Re: Military Forces of the Republic of Armenia
Բարի, աշխատասեր, խաթրին չկպնող. Աշտարակում սգում են զինծառայողի կորուստը (ֆոտո)
20.03.2015
Հակառակորդի դիվերսիոն գործողության հետեւանքով այսօր՝ մարտի 19-ին զոհված զինծառայող, 19-ամյա Էդուարդ Հայրապետյանը սոցիալապես անապահով ընտանիքից էր, ապրում էր հոր եւ հորեղբոր ընտանիքի հետ Արագածոտնի մարզի Աշտարակ քաղաքի Մուղնի թաղամասում: 10 հոգանոց ընտանիքը, որտեղ 4 անչափահաս կա, կիսաքանդ շինությունում է ապրում, Էդուարդի հորեղբայրն ու հայրն իրենց հույսը նրա հետ էին կապում։
«Շատ դժվար ապրել են, ամբողջ օրը՝ առավոտից իրիկուն աշխատել են, որ օրվա հաց վաստակեն: Էդոն 3 ամսից պետք է զորացրվեր, իրենք հույսները դրել էին, որ բանակից գար, ամբողջ տունը ինքը պետք ա պահեր: 4 անչափահաս երեխա կա ընտանիքում, նրանց ճակատագիրն էլ դեռ պարզ չի: Հորեղբայրը օրը երկու–երեք հազար դրամով գնում, աշխատում, օրվա հաց է ստեղծում»,- NEWS.am-ին ասաց համագյուղացիներից Բարդուխ Թադեւոսյանը։
Մինչեւ բանակ զորակոչվելը Էդուարդը նույնպես աշխատել է, օգնել ընտանիքին: Հորեղբայրը պատմում է, որ նրա ամենամեծ նպատակը եղել է աշխատանք գտնելն ու ընտանիքին օգնելը, տունը վերանորոգելը:
«Ասում էր՝ գամ, հոպար ջան, էնպես պիտի անեմ, նորմալ ապրենք: Ուզում էի գար, ինձ թեւ ու թիկունք լիներ, իմ մեջքը կոտրեց»,- NEWS.am-ին ասաց հորեղբայրը՝ Հենրիկ Հայրապետյանը:
Էդուարդի մայրն ու հայրը ամուսնալուծված են, նա երկու ավագ քույր եւ մեկ կրտսեր եղբայր ունի, որոնք մոր հետ են ապրում: Էդուարդը սիրած աղջիկ ուներ, տունը վերանորոգելուց հետո ուզում էր ամուսնանալ։
«Լավ ընտանիք են, տատիկը լավ տատիկ է, Էդոյին առանձնահատուկ էր սիրում: Շատ նպատակներ ուներ իր հետ, ասում էր՝ Էդոս գա, պիտի մատաղ անեմ, լավ քեֆ անեմ: Պահեց, պահեց, տվեց թուքերին: Վատը չենք տեսել էդ երեխի, կռվարարար չէր, շատ ուրախ երեխա էր: Ես լավն եմ տեսել, բարի, աշխատասեր, ուրիշների խաթրին չկպնող: Խելացի երեխա էր: Տեղներս չենք կարողանում գտնել»,- ասաց հարուանուհի Սոնիկ Դանիելյանը։
Նշենք, որ Արցախի նախագահ Բակո Սահակյանի հրամանագրով մարտի 19-ին ԼՂՀ պետական սահմանը պաշտպանելիս ցուցաբերած արիության համար զինծառայողներ Հակոբ Խաչատրյանը, Էդուարդ Հայրապետյանը եւ Արշակ Հարությունյանը հետմահու պարգեւատրվել են «Արիության համար» մեդալով:
Հիշեցնենք, որ մարտի 19-ին՝ ժամը 08:30-ի սահմաններում, հակառակորդի հատուկ նշանակության ջոկատի ուժեղացված խումբը հարձակում է ձեռնարկել հյուսիսային (Գյուլիստանի) ուղղությամբ տեղակայված դիրքերի վրա: Շուրջ երկու ժամ տեւած մարտական գործողության արդյունքում դիրքապահ անձնակազմը եւ օգնության հասած ուժերը ստիպել են հակառակորդին մատնվել փախուստի, այնուհետեւ հետապնդելով վերջիններիս, ամբողջությամբ ոչնչացրել են խմբին` իրենց դիրքերի մատույցներում:
Ցավոք, հակառակորդին դիմագրավելու ժամանակ արիաբար զոհվել են ՊԲ զինծառայողներ Հակոբ Գագիկի Խաչատրյանը (1996թ.), Էդուարդ Գագիկի Հայրապետյանը (1995թ.) եւ Արշակ Կարենի Հարությունյանը (1995թ.), Պաշտպանության բանակի եւս 4 զինծառայողներ վիրավորվել են:
-
Re: Military Forces of the Republic of Armenia
Դուխով, հերոս տղա էր. մտերիմները՝ դիվերսիայից զոհված զինծառայողի մասին (ֆոտո)
19.03.2015
Հակառակորդի նախաձեռնած դիվերսիոն գործողության հետեւանքով այսօր՝ մարտի 19-ին զոհված ժամկետային զինծառայող, Երեւանի բնակիչ, 20-ամյա Արշակ Հարությունյանը ընտանիքի ավագ որդին էր, մասնագիտությամբ՝ խոհարար, երեք ամսից պետք է զորացրվեր: Այս մասին այսօր՝ NEWS.am-ին պատմեցին զոհված զինծառայողի ընկերներն ու հարեւանները:
Արշակի մայրը՝ Ջավահիրը, բուժքույր է, հայրը՝ Կարենը, արհեստավոր, փոքր եղբայրը դպրոցական է։ Ընտանիքի մտերիմների խոսքով՝ Արշակի ծնողների մխիթարում է միայն այն, որ որդին հերոսի մահով է զոհվել, հայրենիքի համար։
«Դուխով տղա էր, մի քանի ամիս առաջ օտպուսկ էր եկել, ասում էր՝ թուրք եմ խփել, դրա համար են թողել: Դրա համար պատվոգիր և դրամական պարգևատրում էր ստացել: Շատ լավ, շփվող տղա էր, թաղում բոլորն էլ սիրում էին նրան: Ծնողները ու բոլորս էլ համարում ենք, որ իրենց տղան հայրենիքի համար է զոհվել և հերոս է»,- պատմեց ընտանիքի մտերիմ Արթուր Հարությունյանը:
Ծնողները ցանկանում են, որ Արշակին զինվորական կարգով հուղարկավորեն, սակայն աճյունը ոչ թե «Եռաբլուրում» ամփոփվի, այլ ընտանեկան գերեզմանում՝ պապի՝ Արշակ Գրիգորյանի կողքին, որը 1992թ.-ին նույնպես զոհվել է արցախյան պատերազմի ժամանակ:
Արշակ Հարությունյանի մարմինը վաղը կտեղափոխվի Երևան:
Նշենք, որ Արցախի նախագահ Բակո Սահակյանի հրամանագրով մարտի 19-ին ԼՂՀ պետական սահմանը պաշտպանելիս ցուցաբերած արիության համար զինծառայողներ Հակոբ Խաչատրյանը, Էդուարդ Հայրապետյանը եւ Արշակ Հարությունյանը հետմահու պարգեւատրվել են «Արիության համար» մեդալով:
Հիշեցնենք, որ մարտի 19-ին՝ ժամը 08:30-ի սահմաններում, հակառակորդի հատուկ նշանակության ջոկատի ուժեղացված խումբը հարձակում է ձեռնարկել հյուսիսային (Գյուլիստանի) ուղղությամբ տեղակայված դիրքերի վրա: Շուրջ երկու ժամ տեւած մարտական գործողության արդյունքում դիրքապահ անձնակազմը եւ օգնության հասած ուժերը ստիպել են հակառակորդին մատնվել փախուստի, այնուհետեւ հետապնդելով վերջիններիս, ամբողջությամբ ոչնչացրել են խմբին` իրենց դիրքերի մատույցներում:
Ցավոք, հակառակորդին դիմագրավելու ժամանակ արիաբար զոհվել են ՊԲ զինծառայողներ Հակոբ Գագիկի Խաչատրյանը (1996թ.), Էդուարդ Գագիկի Հայրապետյանը (1995թ.) եւ Արշակ Կարենի Հարությունյանը (1995թ.), Պաշտպանության բանակի եւս 4 զինծառայողներ վիրավորվել են:Leave a comment:
-
Leave a comment:
-
Re: Military Forces of the Republic of Armenia
Հակառակորդը խաղաղություն չի ցանկանում. Սեյրան Օհանյան
Հրապարակված է՝ 17.03.2015
Պաշտպանության նախարար Սեյրան Օհանյանը այսօր աշխատանքային այցով Գյումրիում էր: Գյումրիի կայազորի զորամասեր էր այցելել, դրանցում առկա վիճակի հետ ծանոթացել:
Պաշտպանության նախարարը խոսեց սահմանում տիրող վիճակից, նշեց, որ հակառակորդը վերջին երկու տարիներին սահմանը լարվածության մեջ է պահում:
«Հակառակորդը որդեգրել է անընդհատ առաջին գիծը լարելու քաղաքականություն, որը մեզ համար անընդունելի է։ Լեռնային Ղարաբաղի Հանրապետության տարածքում գոյություն ունի հակամարտություն, և Հայաստանի Հանրապետության ղեկավարությունը որդեգրել է այդ հակամարտության լուծման երկխոսության, խաղաղ և քաղաքական ճանապարհ։ Ցավոք, հակառակորդը դա չի ցանկանում և մենք ստիպված ենք լինում պարբերաբար բանակի մարտունակության, բանակի մարտունակ գործողություններով նրանց զերծ պահել այդպիսի ոտնձգություններից»,- ասաց Օհանյանը։
Նախարարը բանակի ձեռքբերումներից խոսեց, չշրջանցեց նաև բացթողումները, հատկապես միջանձնային հարաբերություններով պայմանավորված գրանցվող դեպքերին անդրադարձավ:
«Երբ վերլուծում ենք, թե ինչն է պատճառը, որ միջանձնային հարաբերություններում դեռևս կան խախտումներ, դա անհանդուրժողականության մթնոլորտն է։ Այս վատ հատկանիշն է, որ որոշ դեպքերում հանգեցնում է հանցագործությունների։ Իսկ անհանդուրժողականության հիմքում ընկած են արատավոր բարքերը, ասենք, մականունները, հայհոյանքները, ծեծը, վիրավորանքները, փողոցային գողական խոսակցությունները, կեղծ հայհոյանքների տակ պարտավորված լինելը, որ մենք փորձում ենք վերացնել։ 2014 թվականին միջանձնային հարաբերությունների պատճառով հանցագործությունների հիմքով մահվան ելքով դեպքերը 60 տոկոսով Հայաստանի Հանրապետությունում կրճատվել են»,- ասաց նախարարը։
Սեյրան Օհանյանը շիրակցի 10 ժամկետային զինծառայողների 5-օրյա արձակուրդ տրամադրեց, նրանց մայրերին էլ պարգևատրեց:Leave a comment:
Leave a comment: