Sevan

[Vrej1915]

Ջրամբարների վերանորոգման ծրագիրը մինչ օրս թղթի վրա է

[Vrej1915]

Մարմարիկի ջրամբարի օգուտն ու վտանգը 19.11.2011

[Vrej1915]

ղվարդում ոռոգման ջրի խնդիր կա

[Vrej1915]

Ջրամբարների պակասը` լուրջ խնդիր 10.09.2011

[Vrej1915]

Ատոմային ռումբի ստեղծան առաջին աշխատանքները կատարվել են Սևանում

[Vrej1915]

Ջուրը կարող է իսկական զենք դառնալ Հայաստանի համար:

[Vrej1915]

[Vrej1915]

Կկառուցվի Կապսի ջրամբարը

[Vrej1915]

First stage of Kaps reservoir construction kicked off

04 oct, 2016

Site analysis of Kaps reservoir construction in Shirak region has kicked off. The reservoir construction works launched still back in 1980’s, however the project did not come to an end with the works being suspended in 1993. The main springs that provide water for the irrigation system do not function properly.

[Vrej1915]

Ի՞նչ ազդեցություն ունի Սևանա լճի վրա իշխանի պաշարների վերականգնման ծրագիրը, ԷկոԼուրի հարցումը


ԷկոԼուր

ԷկոԼուրը հարցում է ուղարկել Սևանի իշխանի պաշարների վերականգնման և ձկնաբուծության զարգացման հիմնադրամին` պարզելու, թե «Սևանա լճում իշխանի պաշարների վերականգնման և ձկնաբուծության զարգացման համալիր ծրագիրն ինչ ազդեցություն ունի Սևանա լճի վրա, և հիմնադրամը ինչ բնապահպանական միջոցառումներ է իրականացրել ծրագրի արդյունքում ստացված գումարներով: Հարցման մեջ նշված է.

«2014 թվականից սկսած բուռն կերպով կյանքի է կոչվում «Սևանա լճում իշխանի պաշարների վերականգնման և ձկնաբուծության զարգացման համալիր ծրագիրը»: Ծրագրի համաձայն` պետք է վերականգնվեն Սևանա լճում Գեղարքունի և ամառային իշխանի ձկնապաշարները և լուծվեն Սևանի բնապահպանական խնդիրները: Ըստ ծրագրի` տարեկան շուրջ 133 միլիոն դրամի միջոցներ են ձևավորվելու և ուղղվելու Սևանի իշխանի պաշարների վերականգնման և ձկնաբուծության զարգացման հիմնադրամ Սևանա լճի ավազանի խնդիրների լուծմանը:
ՀՀ կառավարությունը հսկայական գումարային նվիրատվություններ և արտոնություններ է տվել այս ծրագրի կյանքի կոչման համար: Փոխարենը 2016թ-ից պետությունն այլևս գումարներ չի տրամադրում Սևանա լիճ մանրաձուկ բաց թողնելու համար` այդ գործառույթը վերապահելով Սևանա լճում իշխանի պաշարների վերականգնման և ձկնաբուծության զարգացման համալիր ծրագրին:

Մյուս կողմից, «Սևանա լճում իշխանի պաշարների վերականգնման և ձկնաբուծության զարգացման համալիր ծրագիրն» իր հերթին կարող է բնապահպանական խնդիրներ առաջացնել Սևանա լճի էկոհամակարգի վրա: Ծրագրի բնապահպանական ռիսկերի մասին գրված է «Գեղարքունիքի մարզի Սևանա լճի Բերդկունք համայնքին հարող հատվածում «Սևան ակվա» ՓԲԸ կողմից նախատեսվող ցանցավանդակային տնտեսության շրջակա միջավայրի վրա ազդեցության նախնական գնահատման հայտ»-ում, որը փորձաքննություն է անցել 2017թ-ին:

Հայտում նշված ռիսկերից են`

• ձկների հիվանդությունների և մակաբույծների ինկուբացում և փոխանցում տնտեսություններում աճեցված ձկներից` ձկների վայրի հանրույթին

• ցանցավանդակային տնտեսություններից առաջացած օրգանական աղտոտում

• ցանցավանդակային տնտեսություններից առաջացած քիմիական աղտոտում

• գենետիկորեն տարբերվող ձկների փախուստ ցանցավանդակային տնտեսություններից և նրանց խաչասերում վայրի ձևերի հետ

• տնտեսություններում ձկան զանգվածային մահացում և հեռացում

• տնտեսությունների գործունեությունից առաջացած թափոններ:

Նույն հայտի համաձայն ձևավորվել է մոնիթորինգային խորհուրդ, որում ընդգրկվել են շահագրգիռ կառույցների փորձագետներ և ոլորտի՝ ի պաշտոնե և մասնագիտությամբ պատասխանատու անձինք, ովքեր իրականացնում են և վերահսկում մոնիթորինգային հետազոտությունները, վերլուծում են տնտեսություններից ստացված տվյալները, գնահատում Սևանա լճի էկոհամակարգի վրա ծրագրի ազդեցությունը, մշակում առաջարկություններ բացասական ազդեցության նվազեցման և կանխարգելման վերաբերյալ:

Այս կապակցությամբ «ԷկոԼուր» տեղեկատվական ՀԿ-ն հարցում է ուղարկել Սևանի իշխանի պաշարների վերականգնման և ձկնաբուծության զարգացման հիմնադրամի գործադիր տնօրեն Տիգրան Գևորգյանին՝ խնդրելով պատասխանել հետևյալ հարցերին.

1. «Սևանա լճում իշխանի պաշարների վերականգնման և ձկնաբուծության զարգացման համալիր ծրագրի» իրականացման ողջ ժամանակահատվածում Սևանի իշխանի պաշարների վերականգնման և ձկնաբուծության զարգացման հիմնադրամ որքա՞ն գումար է մուտք գործել և Սևանա լճի համար ի՞նչ բնապահպանական միջոցառումներ են իրականացվել:

2. Խնդրում ենք տրամադրել մոնիթորինգային խորհրդի իրականացրած հետազոտությունների արդյունքները` մասնավորապես ջրի որակի` աղտոտվածության, ձկների հիվանդացության վերաբերյալ: Եթե արդյունքները հրապարակված են, խնդրում ենք տրամադրել դրանց էլեկտրոնային հղումները:

3. Քանի՞ ցանցավանդակ է տեղադրված այժմ Սևանա լճում և քանի՞ տոննա ձուկ է պահվում նրանցում: 2018թ-ին նախատեսվում է ցանցավանդակների ավելացում, եթե` այո, ապա` որքա՞ն:

4. Իրականացվե՞լ է արդյոք ջրի որակի, աղտոտվածության և ձկների հիվանդությունների վերաբերյալ ուսումնասիրություն ծրագրի իրականացման ժամանակահատվածում: Եթե այո` խնդրում ենք ներկայացնել արդյունքները:

5. Ի՞նչ միջոցառումներ են ձեռնարկվում ցանցավանդակային տնտեսություններից առաջացող օրգանական և քիմիական աղտոտումը վերացնելու կամ կանխարգելելու համար:

6. Ձկների հիվանդացության դեպքերում ի՞նչ դեղորայքային բուժում է նախատեսված, արդյո՞ք այդ դեղորայքը պարունակում է հակաբիոտիկներ:

7. Արդյո՞ք գրանցվել են ցանցավանդակներից ձկների փախուստի դեպքեր և եթե այո, ապա որքան ձուկ է փախել:

8. 2017թ-ի ընթացում որքա՞ն մանրաձուկ է բաց թողնվել Սևանա լիճ:

9. Ի՞նչ կեր է տրվում ցանցավանդակներում պահվող ձկներին և քանի տոկոս է նրանց մեջ կազմում ազոտը և ֆոսֆորը:

10. Ի՞նչ փուլում է գտնվում «Սևանի իշխան» ՓԲԸ-ի կողմից սելեկցիոն տնտեսության կառուցումը, արդյո՞ք այս տնտեսությունում աճեցված մանրաձուկն է բաց թողնվելու Սևանա լիճ:



19:47 Փետրվար 05, 2018