Scarfaces of Armenia

[Vrej1915]

FACES OF SCARFACES

Մանվելի ընտանիքի անդամները կորցնում են հետքերը. խայտառակ փաստեր

Lragir.am
22.06.2018



Հրապարակ թերթը գրում է. «Մանվել Գրիգորյանի ընտանիքի անդամներն իրենց բիզնեսների հետքերը կորցնելու գործընթաց են սկսել: Գրիգորյանի դատավոր աղջկա ամուսինը շուրջ 1,5 տարի առաջ Էջմիածնի Սպանդարյան փողոցում ավտոլվացման ծառայություն էր հիմնել եւ «Լվա ինքդ» սպասարկում էր իրականացնում: Չար լեզուներն ասում էին, որ նա հարկային դաշտից դուրս է գործում։ Գուցե ապօրինությունների բացահայտման վախը կամ հանրային ճնշումը պատճառ են դարձել, եւ հունիսի 19-ին նա ապամոնտաժել է լվացակայանը:

Մեր աղբյուրի փոխանցմամբ՝ Մանվելի փեսան նույն փողոցում, ավտոլվացակայանից մի քանի մետր հեռավորության վրա, նաեւ սպա կենտրոն ունի՝ «Լեդի սպա» անունով։ «Ճիշտ ժամանակն է, որ ստուգումներ իրականացնողներն այցելեն նաեւ Էջմիածնի հարկային տեսչություն: Հաստատ՝ հետաքրքիր բացահայտումների պակաս չեն ունենա»,- ասաց Էջմիածնի հարկային տեսչության նախկին աշխատակիցը: Գրիգորյանների ընտանիքն ու մերձավորները տասնյակ տարիներ չեն վճարել նաեւ կոմունալ վարձերը:
«Ջուր, լույս, գազ օգտագործել են ու պարտքը թողել ընկերությունների վրա: Սրանք էլ, որպեսզի այդ պարտքերը մարեն, ծախսը ցրել են բնակիչների վրա: Էս խեղճ մարդիկ իրենց ճղում էին, թե իրենց ծախսածից կրկնակի ու եռակի ավել են վճարում, բայց ո՞ւմ ինչ ապացուցեին… վզներին էր, պիտի փակվեին: Լույսի մարդիկ «բրոնեժիլետներ» էին դարձել. վիզ դրած՝ պաշտպանում էին սրանց ապօրինությունները»: Էջմիածինցիներն այնքան զայրացած են կատարվածից, որ շատ հնարավոր է սրանց մի մասը նաեւ լեգենդներ լինեն։ Այս քաղաքում, որը ստրկական հնազանդությամբ տասնամյակներ շարունակ կրել է Մանվել Գրիգորյանի լուծը, մարդիկ ընդվզել են։ Նորօրյա սպարտակները Գրիգորյանների մասին այժմ լսել անգամ չեն ուզում եւ նույնիսկ խոսում են նրանց քաղաքից վտարելու մասին: Ասում են՝ էս սուրբ քաղաքում նրանց նման պիղծ մարդիկ չպետք է ապրեն»:

[Vrej1915]

«Շմայսին լուրջ հարցեր տվեք». Խեղկատակների վերջը

Lragir.am
22.06.2018



ԱԱԾ-ն երեկ բերման է ենթարկել հայկական ռազմա-քաղաքական դաշտի խեղկատակներից մեկին՝ ՀՀԿ նախկին պատգամավոր Առաքել Մովսիսյանին, ում տանը խուզարկություն են կատարել եւ զենք հայտնաբերել: Սա Ղարաբաղյան առաջին պատերազմի հերթական մակաբույծն է, ով այդ տարիներին Մանվելի հովանու տակ նախ հավ ու ոչխար էր գողանում Հադրութի շրջանի բնակչությունից, ապա նրա հետ միասին անցավ լայնածավալ թալանի:

Պատերազմի շրջանում իր գործունեությունը նա բնութագրել է կարճ՝ ազգի համար ո. եմ տվել: Ճակատում նա երեւաց նաեւ ապրիլյան ռազմագործողությունների ժամանակ, երբ ծխախոտ էր շպրտում զինվորների ուղղությամբ, ովքեր գնում էին առաջնագիծ:



Շմայսը Մանվելի «ալիբին» էր, եւ պատերազմի մասին հարցերին պատասխանելիս հաճախ հղում էր անում նրան՝ Շմայսին հարցրեք, կվկայի: Հատկապես Մարտակերտում իր հանցավոր անկոմպետենտության պատճառով հարյուրավոր զոհերի հարցում:

Պատերազմից հետո Շմայսը Մանվելի հետ մտավ քաղաքական անցուդարձի մեջ, ռազմաֆեոդալական միության շրջանակում, որի առջեւ Լեւոն Տեր-Պետրոսյանն ու Վազգեն Սարգսյանը, ապա հաջորդ նախագահները դրել էին որոշակի խնդիրներ՝ ճնշել ընդդիմության ու հանրության բողոքի դրսեւորումները:

Այնուհետեւ նրանք դարձան նաեւ պատգամավորներ, աչքի ընկնելով իրենց վայրենի ու հակահիգիենիկ արարքներով ու հայտարարություններով:

Շմայսը ՀՀԿ-ի սիրելին էր, եւ օրինակ Սերժ Սարգսյանը լրագրողներին հորդորում էր լուրջ հարցեր տալ նրան ու մյուս խեղկատակներին: Հիմա լուրջ հարցեր տալու ժամանակն է:

Շմայսը թավշյա հեղափոխությունը «ցրողների» մեջ էր, ճանապարհներ էր փակում՝ հանրային երթերը թույլ չտալու համար:

Մանվելից հետո նրա հանդեպ իրավապահների գործողությունները տրամաբանական են, եւ ըստ ամենայնի՝ կապված չեն միայն կոռուպցիոն սխեմաների հետ:

[Vrej1915]

Եղբորս պահել են ջրհորում, շղթայած. սարսափազդու պատմություն՝ Մանվել Գրիգորյանի մասնակցությամբ



2018-06-21

Ֆեյսբուքյան օգտատեր Մայա Սթեֆանի Մնոյանը իր էջում ներկայացրել է շուրջ 2 տասնամյակ առաջ կատարված պատմություն՝ Մանվել Գրիգորյանի մասնակցությամբ, ում պատճառով իր ընտանիքը դարձել է փախստական, կորցրել ամեն ինչ, սնանկացել ու զենքի սպառնալիքով լքել Հայաստանը:



Սարսափելի պատմության մասին գրառումը ներկայացնում ենք ամբողջությամբ.

Շուրջ երկու տասնամյակների լռությունը խախտելով՝ այսօր կպատմեմ ողջ իրողությունը, որի հետևանքով ընտանիքս ստիպված եղավ ուղղակի փախչել Հայաստանից:





Չակերտավոր գեներալ Մանվել Գրիգորյանի անվան շուրջ բարձրացված աղմուկը և հանրությանը ցնցած վերջին իրադարձությունները ընդամնենը բացահայտումն են նրա՝ տարիներ շարունակ ծավալած անմարդկային ու անբարո գործունեության:

Գիտակցելով, որ Հայաստանում փոխվել է իրավիճակը՝ հույս ունեմ, որ տարիներ անց իրենց արժանի պատիժը կստանան այն անձինք, ովքեր Մանվել Գրիգորյանի գլխավորությամբ կործանեցին իմ հայրական ընտանիքը:
1997 թ. 20֊21 ամյա եղբարս՝ Էդգար Մնոյանը, ով բանակից զորացրվելուց անմիջապես հետո աշխատանքի էր անցել ֆինանսների նախարարությունում, մի օր առևանգվում է:

Նշեմ, որ վերջինս բանակ զորակոչվելուց որոշ ժամանակ անց տեղափոխվել էր Արմավիրի մարզի Արշալույս գյուղում գտնվող Մանվել Գրիգորյանի առանձնատուն՝ վերջինիս թիկնազորում ծառայությունը շարունակելու:
Այդ տարիների համար մեր ընտանիքը բավականաչափ ապահովված էր: Հայրս՝ Ստեփան Մնոյանը, ինչպես յուրաքանչյուր ծնող, հաճախ այցելում էր որդուն տեսակցելու: Մ. Գրիգորյանի աչքից չեն վրիպում հոգատար ծնողի ճոխ այցելությունները, արտասահմանյան մակնիշի մեքենաները և ծառայությունը ավարտելուց հետո ենք միայն հասկանում, թե Մանվելի թիրախում հայտնված մեր ընտանիքը՝ եղբորս ծառայությունից հետո ինչպիսի չարչարանքների ու զրկանքների պիտի ենթարկվեր:



Առևանգված եղբորս մասին լուրը հայտնում է ոմն Սմբատյան, ով անսպասելի զանգահարում և պահանջում է 10.000 ԱՄՆ դոլար, պատճառաբանելով, թե եղբայրս գողություն է կատարել Մանվելի առանձնատնից և նրան ազատ կարձակեն միայն վերոնշյալ գումարը վճարելուց հետո: Մեր հորդոր-պահանջներին՝ եթե գողություն է կատարել, թող հանձնեն օրինապահ մարմիններին և պատժեն՝ ինչպես օրենքը կորոշի, զանգահարողը ասում է՝ օրենքը մերն է և մենք ենք ենք որոշում՝ ինչպես պատժել, ապա ավելացնում՝ առանց բարձրաձայնելու ենթարկվել իրենց պահանջներին, հակառակ դեպքում պարբերաբար մեզ կուղարկեն Էդգարի մարմնի որևէ մաս. մեջբերում եմ՝ ականջ, մատ, քիթ...

Կատարվածից հանկարծակիի եկած՝ ստիպված վճարեցինք պահանջված 10.000 ԱՄՆ դոլարը, սակայն դրանով չավարտվեց մղձավանջը. դա միայն սկիզբն էր:


Տարատեսակ պահանջներով հաճախակի զանգերն ու այցելությունները մեր տուն չէին դադարում: Նրանց սանձարձակության, ամենաթողության և անպատժելիության աստիճանը հատել էր բոլոր սահմանները. նույնիսկ ակնարկում էին հորս՝ թե լավ էլ ջահել, սիրուն աղջիկներ ունես...

Վճարում էինք՝ ինչ պահանջում էին՝ կլորիկ գումարներ, գույք, մեքենա, հուսալով, որ գոնե թույլ կտան լսել Էդգարի ձայնը, քանի որ նրանց բոլոր պահանջները կատարելուց հետո էլ, որևէ տեղեկություն նրա ողջ լինելու մասին մեզ չէին տրամադրում: Հերթական պահանջներից մեկը՝ մեկ կգ և ոչ մի գրամ պակաս ոսկի էր, որը հավաքվեց մեզ սրտացավ մարդկանց օգնությամբ. տալիս էին անգամ իրենց նշանի մատանիները, որ ուղարկենք Մանվելին, միայն թե եղբորս ողջ լինելու մասին տեղեկություն ստանանք: Երեք ամիսների ընթացքում հասցրին հիմնովին սնանկացել մեզ այն աստիճան, որ մեր սնունդն ապահովում էին հարազատները, հարևանները, բարեկամները: Միակ բանը, որ մնացել էր Եր. Քոչարի 21, բն 66 հասցեում գտնվող բնակարանն էր, որը դարձավ վերջին գլխագինը: Հորս ու մորս տարան իրենց ծանոթ նոտարի մոտ և զենքի սպառնալիքով բնակարանը որպես նվիրատվություն ձևակերպեցին Մանվելի մերձավորներից մեկի անունով:




Յուրաքանչյուր մտահոգ հարազատ, ով փորձում էր Էդգարի մասին որևէ տեղեկություն ստանալ՝ այցելելով Արշալույս գյուղ Մանվելի մերձավորներին, առևանգվում և պատանդ էր վերցվում:
Նրանցից մեկը հորաքրոջս ամուսինն էր, որ գնացել էր Արշալույս գյուղ՝ փորձելով ինչ-որ բան ճշտել եղբորս մասին և գերեվարվել էր մանվելականների կողմից: Նրան շուրջ մեկ ամիս լծել էին անմարդկային պայմաններով աշխատանքի և բաց թողեցին միայն այն ժամանակ, երբ ստացան պահանջված 8000 ԱՄՆ դոլարը, որը վճարեց հորաքրոջս տղան:



Ամբողջ պատմությունը այսքանով ներկայացնել հնարավոր չէ, մեր բոլոր հարազատներն ու մտերիմները ավելացնելու բազմաթիվ զարհուրելի դրվագներ կհիշեն, իսկ խոսքս եզրափակելու համար միայն կավելացնեմ, որ երեք ամիսների ընթացքում Էդգարին պահել են ջրհորում՝ թևերը մեջքի կողմում շղթայած, առանց սննդի: Եղբայրս ողջ է մնացել Մանվելի մոտ ծառայություն իրականացնող զինվորների շնորհիվ, ովքեր երբեմն աննկատ կարողացել են սխտոր գցել ջրհորը, որպեսզի Էդգարը կարողանա գոյատևել, իսկ արդեն ազատվելուց հետո երկար ժամանակ եղբորս մոտ սովորություն էր մնացել քնել թևերը հետ պահած:

Էդգարին բաց թողնելուց հետո Մ. Գրիգորյանի վերջին պահանջն այն էր, որ մեր ընտանիքը անմիջապես լքի Հայաստանը: Սկզբում փախանք Վրաստան: Հետագայում գաղտնի վերադարձանք Հայաստան և ընդմիշտ հեռացանք Ամերիկայի Միացյալ Նահանգներ:
Հ.Գ. Այժմ պատրաստվում ենք գրավոր դիմելու Հ.Հ. վարչապետին, Հ. Հ. գլխավոր դատախազին, Հ. Հ. ոստիկանապետին: Ինչից հետո կվերադառնանք հայրենիք: Լրացուցիչ տեղեկություններ և անձանց անուններ կտրամադրենք նախաքննության ընթացքում:

Մայա Մնոյան

[Vrej1915]

ԱԱԾ-ն նախկին պաշտոնյաների բնակարաններից և տարածքներից հայտնաբերվել է մոտ 200 կգ ոսկի. «Ժամանակ»

2018-06-22 07:35:46

«Տարբեր տեղեկություններ են ստացվում ԱԱԾ հատուկ գործողությունների արդյունքում նախկին պաշտոնյաներին պատկանող բնակարաններից և տարածքներից ոսկու ձուլակտորների հայտնաբերման մասին:































Խոսքը մոտ 200 կգ ոսկու մասին է, որից միայն 50 կգ-ը պատկանել է Մանվել Գրիգորյանին:

Հայ պաշտոնյաները ոսկին դիտարկել են խնայողությունների և հարստության կուտակման ու պահպանման առավել հուսալի միջոց՝ երբեք չմտածելով, որ այն մի օր կարող է դառնալ հանրային սեփականություն»,-գրում է թերթը:



































Նյութն ամբողջությամբ կարդացեք թերթի այսօրվա համարում:

[Vrej1915]

«Ամուսինս քաղհալածյալ չէ». Նաղդալյանին զրկել են արտոնությունից
«Ժողովուրդ»

22.06.2018


«Ժողովուրդ» թերթը գրում է. «Հունիսի 13-ին հայտնի դարձավ, որ վարչապետ Նիկոլ Փաշինյանը կառավարության գործերի կառավարչի պաշտոնից ազատել է Դավիթ Բեգարյանին՝ ԱԺ ՀՀԿ-ական պատգամավոր Հերմինե Նաղդալյանի ամուսնուն: Արդյոք այս ազատումը Հերմինե Նաղդալյանը դիտարկո՞ւմ է որպես քաղաքական ռեպրեսիա:

«Ժողովուրդ» օրաթերթի հարցին ի պատասխան՝ Նաղդալյանը բացասական պատասխան տվեց. «Ոչ մի բան էլ չեմ դիտարկում: Իմ ամուսինը բավական երկար ժամանակ է, ինչ հայտարարել է, որ դուրս է եկել կառավարության իր աշխատանքից»:

Ինչպես հիշում ենք, նախորդ տարվա նոյեմբերին հայտնի դարձավ, որ պատգամավոր Նաղդալյանը բյուջեի հաշվին մի քանի մլն դրամի խոսել էր հեռախոսով: «Հիմա ես ընդհանրապես չեմ օգտվում այդ կապից»,- մեր հարցին ի պատասխան՝ նշել է նա:

Իրականում, սակայն, Նաղդալյանին՝ հայտնի պատմության բացահայտումից հետո զրկել են ծառայողական հեռախոսահամար ունենալու արտոնությունից»:

Առավել մանրամասն՝ թերթի այսօրվա համարում

[Vrej1915]

Երեւանի ու Հայաստանի ծաղրն ու խարանը. Մանվելի «երկվորյակը»

Lragir.am
21.06.2018



Երեւանի իշխող բարձունքում այս շքեղ առանձնատունը պատկանում է Սյունիքի նախկին մարզպետ Սուրիկ Խաչատրյանին՝ Լիսկա: Տունը նորակառույց է, բայց նրա ընտանիքը կարծես թե այդպես էլ կարգին բնակություն չի հաստատել այստեղ: Օրերս տեղեկություն եղավ, որ ընտանիքը հեռացել է Հայաստանից, իսկ Սուրիկ Խաչատրյանի վերաբերյալ տեղեկությունները հստակ չե՝ անձամբ նա հեռացել է, թե գտնվում է Հայաստանում:

Այս տունը ցանցերում բնորոշվում է որպես «արյան վրա կառուցված»: Սուրիկ Խաչատրյանի գերդաստանի անդամների կատարած հանցագործությունների՝ սպանություններ, խոշտանգումներ, թմրանյութի գործեր եւ այլն, վերաբերյալ հարուցված քրեական գործերը բազմաթիվ են: Ինչպես Մանվել Գրիգորյանի միայն սեփականության վկայականները, Նիկոլ Փաշինյանի ձեւակերպմամբ, մի քանի կիլոգրամ են, այնպես էլ Լիսկայի գերդաստանի քրեական գործերը կարող են մի քանի տոննա կշռել:

Անձամբ Սուրիկ Խաչատրյանը չի ազատազրկվել: Բուդաղյանի սպանության գործով մի կարճ ժամանակ բանտում հայտնվեց նրա որդին, հետո արդարացվեց ինքնապաշտպանության հոդվածով, թեեւ հակառակ կողմը համոզված էր, որ նա իր վրա է վերցրել սպանությունը, իսկ կրակողը եղել է հայրը:

Լիսկան գեներալ Մանվելի մտերիմն ու «զինակիցն» է, Ղարաբաղյան առաջին պատերազմի ժամանակներից, որը կյանքի հատակում գտնվող այս մարդկանց համար «կապիտալի նախնական կուտակման» ոսկեբեր հնարավորություն էր: Լիսկան մասնակիցն է եղել գեներալ Մանվելի լայնածավալ թալանի ու «շլագբաումների»:

Ինչ վերաբերում է նրա «ռազմական կենսագրությանը», այն հիշվում է խայտառակ մի դրվագով, երբ նա Հորադիզի մսաղացների ժամանակ թողել էր իր հրամանատարության տակ գտնվող գումարտակը եւ փախել: Հայկական բանակի հրամանատարությունը Սուրիկ Խաչատրյանին էր վստահել 4 կիլոմետր երկարությամբ հատվածը: Հրամանատարները պատմում են, որ Սուրիկ Խաչատրյանն այդպես էլ անձամբ չերեւաց այդ ճակատամարտում, իր գումարտակին թողնելով բախտի քմահաճույքին: Նրան վստահված հատվածի մի մասը մնաց բաց, որտեղից ադրբեջանցիները կարողացան թափանցել հայերի թիկունքը: Սկսվեց իսկական մսաղաց, եղան հազարավոր զոհեր, այդ թվում մեծ կորուստներ ունեցավ Սուրիկ Խաչատրյանի գումարտակը: Զոհերի դիակները մարտի դաշտից հանեցին Հադրութի գումարտակի մարտիկները եւ հանձնեցին նրանց հարազատներին:

Երեւի դրա համար էր Սերժ Սարգսյանը նրան պարգեւատրել Մարտական խաչ մեդալով, որը գրեթե հավասարազոր է հերոսի կոչմանը, իսկ ՊՆ-ն՝ բազմաթիվ այլ մեդալներով:

[Vrej1915]

Ում պետք է փոխանցեր միլիոնը Սերժի Վաչոն

Lragir.am

26.06.2018



ԱԱԾ-ն երեկ ձերբակալել է ԱԱԾ կադրային ռեզերվում գտնվող գեներալ-մայոր Վաչագան Ղազարյանին, նույն ինքը՝ Սերժի Վաչոյին: Ըստ ԱԱԾ հաղորդագրության, նա «անձնական խուզարկության ընթացքում ներկայացրել է «Յունիբանկ» ՓԲԸ-ից դուրս գալու պահին՝ ձեռքին առկա պայուսակի պարունակությունը, որում եղել է 120 հազար ԱՄՆ դոլարը, ինչպես նաև 436 միլիոն ՀՀ դրամ՝ Վաչագան Ղազարյանի անվամբ գրանցված ավանդային հաշվեհամարից:

Ըստ Վաչագան Ղազարյանի՝ կանխիկացման նպատակը եղել է գումարն իրական տիրոջը վերադարձնելը, իսկ թե ով էր գումարի իրական սեփականատերը՝ Ղազարյանը չի ցանկացել հայտնել:

Վաչագան Ղազարյանն անձնական խուզարկության ընթացքում ներկայացրել է առօրյա ծախսերի համար գրպանում առկա 500 հարյուր ԱՄՆ դոլարն ու 213 հազար դրամը, իսկ նրան բանկ ուղեկցած «Լեքսուս» մակնիշի մեքենայից հայտնաբերվել է 50 հազար ԱՄՆ դոլար:

Ազգային անվտանգության ծառայությունը տիրապետում է օպերատիվ տեղեկատվության, ըստ որի, Ղազարյանին բերման չենթարկելու դեպքում, վերջինս պատրաստվում էր կանխիկացնել «Արդշինբանկ» ՓԲԸ-ում իր հաշվին առկա 860 միլիոն դրամն ու կնոջ՝ Ռուզաննա Բեգլարյանի անձնական հաշվեհամարին առկա 690 միլիոն դրամը: Ընդհանուր հաշվով 1,5 միլիարդ դրամ»:

Վաչագան Ղազարյանը հայտնել է, թե «Յունիբանկ» և «Արդշինբանկ» ՓԲԸ-ների իր հաշիվներում առկա գումարը մոռացել է ներկայացնել բարձրաստիճան պաշտոնատար անձանց էթիկայի հանձնաժողովին տրամադրած հայտարարագրում: Նրա դեմ քրեական գործ է հարուցվել հենց այս հանգամանքով:

Վաչագան Ղազարյանը բացահայտումների լրահոսում հայտնվեց իր ընտանիքին պատկանող Յանս ակումբում ու նրա ընտանիքին պատկանող տանը կատարված խուզարկություններից հետո, երբ մասնավորապես հայտնաբերվեց 1 միլիոն դոլարից ավելի կանխիկ փող: ԱԱԾ կադրային ռեզերվում գտնվող Ղազարյանը, ով Սերժ Սարգսյանի վարորդն էր ու հետո անվտանգության պատասխանատուն, քրեական գործի հարուցումից հետո փաստորեն փորձել է բանկերից հանել իր գումարները, եւ պարզվում է, որ երեք միլիոն դոլարի չափով փող ունի բանկերում, մեկ միլիոն դոլարն էլ արդեն կանխիկացրել էր: Ընդհանուր՝ 5 միլիոն դոլար:

Ուշագրավ է, որ ձերբակալման պահին նրա մոտ գտնվող մոտ 1 միլիոն դոլարը՝ 120 հազար ԱՄՆ դոլար եւ 436 միլիոն ՀՀ դրամ, նա հանել է իր հաշվից, բայց ինչպես ինքն է ասել՝ ուրիշի փող է, որ պետք է վերադարձներ: Փաստացի, այդ ուրիշը, մտահոգվելով Վաչագան Ղազարյանի հետագա ճակատագրով, նրան շտապեցրել է հանել այդ փողը եւ վերադարձնել իրեն:

Ո՞վ է նա, ո՞վ կարող էր բանկում Վաչագան Ղազարյանի անունով մեկ միլիոն դոլար պահել, եւ իմանալով, որ նրան հնարավոր է հետեւում են, ուղարկում է բանկից փող հանելու: Նրա մոտ գումարը պահել էին ապահովությա՞ն, թե հետքերը թաքցնելու համար:

Հայաստանում կատարվում են բացահայտումներ, որոնք «գերազանցում» են նույնիսկ ամենավատատեսների «սպասումները»:

[Vrej1915]

ՀՀԿ-ում կատաղած են Սամվել Բալասանյանի վրա. Հրապարակ

Lragir.am

26.06.2018



Հրապարակը գրում է. «ՀՀԿ-ում կատաղած են Սամվել Բալասանյանի վրա, որ համարձակվեց իրենց անփոխարինելի նախագահին զրկել Գյումրու պատվավոր քաղաքացու կոչումից: Ասում են, որ Բալասանյանը երբեք իրենց սրտով չի եղել՝ վարկաբեկված մարդ է, միայն Սերժ Սարգսյանի շնորհիվ է դարձել քաղաքապետ, ինչը շուտ ուրացավ:

«Արժանապատվություն ունենար՝ դիմում կգրեր-կհեռանար, կասեր՝ թող գա ձեր քաղաքապետը զրկի կոչումներից: Բոլորը պիտի հիշեն, որ Սերժ Սարգսյանը բոլորի արած-չարածը լավ գիտի եւ կարող է Փաշինյանին հուշել կոռուպցիայի բացահայտման կոնկրետ «հասցեներ»»,- ասաց մեր աղբյուրը։
Թեեւ ՊԵԿ-ն առանց հուշելու էլ նրա «Գյումրի գարեջուր» ընկերությունում հայտնաբերեց 360 մլն դրամ թաքցված հարկ, 210-ը՝ ակցիզային հարկի, 150-ը` շահութահարկի գծով»:

[Vrej1915]

Արմեն Սարգսյանը մտնում է խաղի մեջ. Հրապարակ

Lragir.am

26.06.2018



Հրապարակ թերթը գրում է. «Մեր տեղեկություններով՝ վարչապետական-նախագահական ինստիտուտների հակասությունը միայն արտաքին քաղաքական խնդիրներով չէ պայմանավորված։ Հիշեցնենք, որ այս օրերին Արմեն Սարգսյանը միջազգային շատ մեծ տուրնեի է, ծննդյան օրն անցկացրեց հարազատ Բրիտանիայում, որտեղ հանդիպումներ էին նախատեսված նաեւ արքայական ընտանիքի հետ։ Լինելու է Ֆրանսիայում, ապա կմեկնի ԱՄՆ։

Նրան մերձ շրջանակներից հետաքրքրվեցինք՝ ո՞րն է այս շրջայցերի նպատակը։ «Բուն նպատակը Հայաստան ներդրումներ բերելն է, առջեւում նաեւ Ֆրանկոֆոնիայի գագաթնաժողովն է, դրան առնչվող խնդիրներ եւս կան օրակարգում»,- ասացին մեզ։

Ի դեպ, մեր տեղեկություններով, առաջիկայում Ա․ Սարգսյանը կմեկնի նաեւ ՌԴ։ Ըստ որոշ աղբյուրների, Իլհամ Ալիեւն ու Արմեն Սարգսյանը շփվելու հնարավորություն ունեցել են անցյալում՝ նույն վայրում «պատահաբար» հանգստանալիս։ «Մի բացառեք, որ Ալիեւը Ռուսաստանին հասկացրած լինի, որ պատրաստ է բանակցել Ա․ Սարգսյանի հետ, ինչին հնարավոր է համանախագահ երկրները եւս դեմ չլինեն», ասաց մեր աղբյուրը։

[Vrej1915]

Իրավիճակի կտրուկ շրջադարձ

Lragir.am

26.06.2018



Իրավապահների աղմկոտ բացահայտումների մեջ թերեւս ամենանշանայինը Սերժ Սարգսյանի ամենամերձավոր շրջապատի՝ նրա երկու եղբայրների ու թիկնազորի պետի շուրջ ծավալվող իրադարձություններն են:

Լեւոն Սարգսյանը ներգրավված է Փյունիկ հիմնադրամի շուրջ կոռուպցիոն սկանդալում, Սաշիկ Սարգսյանը երեկ բերման ենթարկվեց ապօրինի զենք պահելու կասկածանքով, իսկ Վաչագան Ղազարյանի մոտ հայտնաբերվել է չհայտարարագրված մոտ 5 միլիոն դոլար:

Սերժ Սարգսյանի եղբայրները համարվում են ռեկետի «համակարգողները». Լեւոն Սարգսյանի Փյունիկ հիմնադրամը ահռելի գումարներ է ստանում պետական հիմնարկներից, իսկ Սաշիկ Սարգսյանը «փայ մտնում» մասնավոր բիզնեսներում, ինչպես նաեւ «օդից փող բերող» նախաձեռնություններում, մասնավորապես՝ ճանապարհային երթեւեկության ոլորտում:

Սերժ Սարգսյանի եղբայրների ու թիկնազորի պետի շուրջ բացահայտումները կոռուպցիայի դեմ պայքարում շրջադարձային կետ են: Մի կողմից, դրանով վերջ է տրվում ռեկետին պետական ու մասնավոր հատվածում, երբ իներցիայով դա կարող էր շարունակվել, եւ երկրորդ՝ հարվածելով Սերժ Սարգսյանի ամենամերձավոր շրջապատին՝ վերջ է տրվում համակարգի բոլոր կասկածներին, որոնք կարող են կապված լինել «հակահեղափոխության» կամ ռեւանշի հետ, ինչպես նաեւ բոլոր պայմանավորվածություններին:

Դա փլուզում է օլիգարխիկ կոռուպցիոն համակարգն արդեն «վերեւից», ինչն այդ համակարգը դնում է «ազատ նավարկության» ռեժիմում, դրանից բխող հետեւանքներով:

Այս նշանային իրադարձությունները կարող են նախանշել օլիգարխիկ համակարգի ապամոնտաժման նոր ու վերջնական փուլը: