Announcement

Collapse

Forum Rules (Everyone Must Read!!!)

1] What you CAN NOT post.

You agree, through your use of this service, that you will not use this forum to post any material which is:
- abusive
- vulgar
- hateful
- harassing
- personal attacks
- obscene

You also may not:
- post images that are too large (max is 500*500px)
- post any copyrighted material unless the copyright is owned by you or cited properly.
- post in UPPER CASE, which is considered yelling
- post messages which insult the Armenians, Armenian culture, traditions, etc
- post racist or other intentionally insensitive material that insults or attacks another culture (including Turks)

The Ankap thread is excluded from the strict rules because that place is more relaxed and you can vent and engage in light insults and humor. Notice it's not a blank ticket, but just a place to vent. If you go into the Ankap thread, you enter at your own risk of being clowned on.
What you PROBABLY SHOULD NOT post...
Do not post information that you will regret putting out in public. This site comes up on Google, is cached, and all of that, so be aware of that as you post. Do not ask the staff to go through and delete things that you regret making available on the web for all to see because we will not do it. Think before you post!


2] Use descriptive subject lines & research your post. This means use the SEARCH.

This reduces the chances of double-posting and it also makes it easier for people to see what they do/don't want to read. Using the search function will identify existing threads on the topic so we do not have multiple threads on the same topic.

3] Keep the focus.

Each forum has a focus on a certain topic. Questions outside the scope of a certain forum will either be moved to the appropriate forum, closed, or simply be deleted. Please post your topic in the most appropriate forum. Users that keep doing this will be warned, then banned.

4] Behave as you would in a public location.

This forum is no different than a public place. Behave yourself and act like a decent human being (i.e. be respectful). If you're unable to do so, you're not welcome here and will be made to leave.

5] Respect the authority of moderators/admins.

Public discussions of moderator/admin actions are not allowed on the forum. It is also prohibited to protest moderator actions in titles, avatars, and signatures. If you don't like something that a moderator did, PM or email the moderator and try your best to resolve the problem or difference in private.

6] Promotion of sites or products is not permitted.

Advertisements are not allowed in this venue. No blatant advertising or solicitations of or for business is prohibited.
This includes, but not limited to, personal resumes and links to products or
services with which the poster is affiliated, whether or not a fee is charged
for the product or service. Spamming, in which a user posts the same message repeatedly, is also prohibited.

7] We retain the right to remove any posts and/or Members for any reason, without prior notice.


- PLEASE READ -

Members are welcome to read posts and though we encourage your active participation in the forum, it is not required. If you do participate by posting, however, we expect that on the whole you contribute something to the forum. This means that the bulk of your posts should not be in "fun" threads (e.g. Ankap, Keep & Kill, This or That, etc.). Further, while occasionally it is appropriate to simply voice your agreement or approval, not all of your posts should be of this variety: "LOL Member213!" "I agree."
If it is evident that a member is simply posting for the sake of posting, they will be removed.


8] These Rules & Guidelines may be amended at any time. (last update September 17, 2009)

If you believe an individual is repeatedly breaking the rules, please report to admin/moderator.
See more
See less

Amulsar will remain a Montain

Collapse
X
  • Filter
  • Time
  • Show
Clear All
new posts

  • #51
    Կա մի պաշտոնյա, որն իր ներքին իրավունքով ավելի բարձր է, քան Փաշինյանը. խոսքը Տիգրան Ավինյանի մասին է. Հակոբ Սանասարյան

    09.09.19

    Քաղաքականություն




    Վարչապետ Նիկոլ Փաշինյանի հայտարարություններն Ամուլսարի վտանգների, դրանց հիմնավորվածության վերաբերյալ, բացարձակորեն հիմնազուրկ են: Պարզ երևում է, որ նա չի կարդացել ՇՄԱԳ փաստաթուղթը: Այս մասին Tert.am-ի հետ զրույցում ասաց Հայաստանի կանաչների միության նախագահ Հակոբ Սանասարյանը:


    Վարչապետ Փաշինյանին իրական տեղեկություններ չեն տալիս, թաքցնում են, քանի որ կան բոլոր հիմքերը, այդ ապօրինի ծրագիրն ի չիք դարձնելու: Շրջակա միջավայրի ազդեցության գնահատման դրական եզրակացությունն ստացվել է կեղծիքով: Եզրակացության մեջ ամբողջովին ծածկել են այն սպառնալիքները, որոնք վերաբերում են Հայաստանի հողին, ջրին, մթնոլորտային օդին, կենդանական և բուսական աշխարհին, մարդկանց առողջական վիճակին: Ամուլսարի ՇՄԱԳ-ը 840 էջանոց փաստաթուղթ է՝ բազում կոծկումներով, թերություններով: Կան աճպարարություններ՝ իբր մեղմման միջոցներ են կիրառվելու. դրանք ընդհանրապես քննության ենթակա չեն, քանի որ շատերն ուղղակի անհեթեթ են,- նշեց Հակոբ Սանասարյանը:
    Հիշեցնենք, որ վարչապետ Նիկոլ Փաշինյանն իր ֆեյսբուքյան էջում ուղիղ եթերով այսօր հայտարարել էր, որ Ամուլսարի հանքի շահագործումը թույլ չտալու որևէ իրավական հիմք չկա և Ջերմուկի բնակիչներին խնդրել էր ապաշրջափակել Ամուլսարի հանք տանող ճանապարհները:

    Նիկոլ Փաշինյանը նաև ասել էր, որ Լիդիան ընկերությունն ամենաբարձր մակարդակով խոստանում է ապահովել անվտանգությունը և պահպանել բոլոր չափանիշները։ Այս հայտարարության վերաբերյալ Հայաստանի կանաչների միության նախագահը նշեց. Հավանաբար նա բնակչությանն ուզում է ասել, որ ինչպես նա բարձր մակարդակի կեղծիքով ստացավ ՇՄԱԳ դրական եզրակացությանը, նույն բարձր մակարդակի աճպարարությամբ պետք է շահագործի: Ով ուսումնասիրել է խնդիրը, գիտի, որ սա վիրավորական է հայ ժողովրդի, հայոց պետականության համար, որ օրը ցերեկով սևը սպիտակի տեղ են ուզում անցկացնել:
    Հակոբ Սանասարյանի խոսքով՝ Նիկոլ Փաշինյանն իրեն փայլուն է դրսևորել լիբանանյան Էլարդ փորձագիտական խմբի հետ հանդիպմանը, սակայն դրան չեն հետևել նույն տրամաբանությամբ գործողություններ. Հիմա չեմ հասկանում՝ ինչո՞ւ նա չի ուզում այդ ամեն ինչը հասկանալ, կամ ձևացնում է, որ չի հասկանում: Կա երկու Նիկոլ Փաշինյան, մեկը հրաշալի հռետոր, վերլուծաբան, և կա մեկ այլ Նիկոլ Փաշինյան, որին ես ականատես եղա օգոստոսի 19-ի փակ քննարկմանը և դրանից հետո, երբ իր համար բոլոր դռները բացվեցին, երբ պարզվեց, որ Քննչական կոմիտեն 100 տոկոսանոց սուտ է ասում, որ ռիսկերը կառավարելի են:
    Նրա համոզմամբ՝ 2018 թ.-ի ապրիլին հայ ժողովուրդը իշխանափոխություն էր պահանջում նաև, որպեսզի հանքարդյունաբերությունը հարմարեցվեր ՀՀ տնտեսության և հայ ժողովրդի շահերին:
    Հավանաբար Իվանյանին կարգադրող կա՝ ստի՛ր, մենք քո թիկունքում ենք: Կա մի բարձրաստիճան պաշտոնյա, որը գուցե իր ներքին իրավունքով ավելի բարձր է, քան Նիկոլ Փաշինյանը: Տիգրան Ավինյանի մասին է խոսքը: Կարող է և չեն հասկանում, թե ինչ աղետալի ծրագիր է: Երկրորդ՝ կան մարդիկ, որոնց համար շատ կարևոր է շահադիտական նպատակը: Պատահական չէ, որ ժամանակին ասում էին՝ վայրենի կապիտալիզմի նպատակը հետևյալն է՝ երկնքից իջեցնել ժողովրդի պաշտած աստվածներին և այնտեղ տեղափոխել փողը,- ասաց Հակոբ Սանասարյանը:
    Մանրամասները՝ տեսանյութում:


     

    Comment


    • #52
      Քաղաքացիական խաղաղ անհնազանդությունը այն ճանապարհն է, որ կարող է Ամուլսարի խնդիրը լուծել կարճ ժամանակում

      ՍԻՐԱՆՈՒՅՇ ՊԱՊՅԱՆ, Հարցազրուցավար
      10.09.2019









      Մեր զրուցակիցն է Քաղաքացու որոշում սոցիալ-դեմոկրատական կուսակցության անդամ Գարեգին Միսկարյանը

      Պարոն Միսկարյան, Նիկոլ Փաշինյանը հայտարարել է, որ այս պահի դրությամբ մենք չունենք Ամուլսարի հանքի շահագործումը արգելելու որևէ իրավական հիմնավորում և կոչ արեց ջերմուկցիներին բացել Ամուլսար տանող ճանապարհը։ Իշխանական պատգամավորներն էլ նշում են, որ կայացվել է Ամուլսարի հանքավայրի շահագործման հարցում միանշանակ ճիշտ որոշում։ Ի՞նչ քայլեր եք ձեռնարկելու։


      06










      Ես համաձայն չեմ Նիկոլ Փաշինյանի հետ։ ՇՄԱԳ-ը ուժը կորցրած ճանաչելու բազմաթիվ հիմքեր կային և կան։ Ես կարծում եմ հանքը շահագործելու քաղաքական որոշում է կայացվել, ավելին՝ այն նոր չի կայացվել, այլ նախքան ընտրությունները, և Փաշինյանի կողմից այս քայլի նպատակը պարզապես ժամանակ շահելն է։ Երկրորդ հիմքը, որ նա նշեց, տնտեսական բաղադրիչն էր, ինչը նույնպես կեղծ թեզ է, որովհետև միանշանակ է, որ հանքի շահագործումը երկարաժամկետ պլանում ավելի մեծ վնասներ է հասցնելու մեր երկրի տնտեսությանը, քան կլինեն այն ենթադրյալ, բայց խիստ կասկածելի օգուտները, որ կստանա կառավարությունը հանքի շահագործումից։
      Մեր նախորդ զրույցում Դուք հույս էիք հայտնում, որ լրացուցիչ ՇՄԱԳ կհայտարարվի այս փուլում, սակայն դա տեղի չի ունենա գոնե հիմա։ Ինչպե՞ս պետք է հասնել խնդրի լուծմանը՝ բացառելով բախումները։
      Խնդրի լուծումը շատ պարզ է. ՇՄԱԳ-ը ուժը կորցրած ճանաչելը այլընտրանք չունի։ Դրա համար պարզապես խիզախություն էր պետք սթափ գնահատել իրականությունը։ Ցավոք, կառավարությունը՝ ի դեմս վարչապետի, ամեն ինչ անում է լղոզելու համար իր տված խոստումը, այն է` հանքը չշահագործել բնապահպանական ռիսկերի դեպքում։ Ինչպես տեսանք երեկ, կառավարությունը, փոխանակ հենվեր Էլարդի եզրակացության վրա, նստել Լիդիանի բանավոր խոստումներն է հիմք ընդունում։ Տեսեք, Էլարդը ասում է, որ ՇՄԱԳ-ը թերի է, կիսատ է, բավարար տեղեկատվություն չկա վստահ լինելու համար, որ ռիսկերը կառավարելի են։ Իսկ երեկ Լիդիանի ղեկավարը ասաց, որ իրենք շարժվելու են բացառապես ՇՄԱԳ-ով։ Պարզ է, չէ՞, որ երկուսն էլ ճիշտ են, բայց Փաշինյանը չգիտես ինչու որոշել է, որ հանքի շահագործումը վտանգ չի ներկայացնում։
      Պարոն Միսկարյան, արդյոք այս հարցի կապակցությամբ իշխանությունում վերադասավորումներ կլինեն։

      Հայտնի է, որ կառավարող ուժի մեջ նույնպես կան մարդիկ, որոնք դեմ են հանքի շահագործմանը, բայց թե նրանք կգտնվե՞ն այնքան սկզբունքային, որպեսզի հանուն իրենց գաղափարների դուրս գան ԻՔ դաշինքից, դառնան անկախ պատգամավորներ, կամ գտնվեն նախարարներ, որոնք հրաժարական կտան, դժվարանում եմ ասել։
      Քաղաքացիական անհնազանդության ալի՞ք է բարձրանալու։
      Այս պահին, իմ գնահատմամբ, հարցի հանգուցալուծման արդյունավետ քաղաքական ճանապարհները սպառված են և, այո, քաղաքացիական խաղաղ անհնազանդությունը այն ճանապարհն է, որ կարող է խնդիրը լուծել կարճ ժամանակում և առանց մեծ ցնցումների։ Գործիքները շատ տարբեր են, ներկայում քննարկում ենք դրանց ընտրության, նախապատվության հարցը։


      Comment


      • #53
        Հովիկ Աղազարյանն Ամուլսարի հարցի լուծման տարբերակ է առաջարկել

        Lragir.am,
        11.09.2019








        ԱԺ Իմ քայլը խմբակցության պատգամավոր Հովիկ Աղազարյանը խորհրդարանում լրագրողների հետ զրույցում ասաց, որ Ամուլսարի հանքավայրի հարցը կարող է լուծվել իշխանության նկատմամբ վստահության հանրաքվեի միջոցով։
        Եթե ջերմուկցիների համար մեր բացատրությունները կլինեն անընդունելի կամ հասարակության լայն շրջանակների համար լինեն անընդունելի, ապա դա ունի շատ հասարակ լուծում։ Կարելի է նախաձեռնել անվստահություն իշխանությունների նկատմամբ, անցկացնել հանրաքվե՝ իշխանությունների նկատմամբ վստահության կամ անվստահության և ըստ այդմ անել հաջորդ քայլերը։ Եթե, ենթադրենք, հանրաքվեի արդյունքով հասարակության մեծամասնությունը չի վստահում իշխանություններին, ապա կանցկացվեն ԱԺ արտահերթ ընտրություններ, որտեղ մեր թիմը նորից հանդես կգա այն տեսակետներով, որոնք ունեցել է։ Եվ կհայնտվեն թիմեր, որոնք կասեն՝ մենք կգանք և Ամուլսարը կփակենք։ Եվ այդ ժամանակ ժողովուրդն իր ընտրությունը կկայացնի,- ասաց Հովիկ Աղազարյանը։
        Հարցին, թե իր կարծիքով՝ հասարակության մեծամասնությունը շարունակո՞ւմ է վստահել գործող իշխանություններին, Աղազարյանը պատասխանեց, որ իշխանության նկատմամբ վստահության աստիճանը դեռևս բավական բարձր է։ Ժողովուրդը կարող է անվստահությամբ լցվել իմ նկատմամբ, որևէ մարզպետի կամ նախարարի նկատմամբ, բայց վարչապետի վարկանիշը շարունակում է մնալ բարձր։ Եվ, հետևաբար, ես չեմ կարծում, որ հանրաքվեի դեպքում մեր թիմը պարտություն կրի։ Բայց դա քաղաքակիրթ լուծումն է, որպեսզի բոլորը՝ կապանցին, նոյեմբերյանցին, ջերմուկցին ընդունի, որ իշխանության նկատմամբ վստահությունն ունի ամենաբարձր աստիճան,- հավելեց նա։


         

        Comment


        • #54
























          0:20 / 24:40

















          5-րդ շարասյունն աղոթում է, որ Փաշինյանը գործարկի Ամուլսարի հանքը․ Ժիրայր Սեֆիլյան




           

          Comment


          • #55
            Հայաստանի կառավարությունն անցել է ռուբիկոնը. Ամուլսարի հարցում վստահություն չկա

            ՍԻՐԱՆՈՒՅՇ ՊԱՊՅԱՆ
            11.09.2019









            Մեր զրուցակիցն է Քաղաքացու որոշում սոցիալ-դեմոկրատական կուսակցության անդամ Միքայել Նահապետյանը
            Այսօրվանից մեկնարկում են Ամուլսարի հանքի շահագործման դեմ ակցիաները։ Ինչպիսի՞ մասնակցություն է ունենալու ձեր կուսակցությունը և այս փուլում դեռ տեսնո՞ւմ եք փոխզիջումային տարբերակ կառավարության հետ։

            Այսօր նախատեսված էր առաջին գործողությունը։ Սա մեկնարկային, նախազգուշական փոքրիկ ակցիա է։ Հայկական բնապահպանական ճակատ նախաձեռնությունն է իրականացնում այդ գործողությունը, սա մեզ համար ընդունելի նախաձեռնություն է, և կա լիարժեք փոխըմբռնում այն հարցի շուրջ, որ Ամուլսարը պետք է սար մնա, և մենք՝ ակտիվ քաղաքացիներս, երկար տարիներ բարձրացրել ենք սեփական միջավայրի ճակատագիրը որոշելու, Հայաստանում այլ որակի տնտեսություն, այլ որակի էկոլոգիական քաղաքականություն ունենալու հարցը, պետք է շարունակենք մնալ այն նույն սկզբունքների մեջ, որ եղել ենք։ Եվ եթե չի փոխվել այն քաղաքականությունը, որը կար տարիներ առաջ, ապա չպետք է փոխվեն նաև մեր գործողությունները, որոնք կային տարիներ առաջ։ Եթե կա խնդիր, մենք դրան մոտենալու ենք նույն կերպ, և մեզ համար կապ չունի, թե ովքեր են մեր դիմաց կանգնում, որովհետև լավագույն ցանկություններով կարելի է ամենավատ քայլերն անել։
            Ինչ վերաբերում է փոխզիջմանը, ապա, այո, հնարավոր է փոխզիջում հետևյալ կերպ. կառավարությունը չեղարկում է Ամուլսարի հանքի ՇՄԱԳ փորձաքննության դրական եզրակացությունը, և հանրությունը սկսում է քննարկել՝ արդյոք կառավարությունն այն կազմով, որով կա, ունակ է լուծել մեր առջև ծառացած խնդիրները, թե այդ կազմը պետք է փոփոխության ենթարկվի։ Տեղի է ունեցել մեծագույն կեղծիք, մարդիկ հայտարարել են սկզբունք, գնացել է գործընթաց, գործընթացն ի վերջո հանգեցրել է նրան, որ տրամաբանորեն պետք է իրենց հռչակած սկզբունքների բերումով այդ հանքը փակվեր, սակայն իրենք սկսել են մանիպուլացնել պրոցեսը։ Այս ամենից հետո, ենթադրում եմ, որպես փոխզիջում կլինի այն, որ հանրությունը պատրաստ կլինի քննարկել իրենց վստահության հարցը։ Եվ գուցե այդ հնարավորությունը կա, որ նրանք փորձեն ուղղել այդ սխալները։
            Կարծում եք՝ վստահության կորստի առա՞ջ է կանգնելու իշխանությունը Ամուլսարի խնդրի հետ կապված։
            Ամուլսարի հարցի շուրջ ՀՀ կառավարությունը չունի վստահություն։ Հայաստանի կառավարությունն անցել է ռուբիկոնն այն պահից, երբ հայտարարել է, որ եթե հանքը ունենա բնապահպանական ռիսկեր, չի շահագործվելու, և ԷԼԱՐԴ-ի հետ տեսակոնֆերանսում պարզելով, որ ունի բնապահպանական ռիսկեր, եկել ասել է՝ բացեք ճանապարհները, գնում ենք դեպի շահագործում։ Սա հայտարարած սկզբունքներից հետ կանգնելու դրսևորում է, որը չի ներվել որևէ քաղաքական ուժի կամ գործչի, և ես վստահ եմ, որ չի ներվելու կարճաժամկետ և երկարաժամկետ հեռանկարում։ Այո, այս պահին խոսքը չի գնում այն մասին, որ կառավարությունը տոտալ կորցրել է իր վստահությունը և վաղը պետք է հրաժարական տա։ Պարզապես սասանված է վստահության մթնոլորտը, և կառավարությունը մեծագույն անելիք ունի այդ վստահությունը վերականգնելու ճանապարհին, որովհետև կառավարությանը տրվել էր մեկուկես տարի ժամանակ, որպեսզի իրենք այդ գործընթացը տանեին տրամաբանական ուղղությամբ և հանգեին հանրության պահանջներից բխող լուծումների, իրենք այդ պրոցեսն անընդհատ փորձել են մանիպուլացնել։ Եկել է բացասական եզրակացություն, մինչդեռ գոռգոռացել են, թե դրական է, հետո ԷԼԱՐԴ-ի հետ տեսակոնֆերանսից հետո հայտարարել են, որ պետք է հետևություններ անել, հետո հայտարարել են, որ մեր հետևությունը նույնն է, ինչ դրանից առաջ էր, հետո հայտարարվել է, որ պետք է շահագործվի, որովհետև մենք օրինական մեխանիզմներ չունենք այն դեպքում, երբ վերջին ութ ամսում պառլամենտում պարզ չի, թե ինչով են զբաղված եղել, եթե չեն փոխել այն օրենքները, որոնք խանգարում են մեզ մեր շահերը սպասարակելու։
            Դանակը հասել է մարդկանց ոսկորին։ Եվ սպասելու արդյունքն այն է եղել, որ գործընթացը տեղից չի շարժվել։ Հիմա մարդիկ հարցեր են բարձրացնում, որոնք վստահության մթնոլորտը խաթարում են։ Եվ կոնկրետ Ամուլսարի խնդրի շուրջ չկա այդ վստահության մթնոլորտը։ Եվ այս վստահության ճգնաժամն էլ ավելի կխորանա, եթե հանկարծ հետագա քայլերում իրենք որոշեն արկածախնդրության գնալ Ամուլսարի հարցի լուծման ճանապարհից։ Կա վստահության ճգնաժամ, և կառավարությունը դրանից մեծագույն հետևություններ ունի անելու։
            Վարչապետը խոստացավ, որ հանքը չի շահագործվի մինչև ապրիլ, միայն կոչ է անում ապաշրջափակել հանք տանող ճանապարհը։
            Եկեք մի քիչ հետ գնանք։ Վարչապետը գնացել է Ջերմուկ, իրեն ասել են, որ մեր լսված լինելու իրավունքը խախտվել է, մենք չենք կարողացել մեր շրջակա միջավայրի, մեր տնտեսական գործունեության հետագա փուլի վերաբերյալ որոշում կայացնել։ Վարչապետը հայտարարել է, որ այս ամենը մի կողմ, միջազգային անհերքելի հեղինակություն ունեցող ԷԼԱՐԴ-ն ինչպես ասաց, այդպես է։ Եվ եթե պարզվեց՝ կան ռիսկեր, մեզ ոչինչ չի հետաքրքրում, հանքը չի շահագործվելու, եթե պարզվեց՝ չկան ռիսկեր, հանքը շահագործվելու է։ Շատ պարզ է խնդիրը դրվել, բայց վարչապետը ամսի տասնիննին հայտարարել է, որ ռիսկեր չեն առաջանում, հանքը պետք է շահագործվի։ Հետևաբար, մենք ինչ պետք է անենք, մենք պետք է մեր հռչակած սկզբունքին հավատարիմ մնանք։ Ֆենոմենալ է, երբ մարդը գոստոսի 19-ին ասում է, որ եթե մենք հընթացս սկսենք պայմանները խմբագրել, անլուրջ կընկալվենք, քսան օր հետո գալիս է և սկսում հընթացս պայմանները խմբագրել։
            Երբ հայտարարվում է մինչև ապրիլ, սա ժամանակ ձգելու դրսևորում է, ինքը շատ հստակ է ասել, որ եթե ռիսկեր կան` չի շահագործվելու, հիմա մարդիկ այդ հստակությունն են պահանջում իրենից։ Մարդիկ այդ ծուղակի մեջ չեն հայտնվելու, և որևէ մեկը իրավունք չունի պահանջելու այդ վստահությունը, որովհետև մենք հիշում ենք նույն կուտակային կենսաթոշակային համակարգի հետ կապված հայտարարել են, որ եկեք հետաձգենք, երեք տարուց նոր ուժի մեջ կմտնի, կարող է չեղարկում ենք, և մենք տեսել ենք, թե ինչպես ամենաթունդ ընդդիմախոս մարդը եկել հայտարարել է, որ իրավիճակի փոփոխության բերումով ես արդեն կողմ եմ, մեկ տարի էլ ես եմ իմ կողմից հետաձգում, սուբսիդավորում, բայց միևնույն է, դա լինելու է։

            Վարչապետը բնապահպանական տեսչությանը հանձնարարել է ստուգումներ սկսել Ամուլսարում։
            Տեսչությունը մեկ անգամ արդեն եղել է տարածքում, և եթե խնդիրներ լիներ այնտեղ, Արթուր Գրիգորյանի գլխավորությամբ դրանք մաքսիմալ արձանագրվելու էին։ Այս հարցերի պատասխանը չի տրվել, քանի որ տեսչությունը մի մարմին է, որը ստուգում է առկա իրավիճակի համապատասխանությունը ՇՄԱԳ-ին, իսկ առկա իրավիճակը շինարարություն է, այնտեղ հանք չկա, որ տեսչությունը գնա հասկանա, թթվային դրենաժ ունի, թե ոչ, այդ հանքը այս կամ այն ուղղությամբ փոշի տարածում է, թե ոչ։ Պարզ է, որ ինքը գնալու է ստուգի այն, ինչ այդ պահին կա։ Եվ այս թեզի շահարկումը կարող է խոսել մեկ բանի մասին, որ կամ հանրությանը մոլորեցնում են, կամ այդ մարդիկ ընդհանրապես չեն տիրապետում՝ ինչ բան է կառավարական ապարատ, և որ մարմինն ինչի համար է։ Երկուսն էլ սարսափելի վտանգավոր են, որովհետև մի դեպքում գործ ունենք մարդկանց հետ, որոնք հանրությանը գցելու մտայնություն ունեն, մյուս դեպքում՝ նրանց, հետ, որոնք այնքան վտանգավոր են, քանի որ չգիտեն՝ իրենց ձեռքի գործիքն ինչի համար է։ Եվ այդ մարդկանցից ամեն ինչ կարելի է սպասել։ Սա մոտավորապես նման է նրան, որ չորս տարեկան երեխայի ձեռքին տալիս են էլեկտրական սղոց։ Սարսափելի վտանգավոր են երկու տարբերակն էլ, եթե դու ունես այդ որակի աշխատող կառավարություն։


            Comment


            • #56
              Արարատ Միրզոյանը հանդիպեց Ամուլսարի հանքի շահագործման դեմ երթի մասնակիցներին

              Lragir.am,
              11.09.2019








              Ազգային ժողովի շենքի մոտից մեկնարկեց Ամուլսարի հանքի շահագործմանը դեմ քաղաքացիների բողոքի ակցիան: Արմենպրես-ի փոխանցմամբ, բողոքի ակցիայի մասնակիցներին հանդիպեց ԱԺ նախագահ Արարատ Միրզոյանը:

              ԱԺ նախագահն ի սկզբանե նշեց, որ բովանդակային քննարկման չի մասնակցելու, եկել է միայն տեխնիկական հարցեր քննարկելու: Նախորդ անգամ եղել էր քաշքշուկ, լարվածություն, որը կարող էր չլինել: Ես եկել եմ, որպեսզի այլևս նման բան չլինի,- ասաց Արարատ Միրզոյանը՝ հորդորելով բողոքի մասնակիցներին ԱԺ շենքի տարածքում պահպանել անվտանգության կանոնները:
              Հանքի շահագործման մասին ակցիայի մասնակիցների հարցին ի պատասխան՝ Արարատ Միրզոյանը նշեց, որ Ամուլսարի շահագործման հետ կապված բազմաթիվ մտահոգություններ համարում է անտեղի, իսկ մտահոգությունների մի մասն էլ կիսում է: Հանքի շահագործման հետ կապված կան ընթացակարգեր, որոնք պետք է անցնեն՝ որոշում կայացնելու համար,- ասաց ԱԺ նախագահը:
              Այնուհետև բողոքի ակցիայի մասնակիցները հավաքվեցին ԱԺ շենքի բակում և որոշ ժամանակ անց երթը մեկնարկեց:
              Այն անցնում է Բաղրամյան-Մաշտոց-Ամիրյան պողոտաներով և ավարտվելու է Հանրապետության հրապարակում:


              Comment


              • #57
                Շրջակա միջավայրի նախարարությունը հրապարակել է elard-ի հաշվետվության վերաբերյալ եզրակացությունը

                Comment


                • #58
                  Մեկնարկել է Ամուլսարի պաշտպանության երթը
                   

                  Comment


                  • #59
                    Ամուլսարում կատարված աշխատանքները 10-20 անգամ բարձր գներով են ձևակերպված. Սերգեյ Բագրատյան

                    Lragir.am,
                    12.09.2019








                    ՀՀ Ազգային ժողովի Բարգավաճ Հայաստան խմբակցության անդամ Սերգեյ Բագրատյանն առաջարկում է Ամուլսարը շահագործող Լիդիան Արմենիա ընկերության ներկայացրած հաշվետվության ստուգման համար կազմել քննիչ հանձնաժողով:

                    Արմենպրեսի փոխանցմամբ՝ այս մասին Բագրատյանը հայտնեց սեպտեմբերի 12-ին ՀՀ Ազգային ժողովի նիստում:
                    Այն թվերը, որ ներկայացված են Ամուլսարը շահագործող Լիդիան Արմենիա ընկերության հաշվետվություններում, մեր մասնագետների հաշվարկով խիստ չափազանցված են: Մենք հանդիպել ենք Ջերմուկի, Գնդևազի այն աշխատակիցներին, որոնք շինարարության ընթացքում այդ աշխատանքները իրականացրել են, և նրանք մեզ օգնելու են պարզելու, որ այդտեղ կատարված աշխատանքները 10-20 անգամ բարձր գներով են ձևակերպված, և մեր հայկական մասնագետների գնահատմամբ այդ աշխատանքները կազմում են ոչ ավելի, քան 20 մլն դոլար: Առաջարկում եմ հենց այսօր ձևավորենք քննիչ հանձնաժողով հանքարդյունաբերության խնդիրներն ուսումնասիրելու, այդ թվում նաև այդ ծախսային մասը ֆիքսելու, հասարակությանը ներկայացնելու նպատակով,- ասաց Բագրատյանը:


                    Comment


                    • #60
                      Առաջիկա օրերին սպասվում են ավելի զանգվածային ցույցեր. Փաստ

                      Lragir.am,
                      13.09.2019








                      Փաստ թերթը գրում է. Փաստ թերթի տեղեկություններով, իշխանությունները, հասկանալով, որ բառացիորեն տանուլ են տալիս Ամուլսարի հարցում, նախաձեռնել են թեման հնարավոր ձեւերով ջրելու տարբերակներ առաջ քաշել՝ հանրային ուշադրությունը շեղելու համար։

                      Իշխանությունում հասկացել են, որ սկանդալային ձերբակալությունների շարքն այլեւս չի աշխատում եւ փորձում են հանրությանը նոր տեսարաններ մատուցել։ Սակայն փաստն այն է, որ բնապահպանները եւ ջերմուկցիները տրամադրված են բավականին վճռական եւ չեն պատրաստվում հետքայլ անել։
                      Ավելին, խոսակցություններ կան, որ Ամուլսարի շահագործման դեմ պայքարը բոլոր նախապայմաններն ունի նոր էլեկտրիկ Երեւան դառնալու համար։
                      Առաջիկա օրերին սպասվում են ավելի զանգվածային ցույցեր, որոնց իրենց մասնակցությունը կբերեն նաեւ մի շարք հայտնի դեմքեր, այդ թվում՝ շոուբիզնեսից։ Կառավարական աղբյուրի փոխանցմամբ, այս մասին զեկուցվել է Փաշինյանին եւ նշվել, թե ինչ հնարավոր ռիսկեր կարող է դա ունենալ, այդ թվում՝ քաղաքական։
                      Պատահական չէ, որ նախօրեին տեղի ունեցած երթի ժամանակ ցուցարարները իրենց վանկարկումների մեջ պահանջում էին Փաշինյանի հրաժարականը:

                      Last edited by Vrej1915; 09-12-2019, 10:08 PM.

                      Comment

                      Working...
                      X