Russians will manage, what they do best: turn their friends into enemies....

[Vrej1915]

Re: Russians will manage, what they do best: turn their friends into enemies....

10.04.2016 01:01
Ռսի մասին

Hovik Afyan

Բրիտանացի գիտնականները պարզել են, որ աշխարհի ամենալավ ազգը ռուս ազգն է: Գիտնականները այս եզրակացությանն են եկել Տիգրան Քեոսայանի՝ ՙՀուսո աստղ՚ ֆիլմը դիտելուց հետո, որի վերջում գլավնի գերոյին մարմնավորած Արմեն Բորիսիչ Ջիգարխանյանը, տեսնելով Սյունիք հասած ռուսներին, դեմքին տալիս է հիացական արտահայտություն/Ջիգարխանյանը՝ փայլուն դերասան է/ եւ բացականչում՝ ՙՌուսները, ռուսները, ռուսները…՚, ապա դիմելով, իր զինվորներից մեկին, ասում է՝ ՙԳնա եւ գրկիր նրանց՚:

Գիտական այս եզրակացության հետ չեմ վիճի, մանավանդ, որ ռուսները աշխարհի ամենալավ գրականություններից մեկն ունեն, ամնենալավ հյուսիսային մայրաքաղաքը եւ ամենակարմիր հրապարակը: Չեմ վիճի նաեւ այն պատճառով, որ աշխարհի ամենալավ ազգ լինելը դեռ չի նշանակում աշխարհի ամենալավ դաշնակից լինել: Այ, եթե գիտնականները հայտարարեին, թե ռուսներն աշխարհի ամենալավ դաշնակիցներն էին, ես կգնայի Ղարաբաղ, տեղի ՊԲ-ից կխնդրեի ինձ մեկ օրով տրամադրել ադրբեջանական կողմից նետված Սմերչի չպայթած հրթիռը եւ այն կտանեի ուղիղ Լոնդոն, ինչպես ասում են՝ ճշմարտությունը աչքը մտցնելու համար:

Համ էլ կյանքումս առաջին անգամ կտեսնեի գոնե մեկ բրիտանացի գիտնականի: Ընդ որում, Ղարաբաղում չպայթած Սմերչը Ռուսաստանի ամենավատ դաշնակիցը լինելու ապացույցն է ոչ միայն հայ-ռուսական դարավոր, ռազմավարականը հաշվի առնելով: Բանն այն է, որ ռուսներն ասում են, թե Ադրբեջանն էլ իրենց դաշնակիցն է, որին զենք են վաճառել, զենք են վաճառում եւ զենք են վաճառելու, անկախ նրանից, թե Ադրբեջանը փողը տալի՞ս է, թե ոչ:

Բայց արի եւ տես, որ ռուսներից գնված զենքը չի համապատասխանել իր տեխնիկական բնութագրին, ինչի մասին հստակ հայտարարել է նաեւ Մամեդյարովը՝ պահանջելով, որ ռուսները լուծեն այդ հարցը, այսինքն իրենց վաճառեն այն զենքը, որը սարքին է:

Կնշանակի ռուսները, Ադրբեջանին զենք վաճառելով, դաշնակից չեն Հայաստանին, բայց Ադրբեջանին ոչ սարքին զենք վաճառելով, դաշնակից չեն նաեւ Ադրբեջանին: Եթե հիշենք, որ մեր օրերում աշխարհում ռուսները քչերի հետ են դաշնակից, իսկ որի հետ էլ դաշնակից են, մասամբ հանում են օժանդակող զորքը այդ երկրներից, նշանակում է, որ ռուսներն աշխարհի ամենավատ դաշնակիցն են: Բայց սա սարսափելին չէ, սարսափելին այն է, որ աշխարհի ամենավատ դաշնակիցը մերն է:

Ու խնդրում եմ, ինձ մատնացույց չանել Սոլովյովին, եւ Ռուսական Առաջին ալիքի հաղորդավար Պյոտր Տոլստոյին, որոնք այս օրերին հայտարարեցին, թե Ղարաբաղն, իհարկե, երբեք չի լինելու Ադրբեջանի կազմում, իսկ, օրինակ Տոլստոյի գործընկեր Ալեքսանդր Գորդոնը հայտարարեց, թե Ղարաբաղը Հայաստանի մաս չէ եւ փառք Աստծու, որ այսպես է, բայց նույն դեմքերը նաեւ հայտարարում են, որ Հայաստանը, շեշտում եմ՝ Հայաստանը, ոչ թե ԼՂՀ-ն, պետք է Ադրբեջանին վերադարձնի ԼՂ-ի շրջակա տարածքները, որի դիմաց ստանա Ադրբեջանի հայտարարությունն այն մասին, որ ինքը հրաժարվում է ԼՂ-ից:

Այնպես որ Սոլովյովն ու նրա ընկերները գուցե ավելի լավ տղերք են, քան Կիսելյովը/Կիսելյովին հիշո՞ւմ եք, ժիրինովսկու մեկն է/, բայց ավելի լավը լինել, չի նշանակում լավը լինել: Ու չմոռանանք, որ Ռուսաստանում ամենալավ տղեն նախագահ Պուտինն է, այդ մասին եւ Սոլովյովն է խոստովանում, եւ Տոլստոյն ու Գորդոնը, որն, ի դեպ, ԱՄՆ քաղաքացի է, եւ Կիսելյովը: Հիմա, ի՞նչ տարբերություն Տոլստոյի, Գորդոնի, Սոլովյովի եւ Կիսելյովի մեջ:

Իմ կարծիքով ԵԱՏՄ հեղինակությունը չէ, որ ընկած է, կամ էլ ՀԱՊԿ-ի, ինչպես կոնկրետ ԵԱՏՄ-ի վերաբերյալ կարծիք է հայտնել նախագահ Սարգսյանը՝ Մեդվեդեւի հետ համատեղ ասուլիսին: Որպեսզի ինչ-որ բանի հեղինակությունն ընկնի, պետք է այդ ինչ-որ բանը հեղինակություն ունենա, հետեւաբար, ես կարծում եմ, որ այստեղ մի ընկած հեղինակություն ունեցող կա, որի անունն է հայ-ռուսական, ռազմավարական, դաշնակցային, իսկ իրականում՝ ռազվարակա՞ն, դաշնակցայի՞ն հարաբերություններ: Թե ո՞վ եւ ինչպե՞ս պետք է այդ հեղինակությունը վերակագնի, ես չգիտեմ, բայց գիտեմ, որ Լավրովը Բաքվում հայտարարել է, թե Ռուսաստանի նախագահ Մեդվեդեւը, ապա Պուտինը կողմերին արել են հիմնահարցի լուծման մի շարք առաջարկություններին, որոնցից, օրինակ, մեկով, ենթադրվում է ԼՂ-ի շրջակա շրջանների վերադարձ, զուգահեռաբար ԼՂ-ի կարգավիճակի որոշում, ուշադրություն՝ որոշում, ոչ թե անկախության ճանաչում:

Իմ կարծիքով Էդմոն Քեոսայանի՝ կրկին ռեժիսոր որդին՝ Տիգրանը, պետք է, որ նկարահանի՝ ՙՀուսո աստղ-2՚ ֆիլմը, որտեղ արդեն ծերունի եւ փորձառու, ամեն ինչ տեսած Արմեն Բորիսիչը, դեմքին ամենեւին էլ հիացական արտահայտություն չի տա, երբ Սյունիքում, Արցախում կամ Հայաստանի որեւէ այլ վայրում հանդիպի ռուսներին:

Չնայած սա հազիվ թե տեղի ունենա, քանի որ Տիգրանն ապրում եւ աշխատում է Մոսկվայում, եւ ինչպես իր կին Մարգարիտա Սիմոնյանը, Սոլովյովի ընկերներն են, այսինքն, երբ Սոլովյովն ասում է, թե ինքը բազմաթիվ հայ ընկերներ ունի, նկատի ունի այդ թվում Տիգրանին եւ Մարգարիտային: Չեմ կարծում, որ եթե Սոլովյովը մեկ արցախցի ընկեր ունենար, հայտարարեր, թե ԼՂ-ի շրջակա տարածքները պետք է վերադարձնել Ադրբեջանին:

Փոխարենը կարծում եմ, որ Հովիկ Աբրահամյանը Երեւանից՝ Մոսկվա տեղափոխված ԵԱՏՄ վարչապետների հավաքին ներկայանալու եւ Ղազախստանի վարչապետ Քյարիմ Մասիմովի հետ պռոտոկոլային նկարվելու տեղը, կարող է հանձնարարել, որ մի ֆիլմ նկարահանեն՝ «Սեպ խրողը դուք եք, տովարիշչի» վերնագրով, բայց խնդրանք, այս հանձնարարությունը տալ ոչ Ճոյտին, ինքը շատ դաժան է նկարում, ցույց չեն տա: Եւ նկարել ռուսերեն, որովհետեւ մեր ռազմավարական դաշնակիցը այդ դաշնակցության դարերի ընթացքում այդպես էլ հայերեն չսովորեց:

Նյութի աղբյուր՝ https://www.facebook.com/hovik.afyan

[Vrej1915]

Re: Russians will manage, what they do best: turn their friends into enemies....

Ումի՞ց է Ադրբեջանը տեղեկացել, որ Հայաստանը զենքը չի ստացել

ՀԱԿՈԲ ԲԱԴԱԼՅԱՆ, Մեկնաբան
Մեկնաբանություն - 09 Ապրիլի 2016,


Այդպես էլ անհասկանալի մնաց, թե ինչ ասաց ՌԴ վարչապետ Դմիտրի Մեդվեդեւը Հովիկ Աբրահամյանին, երբ վերջինս նրան խնդրեց արագացնել Հայաստանին 200 միլիոն դոլար պարտքով տրվող սպառազինության տրամադրումը: Աբրահամյանը նրա հետ հանդիպմանը հայտարարեց, որ պայմանագրի կնքումը դանդաղում է: Որեւէ կասկած չկա, որ Հովիկ Աբրահամյանն այդ հարցը Մեդվեդեւի առաջ բարձրացրել է Սերժ Սարգսյանի գիտությամբ, նրա հետ համաձայնեցված: Մեդվեդեւի պատասխանի մասին հայտնի չէ՝ թե Աբրահամյանին, թե Սարգսյանին:

Փոխարենը, երեկ Ռուսաստանը պատասխանեց Ադրբեջանին: ՌԴ փոխվարչապետը, որը ռազմարդյունաբերական հարցերն է համակարգում՝ Ռոգոզին ազգանունով, ապրիլի 8-ին այցելել է Բաքու եւ հայտարարել, որ Ռուսաստանն ըստ պայմանագրի շարունակելու է սպառազինություն մատակարարել Ադրբեջանին:

Հայաստանը դժգոհում է ռուսական մատակարարման դանդաղումից, իսկ Ռուսաստանը մատակարարման հավաստիացում է հայտնում Ադրբեջանին: Այստեղ իհարկե այլեւս որեւէ գաղտնի կամ անհասկանալի բան չկա: Ռուսաստանի համար Ադրբեջանի մատակարարումները բիզնես չեն: Դա ռուսական ցինիզմի դրսեւորում է՝ այդ բիզնես բացատրությունը: Ռուսաստանի համար Ադրբեջանի մատակարարումները ռազմա-քաղաքական գործարքի կարեւոր մաս են, որը ներկայում աշխուժորեն փորձում է առաջ մղվել քառօրյա պատերազմից հետո: Դրա համար է Ռուսաստանը գրեթե ամբողջ կազմով այս օրերին այցելում Բաքու, բացառությամբ Պուտինի, որի այցը երեւի պահել են տարածաշրջան ռուսական խաղաղապահների մուտքի այսպես ասած վերջնական պայմանագրի կնքման համար:
Այստեղ հարց է առաջանում, թե ինչու՞ Հայաստանի իշխանությունը մինչ այժմ որեւէ կերպ չի դժգոհել ռուսական սպառազինության մատակարարման ընթացքից: Ու՞մ էր սպասում Հայաստանի իշխանությունը, սպասում էր, որ Ադրբեջանը հարձակվի՞:

Իհարկե, կա նաեւ հավանականություն, որ Երեւանը Մոսկվային դժգոհություն հայտնել է, սակայն ոչ հրապարակավ, որպեսզի Հայաստանին մատակարարումների խնդիրը «չգայթակղի» Ադրբեջանին: Բայց, ինչպես պարզվում է, Ադրբեջանը հիանալի տեղեկացված է եղել դրանից: Իսկ ումի՞ց կարող էր տեղեկացված լինել Ադրբեջանը, որ Հայաստանը սպառազինությունը չի ստացել: Այդ հարցի պատասխանը տեսնելու համար երեւի թե բավարար է հիշել, թե ինչ տեղի ունեցավ մի քանի ամիս առաջ:

Ռուսական մամուլը հրապարակեց Հայաստանին մատակարարվելիք սպառազինության ցանկը, որից հետո Ադրբեջանն անմիջապես հղեց բողոքի նոտա, ինչից հետո էլ սկսվեցին աշխույժ ռուս-ադրբեջանական ռազմա-տեխնիկական խորհրդակցություններ՝ մատակարարվող տեխնիկայի կոմպլեկտացիայի շուրջ: Եվ հարցի լրջության մասին վկայեց այն, որ խնդրին անդրադարձավ անձամբ Պուտինը, իսկ մինչ այդ էլ Ռոգոզինն էր գիշերով մեկնել Բաքու:

Կարո՞ղ է լինել կասկած, որ Ադրբեջանին այդ շփումների ընթացքում հանգամանալից տեղեկատվություն է փոխանցվել հայկական կողմին մատակարարվելիք սպառազինության, դրա չիրականացման մասին: Ավելին, մեղմ ասած, կասկած կա, որ Ռուսաստանին հենց Ադրբեջանն է խնդրել, կամ ավելի շուտ գուցե պայման դրել ուշացնել Հայաստանի սպառազինության մատակարարումը, մինչ Ալիեւը կկայացնի Արցախի դեմ գրոհի որոշումը:

Հավանական է, որ հենց դա է եղել ռուս-ադրբեջանական ռազմա-տեխնիկական հարաբերության թնջուկը: Պատահական չէ, որ այն առաջացավ հենց Հայաստանին մատակարարվելիք սպառազինության ցանկի հրապարակումից հետո: Այդ ինչու՞ դրանից առաջ Բաքուն չուներ որեւէ դժգոհություն:

Բաքուն Մոսկվայից երաշխիք պահանջեց, որ Հայաստանին տրվող զենքը չի օգտագործվի Ադրբեջանի դեմ: Հավանաբար, Ադրբեջանը պայման է դրել, որ հակառակ դեպքում կդադարեցնի Ռուսաստանից թե զենքի գնումը, թե ռազմա-քաղաքական գործընկերությունը եւ դաշնակցությունը: Իսկ Թուրքիա դաշնակցի հետ մի փոքր գժտված Ռուսաստանի համար դա կլիներ Կովկասում ոչ թե վերջի սկիզբը, այլ արդեն վերջի վերջը:

Հետեւաբար, քանի դեռ Թուրքիայի հետ հաշտության ուղիները որոնման փուլում են, Մոսկվայի համար շատ կարեւոր է Ադրբեջանի հետ սերտ հարաբերություն պահպանելը: Կոպիտ ասած, Մոսկվայի համար Ադրբեջանն այսօր փոխարինում է նաեւ Թուրքիային, այսինքն երկուսը մեկում է:

Եվ ահա Կրեմլը դանդաղեցնում է Հայաստան սպառազինության մատակարարումը, մինչեւ Ադրբեջանը կպատրաստվի գրոհի, շոշափելով աշխարհքաղաքական հողը: Ալիեւն այն շոշափում է Վաշինգտոնում եւ անկասկած տեսնելով թե իր, թե Թուրքիայի հանդեպ անբարյացակամ տրամադրվածությունն ու նաեւ ճնշումը Արցախում հրադադարի պահպանման միջազգային մեխանիզմի հաստատման հարցում, որոշում կայացնում՝ «երեկ վաղ էր, վաղը ուշ կլինի» սկզբունքով:

Այդ ամենից հետո Հայաստանի իշխանության համար ոչ միայն անիմաստ է դառնում այլեւս լռել ռուսական մատակարարումների արգելակվածության հարցում, այլ ակնհայտ է դառնում, որ Մոսկվան Ադրբեջանի համար պարզապես կատարել է Հայաստանի եւ Արցախի ռազմա-տեխնիկական վիճակի մասին ինֆորմատորի դեր:

Այդ իմաստով, բարձրաձայնելով սպառազինության չմատակարարման խնդիրը, պաշտոնական Երեւանն անկասկած ավելի շուտ հետապնդում է հենց Ռուսաստանի այդ դերի բացահայտման խնդիր, քան մատակարարումների խնդրի լուծման: Հակառակ դեպքում Մեդվեդեւին այդ մասին կասեին կամ կխնդրեին ոչ հրապարակավ:

Իսկ ինչու՞ է պաշտոնական Երեւանը փորձում այդպես անուղղակիորեն, այսինքն խնդրանքի ձեւով բացահայտել այն, ինչը պետք է հնչեր պահանջի կամ վերջնագրի ձեւով: Որովետեւ պաշտոնական Երեւանը չունի հանրային լեգիտիմություն, որը թույլ կտա Ռուսաստանին ներկայացնել ուղիղ պահանջներ եւ հարկ եղած դեպքում՝ վերջնագրեր:

Մեծ հաշվով, հրապարակայնացնելով խնդիրը, պաշտոնական Երեւանը ապահովել է իր համար «արհեստական» կամ «ոչ առաջնային» լեգիտիմության մանդատ, ձեւավորելով մի միջավայր, որտեղ համընկնում են թե հանրության ու պետության, թե իր շահերը:

Իհարկե, սա մեղմ ասած այն չէ, ինչը վայել է կենսունակ եւ արժանապատիվ պետականությանը, սակայն սա այն է, ինչը գուցե նվազագույնն է ներկայիս թեկուզ անորակ պետականությունը փրկելու եւ երբեւէ որակի հեռանկարը պահպանելու համար:

- See more at: http://www.lragir.am/index/arm/0/com....XY9yhzbq.dpuf

[Vrej1915]

Re: Russians will manage, what they do best: turn their friends into enemies....

10.04.2016

«Ռազմավարական դաշնակցի» տրաբանության գոհարներից

Ruben Shukhyan (Ռուբեն Շուխյան)

«Ռազմավարական դաշնակցի» տրաբանության գոհարներից՝ Բաքվում ասված Ռուսաստանի վարչապետ Մեդվեդևի խոսքերը. «Եթե (ադրբեջանցիները) մեզնից զենք չգնեն, կգնեն այլ երկրներից, և դրա մահաբերության աստիճանը դրանից չի նվազի»:
Այսինքն ստացվում է, որ այս ամենից հետո մենք, հայերս, պետք է այսպիսի հետևություն անենք մեզ համար. մեկ է՝ ձեզ այսպես թե այնպես սպանելու են, իսկ դուք պետք է ուղղակի երջանիկ լինեք, որ դա արվում է բացառապես ռուսական զենքով:

Նյութի աղբյուր՝ https://www.facebook.com/ruben.shukh...78177845630081

[Vrej1915]

Re: Russians will manage, what they do best: turn their friends into enemies....

[Vrej1915]

Re: Russians will manage, what they do best: turn their friends into enemies....

10.04.2016

Ռուսաստանը տեղյակ է եղել Բաքվի ծրագրերին

Gagik Hambaryan

ՌԴ վարչապետ Դմիտրի Մեդվեդևը երեկ "Вести в Субботу" հաղորդմանը տված հացազրույցում բացահայտել է,որ պաշտոնական Մոսկվան շատ լավ տեղյակ է եղել Իլհամ Ալիևի՝Արցախի վրա հարձակվելու ծարագրին... "Հակամարտության գոտում զորքերի տեղաշարժին հետևում են արբանյակների և վերահսկողության այլ միջոցների միջոցով...Ներկայումս ոչինչ հնարավոր չէ թաքցնել",- ասել է նա՝ պարզաբանելով՝ արդյո՞ք ռուսական արբանյակները գրանցել են զորքերի տեղաշարժը ԼՂ հակամարտության գոտում...

Այսինքն,մեր ռազմավարական դաշնակիցը շատ լավ տեղյակ լինելով ադրբեջանցիների կողմից նախապատրաստվող հարձակման մասին չի տեղեկացրել Երևանին...Այս հարձակումը ծրագրելու և իրականացնելու համար Ադրբեջանը բավական մեծ պատրաստություններ էր տեսել՝ահռելի մեծ քանակությամբ զինտեխնիկա և մարդկային ռեսուրսներ տեղափոխելով Ադրբեջանի և Արցախի սահմանագոտի,որի վերաբերյալ ապացույցները Մոսկվան ունեցել է...

Հիմա ինձ ասեք,թե Ադրբեջանին միլիարդավոր դոլլարների զենք վաճառող և Ադրբեջանի ագրեսիայի մասին տեղեկատվությունը Հայաստանից թաքցնող ՌԴ-ն ու՞մ ռազմավարական գործընկերն է՝Հայաստանի,թե՝Ադրբեջանի...

Ժամանակն է կտրուկ վերանայել Մոսկվայի և Երևանի հարաբերությունները...Կամ մենք իրոք գործընկերներ ենք,կամ մեզ բացարձակ ձեռք չի տալիս գոյություն ունեցող հարաբերությունների մակարդակը,որն ավելի շատ "ուրիշ" բան է հիշեցնում...

Նյութի աղբյուր՝ https://www.facebook.com/gagik.hamba...09542815796334

[Vrej1915]

Re: Russians will manage, what they do best: turn their friends into enemies....

9 / 04 / 2016
Մեր մանդատի մեջ չէր մտնում հետաքննել, թե ով է սկսել առաջինը և ով է պատասխանատու. Պոպով

http://times.am/?p=166441&l=am

ԵԱՀԿ Մինսկի խմբի համանախագահների մանդատի մեջ չի մտել հետաքննել, թե ով է սկսել առաջինը և ով է պատասխանատու ԼՂ հակամարտության գոտում տեղի ունեցած ռազմական գործողությունների համար:

Այս մասին Երևանում լրագրողների հետ հանդիպմանը հայտարարեց ԵԱՀԿ Մինսկի խմբի ռուսաստանցի համանախագահ Իգոր Պոպովը` նկատելով, թե կողմերը մտադիր են պահպանել Մոսկվայում ձեռք բերված հրադադարը:

«Հիմնական խնդիրը կողմերին բանակցությունների սեղանի շուրջ նստեցնելն է: Կա ըմբռնում, որ պետք է վերադառնալ քաղաքական քննարկումներին»,-նշեց նա` հավելելով, որ քննարկել են նաև կողմերի միջև վստահության վերականգնմանը վերադառնալու հարցերը: Համանախագահները քննարկումները կշարունակեն իրենց մայրաքաղաքներում, այնուհետև կհանդիպեն մեկ շաբաթից, դրանից հետո հնարավոր է, որ նորից այցելեն տարածաշրջան:

Իսկ այս պահին ըստ Պոպովի, կարևոր է զոհվածների մարմինների վերադարձը, որով զբաղվում է ԿԽՄԿ-ն, իսկ դրա կոորդինացիայով դեսպան Կասպշիկի գրասենյակը:

Լրագրողների հակադարձմանը` ամեն դեպքում ձեզ համար որոշե՞լ եք, թե ով է ռազմական բախումների նախաձեռնողը, ՄԽ ֆրանսիացի համանախագահ Պիեռ Անդրիոն կրկնեց ռուս գործընկերոջ ասածը` մեղավորին որոշելն իրենց մանդատի մեջ չի մտել:

«Ինչ վերաբերում է հետաքննության մեխանիզմներին, ապա մենք մի քանի տարի է դրա մասին խոսում ենք, որի ուղղությամբ կլինի մեր աշխատանքի շարունակությունը»,- եզրափակեց նա:

[Vrej1915]

Re: Russians will manage, what they do best: turn their friends into enemies....

Ռուսաստանը խնդիր է դրել զիջումներ պարտադրել Հայաստանին
Lragir.am
Ներքին կյանք - 10 Ապրիլի 2016,


Հայաստանն այս կարգավիճակում է հայտնվել իր վարած արտաքին քաղաքականության հետևանքով, երբ ամբողջ սպասելիքներն ու հույսերը կապել է միայն Ռուսաստանի հետ: Lragir.am-ի հետ զրույցում նման դիտարկում արեց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանը՝ անդրադառնալով վերջին օրերին սահմանային լարվածությանն ու այս հարցում Ռուսաստանի վարած քաղաքականությանը:


ՌԴ փոխվարչապետը հայտարարել է, որ Ռուսաստանը կշարունակի զենք մատակարարել Ադրբեջանին: Ստեփան Գրիգորյանն այս հայտարարությունը զարմանալի չի համարում՝ հաշվի առնելով Հայաստանի վարած արտաքին քաղաքականությունը:

«Ամեն ինչ կապեցին մեկ երկրի՝ Ռուսաստանի հետ: Մենք տեսնում ենք, որ եթե Ռուսաստանի շահերի հետ որևէ բան չի համընկնում, ինքն իր պահանջն առաջ է տանում, ուրեմն պետք է հասկանանք գլխավորը՝ անընդհատ պետք է ունենալ այլընտրանք: Եթե մենք այսօր այլընտրանք ունենայինք, ուրիշ տեղից էլ կկարողանայինք զենք ձեռք բերել, մեզ հետ այսպես չէին վարվի, Ռագոզինը այսօր չէր ասի, որ շարունակելու են զենք մատակարարել Ադրբեջանին»,- ասաց նա:


Ստեփան Գրիգորյանի խոսքով՝ ռազմավարական գործընկերն իրեն որպես ռազմավարական գործընկեր է պահում, եթե դու այլընտրանք ունես: Այդ դեպքում ինքը քեզ հարգում է: Դա, նրա խոսքով, միայն ռազմական ոլորտին չի վերաբերվում: Նաև տնտեսական ու էներգետիկայի ոլորտում է այսօր այդպես. Հայաստանն այդ համակարգերը տվել է Ռուսաստանին, իսկ այսօր տեսնում ենք, որ դա չի աշխատում:

«Ավելի լավ վիճակ չէ մեր էներգետիկ ոլորտում: Ամբողջ հզորությունները տվեցինք ռուսին, իսկ նրանք կամ չեն աշխատացնում, կամ եթե աշխատացնում են, էֆեկտիվ չեն աշխատացնում»,- ընդգծեց նա:

Անդրադառնալով այն հարցին, որ փաստացի բացահայտվեց՝ Ռուսաստանը զենք չի մատակարարել Հայաստանին՝ Ստեփան Գրիգորյանն ասում է, որ Ռուսաստանին պետք է թուլացնել Հայաստանը, որպեսզի մենք խնդրողի դերում լինենք:

«Ինչքան Ադրբեջանն ուժեղանա, ինչքան անհամամասնությունը մեծ լինի, այնքան մենք պատրաստ կլինենք զիջումների: Իրենք ուզում են, որ Ադրբեջանը մտնի Եվրասիական տնտեսական միություն, որ Ադրբեջանի նավթն ու գազն այլևս չգնա Վրաստանով Թուրքիա, այլ գնա Ռուսաստանով դեպի Եվրոպա: Իրենք ուզում են իրենց դերը վերականգնել Ադրբեջանում: Եվ պարզ է, որ եթե Հայաստան-Ադրբեջան հակամարտության մեջ անհամամասնությունն ուժեղանա, ավելի հեշտ կլինի մեզ ճնշել, ստիպել զիջումների գնալ Ղարաբաղի հարցով: Իսկ եթե մենք համաձայնենք զիջումների գնալ Ղարաբաղի հարցում, ակնհայտ է, որ Ռուսաստանը կկարողանա Ադրբեջանին համոզել մտնել ԵՏՄ: Իրենք կասեն ադրբեջանցիներին՝ մենք ձեզ կաջակցենք, ձեր անհամամասնությունը մեծ կլինի, կհամոզենք Հայաստանին զիջումների գնալ, բայց մեր պահանջը մեկն է՝ պետք է մտնեք ԵՏՄ»,- ասաց նա:

Ըստ Գրիգորյանի՝ սա շատ հասկանալի ու պարզունակ սխեմա է, ինչի մասին բազմիցս բարձրաձայնվել է:

«Հոգնեցինք բացատրելով, որ պետք է այլընտրանք ստեղծես, պետք է գազը Իրանից մատակարարես Վրաստան, բայց չես անում: Եթե այլընտրանք չես ստեղծում, պարզ է որ կկարողանան ազդել քո դիրքորոշման վրա ու ճնշել»,- ընդգծեց նա:

- See more at: http://www.lragir.am/index/arm/0/cou....brCDFKIn.dpuf

[Vrej1915]

Re: Russians will manage, what they do best: turn their friends into enemies....

[Vrej1915]

Re: Russians will manage, what they do best: turn their friends into enemies....

Մոսկվային ասելու բան չկա, մենք մեր գործողություններով պետք է ինչ-որ բան ապացուցենք. Թեւան Պողոսյան

9 Ապրիլի 2016,



ԱԺ «Ժառանգություն» խմբակցության պատգամավոր Թևան Պողոսյանն այս օրերին իր ընտանիքի հետ Ստեփանակերտում է: Yerkir.am-ի հետ զրույցում նա նշեց, որ երեկ` գիշերը, և հիմա Ստեփանակերտում հանգիստ է, քաղաքը շարունակում է ապրել իր առօրյա կյանքով, նաև հանգիստ է եղել առաջնագծում:

Հարցին, թե ինչո՞ւ է ՀՀ նախագահը ՌԴ առաջին դեմքերին ակնարկներով հայտնում Ադրբեջանին զենք վաճառելու փաստի առնչությամբ դժգոհությունը, այլ ոչ՝ ուղիղ տեքստով, Թևան Պողոսյանը պատասխանեց, որ հարցի հասցեատերը ինքը չէ, սակայն անձամբ ինքը երբեք չի խուսափել ուղիղ ասել այդ մասին իր ելույթներում:

«Բոլոր առիթների ժամանակ, երբ եղել է հնարավորություն հանդիպելու ռուս գործընկերների հետ, լինի Մատվիենկոն, թե` այլ պատգամավորների պատվիրակություն, ես միշտ ուղիղ եմ ասել զենքի վաճառքի մասին՝ նրանց երեսին նայելով»,- ասաց նա:

Հարցին, թե ինչո՞ւ Հայաստանի համար դժվարին պահին Ռուսաստանը՝ ի դեմս առաջին դեմքերի, բռնել է ոչ հայանպաստ դիրքորոշում, Թևան Պողոսյանը կարծիք հայտնեց, որ Ռուսաստանն առաջնորդվում է միայն իր շահերով: Ռուսաստանն ունի այս տարածաշրջանում ինչ-որ շահեր, դա կարելի է հասկանալ կամ չհասկանալ, գիտակցել կամ չգիտակցել: Սակայն, պատգամավորի խոսքով, մենք մի բան պետք է հասկանանք` ինչ գործողություններ պետք է անենք, որ Հայաստանը Ռուսաստանի համար այնպիսի գին ունենա, որ Ռուսաստանը փոխի իր այդ դիրքորոշումը:

«Մարդիկ գործողությունների են դիմում այն ժամանակ, երբ զգում են, որ ինչ-որ բան են կորցնում: Հայաստանի գործողությունները այնպիսին պետք է լինեն, որ Ռուսաստանի պաշտոնյաներն ու կառույցները չարչարվեն, պահպանեն ու փայփայեն այն գործընկերոջ շահերը, որը հնարավորություն կտա առաջ տանելու հենց իրենց երկրի շահերը: Այս պահին Ռուսաստանի համար չի ընկալվում, որ Հայաստանն ամենակարևոր գործընկերն է տարածաշրջանում, ահա` ինչու նրանց վերաբերմունքը այս պահին այդպիսին է: Բայց երբ Ռուսաստանը զգում է, որ իր համար տվյալ երկիրը կարևոր է, մեկ էլ հանկարծ պարզվում է, որ ներում են նրան միլիարդավոր պարտքերը կամ որևէ միջազգային կառույցում հօգուտ տվյալ երկրի խոսում կամ, ասենք, ճանաչումների շարք սկսում: Այս պարագայում մենք մեր գործողություններին պետք է նայենք, նույնիսկ Ռուսաստանին մեղադրելու խնդիր էլ չեմ տեսնում: Այս պարագայում եթե մեղադրեմ, ուրեմն պետք է մեղադրեմ մեր վարած քաղաքականությունը և մեր վարքագիծը, ի՞նչն ենք մենք այդքան սխալ արել, որ Ռուսաստանի մոտ Հայաստանը չի ընկալվում որպես ռազմավարական դաշնակից, որի հետ պետք է այլ ձևով աշխատել: Մոսկվային բան չկա ասելու, մենք մեր գործողություններով պետք է ինչ-որ բան ապացուցենք»,- ասաց Թևան Պողոսյանը:

Ինչ վերաբերում է Հայաստանի կողմից ԼՂՀ ճանաչման գործընթացին, նա նշեց, որ առաջին քայլով մոտենում ենք դրան՝ առնվազն Արցախի հետ ռազմաքաղաքական համագործակցության պայմանագրի մասով: Մոտակա ժամանակներում այդ ուղղությամբ աշխատանքները կհստակեցվեն, և եթե պետք լինի, ԱԺ արտահերթ նիստով կդրվի քննարկման, որից հետո եթե այդ մի «փամփուշտն էլ իր թիրախին չհասնի», ուրեմն երկրորդ քայլը կլինի ԼՂՀ ճանաչումը:

[Vrej1915]

Re: Russians will manage, what they do best: turn their friends into enemies....

Ղարաբաղի դաժան դասերը

ՆԱԻՐԱ ՀԱՅՐՈՒՄՅԱՆ, Մեկնաբան
Հասարակություն - 10 Ապրիլի 2016,


Ղարաբաղում հանգիստ է, եւ ամեն մեկը փորձում է հետ նայել ու տեսնել, թե ինչը չի այնպես արել եւ ինչ պետք է անել, որ բարբարոսական մղձավանջը չկրկնվի:
Ղարաբաղը մի քանի մահացու դաս է տվել, որոնք պետք է յուրացնել կյանքի համար:

Հայաստանը չունի դաշնակիցներ, կա մետրոպոլիա՝ Ռուսաստանը, որը գաղութացրել է Հայաստանը՝ զրկելով ինքնիշխանությունից, եւ հիմա փորձում է Ադրբեջանը մտցնել իր թյուրքական միություններում՝ նրան զոհաբերելով Ղարաբաղն ու ամբողջ Հայաստանը:

Հայաստանը չունի դիվանագիտություն: Հայաստանի արտաքին քաղաքականությունն աշխատում է մետրոպոլիայի համար՝ չառաջադրելով սեփական շահերն ու զոհաբերելով սեփական ժողովրդին:
Հայաստանում չկան քաղաքական բնույթի ղեկավարներ: Մոտ մեկ տարի բոլորը թաքցրել են, որ Ռուսաստանը չի մատակարարում վարկով խոստացած բարձր ճշգրտության զենքը: Ապրիլի 7-ին այդ մասին ասել է Հովիկ Աբրահամյանը, որը Դմիտրի Մեդվեդեւին խնդրել է կատարել պայմանագրային պարտավորությունը: Սակայն Մեդվեդեւը Բաքու է գնացել եւ իր տեղակալի մակարդակով խոստացել զենք մատակարարել Ադրբեջանին:

Հայաստանի էլիտան չի գիտակցում իր պատասխանատվության աստիճանը: Ռազմական ղեկավարությունը բացահայտ խոստովանում է, որ տեղյակ էր Ադրբեջանի զորաշարժերի մասին, սակայն դա «սովորական լոկալ գործողություն» է համարել: Իսկ երկրի նախագահն ասում է, որ Հայաստանը կռվում է 80-ականների զենքով, չնայած այն բանին, որ բարձր ճշգրտության զենքի գնման պատրվակով Հայաստանը Ռուսաստանին է հանձնել երկրի ինքնիշխանությունը: Այս խոստովանությունները նախատեսում են կոշտ պատասխանատվություն, եւ դա կլինի:

Հայաստանը չունի էլիտա: Ադրբեջանի ագրեսիայից մեկ շաբաթ էլ չի անցել, սակայն խորհրդարանական երկու խմբակցությունների ղեկավարներ հայտարարել են, որ օտար խաղաղարարների մուտքը հակամարտության գոտի անխուսափելի է:

Հայաստանը չունի էլիտա: Եթե մինչեւ հիմա քաղաքական հանցագործները փորձել են ինդուլգենցիա գնել՝ կառուցելով մատուռներ ու խաչքարեր, հիմա գնում են Ղարաբաղ՝ նկարվելու խրամատների ֆոնին:

Հայաստանն ունի կարծես թե աստվածային էներգիայով օժտված ժողովուրդը, որը բացարձակ ռացիոնալ է գնահատում իրավիճակն ու միայն իր վրա է հույս դնում: Այդ ժողովուրդը շատ շուտով կփոխի արտաքին քաղաքականությունը, դիվանագիտությունը, անպատասխանատու ռազմաքաղաքական ղեկավարությանը:

- See more at: http://www.lragir.am/index/arm/0/soc....bnVfoeFp.dpuf