Russians will manage, what they do best: turn their friends into enemies....

[Vrej1915]

Re: Russians will manage, what they do best: turn their friends into enemies....

The situation on the ground has become more volatile as both sides make contingency plans for more fighting. In February 2016, Armenia’s First Deputy Defense Minister David Tonoyan announced that his country was moving from a “static” to a more proactive “deterrence” defense doctrine. In line with that approach, Yerevan secured a $200 million loan to buy new weapons from Russia, including Smerch rockets and TOS-1A flamethrower systems. These were not delivered before the April fighting began. During that recent bloodshed, an Armenian commander said anonymously that his army possessed Russian-made Iskander cruise missiles and that they were targeted at Azerbaijan’s oil and gas infrastructure.

Read more at: http://carnegieeurope.eu/publications/?fa=63825

[Vrej1915]

Re: Russians will manage, what they do best: turn their friends into enemies....

Սպառազինության մրցավազք, որ տանում է արցախյան նոր պայթյունի

http://www.yerkir.am/news/view/114182.html

30 Սեպտեմբերի 2016,


Ադրբեջանական լրատվական աղբյուրները տեղեկացնում են, որ Ադրբեջանի պաշտպանական արդյունաբերության նախարարության Sharg արտադրական միավորման և ՌԴ «Մարտավարական հրթիռային սպառազինություն» կորպորացիայի միջև ստորագրվել է նոր սերնդի մարտավարական հրթիռների համատեղ արտադրության մասին հուշագիր: Դա տեղի է ունեցել Բաքվում անցկացված` ADEX 2016 պաշտպանական միջազգային ցուցահանդեսի շրջանակում, որին մասնակցում էին ռուսական ռազմարդյունաբերության մի քանի հսկաներ:

Որքանով է հավաստի այս տեղեկատվությունը, պարզ չէ: Ադրբեջանական լրատվամիջոցների արժանապատվությանը վստահել հնարավոր չէ, իսկ ռուսական կողմն այն պաշտոնապես դեռ չի հաստատել: Չի բացառվում, որ սա քարոզչական ապատեղեկատվություն է: Էականը, սակայն, այն է, որ նման տեղեկատվության սպրդումն ինքնին բացահայտում է, թե ինչ նոր նպատակներ է իր առջև դրել Բաքուն: Առաջինն օպերատիվ-տակտիկական հրթիռների սպառազինության հարցում Հայաստանի հետ որոշակիորեն խախտված բալանսը վերականգնելն է, եթե ոչ` այս ոլորտում նրան գերազանցելը: Ակնհայտ է, որ սա հայկական զինուժի արսենալում «Իսկանդեր» համակարգերի առկայության բացահայտման արգասիքն է: Դեռ սեպտեմբերի 27-ին ADEX 2016 ցուցահանդեսի բացման ժամանակ Ադրբեջանի ռազմարդյունաբերության նախարար Յավեր Ջամալովը հայտարարել էր, թե Ադրբեջանը մտադիր է իր տարածքում փոքր հեռահարության բալիստիկ հրթիռներ արտադրելու տեխնոլոգիաներ գնել և այդ հարցի շուրջ բանակցություններ է վարում: Նա չէր հստակեցրել, թե ում հետ են տարվում այդ բանակցությունները:

Երկրորդ՝ Բաքուն ձգտում է փոքր հեռահարության մարտավարական հրթիռային կայանքների ձեռք բերման հարցը լուծել հենց Ռուսաստանի միջոցով: Եթե անգամ նման հուշագիր չի ստորագրվել, ապա տեղեկատվական այս արտահոսքի նպատակը Ռուսաստանի ուշադրությունը գրավելն է կամ Մոսկվայի տրամադրությունները շոշափելը: Բաքվի ռազմատեխնիկական ցուցահանդեսին ռուսական ընկերությունների ներկայացվածության ծավալները վկայում են, որ Մոսկվայում դեմ չեն Բաքվի հետ նոր գործանքներին: Նախորդ 5 տարիներին Ադրբեջանը հանդիսացել է ռուսական ռազմարդյունաբերության արտադրանքի հիմնական գնորդը: Տնտեսական առումով` իր լավագույն օրերը չապրող այդ երկրին օդ ու ջրի պես անհրաժեշտ է եղած շուկաների պահպանումը:

Փաստորեն, կարելի է արձանագրել, որ Հայաստանի և Ադրբեջանի սպառազինության մրցավազքը տեղափոխվում է նոր՝ շատ ավելի մասշտաբային, ավելի վտանգավոր շրջափուլ: Որևէ փուլում կողմերից յուրաքանչյուրի հարաբերական ռազմական առավելությունը հանգեցնում է հակառակ կողմից այդ առավելությունը չեզոքացնելուն ուղղված ակտիվ միջոցառումներին: Հայկական ԶՈՒ-ն զիջում է, այսպես կոչված, «մարտադաշտային» զինատեսակների մակարդակում և դա փորձում է լրացնել` պաշտպանական բնույթի ժամանակակից զինտեխնիկա ձեռք բերելով՝ ընդհուպ մտնելով հարյուրավոր միլիոնանոց վարկային պարտավորությունների տակ: Ադրբեջանը զիջում է ստրատեգիական, հեռահար խոցման զինտեխնիկայի, համակարգերի հարցում և փորձում է այդ բացը լրացնել` սեփական ռազմարդյունաբերության ռեսուրսներն ուժեղացնելով՝ դրանում ռուսական կապիտալի ներգրավման միջոցով: Եվ սա տեղի է ունենում Ղարաբաղյան հակամարտության կարգավորման հարցում նորից սկսված ճգնաժամի ֆոնին:

Ադրբեջանի արտգործնախարար Էլմար Մամեդյարովը երեկ հայտնել էր, թե ԵԱՀԿ Մինսկի խմբի համանախագահները հոկտեմբերի երկրորդ կեսին կժամանեն տարածաշրջան, որի արդյունքում կորոշվի Հայաստանի և Ադրբեջանի նախագահների հանդիպման վայրն ու ժամկետը: Չնայած Մամեդյարովի այս պարզաբանումը խոսում է նախագահների նոր հանդիպմանը Բաքվի սկզբունքորեն համաձայն լինելու մասին, սակայն այսօր Հայաստանի ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը հայտարարել է, թե ներկա պահին նման հանդիպում կազմակերպելու հնարավորություն չկա, քանի որ չկա դրա օրակարգը: Փաստացի, Երևանը հրաժարվում է նոր բանակցություններից՝ թերևս պնդելով դրանից առաջ Վիեննայի և Սանկտ Պետերբուրգի պայմանավորվածությունների կատարման վրա: Դրան էլ համաձայն չէ Ադրբեջանը, որի համար նախագահների նոր հանդիպման կազմակերպումը հետապնդում է, ԼՂ կարգավորման հարցն օրակարգ վերադարձնելով, այդ պայմանավորվածությունների պարտադիր կատարման միջնորդների և Երևանի պահանջները «ջրելու» նպատակ: Այսինքն` կողմերը դնում են միմյանց փոխբացառող օրակարգեր, ինչը պրոցեսը նորից մտցնում է փակուղի: Այս իրողությունը հաստատել է նաև ԱՄՆ պետքարտուղար Ջոն Քերին: Վաշինգտոնում այսօր նա, միջազգային հիմնախնդիրների համատեքստում խոսելով Արցախյան հարցի մասին, ասել է, թե դեռ պայմաններ չեն ստեղծվել այդ հակամարտության կարգավորման համար, քանի որ դրան պատրաստ չեն առաջնորդները:

Որքան էլ ներկայումս ղարաբաղա-ադրբեջանական շփման գծում պահպանվում է հարաբերական անդորրը, ակնհայտ է, որ կողմերը ձգտում են բանակցային նոր ճգնաժամի առաջացրած վակուումը լցնել ակտիվ սպառազինմամբ: Պարզապես երկու կողմերն էլ ելնում են նրանից, որ ներկա պահին չկա հարցի քաղաքական լուծում, և այլ տարբերակ, քան պատերազմը, կարծես թե չի մնում:

Որքան կողմերը տուրք են տալիս սպառազինման մրցավազքին, այնքան դրանից օգտվում է Ռուսաստանը՝ մի կողմից դառնալով այդ սպառազինման հիմնական մատակարարը, մյուս կողմից` հենց այդ ճանապարհով մեծացնելով թե' Երևանի և թե' Բաքվի վրա իր քաղաքական ազդեցությունը: Մոսկվայում էլ, թերևս, առաջնորդվում են այն սկզբունքով, որ կողմերին զսպելու լավագույն միջոցը նրանց անվերջանալի սպառազինումը խթանելն է: Բայց սա նմանվում է ընդամենը վառոդի տակառին միացված և վառված ճայթռուկը երկարացնելուն: Նման տեմպերով սպառազինման հետևանքը կարող է լինել աներևակայելի մասշտաբներով ու հետևանքներով հղի պատերազմի պայթումը, որի մոտ ապրիլյան պատերազմն ընդամենը մանկական խաղ կթվա: Այս իրավիճակը և պայթյունի հասունացումը օրակարգային են դարձում սպառազինության կատաղի մրցավազքը դադարեցնելու քաղաքական պահանջի ձևակերպումը: Անհրաժեշտ է հասնել նրան, որ հակամարտության կողմերին զենք-զինամթերքի մատակարարման հարցում միջազգային արգելքներ սահմանվեն: Այն չի կարող ամբողջությամբ լուծել հարցը, որովհետև կողմերը գուցե գաղտնի կերպով կշարունակեն նորանոր համալրումներ ստանալ: Սակայն դրանց ծավալներն էականորեն կկրճատվեն: Եվ դա կստիպի Ադրբեջանին հույսը կտրել ռազմական բալանսի խախտմամբ հայկական կողմին միակողմանի զիջումների դրդելուց և նստել բանակցությունների սեղանի շուրջ:

Մյուս բոլոր տարբերակները տանում են անխուսափելի պատերազմի:

Գևորգ Դարբինյան

[londontsi]

Re: Russians will manage, what they do best: turn their friends into enemies....

The situation on the ground has become more volatile as both sides make contingency plans for more fighting. In February 2016, Armenia’s First Deputy Defense Minister David Tonoyan announced that his country was moving from a “static” to a more proactive “deterrence” defense doctrine. In line with that approach, Yerevan secured a $200 million loan to buy new weapons from Russia, including Smerch rockets and TOS-1A flamethrower systems. These were not delivered before the April fighting began. During that recent bloodshed, an Armenian commander said anonymously that his army possessed Russian-made Iskander cruise missiles and that they were targeted at Azerbaijan’s oil and gas infrastructure.

Read more at: http://carnegieeurope.eu/publications/?fa=63825

Of course iskander is not a cruise missile. As we know its a ballistic missile.

Additionally my understanding is that through international treaties Armenia ( and others ) are not allowed to be sold cruise missiles.

In order for Armenia to use Iskander against Azerbaijan a number of political hurdles have to be overcome.

Firstly Armenia has to recognise Artsakh.

Then these two independent countries have to have legal defence treaties.

Currently there are only declarations which amount to BS by one man, ( it is not the only BS you will find if you replay immediate history)

Crudely put having a d.ick and being able to use it are different things.

PS. I have not elaborated on the Russian political constraint factor which is always there.
Look at the way Haji Nalbandyan could not be removed despite his gross incompetence and unsuitability.

[Vrej1915]

Re: Russians will manage, what they do best: turn their friends into enemies....

Թուրքիան մտադիր է վերականգնել Ռուսաստանի հետ հարաբերությունների նախկին մակարդակը. էրդողան
01.10.2016

news.am
Թուրքիան մտադիր է վերականգնել Ռուսաստանի հետ հարաբերությունների նախկին մակարդակը: Այս մասին ասել է Թուրքիայի նախագահ Ռեջեփ Թայիփ Էրդողանը խորհրդարանի նստաշրջանը բացելիս, փոխանցում է ՏԱՍՍ-ը:

«Մենք պլանավորում ենք Ռուսաստանի հետ մեր հարաբերությունները հասցնել նախկին եւ անգամ ավելի բարձր մակարդակի»,- ասել է նա:

[Vrej1915]

Re: Russians will manage, what they do best: turn their friends into enemies....

Ռուսաստանը և Ադրբեջանը համատեղ նոր սերնդի մարտավարական հրթիռներ կարտադրեն
սեպտեմբերի 30, 2016
Ազա Բաբայան, Մոսկվա

http://www.azatutyun.am/

Սրա հետ մեկտեղ, վերջին երկու տարում Ադրբեջանի ռազմական բյուջեն ավելի քան կրկնակի կրճատվել է:
Բաքվում այսօր ավարտվող ADEX-2016 պաշտպանական միջազգային երկրորդ ցուցահանդեսի շրջանակում Ռուսաստանը և Ադրբեջանը նոր սերնդի մարտավարական հրթիռների համատեղ արտադրության մասին հուշագիր են ստորագրել։

Ադրբեջանական կողմից փաստաթուղթը ստորագրել է պաշտպանական արդյունաբերության նախարարության «Շարգ» արտադրական միավորումը, ռուսական կողմից` «Մարտավարական հրթիռային սպառազինություն» ընկերությունը։ Խոսքը «երկինք-երկինք» և «երկինք-երկիր» նոր սերնդի մարտավարական հրթիռների մասին է։

Ավելի վաղ ցուցահանդեսի բացմանը հրթիռների արտադրություն սկսելու մտադրության մասին հայտնել էր Ադրբեջանի պաշտպանական արդյունաբերության նախարար Յավեր Ջամալովը: Ընդ որում, Ջամալովն ընդգծել էր, որ 280 կիլոմետր հեռահարության հրթիռների արտադրության համար անհրաժեշտ տեխնոլոգիաներ ձեռք բերելու հարցով պաշտոնական Բաքուն այսօր բանակցություններ է վարում մի շարք արտասահմանյան ընկերությունների հետ։ Հիշեցնենք՝ հենց 280 կիլոմետր է սեպտեմբերի 21-ին Երևանում Հայաստանի անկախության 25-ամյակին նվիրված զորահանդեսին ցուցադրված «Իսկանդեր»-ի հեռահարությունը:

Ռազմական փորձագետների կարծիքով՝ նման տեխնոլոգիաներ ունեցող երկրների ցուցակը բավականին սահմանափակ է, և հաշվի առնելով, թե մինչ օրս որ երկրների հետ է Ադրբեջանն արդեն համագործակցում ռազմական ոլորտում, կարելի է ենթադրել, որ բանակցություններ Ադրբեջանը վարում է, նախ և առաջ, Ռուսաստանի, Իսրայելի, Իրանի, Պակիստանի, Հնդկաստանի և Թուրքիայի հետ։

Ցուցահանդեսի մասնակիցների թվում էին Պակիստանի պաշտպանական արդյունաբերության նախարարը, Ռուսաստանի ռազմատիեզերական ուժերի հրամանատարը, Թուրքիայի պաշտպանության նախարարը: Ընդ որում, ցուցահանդեսում ամենամեծը ռուսական ցուցասրահն է, «Ռոսօբորոնէքսպորտ»-ը, մասնավորապես, ներկայացրել է շուրջ 28 ռուսաստանյան ընկերությունների ռազմական արտադրանք։

Ստորագրվել է նաև Ադրբեջանում ռազմական ուղղաթիռների սպասարկման ռուս-ադրբեջանական կենտրոն ստեղծելու մասին պայմանագիրը, որի մասին ավելի վաղ էր հայտարարված:

Սրա հետ մեկտեղ, «Ազատության» ադրբեջանական ծառայության փոխանցմամբ, վերջին երկու տարում Ադրբեջանի ռազմական բյուջեն կրճատվել է ավելի քան երկու անգամ: Ադրբեջանի նախագահ Իլհամ Ալիևը այսօր ստորագրել է 2017 թվականի պետբյուջեի մասին օրենքը, որում նշված է, որ պաշտպանական ոլորտի համար ծախսերը կկազմեն մոտ մեկ միլիարդ դոլար:

Հայաստանի պաշտպանության նախարարությունը ուշադիր հետևում է Բաքվի ցուցահանդեսի շրջանակում ձեռք բերված պայմանավորվածություններին, «Ազատությանն» ասաց ռազմական գերատեսչության խոսնակ Արծրուն Հովհաննիսյանը և հավելեց․ - «Հաշվի առնելով Ադրբեջանի գործընկեր պետությունների ցուցակը՝ նման տեխնոլոգիաներ, ըստ էության, հնարավոր է ձեռք բերել, բայց դա այն հեշտ տեխնոլոգիաներից չէ աշխարհում, և այնքան արագ արդյունքներ այդ ոլորտում գրանցելը շատ դժվար է: Աշխարհում երևի տասնյակ պետություններ զբաղվում են դրանով, բայց մեկ-երկու պետություն է, ում մոտ քիչ թե շատ որակյալ արտադրություն կա այս առումով»:

«Ադրբեջանը շատ տարբեր հայտարարություններ է արել շատ տարբեր զինատեսակների մասով, որոնք, մեծ հաշվով, կարելի է ասել, երբեմն չեն համապատասխանում իրականությանը», - ընդգծեց Հովհաննիսյանը:

Ապրիլյան քառօրյա պատերազմի օրերին մի շարք փորձագետներ կարծիք էին հայտնում, որ Ադրբեջանը սպառազինության առումով մեծ առավելություն ունի Հայաստանի նկատմամբ: Արծրուն Հովհաննիսյանը, սակայն, այդ կարծիքին չէ․ - «Ճիշտ է, այսօր, ցավոք, Հայաստանում ինչ-ինչ պատճառներով, մի տեսակ, փորձագիտական՝ այս առումով, գնահատականները իրականում տեղ չունեն հիստերիկ և զգացմունքային գնահատականների կողքին, բայց, ըստ էության, Ադրբեջանի 3 միլիարդ դոլարանոց բյուջեն էլ, մեծ հաշվով, իր ամբողջ զինանոցի վերազինման առումով խնդիրը չլուծեց և առավելապես հայկական Զինված ուժերի նկատմամբ առավելության խնդիրը չլուծեց»:

Հայաստանը միակ երկիրն է, որին Ռուսաստանը վաճառել է գերժամանակակից «Իսկանդեր» հրթիռային համալիրը: «Ազատության» հարցին՝ հնարավո՞ր է արդյոք, որ Մոսկվան, այնուամենայնիվ, այդ համալիրները նաև Ադրբեջանին վաճառի, Հայաստանի պաշտպանության նախարարության մամուլի քարտուղարը պատասխանեց․ - «Ես չեմ կարող նման հարցին մեկնաբանել՝ դա քաղաքականություն է»: «Այսինքն՝ չեք բացառում», - այս դիտարկմանն էլ Արծրուն Հովհաննիսյանը արձագանքեց․ - «Չեմ կարող ասել»:

[Vrej1915]

Re: Russians will manage, what they do best: turn their friends into enemies....

[Vrej1915]

Re: Russians will manage, what they do best: turn their friends into enemies....

«Սերժ Սարգսյանը ինչ-որ բան էր քրթմնջում»․ - ռուսական մամուլը՝ ՀԱՊԿ երևանյան գագաթնաժողովի մասին
հոկտեմբերի 15, 2016
Ազա Բաբայան, Մոսկվա

http://www.azatutyun.am/a/28055893.html

Ուրբաթ օրը Երևանում կայացած ՀԱՊԿ գագաթնաժողովին կազմակերպության անդամ երկրների ղեկավարները չեն կարողացել պայմանավորվել ոչ ՀԱՊԿ նոր գլխավոր քարտուղար նշանակվելիք Հայաստանի ներկայացուցչի թեկնածության, ոչ էլ Լեռնային Ղարաբաղի շուրջ համատեղ հայտարարության հարցերում, որոնց վերաբերյալ ավելի վաղ հաղորդվել էր:

Ռուսաստանյան «Մոսկովսկի կոմսոմոլեց» թերթը երևանյան գագաթնաժողովի մասին հոդվածում գրում է․ - «Հայտնի հանգամանքների պատճառով Հայաստանը ՀԱՊԿ անդամ պետությունների ղեկավարների համար ամենահարմար վայրը չէ։ Նույնիսկ եթե չեն անում բարձր հայտարարություններ, միայն Հայաստանում հավաքվելու փաստը արդեն լի է Թուրքիայի և Ադրբեջանի հետ հարաբերությունները վատացնելու վտանգով, իսկ այս երկու պետությունները ՀԱՊԿ անդամ Հայաստանը չհաշված՝ մյուս բոլոր անդամներն իրենց բարեկամ պետություններ են համարում»:

Ավելին, անդրադառնալով այն փաստին, որ ՀԱՊԿ պետությունների ղեկավարները չեն կարողացել պայմանավորվել գլխավոր քարտուղարի պաշտոնում Հայաստանի ներկայացուցչի թեկնածության շուրջ, թերթը գրում է. - «Երկու ժամ բուռն քննարկումներից հետո նախագահները դուրս եկան լրագրողների մոտ առանց արդյունքների։ Գլխավոր քարտուղարի մասին հարցը որոշվել է հանել այսօրվա օրակարգից, ցածրաձայն քրթմնջաց Սերժ Սարգսյանը՝ չբացատրելով նման որոշման պատճառները»:

Նույնն է գրել նաև «Կոմերսանտ»-ը. - «․․․ Ինչից հետո պարոն Սարգսյանը նույնպես անհասկանալի ինչ-ոչ բան էր քրթմնջում քթի տակ»:

Քաղաքագետ Անուշ Սեդրակյանի համար այս հրապարակումները զարմանալի չեն: «Կոռեկտության խախտումները շարունակվելու են և որքան գնալու են՝ ավելի ահագնանալու են և այնքան ավելի անդաստիարակ բնույթ են կրելու: Իհարկե, անկախ պետության նախագահը պետք է այս պարագայում որոշակի արձագանք տա, և որևէ մեկը իրավունք չունի անկախ պետության նախագահի հանդեպ նման ելույթներ ունենալ, եթե իհարկե պետությունը անկախ է», - «Ազատության» հետ զրույցում ասաց Սեդրակյանը:

Ռուսական մամուլը գրում է, որ ՀԱՊԿ ղեկավարները չեն կարողացել պայմանավորվել և ընդունել պաշտոնական Երևանի ներկայացրած թեկնածուներից և ոչ մեկին, չեն ընդունել ՀԱՊԿ-ում նաև Ղարաբաղի մասին հայտարարությունը՝ հավանաբար Ադրբեջանին չզայրացնելու համար:

Նկատենք, որ գագաթնաժողովին չի եղել հայտարարություն նաև Սիրիայի մասին, թեև այն նույնպես ակնկալվում էր, համենայն դեպս՝ Ռուսաստանի նախագահի օգնական Յուրի Ուշակովը այդ մասին ակնարկել էր։

Բելառուսի նախագահ Ալեքսանդր Լուկաշենկոն էլ Երևանում բողոքել է, որ տասնյակ տարիների ընթացքում ՀԱՊԿ-ին այդպես էլ չի հաջողվել վերածվել միջազգային հանրության կողմից ճանաչված կազմակերպության:

Թե՛ հայաստանցի, թե՛ ռուսաստանցի լրագրողները նկատել են նաև, որ երեկվա հավաքը գրեթե ամբողջովին փակ էր լրագրողների համար, ինչն աննախադեպ է նույնիսկ այս կազմակերպության համար:

ՀԱՊԿ հավաքի շրջանակում երեկ մեկ այլ ուշագրավ հայտարարություն է արվել: Ռուսաստանի արտգործնախարար Սերգեյ Լավրովը, ՏԱՍՍ-ի փոխանցմամբ, երեկ Երևանում լրագրողների հետ զրույցում ասել է․ - «Այն, որ Թուրքիան կարող է դրական դեր խաղալ՝ ապահովելով Լեռնային Ղարաբաղի ապաշրջափակումը, ապահովելով նորմալ տնտեսական համագործակցություն տարածաշրջանում, դա այնպիսի կարևոր գործոն է, որը մենք միշտ հաշվի ենք առնում»: «Եթե Հայաստանն ու Թուրքիան հանկարծ վերադառնան իրենց պայմանավորվածությունների կատարմանը, առանց կապելու դա ղարաբաղյան հակամարտության հետ, մենք միայն ուրախ կլինենք: Սակայն մեր տպավորություններով, ղարաբաղյան հակամարտության հարցում առաջընթացը առանցքային նշանակություն ունի հայ-թուրքական հարաբերությունների կարգավորման հարցում», - կարծիք է հայտնել Լավրովը:

Թուրքագետ Ռուբեն Սաֆրաստյանի կարծիքով՝ այս հայտարարությունը պետք չէ լուրջ ընդունել, և այն ամենևին էլ չի արտահայտում Ռուսաստանի պաշտոնական դիրքորոշումը: «Հայտարարությունը, իմ կարծիքով, պետք է ընկալել, այսպես ասած, ոչ թե որպես իրական քաղաքականության արտահայտում, այլ ինչ-որ ընդհանուր դատողություններ ղարաբաղյան հարցի կարգավորման վերաբերյալ», - «Ազատության» հետ զրույցում ընդգծեց Սաֆրաստյանը:

Փորձագետ Անուշ Սեդրակյանն էլ համարում է, որ Լավրովի հայտարարությունն ավելի քան վտանգավոր է հայկական կողմի համար․ - «Ակնհայտորեն, Լավրովի թաքնված, ընդհատակյա սուզաքարերը հետևյալն են, որ մենք գտնվում ենք այժմ, ներկա պահին, Ղարաբաղի հարցի որոշակի սակարկման թեմայի մեջ, որի փոխարեն պետք է բացվի հայ-թուրքական սահմանը»:

Նշենք, որ 2010 թվականի հունվարին այն ժամանակ Ռուսաստանի վարչապետ Վլադիմիր Պուտինը Մոսկվայում ընդունել էր իր գործընկեր՝ Թուրքիայի վարչապետ Ռեջեփ Էրդողանին և այդ հանդիպմանը անդրադառնալով հայ-թուրքական արձանագրություններին՝ ասել. - «Ռուսաստանը ողջունում է թե' Ղարաբաղի, թե' հայ-թուրքական հարաբերությունների կարգավորման ցանկացած դրական որոշում: Սակայն պետք չէ դրանք մեկ փաթեթում միավորել: Այդ երկու խնդիրներից յուրաքանչյուրը շատ բարդ է լուծել՝ առանձին վերցրած, իսկ եթե փորձ արվի դրանք լուծել մեկ փաթեթով, ապա դրանց լուծման հեռանկարը մեխանիկորեն կհայտնվի ամենահեռվում: Գործնական և ռազմավարական տեսանկյուններից այս խնդիրները մեկ փաթեթում միավորելը այնքան էլ ճիշտ որոշում չէ»:

[Vrej1915]

Re: Russians will manage, what they do best: turn their friends into enemies....

ՀԱՊԿ երեւանյան հավաքի եւս մեկ սկանդալային դրվագ
Lragir.am
Քաղաքականություն - 16 Հոկտեմբերի 2016


Երեւանում հոկտեմբերի 14-ին տեղի ունեցած ՀԱՊԿ վեհաժողովի նախօրեին Թուրքիայի ԱԳ նախարար Չավուշօղլուն հայտարարել էր, որ օրակարգում հինգ շրջանների վերադարձն է Ադրբեջանին:
«Ռուսաստանը կիսվեց մեզ հետ այդ գաղափարով, եւ մենք էլ մեր աջակցությունը հայտնեցինք», հայտարարել էր Չավուշօղլուն Ստրասբուրգում ԵԽԽՎ նստաշրջանում, պատասխանելով ադրբեջանցի պատգամավոր Գանիրա Փաշաեւայի հարցին: Այդ համատեքստում նա անդրադարձել է նաեւ Շվեյցարիայում ստորագրված հայ-թուրքական արձանագրություններին, որոնք այդպես էլ արդյունք չտվեցին:

Այլ կերպ ասած, Չավուշօղլուն Ռուսաստանին հիշեցրել է նրա ստանձնած պարտավորությունը ղարաբաղյան կարգավորման գործընթացում:
Չավուշօղլուին Երեւանում ՀԱՊԿ հավաքի ժամանակ «պատասխանել է» ՌԴ ԱԳ նախարար Լավրովը: Ղարաբաղյան հակամարտության կարգավորման հարցում առաջընթացն առանցքային կլինի հայ-թուրքական հարաբերությունների կարգավորման գործում, ասել է նա:

«Եթե հանկարծ Հայաստանն ու Թուրքիան իրենց պայմանավորվածությունները կատարեն առանց ղարաբաղյան հակամարտության հետ կապելու, մենք միայն ուրախ կլինենք, սակայն այնպիսի տպավորություն է, որ ղարաբաղյան հակամարտությունում առաջընթացն առանցքային կլինի հայ-թուրքական հարաբերությունների կարգավորման համար», ասել է Լավրովը, ավելացնելով, որ Թուրքիան կարող է դրական դեր խաղալ՝ վերացնել Լեռնային Ղարաբաղի, Հայաստանի շրջափակումը, ապահովելով նորմալ տնտեսական, լոգիստիկ, տրանսպորտային և ենթակառուցվածքային փոխգործակցություն տարածաշրջանում:

Այլ կերպ ասած, Լավրովը նկատի ունի այն, որ եթե Հայաստանը տարածք հանձնի Ադրբեջանին, ապա Թուրքիան կբացի Հայաստանի հետ սահմանն, ու տրանսպորտը կշարժվի: Այսինքն, Լավրովը Չավուշօղլուին հավաստիացրել է Ռուսաստանի ստանձնած պարտավորության հարցում:

Թուրքական կողմի արձագանքը հետեւել է անմիջապես. «Անկարան դրական է գնահատում Ռուսաստանի արտաքին գործերի նախարար Սերգեյ Լավրովի՝ ղարաբաղյան հակամարտության կարգավորման գործում Թուրքիայի հնարավոր դրական դերի մասին հայտարարությունը»: Այս մասին Թուրքիայի ԱԳՆ-ից հայտնել են ադրբեջանական Թրենդ գործակալությանը: Թուրքիայի ԱԳՆ-ն նշել է, որ աջակցում է Ադրբեջանին և հանդես է գալիս խնդիրը «Ադրբեջանի տարածքային ամբողջականության սահմաններում լուծելու օգտին»:

Այսպիսով, Երեւանում տեղի ունեցած ՀԱՊԿ վեհաժողովը, որի արդյունքում նույնիսկ հայտարարություն չարվեց, իսկ Լուկաշենկոյի խոսքով՝ օրակարգի հարցերն ընդհանրապես չէին ձգում նախագահների մակարդակին, փաստացի անցավ Ադրբեջանի շահերի արձանագրման լույսի ներքո եւ վերածվեց ռուս-թուրքական երկխոսության՝ փոխադարձ հավաստիացումներով:

[Vrej1915]

Re: Russians will manage, what they do best: turn their friends into enemies....

Պուտինն ասել է, թե ՀԱՊԿ-ի նստաշրջանում ինչ են խոսել Ղարաբաղի մասին

http://www.yerkir.am/news/view/115138.html

16 Հոկտեմբերի 2016


ՌԴ նախագահ Վլադիմիր Պուտինը լրագրողներին պատմել է, թե Հավաքական անվտանգության պայմանագրի կազմակերպության անդամ երկրների առաջնորդները վերջին նստաշրջանում ինչ են խոսել Ղարաբաղյան հակամարտության մասին:

«ՀԱՊԿ-ը ստեղծվել է արտաքին բնույթի սպառնալիքները վերացնելու նպատակով: Մենք որևէ կերպ պետք է արձագանքենք մեր շուրջ տեղի ունեցող իրադարձությանը, սակայն պետք է աշխատենք, որ անցյալից մեզ հասած բոլոր խնդիրները կարգավորվեն խաղաղ ճանապարհով և փոխզիջումների հիման վրա, որոնց պատրաստ են բոլոր կողմերը: Այս համատեքստում քննարկել ենք նաև ղարաբաղյան խնդիրը», - ասել է Պուտինը:

[Vrej1915]

Re: Russians will manage, what they do best: turn their friends into enemies....

Պուտինն ասել է, թե ինչու չի ճանաչում Ղարաբաղը
Lragir.am
Քաղաքականություն - 17 Հոկտեմբերի 2016,



Երեւանից Հնդկաստան մեկնած ՌԴ նախագահ Պուտինը հայտարարել է, որ ՀԱՊԿ երկրների ղեկավարներն ուրբաթ օրը Երեւանում կայացած հանդիպմանը քննարկել են ղարաբաղյան հիմնախնդիրը՝ փոխզիջում գտնելու անհրաժեշտության ենթատեքստում:

Պուտինի խոսքով՝ «մեզ համար նույնիսկ կարևոր չէ, մտնում է, թե չի մտնում այս կամ երկիրը՝ ԽՍՀՄ նախկին հանրապետությունը ՀԱՊԿ կազմի մեջ։ Կարևոր է, որ մենք այդ բոլոր երկրների հետ ունենք հատուկ, պատմականորեն ձևավորված հարաբերություններ։ Մենք չենք կարող դա հաշվի չառնել», հավելել է ՌԴ նախագահը։

ՀԱՊԿ երեւանյան հավաքի նախօրեին եւ ընթացքում Ղարաբաղի թեմայով տեղի ունեցան մի շարք իրադարձություններ: Նախ ԱՄՆ պետքարտուղար Քերրին հայտարարեց, թե ղարաբաղյան խնդրի լուծման հնարավորություններ չկան, որին բավական կոշտ արձագանքեցին ՌԴ ԱԳՆ-ն եւ Ադրբեջանի նախագահի աշխատակազմը:

ՀԱՊԿ հավաքի նախօրեին Թուրքիայի ԱԳ նախարար Չավուշօղլուն փաստացի Ռուսաստանին հիշեցրեց նրա պարտավորությունը, մասնավորապես 5 շրջանները Ադրբեջանին վերադարձնելու մասով: Ի պատասխան, ՌԴ ԱԳ նախարարը Երեւանում Թուրքիային փաստացի հավաստիացրեց, որ չեն մոռացել այդ հանգամանքը, որից հետո պաշտոնական Անկարան հայտնեց իր գոհունակությունը:

Եվ ահա, ԲՐԻԿՍ-ի վեհաժողովում Պուտինը հայտարարում է, որ կարեւոր չէ՝ տվյալ երկիրը մտնում է ՀԱՊԿ կազմի մեջ, թե ոչ, «Կարևոր է, որ մենք այդ բոլոր երկրների հետ ունենք հատուկ, պատմականորեն ձևավորված հարաբերություններ։ Մենք չենք կարող դա հաշվի չառնել»:

Ղարաբաղյան խնդրի համատեքստում այդ երկիրը Ադրբեջանն է, որին փաստացի հաջողվեց երեւանյան հավաքը վերածել իր շահերի արձանագրման միջոցառման:

Քերրին փաստացի առաջարկել է ճանաչել ստատուս-քվոն եւ ղարաբաղյան հակամարտության գոտում ներդնել հետաքննության մեխանիզմներ, որին դեմ են Բաքուն եւ Մոսկվան: Եթե Ռուսաստանը, որը նախագահի խորհրդականի մակարդակով նույնպես խոստովանել է, որ կարգավորման բանակցությունները մտել են փակուղի, ճանաչի ստատուս-քվոն եւ համաձայնվի հետաքննության մեխանիզմների ներդրմանը, դա արդեն որոշակի երաշխիք ու հանգրվան կլինի Ղարաբաղյան գործընթացում, ռազմական գործողությունները բացառելու եւ հետագա հնարավոր ճանաչման առումով:

Ակնհայտ է, որ Ադրբեջանն առանց Ռուսաստանի համաձայնության որեւէ գործողության չի գնա ղարաբաղյան հակամարտության գոտում: Բացի այդ, Բաքուն ներկայում այնպիսի իրավիճակում է, որ ինչպես Ալիեւն է հայտարարում՝ ողջ աշխարհը դեմ է Ադրբեջանին, այսինքն՝ այնտեղ էլ են հասկացել, որ ստատուս քվոյին ներկայում այլընտրանք չկա:

Ներկայում ստատուս քվոն ճանաչելու հարցում փաստացի մնացել է միայն Ռուսաստանի համաձայնությունը, որն այդպիսով հայտնվել է չափազանց բարդ, երկիմաստ իրավիճակում:
Ռուսաստանը թղթերով Հայաստանի դաշնակիցն է, բայց «հաշվի է առնում Ադրբեջանի հետ հատուկ հարաբերությունները»: