Russians will manage, what they do best: turn their friends into enemies....

[Vrej1915]

Re: Russians will manage, what they do best: turn their friends into enemies....

ԱՄՆ-ն կարգելափակի՞ ռուսական զենքի վաճառքն Ադրբեջանին

ՀԱԿՈԲ ԲԱԴԱԼՅԱՆ, Մեկնաբան
17 Հուլիսի 2014,


ՌԴ փոխվարչապետ Դմիտրի Ռոգոզինը, որը համակարգում է ռազմարդյունաբերական համալիրի աշխատանքը, դժգոհել է ԱՄՆ-ից, ասելով, թե Նահանգները անարդար մրցակցություն են կիրառում ռազմարդյունաբերության ոլորտում: Ռոգոզինի դժգոհության պատճառը ԱՄՆ նոր պատժամիջոցներն են Ռուսաստանի դեմ, որոնք ներառում են նաեւ պաշտպանական համալիրի մի շարք ձեռնարկություններ:

Պաշտպանական համալիրի հանդեպ ամերիկյան պատժամիջոցները կարող են իրենց ազդեցությունն ունենալ Ռուսաստանի ռազմա-տեխնիկական հարաբերությունների վրա ընդհանրապես, այսպես ասած բարձրացնելով «ինքնարժեքը»: Այդ առումով, ազդեցությունը չի բացառվում նաեւ ռուս-ադրբեջանական գործարքների վրա, որոնք ռուսական պաշտպանական համալիրի համար հանդիսանում են առանցքայիններից մեկը՝ Ադրբեջանը ռուսական ժամանակակից սպառազինության առաջատար գնորդներից մեկն է, Մոսկվան էլ հանդիսանում է Բաքվի սպառազինության թիմ մեկ մատակարարը:

Ռոգոզինը հունիսի վերջին պետք է այցելեր Բաքու, սակայն արդեն հուլիսի կեսն է, իսկ այցը տեղի չի ունենում: Անկասկած է, որ այցի նպատակը պետք է լիներ Ադրբեջանի հետ ռազմա-տեխնիկական առեւտրի նոր համաձայնագրի ստորագրումը կամ առնվազն բանակցության մեկնարկը: Սակայն, կարծես թե Ադրբեջանը փորձում է Ռուսաստանից հնարավորինս էժան գին կորզել սպառազինության համար: Մոսկվան փորձում է Ադրբեջանին համոզել Արցախում ռուս խաղաղապահների տեղակայման տարբերակին հավանություն տալու համար, եւ Բաքուն, որսալով պահը, որոշել է սպառազինության համար «գին գցել»:

Մինչդեռ, ամերիկյան պատժամիջոցները կարող են ստեղծել ՌԴ պաշտպանական համալիրի համար մի վիճակ, երբ կարիք կլինի ապրանքն ավելի թանկացնել: Ընդ որում, չի բացառվում, որ ՌԴ պաշտպանական համալիրի հանդեպ պատժամիջոցների թիրախներից մեկը կարող է լինել նաեւ ռուս-ադրբեջանական գործարքը:

Օրերս ԵԱՀԿ Մինսկի խմբի համանախագահ երկրի՝ Ֆրանսիայի դեսպանը Հայաստանում հայտարարեց, թե հակամարտության կարգավորման միջնորդության սկզբունքին հակասում է հակամարտ կողմերին զենք վաճառելը, եւ դա հակասում է Ֆրանսիայի սկզբունքներին: Ֆրանսիան եւ ԱՄՆ-ն ԵԱՀԿ Մինսկի խմբի համանախագահ երկրներ են, որոնք ի տարբերություն երրորդ համանախագահ Ռուսաստանի, զենք չեն վաճառում հակամարտ կողմերին:

ԱՄՆ նույնիսկ ունի Ադրբեջանին զենքի վաճառքն արգելող 907 ուղղումը, քանի դեռ Արցախի հարցը կարգավորված չէ:

Իրավիճակն այստեղ բավական նուրբ է: Ռուսաստանը ոչ միայն սպառազինում է Ադրբեջանին եւ այդպիսով խախտում Հայաստանի ու Ադրբեջանի միջեւ ուժերի հավասարակշռությունը, այլ նաեւ թույլ չի տալիս, որպեսզի Հայաստանը կարողանա ռազմա-տեխնիկական գործակցություն աշխուժացնել ՆԱՏՕ-ի անդամ երկրների հետ:

Մասնավորապես, Ռուսաստանի խիստ դժգոհությունն էր հարուցել այն, որ Հայաստանը ստացել էր ֆրանսիական եւ գերմանական արտադրության հակատանկային սպառազինություն, իր տեսակի մեջ լավագույններից մեկն աշխարհում: ԱԻՄ նախագահ Պարույր Հայրիկյանը հայտարարել էր, թե այդ սպառազինությունը՝ 16 միլիոն դոլարի, Հայաստանը ստացել է անվճար, սակայն այդ փաստը լռության են մատնել՝ չխախտելու համար այն միֆը, թե Հայաստանին անվճար կամ էժան զենք կտա միայն Ռուսաստանը եւ միայն Ռուսաստանը կմտածի Հայաստանի անվտանգության մասին:

Ընդ որում, տեղեկություններ կան, որ ՌԴ միջամտության արդյունքում արգելակվել է ՆԱՏՕ-ի անդամ երկրներից Հայաստանի զենք ստանալու հնարավորությունը, ինչը բավական դժգոհություններ է առաջացրել հայկական բանակում:

Ռուսական պաշտպանական համալիրի դեմ ԱՄՆ պատժամիջոցներն, ուղղված լինելով ուկրաինական ճգնաժամի հարցում Ռուսաստանի հրահրիչ եւ պատերազմական գործողություններն արգելակելուն, գուցե կհանդիսանան նաեւ Կովկասում հավասարակշռությունը վերադարձնելու ջանք եւ կարող են եթե ոչ ամբողջությամբ, ապա ինչ որ չափով արգելակող, կամ առնվազն բարդացնող դեր ունենալ նաեւ ռուս-ադրբեջանական ռազմատեխնիկական առեւտրի հարցում:

- See more at: http://www.lragir.am/index/arm/0/com....O1vec1CL.dpuf

[Vrej1915]

Re: Russians will manage, what they do best: turn their friends into enemies....

http://www.armenialiberty.org/content/article/25460386.html

Լևոն Հայրապետյանի ձերբակալությունը Ստեփանակերտում գնահատում են իբրև «տոն՝ Բաքվի համար»


Սարգիս Հարությունյան եւ Լուսինե Մուսայելյան
Վերջին թարմացում. 17.07.2014

Պաշտոնական Ստեփանակերտի ներկայացմամբ, Մոսկվայում ռուսական հատուկ ծառայությունների կողմից մեծահարուստ Լևոն Հայրապետյանի ձերբակալությունը, ով մեծ ավանդ ունի Լեռնային Ղարաբաղում տնտեսության զարգացման, բանակաշինության գործում, «Ադրբեջանի համար տոն է»:

«Ազատության» հետ զրույցում, անդրադառնալով հուլիսի 15-ին ռուսաստանյան Անվտանգության դաշնության ծառայության՝ ФСБ-ի, կողմից Հայրապետյանի ձերբակալությանը, այսպիսի համոզմունք հայտնեց Լեռնային Ղարաբաղի նախագահի մամուլի քարտուղար Դավիթ Բաբայանը:

«Այն, որ Ադրբեջանի համար դա մի տոն է լինելու՝ դա միանշանակ: Փաստորեն նրանք ցանկացած հայի հանդեպ, ու ոչ միայն Լևոն Հայրապետյանի պես խոշոր դեմքի, այլ ցանկացած հայի՝ որ վնաս պատճառել է, նրանց համար դարձել է ապրելակերպի էություն: Հետևաբար, բնական է, որ շատ ուրախանալու են, տոն է լինելու իրենց համար դա», - նշեց ԼՂ նախագահի խոսնակը:

Ըստ Բաբայանի, ժամանակը ցույց կտա՝ արդյո՞ք Ադրբեջանը օգտագործել է Ռուսաստանի հետ իր հարաբերությունները, նավթադոլարները՝ հասնելու արցախյան տնտեսությունում խոշորագույն ներդրողներից մեկի՝ Լևոն Հայրապետյանի ձերբակալությանը:

Մինչդեռ, «Արցախի հերոս», գեներալ-մայոր Արկադի Տեր-Թադևոսյանի համոզմամբ, Լևոն Հայրապետյանի ձերբակալությունը քաղաքական պատվեր է, որի հետևում կանգնած է Ադրբեջանը:

«Ցավոք, ՌԴ որոշ կառույցներում, այդ թվում՝ Անվտանգության դաշնային ծառայությունում, դեռևս խարդախ մարդիկ են աշխատում, որոնք պատրաստ են 30 արծաթի դիմաց ելույթ ունենալ իրենց սեփական երկրի շահերի դեմ: Այս ակցիան նպատակ է հետապնդում ստվեր նետելու հայ-ռուսական բարեկամության վրա և կասկածի տակ դնելու Հայաստանի Հանրապետության՝ Եվրասիական միությանն անդամակցելու նպատակահարմարությունը, ինչպես նաև որոշակիորեն ազդելու Լեռնային Ղարաբաղի Հանրապետության Պաշտպանության բանակի կառուցման վրա»,- կարդում ենք Կոմանդոսի՝ երեկ տարածած հայտարարությունում:

Հայաստանի արտգործնախարարությունում հրաժարվեցին արձագանքել Հայրապետյանի ձերբակալությանը:

Ազգային ժողովում իշխող Հանրապետական խմբակցության ղեկավար Վահրամ Բաղդասարյանն ասաց, թե պետք չէ բացառել, որ Լևոն Հայրապետյանի ձերբակալությունը քաղաքական ենթատեքստ ունի, բայց պետք չէ նաև շտապողականություն ցուցաբերել ու պետք է համբերել՝ տեսնելու քննությունն ինչպես է ընթանում և ինչ մեղադրանք է առաջադրվում:

«Կատարված արարքին ծանոթ չեմ, բայց, համենայնդեպս, որպես հայ մարդու՝ ցավալի է բոլորիս համար, որովհետև բազմիցս ականատես ենք եղել Լևոն Հայրապետյանի հայրենասիրությանը, և նրա նվիրվածությանը և՛ Հայաստանին, և՛ Լեռնային Ղարաբաղին», - մեկնաբանեց Բաղդասարյանը:

ՀՅԴ խորհրդարանական խմբակցության քարտուղար Աղվան Վարդանյանը Լևոն Հայրապետյանին բնորոշեց որպես մի մարդ, ով «երկար տարիներ ամեն ինչ արել է, որպեսզի Լեռնային Ղարաբաղը կայանա իբրև ինքնուրույն պետություն»:

«Գործի մանրամասներին դժվար է այսօր անդրադառնալ, երևի ժամանակը լույս կսփռի: Բայց ակնհայտ է, որ ինչ-որ առումով սա և՛ հայ-ռուսական հարաբերությունների վրա կարող է ազդեցություն ունենալ, և՛ Ղարաբաղի վրա կարող է ազդեցություն ունենալ: Ես չէի ուզենա այս պահին գնահատականներ տալ, բայց ակնհայտ է, որ չի կարելի բացառել նաև ադրբեջանական գործոնի ազդեցությունը նման զարգացման մեջ», - ասաց Աղվան Վարդանյանը:

«Ժառանգության» փոխնախագահ Արմեն Մարտիրոսյանը նույնպես կանգ առավ այն հանգամանքի վրա, որ Հայրապետյանը «շատ մեր հասարակական գործունեություն էր ծավալում Արցախում»:

«Այս առումով, բնականաբար, ադրբեջանական իշխանությունները հնարավոր է փորձեին, որ նմանատիպ քայլեր իրականացնեին իր նկատմամբ: Սակայն այս դեպքում դուրս կգար, որ ռուսական կողմը միանշանակ ադրբեջանամետ կողմնորոշում է բռնել և նույնիսկ արդեն հասարակական գործիչների մակարդակով հետապնդում է իրականացնում», - նշեց նա:

«Риа Новости» լրատվական գործակալության փոխանցմամբ, այսօր Մոսկվայի Բասմանյան դատարանը, հիմք ընդունելով Ռուսաստանի Քննչական կոմիտեի միջնորդությունը, կալանավորել է Լևոն Հայրապետյանին: Նրան մեղադրում են դեռ 2008թ․-ին՝ «Башнефть» ընկերության վաճառքի ժամանակ իրականացված ֆինանսական մեքենայությունների, փողերի լվացման մեջ: Իր հերթին՝ «РБК» գործակալությունը գրել է, որ Ռուսաստանի Քննչական կոմիտեի միջնորդությամբ Մոսկվայի Բասմանյան դատարանը կալանավորել է «Башнефть»-ի բաժնետոմսերի վերահսկիչ փաթեթը, որը պատկանում է АФК «Система» ընկերությանը: Հաղորդվում է, որ հետաքննությունը կապ չունի АФК «Система»-ի հետ, այլ վերաբերում է 2008-ին տեղի ունեցած «Башнефть»-ի վաճառքին, որը գնել էր հենց АФК «Система» ընկերությունը, իսկ գործարքի կնքման հարցում միջնորդ է եղել Լևոն Հայրապետյանը: Այստեղ հիշեցնենք, որ АФК «Система»-ի տնօրենների խորհրդի անդամ է նաև Հայաստանի երկրորդ նախագահ Ռոբերտ Քոչարյանը:

[Vrej1915]

Re: Russians will manage, what they do best: turn their friends into enemies....

Задержание Левона Айрапетяна - политическая вендетта


О Левоне Айрапетяне нет никаких сведений, поскольку не удается связаться с ним лично. В беседе с Радио Азатутюн об этом сообщил брат задержанного 15 июля в Москве известного российского бизнесмена армянского происхождения Левона Айрапетяна Владимир Айрапетян.

Владимир Айрапетян управляет рядом бизнес-проектов, принадлежащих Левону Айрапетяну в селе Ванк Мартакертского района Республики Арцах, и считает задержание брата политической вендеттой. По его словам, зная брата и многие годы, управляя принадлежащим ему бизнесом, он уверен, что приписываемые брату в российских СМИ обвинения – это ложь.

«Я даже, честно говоря, не поверил, подумал, наверное, это другой Левон Айрапетян, не поверил, но когда прочел эти статьи, сказал, что на сто процентов просто хотят расправиться с братом: либо что-то политическое, либо… Он очень образованный человек, философ, как он может быть связан с ворами, бандитами?... Все это ложь», - заявил брат задержанного бизнесмена.

По данным правоохранительных органов, Айрапетян к убийствам не причастен, однако финансовые махинации при продаже «Башнефти» расследуются в рамках «кингисеппского» дела, пишет «Росбалт» и добавляет, что Следственный комитет РФ обратился в суд с ходатайством об аресте бизнесмена.

Все это - очевидный политический заказ, утверждает брат задержанного предпринимателя, отмечая, что его брат никогда не страдал манией обогащения и имеющиеся у него средства направлял исключительно на развитие родины, что многим было невыгодно.

«Мой брат пошел в нефтяной бизнес, стал работать для того, чтобы помочь Карабаху, только для этого. […] Он говорит, что хочет умереть бедным, что все, что у него есть, он должен отдать родине», - отметил Владимир Айрапетян

http://voskanapat.info/?p=8814

[Vrej1915]

Re: Russians will manage, what they do best: turn their friends into enemies....

http://www.azatutyun.am/media/video/25464564.html

Very well said !

--------
Վազգեն Մանուկյան․ «Ռուսաստանը պարզապես իրավունք չուներ Ադրբեջանին զենք վաճառել»




Ռուզաննա Ստեփանյան
Հրապարակված է՝ 21.07.2014

Հանրային խորհրդի նախագահ, Հայաստանի նախկին վարչապետ, 1992-93 թվականներին պաշտպանության նախարար Վազգեն Մանուկյանը հայ - ռուսական հարաբերություններում ի հայտ եկած սառնությունը բացատրում է Ռուսաստանի՝ Ադրբեջանին զենք վաճառելու հանգամանքով:

Մանուկյանի խոսքով, եթե պաշտոնական Մոսկվան շարունակի զենք մատակարարել Բաքվին, ապա դա կնշանակի մեկ բան․ Ռուսաստանի հետ Հայաստանի դաշնակցային հարաբերությունները կեղծ են, որովհետև այդ զենքի վաճառքը ուղղակի ճանապարհ է դեպի պատերազմ:

«Այդ զենքի վաճառքը չի կարող լինել հիմարության արդյունք: Դա մտածված է, և կամա թե ակամա այն խփում է մեր հարաբերություններին, դա հստակ կարելի է ձևակերպել: Ուրեմն՝ դա նշանակում է հարաբերությունների որոշակի սառեցում», - «Ազատության» հետ զրույցում համոզմունք հայտնեց Վազգեն Մանուկյանը:

Հանրային խորհրդի նախագահի համոզմամբ՝ Ռուսաստանը պարզապես իրավունք չուներ Ադրբեջանին զենք վաճառել, նախ՝ որովհետև Հայաստանի ռազմավարական դաշնակիցն է, և հետո՝ ԵԱՀԿ-ի Մինսկի խմբի համանախագահող երկրներից է, որի առաքելությունն է կանխել պատերազմի վերսկսումը, մինչդեռ Ադրբեջանին զենք վաճառելով՝ Ռուսաստանը վերջինին դրդում է պատերազմի:

«Պատերազմը վերսկսելու ամենահեշտ ճանապարհը դա հարձակվողին, իսկ տվյալ դեպքում պատերազմը կարող է սկսվել մենակ մի դեպքում, եթե Ադրբեջանը հարձակվի, և իրեն զենք տալը հակասում է նրա [Ռուսաստանի]՝ Մինսկի խմբի անդամ լինելուն: Նույնիսկ եթե ինքը Հայաստանին էլ զենք տար նույն քանակությամբ, միևնույնն է․․․ Այստեղ պաշտպանվելու համար է, այնտեղ՝ հարձակվելու: Ըստ որում, Ադրբեջանը զենք ստանալով՝ ավելի ինքնավստահություն է ձեռք բերում, և քանի որ քո ընկերն է նրան զենք վաճառում, ևս մի հատ ինքնավստահություն է ձեռք բերում: Այսինքն՝ փաստորեն դրդվում է պատերազմ սկսելու: Ի սկզբանե էլ դա մտահոգիչ էր: Սերժ Սարգսյանը Արգենտինայում արտահայտվեց, բայց դա չի նշանակում, որ նախապես ինքը մտահոգված չէր», - ասաց Վազգեն Մանուկյանը:

Հանրային խորհրդի նախագահն ընդգծում է, որ եթե Ռուսաստանը Հայաստանից հնչող մտահոգություններից հետո էլ շարունակի զենքի վաճառքի նոր համաձայնագրեր կնքել Ադրբեջանի հետ, ապա դա միայն մեկ բան կնշանակի․ - «Դա նշանակում է, որ իսկապես քո կարծիքը նրա դաշնակցության մասին կեղծ է, որովհետև դա ուղղակի ճանապարհ է դեպի պատերազմ»:

Ի պատասխան «Ազատության» դիտարկման, թե ի՞նչ հարց է լուծում Ռուսաստանը՝ պատերազմի ձգտող Ադրբեջանին զենք վաճառելով, արդյոք այդ կերպ ճնշում չի՞ գործադրում Հայաստանի վրա, Վազգեն Մանուկյանն ասաց․ - «Միգուցե, բայց դա այն ճնշումը չէ, որը կարող է դիմացինի մոտ հարգանք առաջացնել: Դա անկյուն սեղմելու նման մի բան է»:

Մանուկյանը նաև ուշադրություն հրավիրեց Ռուսաստանի կողմից «Սմերչ» տեսակի հրթիռային համակարգի վաճառքի վրա․ - ««Սմերչ»-ը այն զենքն է, որով որ հազարավոր հայեր կարելի է սպանել, տալիս ես հակառակորդին որ ի՞նչ: Չեմ կարծում, որ պատերազմը ձեռնտու է Ռուսաստանին: Միգուցե այս տարածաշրջանում երկարատև լարված իրավիճակը իր պետական շահերին ձեռք է տալիս, բայց պատերազմը ինչո՞վ պետք է ձեռք տա իրեն: Ցանկացած հաղթանակը իր համար պարտություն է»:

Անդրադառնալով հայկական բնակավայրեր ադրբեջանական դիվերսիոն խմբի ներթափանցմանը՝ Վազգեն Մանուկյանը նշեց, որ այդ դեպքից հետո Պաշտպանության նախարարությունը պետք է հետևություններ անի՝ պետք է պաշտպանության գծերը ամրացնի, թեև օբյեկտիվ բարդություններ կան, երբ սահմանը միայն մարդկանցով ես պաշտպանում: Այդ իսկ պատճառով սահմանների պաշտպանության համար պետք է օգտագործել նոր տեխնոլոգիաներ:

Բացի այդ՝ Վազգեն Մանուկյանը կարծում է, որ անհրաժեշտ է նաև զենքով ապահովել սահմանամերձ շրջանների բնակչությանը, քանի որ նրանք նույնպես, ինչպես զինվորները, առաջին գծում են և պաշտպանում են հայրենիքը:

«Ու մենք դա օգտագործել ենք, երբ ես պաշտպանության նախարար էի, մի անգամ ճեղքեց թշնամին, մտան Կապանի շրջան, երեք կիլոմետր խորացել էին, ես միանգամից կապվեցի քաղաքապետի հետ, ասացի՝ «ռադիոյով հայտարարեք, ժողովրդին զինեք», որովհետև միայն բանակով չես կարողանա պաշտպանել, ժողովուրդն էլ պետք է մասնակից լինի», - ասաց Մանուկյանը:

Անդրադառնալով Մաքսային, ապա Եվրասիական միությանը անդամակցելու ոդիսականին՝ Հանրային խորհրդի նախագահն ասաց, որ իր կարծիքով՝ Հայաստանը ի սկզբանե չպետք է դիմեր ոչ Եվրամիության ասոցացման անդամ դառնալու համար և ոչ էլ դրանից հետո բարձրացներ Մաքսային միության անդամ դառնալու հարցը: Եթե Հայաստանը չփորձեր անդամակցել այդ կառույցներից և ոչ մեկին, ապա և՛ Եվրամիությունում, և՛ Ռուսաստանում ավելի հարգալից կվերաբերվեին Հայաստանի դիրքորոշմանը: Բայց արդեն ստեղծված իրավիճակում, Մանուկյանի համոզմամբ, Հայաստանը այլընտրանք չուներ:

«Այդ խնդիրը դարձրեցին նույնիսկ տղայական աստիճանի հասնող հակասություն Արևմուտքի և Ռուսաստանի միջև, ըստ որում՝ ինչքան Ռուսաստանն է այդտեղ մեղավոր, նույնչափ էլ՝ Արևմուտքը: Իրենք երկուսն էլ դա դարձրեցին ինչ-որ իրենց արժանապատվության հարց, և էդ պայմաններում Հայաստանը արդեն չէր կարող դիմադրել, ինչ պետք է աներ», - ասում է Մանուկյանն ու հավելում․ - «Եթե սկզբից ասոցացված անդամության հարցը մերժած լիներ, կկարողանար արանքում գտնվեր, իսկ այսպես ինքը պարտադրված էր, որովհետև ավելի մեծ հարված կստանար, հենց թեկուզև Ռուսաստանից: Տեսնում եք, չէ՞, մյուս երկրների հետ ինչ է անում, ինքը կարող էր քո հետ թշնամանար ու իր շուկան փակեր, էդ դեպքում դու լրիվ զրո էիր դառնում»:

[Vrej1915]

Re: Russians will manage, what they do best: turn their friends into enemies....

Armenia: Wondering About Russia’s Motives in Karabakh Peace Process
August 14, 2014 -
by Marianna Grigoryan




Amid the recent escalation of hostilities surrounding the contested Nagorno-Karabakh territory, authorities and experts in both Armenia and Azerbaijan are engaging in the old Soviet practice of identifying the outside power that most benefits from conflict. For many in Armenia, the answer is straightforward enough – Russia.

Russia has long exerted a high degree of economic and military influence over Yerevan: that influence is underscored by Armenia’s decision to join Moscow’s Customs Union, which the Kremlin hopes will evolve into an alternative for ex-Soviet republics to the European Union. Many Armenians believe the Kremlin’s sway has reached such heights that Yerevan is now vulnerable to potential pressure from Moscow to settle the 26-year-old Karabakh conflict on terms perceived in Yerevan as unfavorable.

Seen as a troublemaker in Ukraine via its support for pro-Russian separatists, Putin’s Russia appears to be trying to style itself a peacemaker in the Caucasus. For this reason, Armenian analysts say, the August 9-10 meetings between Armenian President Serzh Sargsyan, Azerbaijani President Ilham Aliyev, and Russian President Vladimir Putin in Sochi, Russia, did not occur by chance.

Political scientist Ruben Mehrabian from Yerevan’s Center for Political and International Studies made a connection between recent events in eastern Ukraine and the Armenian-Azerbaijani standoff over Karabakh. “Russia’s actions in eastern Ukraine are prompting a tough [Western] response [especially sanctions], so [Russia] attempts to balance this out through its so-called potential for peace,” Mehrabian said. “The escalation of hostilities on the [Karabakh] border was Aliyev’s precious gift to Putin.”

He added that Moscow “did not score a goal” with the Sochi summit. Even so, the situation along the frontline has remained relatively calm since the talks.

Notably, Putin acted alone, convening the Armenian and Azerbaijani leaders without the fellow American and French co-chairs of the Organization for Security and Cooperation in Europe’s Minsk Group, the entity that ostensibly oversees the Nagorno-Karabakh.

“Russia has long held the advantage of proximity and presence over its fellow mediators, France and the United States,” noted Richard Giragosian, director of the Regional Studies Center in Yerevan. “Moscow may seek to collude, but no longer cooperate with Western interests in mediating the Karabakh conflict, and a new attempt by Moscow to push out Paris and Washington from equal footing in the mediation effort is more than likely, given the new anti-Western refrain from the Putin camp.”

There has been sniping and occasional firefights all along the so-called Karabakh contact line since the signing of a ceasefire agreement in 1994. But the clashes that occurred from July 28-August 3 featured perhaps the heaviest fighting in 20 years. According to the Armenian Defense Ministry, the recent round of fighting left 25 Azerbaijani soldiers dead and over 30 wounded, while five Armenian servicemen were killed in action and seven wounded.

In recent days, the patriotic mood has swelled in Armenia, stoking sentiment among the general public in for an all-out offensive against Azerbaijan. Some believe that Russia cannot be trusted to uphold Armenian interests in the stalemated peace process and Armenia must remain self-reliant: they argue that volunteers should be recruited and deployed on the frontline; state-aligned Azerbaijani media claims that Azeri volunteers already have started to press the Azerbaijani government in Baku for such a mission.

“Russia is our strategic partner, but it sells weapons to Azerbaijan which kill our soldiers and fires on our villages with those arms,” stressed Ashot Makarian, a 39-year-old Yerevan construction worker. “Despite all this, the spirit of the Armenian army is very strong. We cannot be defeated. Today, it would be better for us to go to the front than send our children there tomorrow.”

Some analysts wonder whether Russia has made a secret deal with Azerbaijan, in which Russia would compel Armenia to accept territorial concessions concerning Karabakh, and in exchange Azerbaijan would join the Kremlin-led Customs Union. Neither Russia nor Azerbaijan has given any hint such a quid-pro-quo has ever been considered; and such speculation does not have wide currency outside Armenia.

“Armenia has to find a way out of this Eurasian Union path, as it is something that Russia wants to sell to Azerbaijan through Armenia,” Mehrabian argued.

Political expert Ara Papian, head of the Modus Vivendi Center, a think-tank, argues that concerns about a Russian sell-out are overblown. Papian added that President Sargsyan – a Karabakhi native who led the territory’s armed forces from 1989 until 1993, and served as Armenian defense minister at the time of the 1994 ceasefire agreement – would backtrack on Karabakh at this time.

“The Russians have already realized that they can dictate many things to Armenia and even gain concessions from it, but they cannot make us give away Karabakh because we’ve paid too dear a price for it,” Papian said in reference to the thousands of ethnic Armenians killed, wounded or made refugees during the 1988-1994 war with Azerbaijan. “Karabakh is not a distribution network or a power plant; it’s much bigger, a part of our homeland.”

Editor's note: Marianna Grigoryan is a freelance reporter based in Yerevan and editor of MediaLab.am.

[Vrej1915]

Re: Russians will manage, what they do best: turn their friends into enemies....

Ընթացքի մեջ է ամենավտանգավոր դիվերսիան Հայաստանի դեմ

ՀԱՅԿԱԶՆ ՂԱՀՐԻՅԱՆ, Գլխավոր խմբագիր
14 Օգոստոսի 2014,


Սոչիի անեկդոտային «վեհաժողովը» ռուսական կողմը ներկայացրեց որպես Պուտինի հաղթանակ, եւ որ Հարավային Կովկասում ամեն ինչ որոշում է ՌԴ նախագահը եւ միայն նա կարող է կանգնեցնել պատերազմը: Ընդ որում, այս անգամ կրեմլամերձ շրջանակներն արդեն չէին թաքցնում, որ Հայաստանի ու Ղարաբաղի սահմաններին գրեթե պատերազմական իրավիճակը հրահրել էր հենց Մոսկվան, եւ իրագործում էր Ադրբեջանի միջոցով:

Ի՞նչ կատարվեց Հայաստանում: Հայաստանում տեղի ունեցավ կարեւոր մի բան. Բանակը եւ ժողովուրդը արժանի հակահարված տվեցին ու հաղթեցին: Խաղաղությունը հաստատեց հայկական բանակը: Բացի այդ, այն ծրագիրը, ինչ նախատեսել էր Ռուսաստանը, այն է՝ պատերազմի «ընդլայնում» եւ խաղաղապահների մուտքը Ղարաբաղ, տապալվեց:

Հայաստանում կատարվեց մեկ այլ, ոչ պակաս կարեւոր բան՝ մարդիկ հասկացան, որ չկան արտաքին հովանավորներ ու փրկիչներ, եւ մենք ի վիճակի ենք կռվել ու պաշտպանել մեր եկիրն ու նրա արժանապատվությունը: Ընդ որում, սա առավել շոշափելի հանգամանք է, քան բուն ռազմական գործողությունները, քանի որ նման գիտակցությունը երկիրն ու ժողովրդին ազատության տանող ճանապարհն է:

Սա չէին կարող Մոսկվայում չնկատել, եւ ռուսական քարոզչությունը բնականաբար պետք է փորձի ամեն ինչ ներկայացնել որպես Մոսկվայի ձեռքբերում, որպեսզի հայերը երբեւէ չմտածեն, որ ի վիճակի են ինքնուրույն հասնել հաջողության եւ հետագայում էլ հասնել հաղթանակների:

Սա բնական է, այս իրավիճակն է արդեն մոտ 200 տարի՝ «օրհնած ոտքի մուտքից» սկսած: Սարսափելին սակայն սա չէ, այլ այն, որ այս քարոզչությանը համառորեն երկրորդում են հայկական որոշ շրջանակներ, տեղի ունեցածը ներկայացնելով որպես Մոսկվայի անվիճելի ձեռքբերում: Ճիշտ է, անողոք իրականությունը աստիճանաբար նեղացնում է այդ մարդկանց շրջանակը, որտեղ մնացել են արդեն բացահայտ դեմագոգները, անհույս հարբեցողներն ու զանազան մաստի թափթփուկները, այնուամենայնիվ, նրանց հարթակ է տրամադրվում եւ եթեր:

Այս մարդիկ լծվել են հայ ժողովրդի արժանապատվությունը եւ հայկական բանակի ուժը նվաստացնելու գործին, հայերին ներշնչելով, որ նրանցից ոչինչ կախված չէ, բերելով ամենաանհեթեթ փաստարկները: Ընդ որում, այս անգամ նրանց համար արդեն հիմք չէր նույնիսկ Մոսկվայի խոստովանությունը, որ սահմանի վերջին լարվածությունը հենց իր ձեռքի գործն էր:

Այս ամենը կլիներ «իներցիա», եթե դրա հետեւում չլիներ իրական վտանգը: Սա ամենավտանգավոր դիվերսիան է Հայաստանի դեմ: Այս կոնտինգենտի միջոցով Ռուսաստանը, որը դժվար թե հրաժարված լինի իր ծրագրերից, «լեգիտիմացնում» է իր հետագա քայլերը Հայաստանի ու Ղարաբաղի դեմ, Ադրբեջանին մղելով նոր ագրեսիայի: Այս կոնտինգենտի վրա է նաեւ մեր զոհերի պատասխանատվությունը:

Ագրեսիայի նոր ալիքը ոչ մի դեպքում պետք չէ բացառել, եւ այս անգամ պետք է հավաքել ու առաջին գիծ տանել բոլոր նրանց, ովքեր զբաղված են հայկական բանակի ու ընդհանրապես հայ ժողովրդի վարկաբեկմամբ: Ճիշտ է, նրանք առաջին իսկ հնարավորության դեպքում կհանձնվեն Ադրբեջանին, սակայն դրանից որեւէ վնաս Հայաստանը չի կրի, իսկ օգուտը կլինի շատ:

- See more at: http://www.lragir.am/index/arm/0/com....Kw71Q2mE.dpuf

[Vrej1915]

Re: Russians will manage, what they do best: turn their friends into enemies....

[Vrej1915]

Re: Russians will manage, what they do best: turn their friends into enemies....

Ռուսաստանն առաջարկել է Ադրբեջանին T-72 տանկերի խորն արդիականացնում իրականացնել
Lragir.am
12 Սեպտեմբերի 2014,

Ռուսական «Ռոսօբորոնէքսպորտ» ընկերությունն Ադրբեջանին առաջարկել է T-72 տանկերի խորն արդիականացում իրականացնել: Այս մասին հայտարարել է ընկերության գլխավոր տնօրենի խորհրդական Էսեն Տոպոեւը, գրում է ԻՏԱՌ-ՏԱՍՍ-ը:

«Մենք Ադրբեջանի նախագահ Իլհամ Ալիևին առաջարկել ենք «Ուրալվագոնզավոդի» արտադրանքը: Ուսումնասիրել ենք տանկերի աջակցության ԲՄՊՏ-2 «Տերմինատոր» մարտական մեքենան եւ հաշվի առնելով այստեղ T-72 տանկերի բավականաչափ մեծ քանակությունը, խորն արդիականացում իրականացնել եւ քննարկել այս տարբերակի զարգացման հետագա հնարավորությունները»,- ասել է Տոպոեւը:

- See more at: http://www.lragir.am/index/arm/0/pol....1yuj8ox0.dpuf

[Vrej1915]

Re: Russians will manage, what they do best: turn their friends into enemies....

Ադրբեջանը դիտարկում է ՌԴ-ից «Բալ-Է» առափնյա հրթիռային համալիր գնելու հնարավորությունը
Սեպտեմբեր 17, 2014
by Անի Մարգարյան

Ադրբեջանը դիտարկում է ՌԴ-ից «Բալ-Է» (ռուս.՝ “Бал-Э”) առափնյա հրթիռային համալիրի գնման տարբերակներ, սակայն դեռևս վաղ է խոսել պայմանագրին նախորդող բանակցությունների նախապատրաստման փուլի մասին։

http://razm.info/53561

Ինչպես Բաքվում կայացած ADEX-2014 ռազմարդյունաբերական ցուցահանդեսում հայտարարել է ռուսաստանյան պետական «Ռոսօբորոնէքսպորտ» ընկերության պատվիրակության ղեկավար Էսեն Տոպոևը, ադրբեջանական կողմը դեռևս ուսումնասիրում է համալիրների գնման հնարավորությունները։

«Եթե թևակոխենք հաջորդ փուլ, պատվիրատուի հետ կխոսենք առավել հանգամանալից, իսկ հիմա մեր առաջարկը պոտենցիալ պատվիրատուի կողմից դիտարկման փուլում է»,-մանրամասնել է Տոպոևը։

Հիշեցնենք, որ ավելի վաղ՝ 2014-ի մայիսին, ռուսաստանյան ոչ պաշտոնական աղբյուրները լուրեր էին շրջանառել, որ Ադրբեջանի պաշտպանության նախարարությունը հետաքրքրված է ՌԴ-ից «Բալ-Է» առափնյա հրթիռային համալիրի մեկ դիվիզիոնի գնմամբ՝ Կասպից ծովի առափնյա հատվածների անվտանգությունն ամրապնդելու նպատակով։ Աղբյուրը նաև շեշտում էր՝ հայկական կողմը «պետք է որ բացասական տեսանկյունից չարձագանքի հավանական գնմանը, քանի որ «Բալ-Է»-ն ունակ է ծածկել միայն ծովային տարածությունը, իսկ Հայաստանը Կասպից ծով ելք չունի»։

«Բալ-Է»-ն ռուսաստանյան «Բալ» առափնյա հրթիռային համալիրի արտահանման համար նախատեսված տարբերակն է։ ՌԴ զինուժը սկսել է շահագործել «Բալ» համալիրը դեռևս 2008-ից, այն արտադրվում է Մոսկվայի «Մեքենաշինական կոնստրուկտորական բյուրո» ԲԲԸ-ի կողմից։ Համալիրն ընդգրկում է ինքնագնաց հրամանատարական կապի և կառավարման մեքենաներ, ինքնագնաց արձակման կայաններ՝ Խ-35Է հականավային հրթիռներով, տրանսպորտային-լիցքավորող մեքենաներ։ Նախատեսված է ջրային տարածքների, ռազմակայանների, ենթակառուցվածքների, ծովային հաղորդակցության միջոցների պաշտպանության համար, կրակի հեռահարությունը մինչև 120 կմ է, հրթիռային լրակազմը՝ մինչև 64 հատ հրթիռ։

Նկատենք, որ գործարքի կնքման պարագայում Ադրբեջանը դառնալու է երրորդ երկիրը, որը շահագործում է սույն հրթիռային համալիրները։ Ներկայումս դրանք կիրառվում են ՌԴ ՌԾՈւ Կասպյան նավատորմիղի առափնյա դիվիզիոնի և 2012-ից Վիետնամի զինված ուժերի կողմից։ Ակնկալվում էր, որ «Բալ-Է»-ի առաջին գնորդը դառնալու է Լիբիան, սակայն այնտեղ 2011-ին սկսված ներքին բախումների հետևանքով ՌԴ նախագահը էմբարգո սահմանեց Լիբիային ռազմական նշանակության արտադրանք վաճառելու հարցում։

2014-ի սկզբին լուրեր էին շրջանառվում, որ Վենեսուելան ևս ՌԴ-ից գնել է «Բալ-Է» համալիրներ, սակայն Օբնոսովը հերքել է այս տեղեկությունը։

[Vrej1915]

Re: Russians will manage, what they do best: turn their friends into enemies....

Ադրբեջանը ստացել է «Բուկ-ՄԲ» զենիթահրթիռային համալիրներ
Սեպտեմբեր 17, 2014
by Անի Մարգարյան

http://razm.info/53537

2014-ի սեպտեմբերի 11-13-ը Բաքվում կայացած ADEX-2014 միջազգային ռազմարդյունաբերական ցուցահանդեսի ընթացքում հայտնի է դարձել, որ Ադրբեջանը ստացել է ևս 2 դիվիզիոն «Բուկ-ՄԲ» միջին հեռահարության զենիթահրթիռային համալիր։



Այս մասին տեղեկացնում է «Ջեյնս» ռազմական վերլուծական կայքը՝ հղում անելով ցուցահանդեսում իր ռազմական ու դիվանագիտական աղբյուրներին։ Ըստ աղբյուրի՝ Ադրբեջանի ստացած դիվիզիոններից յուրաքանչյուրը բաղկացած է 6 միավոր 9Ա310 ՄԲ ինքնալիցքավորվող արձակման կայաններից, 3 միավոր 9Ա39 ՄԲ լիցքավորող մեքենաներից, 9Մ38Մ1 և 9Մ317 մակերևույթ-օդ հրթիռներից, 80Կ6Մ ռադարից, 9Ս470 ՄԲ հրամանատարաշտաբային մեքենայից և նյութատեխնիկական ապահովման սարքավորումներից։

Հիշեցնենք, որ «Բուկ-ՄԲ» զենիթահրթիռային համալիրը ցուցադրվել էր 2013-ի հունիսի 26-ին Բաքվի ռազմաշքերթում և ադրբեջանական կողմի վկայությամբ՝ ձեռք է բերվել Բելառուսից։ Այս համալիրի գնման մասին ՄԱԿ-ի սովորական սպառազինությունների ռեգիստրում խոսք չկա, սակայն Ստոկհոլմի խաղաղության միջազգային հետազոտությունների ինստիտուտի (SIRPI) տվյալներով՝ Ադրբեջանը համալիրի մեկ դիվիզիոն է ստացել 2013-ին։

Բացի այդ, Ադրբեջանի ռազմաօդային ուժերի ՀՕՊ ստորաբաժանումներն օգոստոսի 13-ին սկսել էին զորավարժություններ, որոնց ընթացքում կիրառել են «Բուկ-ՄԲ» զենիթահրթիռային համալիրներ։

«Բուկ-ՄԲ» զենիթահրթիռային համալիրի բելառուսական տարբերակը ներկայացվել է հանրությանը 2005-ին Մինսկում։ Համալիրը թույլ է տալիս օդային թիրախները խոցել անհամեմատ մեծ բարձրություններում, քան դյուրակիր զենիթահրթիռային համալիրները: «Բուկ» զենիթահրթիռային համալիրը, կախված մոդիֆիկացիայից, օդային թիրախները կարող է խոցել 14-ից 18 կմ բարձրության վրա։