Russians will manage, what they do best: turn their friends into enemies....

[Vrej1915]

Ռուսաստանը կաջակցի Բյուլբյուլօղլիի թեկնածությանը ՅՈՒՆԵՍԿՕ-ի տնօրենի պաշտոնում

• Lragir.am
• Քաղաքականություն - 04 Հոկտեմբերի 2017

ՅՈՒՆԵՍԿՕ-ում սկսում են գլխավոր տնօրենի ընտրություններ, թեկնածուներից մեկը Ռուսաստանում Ադրբեջանի դեսպան Փոլադ Բյուլբյուլօղլին է:



Ռուսաստանի արտաքին գործերի նախարարի տեղակալ Գենադի Գատիլովը հայտարարել է, որ Ռուսաստանը կաջակցի Բյուլբյուլօղլիի թեկնածությանը: Թեկնածուները 8-ն են:



Հետաքրքիր է ինչպես կքվեարկի Հայաստանը, որը միջազգային կառույցներում քվեարկում է այնպես, ինչպես Ռուսաստանը: Թե՞ ՅՈՒՆԵՍԿՕ-ում Հայաստանը կքվեարկի ազատ:



Ուշագրավ է, որ ներկայիս գլխավոր տնօրեն Իրինա Բոկովայի անունը կապվում է ադրբեջանական կոռուպցիոն սկանդալների հետ: Բուլղարիայի ԶԼՄ-ները գրում են, որ Սոֆիայի դատախազությունը հետաքննություն է սկսել նրա ամուսնու՝ ՎԶԵԲ-ում Բուլղարիայի ներկայացուցիչ Կալինա Միտրեւի դեմ, որին կասկածում են փողեր լվանալու եւ եկամուտները թաքցնելու մեջ:



OCCRP-ի տվյալներով, Միտրեւը ադրբեջանական Avuar Co ընկերությունից ստացել է 425 հազար եվրո:



Սեպտեմբերի 5-ին OCCRP-ը եվրոպական մի շարք ԶԼՄ-ներում հրապարակել է Ադրբեջանական լվացքատուն անունը ստացած հետաքննության տվյալները, որոնց համաձայն՝ Ադրբեջանը 2,5 միլիարդ եվրո է ծախսել եվրոպացի չինովնիկներին գնելու համար: ԵԽԽՎ-ն ստուգում է փաստերը:



Հիշեցնենք, որ ՅՈՒՆԵՍԿՕ-ի տնօրենի պաշտոնում Բոկովային ակտիվորեն աջակցել է Մեհրիբան Ալիեւան որպես ՅՈՒՆԵՍԿՕ-ի բարի կամքի դեսպան, այն դեպքում, երբ The European Center of Press and Media Freedom-ը պահանջում էր նրան զրկել այդ կոչումից, քանի որ Ադրբեջանը չի հարգում ՅՈՒՆԵՍԿՕ-ի իդեալներն ու նպատակները:



Ավելացնենք նաեւ, որ Ռուսաստանը ՅՈՒՆԵՍԿՕ-ի տնօրենի պաշտոնում պաշտպանում է մի երկրի ներկայացուցչի, որը ոչնչացնում է այլ ժողովուրդների եւ հատկապես հայերի հոգեւոր-մշակութային ժառանգությունը:

[Vrej1915]

ՀԱՊԿ-ին անդամակցելու պատճառները շատ են. ռազմաքաղաքական լրջագույն հարցերում Ռուսաստանը միշտ աջակցում է Հայաստանին. Վաղարշակ Հարությունյան (տեսանյութ)

http://www.tert.am/am/news/2017/10/0...shak-2/2498524
10:39 • 01.10.17



Պաշտպանության նախկին նախարար, գեներալ-մայոր Վաղարշակ Հարությունյանի խոսքով՝ ՀԱՊԿ-ի դեմ հիբրիդային պատերազմի ուղղություններից մեկն այն է, որ ներկայացվի՝ իբր թե այն չի կայացել, չի ներկայանում որպես միասնական կազմակերպություն:

Նա Tert.am-ի հետ զրույցում նկատեց, որ իրականում, անգամ մեր լրատվադաշտում նման տպավորություն ստեղծելու միտումներ կան: «Իսկ ՀԱԿՊ-ի ռազմական դոկտրինում է գրված է, որ արտաքին սպառնալիք պետք է համարել այն, երբ ուղղորդված աշխատանք է տարվում ռազմաքաղաքական դաշինքի փլուզման ուղղությամբ»,– ասաց նա:

Խոսելով ՀԱՊԿ-ի դերի մասին՝ Վաղարշակ Հարությունյանը մատնանշեց՝ դրա կազմավորման և մեր՝ ՀԱՊԿ-ին անդամակցելու պատճառները շատ են: «Դա թե՛ կադրերի պատրաստման, թե՛ մեր բանակի կայացման համար է: Եվ կա գլխավոր պատճառը՝ Հայաստանի դեմ ագրեսիան միասնական ձևով պետք է կանխվի»,- ասաց նա:

Նախկին պաշտպանության նախարարը նկատեց, որ օրինակ, Թուրքիան իր տնտեսական և ռազմական ներուժով շատ է գերազանցում Հայաստանի ներուժին: «Մեր ներուժը մեզ թույլ չի մեզ ապահովել մեր անվտանգությունը Թուրքիայի կողմից, դրա համար մենք ՀԱՊԿ-ում ենք, որ համատեղ պայքարենք»,- նշեց նա:

Անդրադառնալով քննարկումներին, թե երբեմն ՀԱՊԿ-ի զորավարժությունները համարվում են որպես ՆԱՏՕ-ի դեմ ուղղված զորավարժանքներ, նա պատասխանեց․ «Մեր համատեղ զորավարժությունների նպատակն է պատրաստել մեր համատեղ զորախումբը և կանխել թշնամու կողմից ագրեսիան, կանխել նրան, ով կհարձակվի Հայաստանի վրա, և այստեղ ՆԱՏՕ-ն որևէ կապ չունի»:

Դիտարկմանը, թե ՀԱՊԿ անդամ Ռուսաստանը ՆԱՏՕ-ին վաճառում է C-400 հակազենիթային հրթիռային համակարգեր, ինչպե՞ս կարող ենք մեզ անվտանգ զգալ այդ դեպքում, Վաղարշակ Հարությունյանը պատասխանեց․ «Դա անվտանգային խնդիրներ չի առաջացնում, որովհետև այստեղ այն զորամիավորումը, որ կա՝ ուղղված է ագրասիան կանխելու դեմ: Եթե Թուրքիան հարձակվի Հայաստանի վրա, ապա Ռուսաստանը, որպես ՀԱՊԿ-ի անդամ երկիր և ունենալով պայմանագիր Հայաստանի հետ, որտեղ գրված է, որ եթե հարձակում լինի Ռուսաստանի կամ իր դաշնակցի դեմ, միջուկային զենք կկիրառի, կկատարի իր պարտավորվածությունները: Իսկ Թուրքիան, գիտակցելով դա, կհասկանա, որ չունի այդ ներուժը, որ հարձակվի Հայաստանի վրա»:

Վաղարշակ Հարությունյանը նկատեց նաև, որ աշխարհում է ընդունված այդ ձևը, օրինակ՝ ԱՄՆ-ը զենք է վաճառում Թուրքիային և նաև Հունաստանին, որոնք գտնվում են միմյանց հետ հակամարտության մեջ: «Այնպես որ, դա չի կարելի դիտել որպես գործողություն Հայաստանի դեմ»,- ասաց նա:

Անդրադառնալով 2016թ․հոկտեմբերի 13-ին Երևանում ստորագրված «Հայաստանի Հանրապետության և Ռուսաստանի Դաշնության միջև ռազմատեխնիկական համագործակցության զարգացման մասին» համաձայնագրի մասին եղած քննարկումներին և մտահոգություններին, թե Ռուսաստանը վերահսկելու է Հայաստան մատակարարված զինատեսակները, Վաղարշակ Հարությունյանը նշեց, որ այդ խոսակցությունները պարունակում են հիբրիդային պատերազմի էլեմենտներ, որոնք ուղղված են «մեր հիմնական դաշնակցի դեմ»:

«Ո՞վ է մեր դաշնակիցը: Պատմության զարգացումն ու կյանքը ցույց է տվել մեզ, որ մեզ զենքով, զինամթերքով ապահովել է Ռուսաստանը: Կա՞ն հարցեր մեր հարաբերություններում․․․ կարող են լինել, բայց դրանք այն հարցերը չեն, որոնց պատճառով պետք է կասկածի տակ դնենք մեր հարաբերությունները: Միայն այն, որ Ռուսաստանը մեզ տվել է «Իսկանդեր», որը ոչ մի պետություն, բացի Ռուսաստանից, որ չունի, խոսում է այն մասին, որ ռազմաքաղաքական լրջագույն հարցերում Ռուսաստանը միշտ աջակցում է Հայաստանին»,- ասաց նա:


Մանրամասները տեսանյութում․

[Vrej1915]

Ռուսները էլ բան չմնաց , որ չանեն մեր երկրի գլխին

2017-09-30 06:14:39

Ռեժիսոր Հրանտ Վարդանյանը ֆեյսբուքյան իր էջում գրում է.

Մենք ու մենք...

Ռուսները էլ բան չմնաց , որ չանեն մեր երկրի գլխին:Ամեն կերպ հասկացնում են , որ վատն ենք, զոռբա ենք, (շանտաժիստ) ենք, միշտ պիտի ձեզ դավաճանենք ու ճնշենք:
Մի անգամ ,սրտանց չասեցինք, ռուս ախպեր` դուրս արի տանիցս, քեզ լավ չես պահում տանս մեջ, այ չաթլախ: Քիթդ ամեն տեղ մտցնում ես, ամեն բան սեփականացրել ես, թշնամուս զենք ես տալիս ու էշ, էշ էլ արդարանում: Երեխեքիս լեզուդ ես պարտադրում, որ քո լեզվով քեզ սիրեն, իսկ հարազատ հորը` ուզում ես, որ հեշտ ուրանան, որ գլխացավանք քիչ ունենաս: Քեզ համար կարևոր է, որ էժան ու կառավարելի լինեն տանս անդամները:
Ամեն անգամ տակդ լակած վիճակում , քամակիցդ բստրած մի նոր ճանապարհ ես մոգոնում ու նոր բան հրամայում նոքյարներիդ, որ անհասկանալի չափերի հասնող տարծքդ չփոքրանա հանկարծ: Քո ապրելակերպդ միայն ընդերքիդ հաշվին է եղել:Դարեր շարունակ իմպերիաիդ սահմանները մեծացրեցիր նամարդությամբ ու թաթարա-մոնղոլական բոլոր մեթոդները օգտագործելով: Տարբեր ցեղերի տաղանդաշատ մարդկային ռեսուրսը քեզանով անելով, դրանց ենիչերիներ դարձնելով ու ասիմիլացնելով կերտեցիր համբավդ մեծն արջի: Ամեն անգամ մատիցդ ծծած ուղի ես թելադուրում,ինքդ էլ չհասկանալով անելիքդ, որվհետև վստահ ես տիրապետությանդ ահռելի մեծության վրա:
Պատմությունը ցույց տվեց, որ քո նման հարբեցողի բոլոր ճանապարհները ողբերգական են ու կործանարար:
Էն , որ արյան ծով սարքեցիր, ու այդ ծովիդ համար մի էժանագին ու սուտ նավ կառուցեցիր սովետ անունով` դա էլ տեսանք , տեսանք թե ոնց հայտնվեցիր աշխարհից դուրս, որովհետև արունարբու հեղափոխություններդ սկսեցիր հաստատել ամեն տեղ ու ամեն տեղ քեզ սկսեցին ատել: Որ նավիցդ բոլորը փախչել են ուզում դա էլ է պարզ, որովհետև նավդ միայն արյան ծովերի է սովոր, որովհետև դու միշտ պիտի հարբած ու գազանացած երևաս, որովհետև քեզ կատաղած շան տեղ են պահում ուրիշներ:
Քո սահմանների ահռելի չափերում` երբեք մարդը կարևոր չեղավ,մարդուն ընդերքիդ նման նյութ համարեցիր և ինչ ասես արեցիր նրա հետ, անգամ կերար, երբ բողազդ ուտել ուզեց: Հաճարներդ՝ ցավից ու ողբից դրդված գրեցին,անմարդկային անբանությունն ու մարդկային դաժանությունը ստիպեց նրանց գոռալ, իսկ պալատական վերնախավիդ՝ եվրպական դասատուները կրթեցին:Երբեմն խղճանք ես առաջացնում , որովհետև բոլոր ժամանակներում միևնույնն է մնացիր գավառ, կտրված աշխարհից ու չորս բոլորդ թվացյալ ու իրական թշնամիներով շրջապատված:
Ափսոսում եմ , որ այնքան ենք այս շան հետ շնացել, այնքան ենք արժանապատիվ մարդու կերպարը կորցրել ու թուլացել, որ չենք կարողանում ինքներս դրա հախից գանք, ինքներս վռնդենք գազան շանը`որովհեև արդեն վաղուց նույնականացվել ենք:
Ափսոսում եմ , որ այսօր՝ մեր փոխարեն, ուրիշներն են մեզ ուզում ազատագրել, ուրիշները ավելի լավ են հասկացել մեր իրական տեղն ու դերը:Ափսոսում եմ ժամանակը, որ մեր միջի սուտիներ պատճառով մնացել ենք արջի բերանին նայող ...:
Որպես մարդ, որպես հայ` հպարտ եմ ու հիշում եմ , ոչ այնքան հեռու ութսունականներին, թե ինչքան ուժեղ էինք ու միասնական, որ դուրս էինք եկել սովետ կոչված հզոր մեքենայի դեմ:
Պատերազմը դեռ շարունակվում է, մեր թշնամին նորից սովետ կոչված, ռուսալղոզված, տարբեր ցեղերից բաղկացած ահռելի մեքենան է մնում: Մեզանից շատերը սեփական վախերի ու խաղիկների պատճառով դրանց եղբայր են ասում, ինչի պատճառով էլ այդ հիմարները՝ տանս մեջ շարունակում է իրենց տիրոջ պես պահել:
Մեկ անգամ պիտի արժանապատիվ մարդու նման, առանց վախերի, ամբողջ սրտով ու ոգով կարողանանք ասել՝ ռադ եղիր տնիցս , ես պարտական չեմ քեզ այ տուֆտա:
Դրանք՝ հենց մեր միջի ԽՈՅ-ը տեսնում են, հասկանում են , որ էլ կանգնողը չենք ու շան պես վախենում են դրանից:

[Vrej1915]

About Eurasian mascarade....
ԵԱՏՄ-ո՞ւմ, թե՞ ԵԱՏՄ-ից դուրս․ հարցի շուրջ բանավիճում են «Ելք»-ի և ՀՀԿ-ի պատգամավորները

Սեպտեմբեր 30, 2017

• Աննա Իսրայելյան

---

«Ազատության» «Տեսակետների խաչմերուկ»-ի հյուրերն են Գևորգ Գորգիսյանը և Շիրակ Թորոսյանը:

Հենց առաջին իսկ պահից, երբ «Ելք» խմբակցությունը շրջանառության մեջ դրեց «Հայաստանի մասով Եվրասիական տնտեսական միության (ԵԱՏՄ) պայմանագրի գործողությունը դադարեցնելու գործընթաց սկսելու վերաբերյալ» Ազգային ժողովի հայտարարության նախագծի մասին եզրակացություն ներկայացնելու համար խորհրդարանական ժամանակավոր հանձնաժողով ստեղծելու նախաձեռնությունը, խորհրդարանական մեծամասնությունը ժխտողական դիրքորոշում արտահայտեց: Այնպես որ, լիովին կանխատեսելի էր այն, որ Ազգային ժողովի արտաքին հարաբերությունների հանձնաժողովը բացասական եզրակացություն էր տալու այդ նախագծին: Սակայն առաջիկա երեքշաբթի օրը Ազգային ժողովը, այնուամենայնիվ, կքննարկի այս նախագիծը:

«Ազատության» «Տեսակետների խաչմերուկ» հաղորդաշարում այդ նախաձեռնության մասին են զրուցում Ազգային ժողովի ««Ելք» խմբակցության քարտուղար Գևորգ Գորգիսյանը և արտաքին հարաբերությունների խորհրդարանական մշտական հանձնաժողովի անդամ, Հանրապետական խմբակցության պատգամավոր Շիրակ Թորոսյանը:

Թորոսյանը հերքեց մեկնաբանությունները, ըստ որոնց՝ խորհրդարանական մեծամասնությունը ընդդիմացավ քննարկումներին, որովհետև հակափաստարկ չուներ, և Հայաստանի իշխանությունները ընդհանրապես վախենում են որևէ քննարկումից, գործընթացից, որը կապված է ԵԱՏՄ-ի հետ: «Իրականում այդպես չէ, բնականաբար, և այստեղ հակափաստարկի խնդիր ընդհանրապես ես չեմ տեսնում, որովհետև կարծում եմ, որ այս խնդիրը ինչ-որ տեղ արհեստական օրակարգ է, և չեմ կարծում, որ այսօր հանրային լուրջ ընկալում ունի խնդիրը, քանզի այն, ինչ առաջարկում է «Ելք»-ը, դա ամենևին չի մեկտեղվում այն քաղաքականության հետ և այն ընդհանրական շահերի հետ, որով առաջնորդվում է Հայաստանի Հանրապետությունը», - ասաց հանրապետական պատգամավորը՝ շարունակելով․ - «ԵԱՏՄ-ից դուրս գալու հարց այսօր մեր քաղաքական օրակարգում չի կարող լինել այն պարզ պատճառով, որ, նախ, ԵԱՏՄ-ն որպես տնտեսական տարածաշրջանային կառույց, համագործակցություն նոր է ձևավորվել, և այս կառույցի արդյունավետությունը և արձանագրվելիք հաջողությունները դեռ մենք վաղն ենք տեսնելու, չնայած կան հստակ թվեր, որոնք ցույց են տալիս, որ 2014 թվականի համեմատությամբ 15, հատկապես 16 թվականի և 17 թվականի առաջին յոթ ամիսների վիճակագրությունը համադրելով՝ տեսնում ենք, որ մենք բավականին լուրջ առաջընթաց ենք գրանցել և՛ առևտրաշրջանառության, ծավալային, տոկոսային և այլ առումներով, այդ թվում նաև՝ Եվրամիության երկրների հետ»:

Գորգիսյանը, մինչդեռ, հայտարարեց․ - «Մենք գտնում ենք, որ ԵԱՏՄ մտնելով՝ Հայաստանը զիջել է իր ինքնիշխանության շատ լուրջ կոմպոնենտներ և դրա դիմաց ոչինչ չի ստացել: Եվ ճիշտ էր, որպեսզի Հայաստանը շարունակեր եվրոինտեգրացիայի պրոցեսը՝ շատ պարզ մի քանի պատճառներով: Նախ, եթե տնտեսական տեսանկյունից ենք դիտարկում հարցը, Եվրամիության Ասոցացման պայմանագրից հրաժարվելով՝ մենք հրաժարվեցինք մի շուկայից, որը մոտ հինգ անգամ, չորս անգամ մեծ է ԵԱՏՄ շուկայից՝ այստեղ՝ 150, այնտեղ՝ 500 միլիոնանոց շուկա է, և համաշխարհային առևտրի ընդամենը 0․2 տոկոսն է կազմում ԵԱՏՄ-ում ապրանքաշրջանառությունը, և 20 տոկոսը, այսինքն՝ 40 անգամ ավել, Եվրամիության ապրանքաշրջանառությունը»:

«Որպեսզի զարգանան տնտեսական հարաբերությունները, առաջին հերթին պետք են ազատ մրցակցային պայմաններ: Մենք մրցունակ չենք ԵԱՏՄ շուկայում, ինչու՝ որովհետև Հայաստանին սպառողին գազը հասնում է ամենաթանկ գներով, Հայաստանում ցանկացած արտադրության մեջ 50-70 տոկոս է կազմում, ինքնարժեքում, գազի, էներգիայի սպառման գինը: Հետևաբար, մեր ցանկացած արտադրանքի արտահանման դեպքում մենք ունենալու ենք ոչ մրցունակ արժեքներ», - շարունակեց ընդդիմադիր պատգամավորը:

«Երեք տարի մենք այնտեղ [ԵԱՏՄ-ում] ենք, դուք մի բան չկարողացաք ասել, որ Հայաստանի Հանրապետության քաղաքացին շահեց էսինչ բանը, Հայաստանի Հանրապետության տնտեսությունը շահեց, ՀՆԱ-ն աճեց էսքան տոկոսով, արտաքին պարտքը նվազեց, տնտեսությունը աճեց՝ ոչ մի նման փաստարկ չկա, կա հակառակ փաստարկները՝ որ Հայաստանի ՀՆԱ-ն դոլարով նվազել է, տնտեսական աճը վերջին երեք տարիներին գնալով նվազում է, ակտիվությունը գնալով նվազում է տնտեսական», - ընդգծեց Գորգիսյանը:

«Խոսքը գնում է պետության և ժողովրդի համար առաջնային խնդրի մասին՝ դա ազգային անվտանգության խնդիրն է, այստեղ ինքնիշխանության և այլ տարրեր մտցնել և մանիպուլյացիա անել ճիշտ չէ», - հանրապետական պատգամավորի այս փաստարկին ընդդիմադիր խորհրդարանականը հակադարձեց․ - «Շատ կներեք, ինքնիշխանությունը հենց ազգային անվտանգության գլխավոր կոմպոնենտն է, եթե դու չունես ինքնիշխանություն, ի՞նչ անվտանգության մասին է խոսքը»:



Հաղորդումը ամբողջությամբ կարող եք դիտել այստեղ․

[Vrej1915]

Հայելու առաջ 02.09.2017 Հրանտ Վարդանյան

[Vrej1915]

Հայաստանը ստանձնել է Թուրքիայի դեմ Ռուսաստանի գործիքի դերը. Մանվել Սարգսյան

[Vrej1915]

ՌԴ Կրթության նախարարը տհաճ դրության մեջ դրեց իր հայ գործընկերոջը

• Lragir.am
• Հասարակություն - 28 Սեպտեմբերի 2017

Ռուսաստանի կրթության և գիտության նախարար Օլգա Վասիլևան հայտարարել է, որ անհնար է բոլոր դպրոցներում երկու օտար լեզուների ուսուցանումը: Այս մասին նա ասել է RT հեռուստաընկերությանը տված հարցազրույցում:



Նա նշել է, որ աշակերտները պետք է «լավ տիրապետեն օտար լեզվի, ցանկալի է՝ անգլերենի»: Վասիլևայի խոսքով, երկրորդ օտար լեզուն պետք է սովորել միայն ժամանակի, մասնագետների և երեխայի հնարավորությունների դեպքում:



Վասիլևան ասել է, որ գիտական հոդվածների մեծ մասը գրվում է անգլերենով: ՌԴ կրթության նախարարությունը մտադիր է մինչև 2022 թվականը մեկ օտար լեզուն պարտադիր դարձնել միասնական քննություն հանձնելիս:



«Մենք պետք է լավ իմանանք անգլերեն, դա միջազգային հաղորդակցության լեզուն է», ասել է Վասիլևան:



Հայաստանի կառավարությունը մտադիր է ընդունել ռուսերենի զարգացման առանձին հայեցակարգ: ՀՀ ԿԳ նախարար Լեւոն Մկրտչյանը, հիմնավորելով այդ հայեցակարգի անհրաժեշտությունը, մասնավորապես նշել էր հենց գիտական գրականության հանգամանքը, որն իբր ռուսերենով է:



Բացի այդ, մտադրություն կա ռուսերենը նաեւ պարտադիր դարձնել բուհի ընդունելությանը որպես երկրորդ օտար լեզու, այնինչ ՌԴ-ում կդարձնեն մեկը: Իսկ դպրոցներում էլ, ի տարբերություն Հայաստանի, կթողնեն մեկ օտար լեզու: Հայկական դպրոցներում անցնում են երկու օտար լեզու, այդ թվում ռուսերենը պարտադիր:



Օլգա Վասիլեւան վերջերս Հայաստանում էր, եւ այս հայտարարություններն արել է թերեւս այդ այցի տպավորության տակ: Միեւնույն ժամանակ, նա Հայաստանում ռուսական դպրոց է բացել, եւ չի բացառվում, որ շուտով ստիպեն հայերին միակ օտար լեզու թողնել ռուսերենը, իրենք անցնելով անգլերենի:

[Vrej1915]

Հայելու առաջ 23.09.2017 Անդրանիկ Միհրանյան

[Vrej1915]

Empire is back...... their children learn english and dream of Oxford or Harvard.... but ours must learn russian !!

[Vrej1915]

ՌԴ ԿԳ նախարարը շրջանցեց Վյաչեսլավ Վոլոդինի` աղմուկ հանած հայտարարությունը

Հասարակություն

25 Սեպտեմբերի 2017,

Այսօր Հայաստան է այցելել Ռուսաստանի կրթության և գիտության նախարար Օլգա Վասիլևան: Լրագրողները հետաքրքրվեցին նրանից, թե ինչ կարծիք ունի ՌԴ Պետդումայի խոսնակ Վյաչեսլավ Վոլոդինի այն հայտարարության վերաբերյալ, որ Հայաստանը պետական կարգավիճակ պետք է տա ռուսերենին: ԿԳ նախարարը, շրջանցելով բուն հարցի պատասխանը, նշեց, որ իր այցը Հայաստան բոլորովին այլ նպատակ ունի:

«Խնդիրն այն է, որ ես` որպես կրթության նախարար, այստեղ եմ` կյանքի կոչելու կրթությանն ու գիտությանը վերաբերող հարցեր, իմ ոլորտը բոլորովին այլ է»,- ասաց Վասիլևան` հավելելով, որ Հայաստանում իր առաքելությունը կրթության ոլորտում համագործակցությունն ու հարաբերությունների խորացումն է:

Ըստ նրա` իրենց շատ է հետաքրքրում նաև շախմատը հանրակրթական դպրոցներում որպես առարկա մտցնելու` մեր փորձը: Այն, ըստ նախարարի, մեր կրթական համակարգի հիանալի ավանդույթներից մեկն է, որն իրենց շատ է հետաքրքրում: