Military Forces of the Republic of Armenia

[Vrej1915]

Re: Military Forces of the Republic of Armenia

Թուրքիայի AWACS-ները փորձարկումների վերջին փուլում են
Հոկտեմբեր 14, 2013 by Գևորգ Պետրոսյան

Թուրքիայի ձեռք բերած օդային նախազգուշացման ու վերահսկման (AWACS) ինքնաթիռները հաջողությամբ անցել են օդում լիցքավորվելու փորձարկումները և առաջիկայում կարող են ընդգրկվել թուրքական ռազմաօդային ուժերի սպառազինության մեջ։


Ընդհանուր առմամբ, ներկայում փորձարկումներ է անցնում 4 ինքնաթիռ, որոնք ստեղծվել են ամերիկյան «Բոինգ» ընկերության կողմից թուրքական TAI ընկերության հետ համագործակցության միջոցով։

Ինքնաթիռները, որոնք ստացել են «Խաղաղության արծիվ» (Barış Kartalı) անունը, նախատեսված բոլոր փորձարկումներն անցնելուց հետո տեղակայվելու են Քոնիայի 3-րդ ավիաբազայում։

Այսպիսով, AWACS-ները սպառազինությունում ընդգրկվելու դեպքում հնարավորություն են տալու Թուրքիային հետևել Էգեյան և Միջերկրական ծովերի, Իրանի և նախկին ԽՍՀՄ երկրների մի մասին։

Նշենք, որ «Բոինգի» և Թուրքիայի միջև համապատասխան ինքնաթիռներ ձեռք բերելու պայմանագիրը ստորագրվել էր 2003 թվականին, իսկ պայմանագրի արժեքը կազմել էր 1,5 մլրդ ԱՄՆ դոլար։ Նախատեսվում էր ինքնաթիռները տրամադրել դեռևս 2008 թվականին, սակայն ամերիկյան կողմը մի քանի տարի ուշացրել է դրանց պատրաստումը, ինչի համար էլ տուգանքներ է վճարել։

Թեմայի վերաբերյալ Ռազմինֆոն զրուցեց թուրքագետ Լևոն Հովսեփյանի հետ։ Այն հարցին, թե տարածաշրջանային մակարդակով սա ի՞նչ է տալիս Թուրքիային, Լևոն Հովսեփյանը նշեց.

«Նախ, այս համակարգերի ձեռքբերումը տեղավորվում է Թուրքիայի միասնական հակաօդային-հակահրթիռային ազգային համակարգ ստեղծելու քաղաքականության մեջ, և սա լուրջ ձեռքբերում է Թուրքիայի համար: Իհարկե, առաջին հերթին տարածաշրջանում սա նոր իրողություն է` նման համալիրների հայտնվելը Թուրքիայի ռազմաօդային ուժերում:

Փաստորեն, օդային վերահսկողության հարցում Թուրքիան էականորեն առաջ է անցնում տարածաշրջանում: Մերձավոր Արևելքում նման միջոցների տիրապետում են Իսրայելը, Սաուդյան Արաբիան, սակայն դրանք նույնը չեն, ինչ-որ Թուրքիայինն է, այլ օդային նախազգուշացման ու վերահսկման այլ մոդելներ` կրկին ամերիկյան արտադրության: Իրանի ռազմաօդային ուժերում էլ կար ռուսական արտադրության նման համակարգ, որը, կարծեմ, 2009 թվականին վթարի ենթարկվեց: Թուրքիայի կողմից ձեռքբերված այս համակարգերը արդիականացված են և տարածաշրջանում, փաստորեն, դառնում են լուրջ միջոցներ»,-նշեց թուրքագետը:

[Vrej1915]

Re: Military Forces of the Republic of Armenia

Հայրենի մեդիադաշտի ութ տարով ուշացած տագնապը
Հուլիս 3, 2013 by Ռազմ.Ինֆո

http://razm.info/14212

Ադրբեջանի՝ Ռուսաստանից սպառազինության վերջին գնումներից հայկական լրատվամիջոցներում և համացանցում հատկապես մեծ աղմուկ բարձրացրին համազարկային կրակի «Սմերչ» ռեակտիվ կայանները։ Շատերը, համացանցում հայտնաբերելով այդ համակարգի մասին ռուսական գովազդային հաղորդաշարերը, այսպես ասած, հալած յուղի տեղ են ընդունել այնտեղ հնչող պնդումները։Հետաքրքիր է նաև այն, որ տագնապն առաջանում է հիմա. այն դեպքում, երբ դեռ 2004-2005 թթ. Ադրբեջանն Ուկրաինայից գնել էր 12 միավոր «Սմերչ», այսինքն` արդեն 8-9 տարի է, ինչ ադրբեջանական բանակը զինված է այդ համակարգերով։

Ստորև հակիրճ կառանձնացնենք «Սմերչի» մասին ամենատարածված գովազդային առասպելները, որոնք ծնվել են Իգոր Պրոկոպենկոյի «Военная тайна» («Ռազմական գաղտնիք») հաղորդաշարի այս թողարկումից։



Սակայն ընդգծենք նաև, որ այս հոդվածով ամենևին նպատակ չունենք փնովել կամ թերագնահատել հակառակորդի ձեռք բերած սպառազինությունը և ոչ էլ մեր ընթերցողների «գլխի տակ փափուկ բարձ դնելու» ցանկություն ունենք։ «Սմերչը» բավականին լուրջ զինատեսակ է, և մեր բանակը պիտի պատրաստ լինի պատերազմի դեպքում ժամանակին դրանք հայտնաբերել և ճնշել (ինչը, ի դեպ, ֆանտաստիկայի ժանրից չէ)։

Մեր նպատակն է այդ համակարգի մասին մեր ընթերցողներին օբյեկտիվ պատկերացում տալը։

Եվ այսպես, առասպելներից հիմնականն այն է, թե իբր «Սմերչ»-ն աշխարհի ամենալավ զենքն է։ Կամ մեկ այլ տարբերակի համաձայն` «Սմերչն» աշխարհի ամենալավ համազարկային կրակի կայանն է։

Այս թեզի առաջին տարբերակն ակնհայտ անհեթեթություն է, այնպես որ քննարկենք երկրորդ տարբերակը։ Իրականում նույնիսկ այդ տարբերակը կոռեկտ չի հնչում, քանի որ հասկանալի չէ, թե ինչ է նշանակում «ամենալավ». ամենամեծ տրամաչափով, փողերի ամենաշատ քանակովը, ամենահեռահար, ամենաճշտգրիտ, մարտադաշտում ամենակենսունակ ևն։

Եթե այնուամենայնիվ փորձենք իրար հետ համեմատել համազարկային կրակի տարբեր կայաններ, ապա նախ պիտի փաստենք, որ այսօր այդ տիպի ամենաառաջատար համակարգերն առաջարկում է ոչ թե Ռուսաստանը, այլ Չինաստանը։

Այսպես օրինակ, չինական «PHL03» համակարգը, որը թվում է թե «Սմերչի» ճշտգրիտ պատճենն է և արտաքինից դժվար է դրանք տարբերել, ավելի քան երկու անգամ գերազանցում է օրիգինալ «Սմերչին» իր հեռահարությամբ և միաժամանակ չի զիջում մնացած պարամետրերով։

ԲՄ-30 «Սմերչ» ՀԿՌԿ
ԲՄ-30 «Սմերչ» ՀԿՌԿ
PHL03 ՀԿՌԿ
PHL03 ՀԿՌԿ
«Սմերչին» գերազանցում է նաև դարձյալ 300մմ տրամաչափի մեկ այլ չինական համակարգ` «AR1A», որը, սակայն, 12-ի փոխարեն ունի 10 փող։

AR1A ՀԿՌԿ
AR1A ՀԿՌԿ
Բացի նշվածներից, Չինաստանն առաջարկում է նաև ավելի հեռահար և մեծ տրամաչափի համակարգեր, ինչպիսին է օրինակ «WS-2»-ը։ Այն ի վիճակի է 400մմ տրամաչափի հրթիռներով հարվածներ հասցնել մինչև 200կմ (այլ տվյալներով` 350կմ) հեռավորության վրա գտնվող թիրախներին, ընդ որում` հրթիռի շեղումը թիրախից կազմում է հեռավորության 0.17%-ը։ Համեմատության համար նշենք, որ «Սմերչի» շեղումը կազմում է 0.21%։

WS-2 ՀԿՌԿ։
WS-2 ՀԿՌԿ։
Այսպիսով, ռուսական ինքնագովազդի այն պնդումները, թե «Սմերչը» «աշխարհում անալոգ չունեցող», «դեռևս չգերազանցված» համակարգ է, մեղմ ասած, չեն համապատասխանում իրականությանը։ Իրականում «Սմերչն» իր դասի մեջ այսօր միջին դիրք է գրավում և իր հնարավորությունների հանրագումարով այն համեմատելի է մեր բանակի ունեցած «WM-80» չինական համակարգերին։

«WM-80»-ն ունի ավելի փոքր տրամաչափ (273մմ) և, ըստ ամենայնի, զիջում է «Սմերչին» ճշգրտությամբ (ըստ չճշտված տվյալների՝ հրթիռի շեղումը կազմում է մինչև հեռավորության 0.3%)։ Փոխարենը «WM-80»-ի հեռահարությունը 10կմ-ով ավել է և որ ամենակարևորն է, այն լիցքավորվում է կոնտեյներային եղանակով, այլ ոչ թե առանձին հրթիռներով, ինչի շնորհիվ վերալիցքավորման ժամանակը կազմում է 5-8 րոպե։

Մինչդեռ «Սմերչի» լիցքավորումը տևում է 35-45 րոպե, իսկ հաշվի առնելով այն, որ «Սմերչը» չի կարող լիցքավորված վիճակում տեղաշարժվել, լիցքավորումը կատարվում է հենց կրակային դիրքից։ Իր հերթին, կրակային դիրքում 35-45 րոպե մնալը մեծացնում է հակառակորդի կողմից համակարգերի հայտնաբերման հավանականությունը և հետևաբար այն ավելի խոցելի է դարձնում։

WM-80 ՀԿՌԿ
WM-80 ՀԿՌԿ
Ի դեպ, Իգոր Պրոկոպենկոյի՝ «Սմերչի» մասին ռեպորտաժում արհամարհանքով նշվում է, թե ամերիկյան «M270 MLRS» համակարգերի արձակման կայանները մեկանգամյա օգտագործման են։

Խոսքն իրականում հրթիռների կոնտեյներների, այլ ոչ թե արձակման կայանների մասին է։ Բացի այս «աննշան անճշտությունից», ռուս մեկնաբանները նաև «մոռացել են» նշել այնպիսի մի «մանրուք», որ կոնտեյներների շնորհիվ ամերիկյան համակարգը կհասցնի «Սմերչի» ամեն համազարկին պատասխանել 3-4 համազարկով։

M270 MLRS ՀԿՌԿ
M270 MLRS ՀԿՌԿ
Տարածվող հաջորդ թեզի համաձայն՝ «Սմերչը» զանգվածային ոչնչացման զենք է։ Սա նույնպես ռուսական ինքնագովազդ է, մինչդեռ ոչ գործունեության սկզբունքով, ոչ խոցող հատկություններով և ոչ էլ պատճառվող պոտենցիալ ավերածությունների և մարդկային զոհերի քանակով «Սմերչն» ուղղակի անհամեմատելի է և միջուկային, և քիմիական, և կենսաբանական զենքի հետ։

Երրորդ պնդումն այն է, թե «Սմերչն» ի վիճակի է ոչնչացնել բոլոր կենդանի օրգանիզմները 67 հա տարածության վրա։ Իրականում խոսքը խոցման տիրույթի մասին է, այսինքն` 67 հա-ն այն տարածքն է, որի վրա կցրվեն հրթիռների բեկորները։ Պնդումը, թե այդ տարածքում ամեն ինչ և ամեն ոք կոչնչանա, նույնն է, ինչ պնդել, թե «Ֆ-1» նռնակը 200մ շառավղով ամեն ինչ կոչնչացնի, իսկ հայկական ամբողջ բանակին հաղթելու համար բավարար է ընդամենը 2000 ավտոմատ՝ լրիվ լիցքավորված փամփշտակալներով։

Առհասարակ, նշված հաղորդաշարում այլ չափազանցություններ էլ կան։ Այսպես օրինակ` գործնականում «Սմերչի» հեռահարությունը 70կմ է, քանի որ 90կմ հեռահարությամբ հրթիռներ արտադրվել են շատ քիչ քանակով։ Համակարգի հրթիռները կառավարվող են միայն հեռավոր ապագայի պլաններում։ Այդ նույն հեռավոր ապագայի պլաններին է վերաբերում նաև անօդաչու թռչող սարք արձակելու մասին պնդումը և այդպես շարունակ։

Այս ամենից բացի նաև մտահոգություններ էին հնչում, որ «Սմերչի» թիրախները լինելու են բնակավայրերը։ Չի կարելի ասել, թե այս մտահոգությունները անտեղի են, քանի որ կա Արցախյան առաջին պատերազմի տխուր փորձը։ Եվ անշուշտ, դա զգալի կորուստներ կպատճառի քաղաքացիական բնակչության շրջանում։ Բայց մյուս կողմից նաև փաստ է, որ նման ռազմական նշանակություն չունեցող թիրախներին հարվածելը ռազմական տեսակետից անարդյունավետ է, քանի որ բանակի հնարավորությունները դրանից քիչ են տուժում։

Ամեն դեպքում, պիտի պատրաստ լինել նաև այդ սցենարի և մասնավորապես անհրաժեշտ է բնակչության հետ պարբերաբար քաղպաշտպանության զորավարժություններ իրականացնել։

[Vrej1915]

Re: Military Forces of the Republic of Armenia

Ռազմական ցուցահանդեսների թաքնված մարգարիտները
Հունիս 29, 2013 by Ռազմ.Ինֆո


Եթե երբևէ առիթ լինի այցելել որևէ ռազմական կամ ռազմաարդյունաբերական ցուցահանդես, մի շտապեք մոտենալ այն ստենդերին, որոնց մոտ ամենամեծ աշխուժությունն է։ Որպես կանոն ամենահետաքրքիր, իսկ երբեմն նույնիսկ սենսացիոն նմուշները մնում են չնկատված։

Այսպես, օրինակ՝ անցած տարի Պաշտպանության նախարարության շենքում ռազմաարդյունաբերական ցուցահանդեսի ժամանակ ամենամեծ հետաքրքրություն էին առաջացրել ավտոմատի, նռնակետի, հակատանկային համակարգերի վարժասարքերը, հայրենական արտադրության ինքնաձիգերն ու դիպուկահար հրացանները, անօդաչու թռչող սարքերը։

Մինչդեռ ցուցահանդեսի ամենահետաքրքիր նորույթը` գերմանա-ֆրանսիական հակատանկային հայտնի «MILAN» համակարգի արձակման կայանը, աննկատ մնաց և´ այցելուների, և´ լրագրողների համար։ Եւ սա այն պարագայում, որ մեր բանակում այդ համակարգի հայտնվելն ինքին լուրջ իրադարձություն է, իսկ մեր ռազմաարդյունաբերության առընչությունը դրա կատարելագործմանը` էական և հուսադրող ձեռքբերում։

Գերմանա-ֆրանսիական «MILAN» հակատանկային հրթիռային կայան։
Գերմանա-ֆրանսիական «MILAN» հակատանկային հրթիռային կայան։
«MILAN» համակարգը նախատեսված է հետևակի հակատանկային պայքարի հնարավորություններն ընդլայնելու համար։ Սպառազինության ընդունվելով դեռ 1972 թվականին և անընդհատ կատարելագործվելով, այն մինչև այսօր իր դասում ամենատարածված և արդյունավետ համակարգերից մեկն է, ինչն ապացուցվել է նաև վերջին տասնամյակների մի շարք այլ պատերազմներում։ Հայտնի է օրինակ, որ «MILAN»-ի ընդհանուր առմամբ շուրջ 50000 մարտական և ուսումնական արձակումներից թիրախի խոցմամբ են ավարտվել ավելի քան 92%-ը։

Նույն կերպ, «Էրեբունի» ավիաբազայում երեկ կայացած ռազմաօդային ուժերի, հակաօդային պաշտպանության և ռադիոէլէկտրոնային պայքարի զորքերի ցուցահանդեսում այցելուների ուշադրությունը գրավել էին բացառապես մարտական ինքնաթիռներն ու ուղղաթիռները։ Մինչդեռ ցուցադրված օպտիկաէլեկտրոնային հակազդման և ռադիոկապի ճնշման կայանները պակաս ուշադրության արժանի չէին։

Ցուցադրված շարժական օպտիկաէլեկտրոնային հակազդման կայանը հնարավորություն է տալիս հայտնաբերել հակառակորդի օպտիկական և օպտիկա-էլեկտրոնային սարքերը մինչև 2.5կմ հեռավորության և արդյունավետ խոցել դրանք մինչև 1.5կմ հեռավորության վրա։ Այս կայանների ձեռքբերումը հատկապես կարևոր է թշնամու դիպուկահարների վնասազերծման խնդիրը լուծելու համար, քանի որ դրանք հնարավորություն են տալիս վնասել ոչ միայն օպտիկական սարքերը (օրինակ` դիպուկահար հրացանների նշանոցները), այլ նաև մարդու աչքի ոսպնյակը, ինչը կարող է թշնամու դիպուկահարներին տևական ժամանակով շարքից դուրս հանել։

Օպտիկաէլեկտրոնային հակազդման կայան։
Օպտիկաէլեկտրոնային հակազդման կայան։
Ուշագրավ մյուս համակարգը ռադիոկապի խանգարման «Ռ-330Բ» կայանն էր։ Կայանը հնարավորություն է տալիս իրականացնել ռադիոհետախուզություն մինչև 35կմ և ռադիոճնշում մինչև 30կմ խորությամբ, այսինքն` ռազմական գործողությունների թատերաբեմը և թշնամու մերձավոր թիկունքն ամբողջությամբ։

Ռադիոկապի խանգարման «Ռ-330Բ» կայան։
Ռադիոկապի խանգարման «Ռ-330Բ» կայան։

[Eddo211]

Re: Military Forces of the Republic of Armenia

ROLE OF ARMENIAN INTELLIGENCE AGENTS IN SHOUSHI LIBERATION




Prepared by RA AF GS Intelligence Department

As RA Defense Minister Seyran Ohanyan mentioned, liberation of Shoushi (1992.05.09) is such a military operation which “made our independence a reality” and “opened a new firmament of success of Artsakh armed forces”. In historical victory of Shoushi the Armenian intelligence agents have their inestimable role.

After the Soviet troops withdrawal from Artsakh the NKR leadership created the first regular sub-unit of intelligence agents in the self-defense forces – military intelligence company headed by Vitaliy Haroutyunyan. After some time a radio intelligence group was formed.

The agents on a par with other soldiers participated in military actions showing outstanding heroism. In this regard it is noteworthy to mention the operation of Togh village where 100 fighters participated headed by Arkadiy Ter-Tadevosyan. Here owing to Vigen Grigoryan’s intelligence group’s timely information, enemy’s headquarter staff and its main forces disposition were revealed.

When the decision about Shoushi liberation matured, the intelligence work activated to design the military operation. With intelligence efforts all the Azeri commanders (who were in Shoushi) names, the passwords, military equipment’s qualitative and quantative data were inquired.

Owing to the competent work of intelligence detachments commanders Michael Melik-Stepanov, Victor Saghatelyan, Haykaz Ananyan the enemy found himself in a difficult psychological situation. In achieving victory the assault groups intelligence company headed by Semyon Abrahamyan and Valeriy Hayriyan had their contribution. On May 9th the company fighters smothering the enemy’s resistence entered Shoushi. Here the fighters of special intelligence group under the command of Rouslan Israelyan displayed themselves on a high level, too.

“During its 273-year old history the fortress Shoushi, which was always famous for its impregnability, for the first time surrendered in the name of historical justice. During the military operation which lasted for two days, indisputable fact of human dignity to serve homeland became evident, which brightly was displayed in the heroic deeds of 1st, 4th, 6th, Aknakhbyur, Balouja companies, intelligence subunits of the self-defense forces”, – such an assessment to the Shoushi liberation was given by the newspaper “Martik” (Fighter) in one of its issues in 1993.

http://www.hayzinvor.am/en/8916.html

[Haykakan]

Re: Military Forces of the Republic of Armenia

Nice find Eddo! We must never forget what our heroes did for their country and people.

[Vrej1915]

Re: Military Forces of the Republic of Armenia

ՌԴ զինված ուժերին տրամադրվել է ևս 150 միավոր Տ-72Բ3 տանկ
Հոկտեմբեր 15, 2013 by Գարիկ Հարությունյան


Ավարտվել է ՌԴ ԶՈւ կենտրոնական ռազմական օկրուգի գվարդիական համազորային բանակի տանկային միավորման վերազինումը Տ-72Բ3 արդիականացված տանկերով։

Տանկերի վերջին խմբաքանակն արդեն տրամադրվել է տանկային բրիգադին, ու շուտով տանկերը կմտցվեն սպառազինության մեջ ու կկցվեն անձնակազմին։ Մինչ այդ ընթացիկ տարվա առաջին կեսին տանկային բրիգադի անձնակազմը անցել էր վերապատրաստում ու ծանոթացել արդիականացված տանկին։



Ընդհանուր առմամբ տանկային միավորմանը տրամադրվել է 150 միավոր Տ-72Բ3 տանկ։

Նորացված տանկի վրա տեղադրված է 840 ձիաուժանոց շարժիչ բազային 780 ձիաուժանոցի փոխարեն, «Կոնտակտ-5» արտաքին դինամիկ զրահ, բազմալիք «Սոսնա-Ու» նշանոց, կապի նորագույն սարքեր, սպառազինության կատարելագործված ստաբիլիզատոր ու զանգվածային ոչնչացման զենքից պաշտպանության համակարգ։ Կատարելագործվել են նաև ընթացամասն ու թրթուռները։ Բացի այդ տանկի սպառազինությունը թույլ է տալիս կիրառել զինամթերքի նոր, ավելի մեծ զրահահարությամբ տեսակներ։

Հիշեցնենք, որ Տ-72Բ3 տանկերով վերազինվում է նաև ՌԴ ԶՈւ հարավային ռազմական օկրուգը։ Վերազինումը սկսվել է ընթացիկ տարվա սեպտեմբերին։

Նշենք, որ ՌԴ ԶՈւ վերազինումը նախատեսված է ավարտել 2015-ի վերջին։ Արդյունքում ՌԴ ԶՈւ սպառազինությունից կհանվեն Տ-80 տանկերը, իսկ դրանց փոխարեն կտրամադրվեն Տ-72Բ ու Տ-90 տանկեր։

[Vrej1915]

Re: Military Forces of the Republic of Armenia

Ռուսաստանը 2014-ից կսկսի Ադրբեջանին «Ուրան- Է» հարվածային հրթիռային համալիրներ տրամադրել

Հոկտեմբեր 15, 2013

Ռուսաստանը հաջորդ տարվանից կսկսի Ադրբեջանին «Ուրան- Է» հարվածային հրթիռային համալիրներ մատակարարել:

Ադրբեջանական կողմը 2010-ին ռուսական «Տակտիկական հրթիռային սպառազինություն» կորպորացիային 75 մլն դոլարի պատվեր է տվել եւ այս տարեվերջից կսկսվի այդ պատվերի իրականացումը: Այդ հրթիռային համալիրները կներառվեն Ադրբեջանի ռազմածովային ուժերի ծովային սպառազինությունների կազմում, հաղորդում է apa-ն՝ վկայակոչելով իր ռազմական աղբյուրը:

Աղբյուրի փոխանցմամբ՝ ներկայումս Կասպից ծովում այդ համալիրներով զինված են միայն ռուսական եւ թուրքմենական ռազմանավերը: 2010-ին Ադրբեջանի հետ միասին «Ուրան-Է» հրթիռային համալիրներ են պատվիրել նաեւ Թուրքմենստանը (79,8 մլն դոլար) եւ Ղազախստանը (30 մլն դոլար):
Թուրքմենական պատվերի առաջին խմբաքանակը մատակարարվել է 2011-2012 թվականներին: Աշխաբադը 2014-ին այդ սպառազինությունից լրացուցիչ պատվիրել է եւս 40 մլն դոլարի:

[arakeretzig]

Re: Military Forces of the Republic of Armenia

Ռուսաստանը 2014-ից կսկսի Ադրբեջանին «Ուրան- Է» հարվածային հրթիռային համալիրներ տրամադրել

Հոկտեմբեր 15, 2013

Ռուսաստանը հաջորդ տարվանից կսկսի Ադրբեջանին «Ուրան- Է» հարվածային հրթիռային համալիրներ մատակարարել:

Ադրբեջանական կողմը 2010-ին ռուսական «Տակտիկական հրթիռային սպառազինություն» կորպորացիային 75 մլն դոլարի պատվեր է տվել եւ այս տարեվերջից կսկսվի այդ պատվերի իրականացումը: Այդ հրթիռային համալիրները կներառվեն Ադրբեջանի ռազմածովային ուժերի ծովային սպառազինությունների կազմում, հաղորդում է apa-ն՝ վկայակոչելով իր ռազմական աղբյուրը:

Աղբյուրի փոխանցմամբ՝ ներկայումս Կասպից ծովում այդ համալիրներով զինված են միայն ռուսական եւ թուրքմենական ռազմանավերը: 2010-ին Ադրբեջանի հետ միասին «Ուրան-Է» հրթիռային համալիրներ են պատվիրել նաեւ Թուրքմենստանը (79,8 մլն դոլար) եւ Ղազախստանը (30 մլն դոլար):
Թուրքմենական պատվերի առաջին խմբաքանակը մատակարարվել է 2011-2012 թվականներին: Աշխաբադը 2014-ին այդ սպառազինությունից լրացուցիչ պատվիրել է եւս 40 մլն դոլարի:

russia's way of keeping in check what cruise missles Azeris buy? Otherwise, why would they sell something that can potentially be used against them in the caspian sea.

[londontsi]

Re: Military Forces of the Republic of Armenia

russia's way of keeping in check what cruise missles Azeris buy? Otherwise, why would they sell something that can potentially be used against them in the caspian sea.

There is no Caspian country that would end up better off following a confrontation with Russia, so Russia being attacked is discounted.

Russia’s aim is to control the area with little material, little manpower but profitably.

Make everybody buy Russian arms then periodically create/control tensions between the countries to serve its interests “without getting involved”.

Replication of Karabagh /Azerbaijan model.

.

[Vrej1915]

Re: Military Forces of the Republic of Armenia

Զոհվել է վաշտի հրամանատարը, 3 հոգի վիրավորվել են
Հինգշաբթի, 17 Հոկտեմբերի 2013,

ՀՀ ՊՆ-ից հայտնում են, որ հոկտեմբերի 16-ին, ժամը 20:30-ի սահմաններում ՀՀ հյուսիսարևելյան սահմանագոտում տեղակայված զորամասի հսկողության տարածքում մարտական խնդիր իրականացնելիս մահացու ականապայթյունային վիրավորում է ստացել ՀՀ ՊՆ N զորամասի ինժեներասակրավորային վաշտի հրամանատար, կապիտան Գևորգ Գագիկի Մնացականյանը (ծնված 1988թ., ծառայում էր 2005թ.-ից, Գավառի զ/կ):
Տարբեր աստիճանի վնասվածքներով Երևանի ԿԿԶՀ են տեղափոխվել ավագ լեյտենանտ Գարուշ Վերիկի Համբարձումյանը (վիճակը միջին ծանրության է), պարտադիր ժամկետային զինծառայող, շարքային Նարեկ Արարատի Հակոբյանը (վիճակը բավարար է), պայմանագրային զինծառայող, շարքային Էդգար Վարդանի Հարությունյանը (վիճակը միջին ծանրության է):
Կատարվում է հետաքննություն:
ՀՀ պաշտպանության նախարարությունը կիսում է ծանր կորստյան վիշտը և իր զորակցությունն է հայտնում իր պարտքը կատարելիս հերոսաբար զոհված կապիտան Գևորգ Գագիկի Մնացականյանի ընտանիքի անդամներին, հարազատներին և ծառայակիցներին:
- See more at: http://www.lragir.am/index/arm/0/cou....1jp0LMLW.dpuf