաց Սեյրան Օհանյանը:

Պաշտպանության նախարարը 2014թ. լավագույն զորամիավորում հայտարարեց 3-րդ բանակային կորպուսը, 1-ին գծի զորամասերից 4-րդ պաշտպանական շրջանը, որը հուլիս-օգոստոսյան ամիսներին ամենախիստ ձևով պատժեց հակառակորդին, Նոյեմբերյանի զորամասը, որը որ հենց այս գիշեր հայ-ադրբեջանական սահմանին հետախուզադիվերսիոն գործողություններ է կատարել ու պատժել է հակառակորդին:

Սեյրան Օհանյանը խոսեց նաև բանակի նկատմամբ հասարակական վերահսկողության կարևորության մասին և ընդգծեց, որ երբ ժողովուրդն ու բանակը միահամուռ են, նրանք անպարտելի են:

«Մարդու իրավունքների պաշտպանությունը բանակում պետք է ամուր հիմքերի վրա դրվի, որպեսզի յուրաքանչյուր զինծառայող իմանա, որ ինքը անձնավորություն է և իրեն բանակում օգտագործում են ոչ թե որպես ռեսուրս, այլ մի այնպիսի անձնավորություն, որի աշխատանքը մարտունակության համար կարևոր է»,-ասաց նա:

Սեյրան Օհանյանի խոսքով՝ 2015թ. ՀՀ զինված ուժերի ուսումնական տարվա գերակա խնդիրն է մարտական հերթապահության և մարտական խնդիրների լիարժեք և արդյունավետ կատարման արդյունքում Հայաստանի Հանրապետության և Լեռնային Ղարաբաղի Հանրապետության անվտանգության պահպանումը արտաքին ագրեսիայից, զորքերի մարտական պատրաստականության վիճակի պահպանումը, պաշտպանության ռազմավարության վերանայումը, մասնագիտական հմտությունների կատարելագործումն ու կարգապահության ամրապնդումը:

«Ղեկավարվելու ենք պաշտպանության ռազմավարական վերանայման պլանավորման նկատառումներով` ղեկավարման համակարգում միջոցառումների` սպայական կարգով վերևից ներքև լիարժեք փոխանցման, յուրաքանչյուր օղակում միմյանց փոխլրացման, ռեսուրսների բազմապատկման, անձնական պատասխանատվության, առավելապես ինքնուրույն վերջնական արդյունքի հասնելու սկզբունքով, հրամանատարներին պարտավորեցնելով թույլ օղակների հայտնաբերման, դրանց հետևողական և խստորեն վերահսկման, մեթոդապես ճիշտ օգնության և որոշ խախտումների նկատմամբ հանդուրժողականության ցուցաբերմամբ»,-ասաց Սեյրան Օհանյանը և շարունակեց թվարկել մյուս նպատակները:

Դրանք են՝ հասնել ՀՀ զինված ուժերում խնդիրների արդյունավետ կատարմանը, փողոցային, ոչ կանոնակարգային հարաբերությունների, բանակում կաշառակերության արմատախիլ անելուն և փոխադարձ զիջողականության մթնոլորտի հաստատմանն ու ամրապնդմանը:

Նշենք, որ խորհրդակցության վերջում նախարարը պարգևատրեց մի շարք զինվորականների ու ՏԻՄ ղեկավարների:

[Vrej1915]

Re: Military Forces of the Republic of Armenia

Մարտական հենակետում հայ զինվոր է վիրավորվել ,
12.01.2015

Հունվարի 12-ին՝ ժամը 16:00-ի սահմաններում, ՊԲ հարավային ուղղությամբ տեղակայված զորամասերից մեկի պահպանության տեղամասի մարտական հենակետում հակառակորդի կողմից արձակված կրակոցից հրազենային վիրավորում է ստացել զինծառայող, 1992թ. ծնված Միսակ Արմենի Հակոբյանը:

ԼՂՀ ՊՆ մամուլի ծառայությունից հայտնում են, որ միջադեպի մանրամասները ճշտվում են:

Լուրեր Հայաստանից - NEWS.am

[Vrej1915]

Re: Military Forces of the Republic of Armenia

Նավթային տակառում գտնվող Ադրբեջանը լավ հասկանում է, որ եթե լուցկու հետ խաղ անի, առաջինն ինքն է հրկիզվելու. քաղաքագետներ
13.01.15

Ադրբեջանն այսօր վտանգավոր խաղեր է սկսել. Tert.am-ի հետ զրույցում նման կարծիք հայտնեց քաղաքագետ Լևոն Մելիք-Շահնազարյանը՝ անդրադառնալով Ադրբեջանի կողմից սահմանին լարվածության մեծացմանն ուղղված քայլերին:

«Արևմուտքն այսօր շատ ավելի է շահագրգռված մեր տարածաշրջանում խաղաղության պահպանմամբ, որովհետև պատերազմի վերսկսումը տապալում է Արևմուտքի ամբողջ ծրագրերը` Ռուսաստանի տնտեսությունը տապալելու ուղղությամբ: Սակայն, միևնույն ժամանակ, այն ճնշումը, որը կիրառում է Արևմուտքը Ադրբեջանի նկատմամբ, իրապես կարող է բերել, եթե ոչ պատերազմի վերսկսման, ապա լուրջ բախումների»,- ասաց նա:

Քաղաքագետը պարզաբանեց, որ եթե այսօր պատերազմ սկսվի, բնականաբար հայկական պետություններն անելու են ամեն ինչ, որ Ադրբեջանը զրկվի նավթն ու գազը դուրս հանելու հնարավորությունից:

«Եթե Ադրբեջանը նավթից և գազից կտրվի, նավթագազային շուկայում առաջացած խուճապը նորից կբարձրացնի նավթի ու գազի գինը, ինչը Ռուսաստանին ձեռնտու կդառնա»,- ասաց նա:

Ըստ քաղաքագետի՝ սահմանում Ադրբեջանի գործողությունները երկրի ներքին և արտաքին քաղաքականության իրավիճակի արտացոլումն է: «Մենք գիտենք, որ ԱՄՆ կոնգրեսը լուրջ քննարկումներ է իրականացնում Ադրբեջանում մարդու իրավունքների խախտման առումով, և այդ քննարկումները կարող են բերել Ադրբեջանի համար բավականին անցանկալի հետևանքների»,- ասաց նա և նշեց, որ այս պահին Ադրբեջանը փորձում է ուշադրությունը շեղել արտաքին քաղաքականությունից դեպի ռազմական քաղաքականություն:

Լևոն Մելիք Շահնազարյանը նկատեց, որ թեև և՛ Հայաստանի, և՛ Ադրբեջանի կողմից զոհեր կան, սակայն ավելի մեծ քանակով զոհեր կան Ադրբեջանի կողմից, ինչն այս պահին չի հետաքրքրում Ադրբեջանին: «Այն, ինչ կատարվում է հատկապես ՀՀ սահմանում, դա նաև ինչ-որ չափով սպառնալիք է Արևմուտքին, որ իրենք կարող ենք սկսել պատերազմ, ինչը բավականին լուրջ հետևանքների կարող է բերել Արևմուտքի համար»,- ասաց նա:

Քաղաքագետը ուշադրություն դարձրեց նաև Ադրբեջանի պաշտպանության նախարարի գործոնին և նշեց, որ նա արդեն մեկ տարի երեք ամիս է, ինչ նախարար է, սակայն որևէ շոշափելի, թեկուզ ցուցադրական հաջողություն չունի:

Ինչ վերաբերում է սահմանի լարվածության վերաբերյալ միջազգային հանրության արձագանքին, ապա նա ասաց, որ սահմանի լարվածությամբ շատ քիչ կազմակերպություններ են հետաքրքրված և ինչ-որ չափով հայտարարություններ է փորձում անել Մինսկի խումբը: «Ինձ թվում է, որ ցուցադրական այդ անտարբերությունն ավելի է ոգևորում Ադրբեջանին»,- ասաց նա:

Քաղաքագետ Ռուբեն Մեհրաբյանը կարծում է, որ այդպիսով Ադրբեջանը ցանկանում է հիշեցնել թե՛ հայկական կողմին, թե՛ միջազգային հանրությանը, որ ներկա ստատուս քվոն իրեն ձեռնտու չէ, և այն պետք է փոփոխվի: Նա ևս կարծում է, որ Ադրբեջանը փորձում է այս հարցը միշտ թեժ պահելով իր հանրության ուշադրությունը շեղել երկրի իրական խնդիրներից:
«Հաշվի առնելով այն տեռորը, որը սանձազերծել է Ադրբեջանն իր քաղաքացիների, իր միջազգային պարտավորությունների նկատմամբ, արդեն Արևմուտքից արժանացել է սպառնալիքների, որ սա կարող է բերել նույն ռուսական փաթեթի պատժամիջոցներ հենց Ալիևի ռեժիմի վրա: Սա ավելի է սրում Ադրբեջանի ռեակցիաները և էլ ավելի նյարդային է դարձնում պաշտոնական Բաքվին և նրա քաղաքական ու ռազմական ղեկավարությանը»,- ասաց նա:

Հարցին, թե հաշվի առնելով հենց նավթային պաշարները, Արևմուտքը թույլ կտա Ադրբեջանին խախտել ստատուս քվոն, քաղաքագետը պատասխանեց. «Ադրբեջանը միակողմանի չի խախտի ստատուս քվոն, որովհետև իր ռեսուրսները թույլ չեն տա: Ադրբեջանը պարզապես փորձում է ուժային կենտրոններին շանտաժի ենթարկելով՝ դրդել նրան, որ նրանք գնան ինչ-ինչ քայլերի, որի արդյունքում կփոփոխվի ստատուս քվոն»։ Քաղաքագետը ակնհայտ համարեց, որ Ադրբեջանն իր ուզածին հասնելու համար շանտաժի է ենթարկում միջազգային հանրությանը:

Ռուբեն Մեհրաբյանը կարծում է, որ եթե միջազգային հանրության հռետորաբանության մեջ կոշտացում էլ կա, ապա Ադրբեջանի ներսում իրավիճակի վերաբերյալ է, բայց, ցավոք, ոչ սահմանի լարվածության առումով. «Առայժմ Հայաստանն ինքը պետք է պատասխանով, կանխարգելիչ քայլերով զսպի Բաքվի սանձարձակությունը»:

Նա նշեց, որ չի տեսնում միջազգային հանրության մեջ մի որևէ էական բևեռ, որը շահագրգռված է լայնամասշտաբ պատերազմով` ո՛չ Ռուսաստանը, ո՛չ ԱՄՆ, ո՛չ ԵՄ-ն, ո՛չ Թուրքիան, ո՛չ էլ Իրանը:

«Նույնիսկ ոչ էլ Ադրբեջանն է շահագրգռված պատերազմով, որովհետև այդ նավթային տակառում լավ հասկանում է, որ եթե լուցկու հետ խաղ անեն, ապա առաջինը իրենք են հրկիզվելու»,- ասաց նա: